Aˇ dahˬ 7:16 - Akha

¹⁶ Noˇaˬ-ahˇ Miˬyehˇ dawˬ biꞈ taˬ-euˬ loꞈ-ehˇ, kʼaˇ dehꞈ kʼaˇ jawˇ-eu jeˬ dawˬ tawˆ luꞈ, aˬ yawꞈ jeˬ yawꞈ aˬ poeˇ aˬ ma aˇ gu baw baw-ehˇ, Noˇaˬ nehˬ-ehˇ saˇ baoˬ laꞈ kʼoeˇ uˇ leˇ jiˇ-euˬ meh. Kʼoeˇ ngeh, Sahˬpaˬ Miˬyehˇ saˇ baoˬ laˇ gʼoˆ piˬ tehˬ-euˬ meh.

Aˇ dahˬ 7:16 Σταυροειδείς Αναφορές

Aˇ dahˬ 7:15

Kʼaˇ dehꞈ kʼaˇ jawˇ-eu jeˬ dawˬ tawˆ luꞈ, tiˬ jeˬ-euˬ aˬ poeˇ aˬ ma tiˬ gu, Noˇaˬ nehˬ-ehˇ saˇ baoˬ laꞈ kʼoeˇ le uˇ jiˇ-euˬ meh.

Aˇ dahˬ 7:17

Oeˬ tseˇ nah keuˆ ni iˇ cuꞈ dahˬ daˆ laˇ ngeh, saˇ baoˬ jaˆ gaˇ keuˆ ni iˇ cuꞈ dahˬ keuˆ laˇ-awˇ, saˇ baoˬ kʼoeˇ laˇ-ahˇ bu diˇ-euˬ meh.

Aˇ dahˬ 7:5

Kʼoeˇ ngeh, Sahˬpaˬ Miˬyehˇ neh kʼaˇ ehˇ nehˬ-euˬ loꞈ-ehˇ Noˇaˬ mˇ-euˬ meh.

Aˇ dahˬ 7:9

Miˬyehˇ neh Noˇaˬ-ahˇ dawˬ biꞈ taˬ-euˬ loꞈ-ehˇ, Noˇaˬ nehˬ-ehˇ saˇ baoˬ laꞈ kʼoeˇ uˇ leˇ-euˬ meh.

Yawˇbaˆ 12:14

Miˬyehˇ neh laˆ pyaˆ-euˬ jeˬ-ahˇ aˬ suˇ gʼaˬ laˆ muiˬ nya-awˇ, Miˬyehˇ neh paꞈ tawꞈ-euˬ gʼaˬ-ahˇ aˬ suˇ gʼaˬ puiˇ pyehˬ nya nmˇ.

Jaceuq 46:2

Kʼoeˇ miˇ neh miˇ tsaˬ tahˬ kʼawˇ nyeh laˇ-awˇ, gawˬ jawˬ deuˬ iˬ ma laˆ shaˆ dawˬ dah byaˆ ahˇ jiˇ kʼawꞈ nga maꞈ maˬ guˆ.

Dawqdaq 3:23

Nawˬ-euˬ gaˇ ma-ahˇ nawˇ nui saˇ oꞈ-eu laꞈ kʼoeˇ ya cah-awˇ, sahˬ tiꞈ tiꞈ kʼaˇ maˬ za-aˇ.

Maꞈtehˬ 25:10

Kʼoeˇ ngeh, aˬ buˇ zaˬ guˬ yaw laiꞈ kʼoeˇ deuˬ tsiˇ zeuˇ-eu lehˇ doˆ-iˇ-euˬ meh. Aˬ yawꞈ maꞈ iˇ dzeuˇ ngeh, miˬ zaˬ sheuˬ le-eu gʼaˬ oe keuˆ-euˬ meh. Lehˬ hmˬ dah taˬ-euˬ aˬ buˇ zaˬ guˬ kʼoeˇ ngaˬ gʼaˬ-aˬ, aˬ yawꞈ nehˬ-ehˇ oeˇ mˇ baˇ-eu bawˬ-iˬ gʼeh gaˇ uˇ leˇ-euˬ meh. Kʼoeˇ naˇ, laˇ gʼoˆ piˬ tehˬ-euˬ meh.

Luˇkaꞈ 13:25

Nymˇ sahˇ gʼaˬ tuˇ le-awˇ laˇ gʼoˆ piˬ tehˬ shaw naˇ, naw maꞈ laꞈ nyiˇ paw yawꞈ-awˇ, laˇ gʼoˆ-ahˇ kʼoˆ kʼoˆ-ehˇ, ‘Sahˬpaˬ-oˇ, laˇ gʼoˆ pah nehˬ laꞈ sheˇ’ lehˇ ehˇ ehˇ-ehˇ ya shaˬ tehꞈ-a. Kʼoeˇ ngeh, ‘Naw maꞈ aˬ gaˇ jawˇ-eu oe-euˬ ngaˇ maˬ siˬ’ lehˇ, aˬ yawꞈ ehˇ tehꞈ-a.

Dawˬmehˬ 33:27

Miˬyehˇ naw maꞈ-ahˇ aˬ myah luꞈ, ceh piˇ loꞈ piˇ bo saˆ luꞈ meh. Yawꞈ-euˬ yaˇ ziˇ ziꞈ-eu aˬ laꞈ, naw maꞈ-ahˇ caw ba luꞈ-eu meh. Naw maꞈ le-eu gaˇ ma mehˬ shi, muiˇ-eu deuˬ-ahˇ teh dzeh jiˇ-awˇ, dawˬ tawˆ luꞈ-ahˇ laˆ cawˆ-awˬ lehˇ, naw maꞈ-ahˇ aˬ yawꞈ ehˇ-eu meh.

1 Beˬtuˆluˆ 1:5

Laꞈ sawˬ kʼoeˇ-aˬ, naw maꞈ-euˬ gʼaˇ duˬ pyeuꞈ-eu meh. Aˬ jeˬ miˇ neh ehˇ naˇ, naw maꞈ Ka li-ahˇ jah-eu tsawˇ haˬ pyeuꞈ-eu miˇ neh, aˇ saˬ saˬ-eu aˇ nah aˇ yamˬ-ahˇ pah mehˬ-eu lehˇ lehˬ hmˬ taˬ-euˬ ka kʼoꞈ-eu jeˬ-ahˇ za nya ni, Miˬyehˇ-euˬ baoˬ neh haw lahˇ taˬ-euˬ tsawˇ haˬ pyeuꞈ-eu meh.