Aˇ dahˬ 7:1 - Akha

¹ Noˇaˬ-ahˇ Sahˬpaˬ Miˬyehˇ ehˇ nehˬ-eu, “Nawˬ-euˬ nymˇ kʼahˬ zaˬ dawˬ tawˆ luꞈ sheuˬ-awˇ, saˇ baoˬ laꞈ kʼoeˇ uˇ leˇ-awˬ. Miˇ tsaˬ heu kʼoeˇ taˆ yaw tsaˬ yaw dawˇ jeˬ mˇ-eu tsawˇ haˬ nawˇ tiˬ gʼaˬ jawˇ-eu tehꞈ meh lehˇ ngaˇ siˬ duˬ ma.

Aˇ dahˬ 7:1 Σταυροειδείς Αναφορές

Aˇ dahˬ 6:18

Ehˇ kʼawꞈ, nawˬ nehˬ-ehˇ ngaˇ saˇ jaˇ dzaˬ ma. Nawˬ-euˬ miˬ zaˬ, nawˬ-euˬ aˬ li deuˬ hawˇ-eu, nawˬ-euˬ kuiˬ ma deuˬ nehˬ-ehˇ saˇ baoˬ laꞈ kʼoeˇ uˇ leˇ-awˬ.

Aˇ dahˬ 6:9

Heu-aˬ, Noˇaˬ-euˬ gaˇ kawˆ pyeuꞈ-eu meh. Aˬ yawꞈ-aˬ, Sheˬmaˆ, Haˬmaˇ, Yaˬpahˇ lehˇ myahˇ-euˬ aˬ li smˬ li jawˇ-eu meh. Noˇaˬ-euˬ ziˇ-ahˇ, miˇ tsaˬ kʼoeˇ taˆ iˬ baˇ maˬ mˇ-ehˇ dawˇ coe ni dehꞈ-euˬ tsawˇ haˬ Noˇaˬ tiˬ gʼaˬ jawˇ-eu tehꞈ meh. Aˬ yawꞈ-aˬ, Miˬyehˇ-ahˇ cawˬ cawˬ taꞈ-awˇ dehꞈ-euˬ meh.

Aˇ dahˬ 7:13

Kʼoeˇ ngeh nah-ahˇ, Noˇaˬ hawˇ-eu aˬ yawꞈ-euˬ miˬ zaˬ maˬ ehˇ, aˬ yawꞈ-euˬ aˬ li Sheˬmaˆ, Haˬmaˇ, Yaˬpahˇ hawˇ-eu aˬ yawꞈ-euˬ kuiˬ ma deuˬ maˬ ehˇ, saˇ baoˬ laꞈ kʼoeˇ uˇ leˇ-euˬ meh.

Aˇ dahˬ 7:7

Aˬ yawꞈ hawˇ-eu aˬ yawꞈ-euˬ miˬ zaˬ maˬ ehˇ, aˬ yawꞈ-euˬ aˬ li deuˬ hawˇ-eu kuiˬ ma deuˬ maˬ ehˇ, iˇ cuꞈ dahˬ pymˬ gaˇ ya buˬ ya law-iˇ ni, saˇ baoˬ laꞈ kʼoeˇ uˇ leˇ-euˬ meh.

2 Saˬmeuˬlaˆ 22:24

Aˬ yawꞈ mehˬ shi ngaˇ dehꞈ-eu jeˬ, iˬ baˇ taˬ kʼaˇ maˬ bi za-ehˇ, yaw lehˬ jeˬ-ahˇ ma ya mˇ ni, ngaˬ-euˬ gʼawˇ mawˇ yahˇ luꞈ-eu ma.

Dawqdaq 10:9

Yaw sui yaw dawˇ deuˬ kʼahˬ lahˇ kʼaˇ maˬ za-a. Ehˇ kʼawꞈ dehꞈ bahˬ dehꞈ lahˇ-eu deuˬ dzuˇ zaꞈ kʼaˇ maˬ za-a.

Dawqdaq 14:26

Sahˬpaˬ Miˬyehˇ-ahˇ guˆ-eu jeˬ-aˬ, nymˇ tsoˆ ziꞈ gaˇ duˇ-awˇ, zaˬ ziˇ keuˆ ni gmˬ-eu meh.

Dawqdaq 18:10

Sahˬpaˬ Miˬyehˇ tsawˇ myahˇ ziꞈ-eu lo guˇ, tsawˇ muiˬ deuˬ-euˬ cehˆ zaꞈ duˬ meh.

Yeˬsaˬgeˬlaˇ 14:14

Noˇaˬ, Daˬneˬlaˇ hawˇ-eu Yawˇbaˆ aˬ ha smˇ gʼaˬ paˇ dehꞈ law hawˇ kʼawꞈ, aˬ yawꞈ ha neh mˇ-euˬ yaw muiˬ jeˬ baˬ da neh, aˬ yawꞈ ha smˇ gʼaˬ-ahˇ maˬ ngeuˇ naˇ, aˬ cawˬ-ahˇ maˬ ka kʼoꞈ nehˬ nya-aˇ” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Zeˬpaˬniˇ 2:3

Sahˬpaˬ Miˬyehˇ dawˬ naˇ haˬ-awˇ, nui nahˬ nui yu ahˇ-eu deuˬ-oˇ, Sahˬpaˬ Miˬyehˇ-ahˇ shaˇ caw-awˬ. Yaw tsaˬ yaw dawˇ jeˬ-ahˇ poˆ-awˬ. Nui nahˬ nui yu ahˇ-awˇ dehꞈ-awˬ. Sahˬpaˬ Miˬyehˇ nui ma pehˇ gaˇ, nawˇ ya buˬ-iˇ-eu baw tehꞈ-a.

Luˇkaꞈ 1:6

Nyiˬ dzeˇ zaˬ luꞈ Miˬyehˇ mehˬ shi dawˇ coe ni dehꞈ-awˇ, SahˬpaˬMiˬyehˇ-euˬ zahˇ dawˬ kʼoꞈ dawˬ hawˇ-eu zahˇ sahˇ kʼoꞈ dawˬ tawˆ luꞈ-ahˇ caw teh-eu meh.

Luˇkaꞈ 17:26

Noˇaˬ-euˬ ziˇ-ahˇ keuˆ le-euˬ jeˬ, Tsawˇhaˬ-euˬ Zaˬmaˇ-euˬ aˇ nah-ahˇ paˇ keuˆ le tehꞈ-a.

Gʼaˬkʼehˇ 2:39

Aˬ jeˬ miˇ neh ehˇ naˇ, Muiˬ-eu shawˇ-eu Yaw sahˇ Miˬyehˇ biꞈ ma lehˇ Miˬyehˇ neh saˇ jaˇ dzaˬ taˬ-euˬ kʼoeˇ-aˬ, naw maꞈ hawˇ-eu naw maꞈ-euˬ zaˬ deuˬ-ahˇ dzaˬ taˬ-euˬ saˇ jaˇ pyeuꞈ-eu meh. Kʼoeˇ uˬ taꞈ, gaˇ mahˇ kaˬ gaˇ jawˇ-eu tsawˇ haˬ dawˬ tawˆ luꞈ hawˇ-eu aˬ dui-euˬ Miˬyehˇ pyeuꞈ-eu SahˬpaˬMiˬyehˇ neh aˬ yawꞈ jawˇ gaˇ kʼaˇ kuˇ taˬ-euˬ deuˬ dawˬ tawˆ luꞈ-ahˇ dzaˬ-euˬ saˇ jaˇ kʼawꞈ pyeuꞈ-eu meh.”

HeˬByehˇ 11:7

Mehˬ hu paw pyeuꞈ laˇ-eu lehˇ gʼeh-eu maˬ ya mawˇ-eu gaˇ kawˆ deuˬ-ahˇ yahˇ-awˇ dehꞈ-eu gʼaˇ duˬ, Miˬyehˇ Noˇaˬ-ahˇ dawˬ biꞈ ngeh Noˇaˬ naˇ haˬ geuꞈ-euˬ kʼoeˇ-aˬ, jah-eu jeˬ baˬ da neh meh. Miˬyehˇ-euˬ ehˇ dawˬ-ahˇ aˬ yawꞈ naˇ haˬ-eu laꞈ kʼoeˇ, aˬ yawꞈ hawˇ-eu aˬ yawꞈ-euˬ nymˇ kʼahˬ zaˬ deuˬ ya buˬ-iˇ ni saˇ baoˬ tiˬ laˇ tsoˆ-euˬ meh. Kʼoeˇ loꞈ-ehˇ mˇ-eu laꞈ kʼoeˇ, Miˬyehˇ-ahˇ byehˇ dzeh-euˬ tsawˇ haˬ kʼoeˇ deuˬ-ahˇ aˬ yawꞈ gʼawˬ tsehˆ tsehˆ-awˇ, jah-eu baˬ da neh Miˬyehˇ-euˬ yaw tsaˬ yaw dawˇ jeˬ-ahˇ aˬ yawꞈ za-euˬ meh.;

1 Beˬtuˆluˆ 3:20

Bi ka lahˇ taˬ-euˬ saꞈ laˇ kʼoeˇ deuˬ-aˬ, Noˇaˬ saˇ baoˬ jahˇ-euˬ ziˇ kʼoeˇ ziˇ-ahˇ Miˬyehˇ nui ma gʼawˬ mahˇ ni taˬ-awˇ dawˬ-euˬ kʼawꞈ, Miˬyehˇ-euˬ ehˇ dawˬ maˬ naˇ haˬ-euˬ tsawˇ haˬ kʼoeˇ deuˬ-euˬ saꞈ laˇ deuˬ meh. Saˇ baoˬ laꞈ kʼoeˇ uˇ leˇ-euˬ tsawˇ haˬ yehꞈ gʼaˬ tehꞈ-ehˇ Miˬyehˇ neh iˇ cuꞈ-ahˇ bi buˬ-iˇ-euˬ meh.