Aˇ dahˬ 6:8 - Akha

⁸ Ehˇ kʼawꞈ, Noˇaˬ gʼaˬ-ahˇ-aˬ, Sahˬpaˬ Miˬyehˇ nui kʼahˇ shiˇ-eu meh.

Aˇ dahˬ 6:8 Σταυροειδείς Αναφορές

Aˇ dahˬ 19:19

Naw maꞈ ngaˬ-ahˇ gʼawˬ shaˬ gaˬ dui dui-eu miˇ neh heu loꞈ-ehˇ bi buˬ-iˇ laꞈ-eu meh lehˇ ngaˇ siˬ nya ma. Ehˇ kʼawꞈ, gawˬ jawˬ kʼoeˇ jawˬ aˇ dzehˬ-ehˇ kaˬ dzeuˇ-eu miˇ neh, kʼoeˇ gaˇ maˬ cehˆ keuˆ mi naˆ-ehˇ, laˆ luˬ laˆ seˇ-eu jeˬ ngaˬ-euˬ kʼoeˇ taˆ keuˆ le-eu ngaˇ.

Jaceuq 145:20

Aˬ yawꞈ-ahˇ kʼaˇ gaˬ-eu tsawˇ haˬ-ahˇ aˬ yawꞈ haw piˇ-eu meh. Ehˇ kʼawꞈ, huiˬ-eu tsawˇ haˬ deuˬ-ahˇ aˬ yawꞈ laˆ luˬ laˆ seˇ nehˬ tehꞈ-a.

Jaceuq 84:11

Sahˬpaˬ Miˬyehˇ-aˬ, nga maꞈ-ahˇ haw piˇ-eu yaw shehꞈ kʼahˬ sehˇ muiˬ-eu sahˬ paˬ meh. Nga maꞈ-ahˇ gʼawˬ shaˬ gaˬ-awˇ ciˬ huiˬ ciˬ mahˇ nehˬ laꞈ-eu meh. Yaw tsaˬ yaw dawˇ jeˬ mˇ-eu tsawˇ haˬ deuˬ kʼoeˇ taˆ, muiˬ-eu guiˬ lahˬ tiˬ hmˬ-iˬ maˬ bi dzeuˇ-iˇ ni bi keuˆ le-eu meh.

Dawqdaq 12:2

Tsawˇ muiˬ-ahˇ Sahˬpaˬ Miˬyehˇ nui kʼahˇ shiˇ-awˇ, yaw haiˬ jeˬ toˆ-eu tsawˇ doeˇ-ahˇ aˬ yawꞈ bye-eu meh.

Dawqdaq 3:4

Nawˇ kʼoeˇ loꞈ-ehˇ jahˇ naˇ, Miˬyehˇ nawˬ-ahˇ nui kʼahˇ shiˇ-awˇ, tsawˇ haˬ zaˬ nawˬ-ahˇ nui ma tsaˬ tehꞈ-a.

Dawqdaq 8:35

Ngaˬ-ahˇ mawˇ-euˬ tsawˇ haˬ dehꞈ-eu saꞈ laˇ mawˇ-awˇ, aˬ yawꞈ-ahˇ Sahˬpaˬ Miˬyehˇ nui kʼahˇ shiˇ tehꞈ-a.

Yeˬlaˬmiˇ 31:2

Sahˬpaˬ Miˬyehˇ heu loꞈ-ehˇ ehˇ-eu meh. “Mi zaˬ mi cehˇ uˬ moˆ dzeuˇ-iˇ-euˬ deuˬ, bawˇ tsahˬ bawˇ dahˇ laꞈ kʼoeˇ ngaˇ gʼawˬ shaˬ gaˬ nehˬ ma. Iˇsaˬleˬlaˆ tsawˇ haˬ deuˬ-ahˇ nui saˇ oꞈ-eu jeˬ biꞈ le ma.”

Yeˬsaˬgeˬlaˇ 14:14

Noˇaˬ, Daˬneˬlaˇ hawˇ-eu Yawˇbaˆ aˬ ha smˇ gʼaˬ paˇ dehꞈ law hawˇ kʼawꞈ, aˬ yawꞈ ha neh mˇ-euˬ yaw muiˬ jeˬ baˬ da neh, aˬ yawꞈ ha smˇ gʼaˬ-ahˇ maˬ ngeuˇ naˇ, aˬ cawˬ-ahˇ maˬ ka kʼoꞈ nehˬ nya-aˇ” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Maꞈtehˬ 24:37

Tsawˇhaˬ-euˬ Zaˬmaˇ zaꞈ le-eu-aˬ, Noˇaˬ-euˬ ziˇ-ahˇ keuˆ le-euˬ jeˬ-ahˇ duˇ tehꞈ-a.

Luˇkaꞈ 1:30

Mˬ taˆ gʼaˬ kʼehˇ kʼoeˇ gʼaˬ aˬ yawꞈ-ahˇ ehˇ-eu, “Maˬliˇ-oˇ, taˬ guˆ. Miˬyehˇ nawˬ-ahˇ gʼawˬ shaˬ gaˬ luꞈ meh.

Luˇkaꞈ 17:26

Noˇaˬ-euˬ ziˇ-ahˇ keuˆ le-euˬ jeˬ, Tsawˇhaˬ-euˬ Zaˬmaˇ-euˬ aˇ nah-ahˇ paˇ keuˆ le tehꞈ-a.

Gʼaˬkʼehˇ 7:46

Daˬbiˇ-aˬ, Miˬyehˇ nui ma tsaˬ-eu tsawˇ haˬ tiˬ gʼaˬ pyeuꞈ-awˇ, Yaˬkoˆ-euˬ Miˬyehˇ bi jawˇ-eu gʼaˇ duˬ aˬ yawꞈ jawˇ duˬ tiˬ tsahˇ tsoˆ-eu aˬ kawˬ-aˬ biꞈ laꞈ lehˇ, Miˬyehˇ-ahˇ shaˇ-euˬ meh.

Lormav 11:6

Tseˇ doˆ-euˬ kʼoeˇ-aˬ, aˬ yawꞈ gʼawˬ shaˬ gaˬ-eu baˬ da neh meh. Aˬ yawꞈ maꞈ neh mˇ-euˬ gaˇ baˬ da neh maˬ ngeuˇ-a. Tsawˇ haˬ zaˬ neh mˇ-euˬ gaˇ baˬ da neh tseˇ doˆ-euˬ ngeuˇ naˇ, aˬ yawꞈ gʼawˬ shaˬ gaˬ-eu jeˬ-aˬ, maˇ maˇ ni gʼeh-eu gʼawˬ shaˬ gaˬ-eu jeˬ maˬ ngeuˇ-a.

Lormav 4:4

Gaˇ mˇ-eu tsawˇ haˬ-aˬ, gʼaˬ gaˇ poeˬ za-eu meh. Kʼoeˇ-aˬ, laꞈ sawˬ za-euˬ lehˇ maˬ sawˇ nya-a. Aˬ yawꞈ neh mˇ za-euˬ jeˬ pyeuꞈ-eu meh.

1 Gawˇliˬtu 15:10

Ehˇ kʼawꞈ, Miˬyehˇ-euˬ guiˬ lahˬ baˬ da neh iˬ nah ngaˇ heu loꞈ-ehˇ ya pyeuꞈ laˇ-awˇ, aˬ yawꞈ neh ngaˬ-ahˇ biꞈ leꞈ-euˬ guiˬ lahˬ-aˬ, yawꞈ ngehꞈ maˬ ngeuˇ-a. Ehˇ kʼawꞈ, gʼaˬ kʼehˇ nui deuˬ naˆ maˬ tseˇ ngaˇ gaˇ mˇ-eu leh jeh dzehˬ-euˬ ma. Kʼoeˇ loꞈ-ehˇ mˇ-eu kʼoeˇ-aˬ, yawˬ haˇ yawˬ ha mˇ-eu maˬ ngeuˇ. Miˬyehˇ-euˬ guiˬ lahˬ ngaˬ nehˬ-ehˇ mˇ luꞈ-eu meh.

Gaˬlaˬtiˆ 1:15

Ehˇ kʼawꞈ, ngaˇ maˬ dehꞈ doˆ le mi naˆ-ehˇ Miˬyehˇ gʼawˬ shaˬ gaˬ-eu jeˬ neh ngaˬ-ahˇ tseˇ doˆ gʼaˬ-awˇ, aˬ yawꞈ-euˬ gaˇ bi mˇ-eu gʼaˇ duˬ ngaˬ-ahˇ kuˇ-euˬ meh.

2 Tiˆmoˇseˬ 1:18

Aˇ nah kʼoeˇ nah keuˆ le ngeh, Sahˬpaˬ Yeˬsuˇ aˬ yawꞈ-ahˇ gʼawˬ shaˬ gaˬ nehˬ luꞈ-uˇ. Ngaˇ Eˇpeˇsu meuˬ-ahˇ jawˇ luꞈ ngeh, aˬ yawꞈ ngaˬ-ahˇ aˇ naˆ ni caw ba nehˬ laꞈ-euˬ nawˇ siˬ nya meh.

Tiˇtuˆ 2:11

Aˬ jeˬ miˇ neh ehˇ naˇ, tsawˇ haˬ zaˬ dawˬ tawˆ luꞈ-ahˇ ka kʼoꞈ-eu gʼaˇ duˬ, Miˬyehˇ aˬ yawꞈ-euˬ guiˬ lahˬ yaw dzahˇ pah mehˬ laꞈ-euˬ meh.

Tiˇtuˆ 3:7

Miˬyehˇ-euˬ guiˬ lahˬ yaw dzahˇ baˬ da neh, aˬ dui Miˬyehˇ-ahˇ tsaˬ leˇ tsahˇ leˇ-awˇ, aˬ dui noeˬ tmˬ taˬ-euˬ mˬ maˬ maˬ byaˆ zaˇ ziˇ dehꞈ-eu jeˬ-ahˇ za nya ni, kʼoeˇ loꞈ-ehˇ shehˆ daˆ nehˬ laꞈ-euˬ jeˬ pyeuꞈ-eu meh.

HeˬByehˇ 4:16

Aˬ dui nui ma ziꞈ dah ni taˬ-awˇ guiˬ lahˬ yaw dzahˇ tiˬ byah ni jaˆ-eu Miˬyehˇ-euˬ dzoeˬ dzaˬ nuiˇ mahˬ mehˬ shi jiˆ uˇ leˇ kaˇ-euˇ. Kʼoeˇ gaˇ, aˬ dui kʼaˇ loˬ ngeh caw ba nehˬ laꞈ-eu gʼawˬ shaˬ gaˬ nehˬ laꞈ-eu jeˬ-ahˇ aˬ dui za-awˇ, guiˬ lahˬ yaw dzahˇ-ahˇ ya mawˇ tehꞈ-a.

1 Beˬtuˆluˆ 3:20

Bi ka lahˇ taˬ-euˬ saꞈ laˇ kʼoeˇ deuˬ-aˬ, Noˇaˬ saˇ baoˬ jahˇ-euˬ ziˇ kʼoeˇ ziˇ-ahˇ Miˬyehˇ nui ma gʼawˬ mahˇ ni taˬ-awˇ dawˬ-euˬ kʼawꞈ, Miˬyehˇ-euˬ ehˇ dawˬ maˬ naˇ haˬ-euˬ tsawˇ haˬ kʼoeˇ deuˬ-euˬ saꞈ laˇ deuˬ meh. Saˇ baoˬ laꞈ kʼoeˇ uˇ leˇ-euˬ tsawˇ haˬ yehꞈ gʼaˬ tehꞈ-ehˇ Miˬyehˇ neh iˇ cuꞈ-ahˇ bi buˬ-iˇ-euˬ meh.

2 Beˬtuˆluˆ 2:5

Aˇ hu ba miˇ tsaˬ kʼoeˇ taˆ dehꞈ-eu deuˬ-ahˇ kʼawꞈ, Miˬyehˇ maˬ taˬ nehˬ-ehˇ, Miˬyehˇ-ahˇ yaw zeu maˬ baw-eu tsawˇ haˬ deuˬ-ahˇ iˇ cuꞈ bi dahˬ pymˬ-euˬ meh. Yaw tsaˬ yaw dawˇ jeˬ mehˬ-eu gʼaˬ pyeuꞈ-eu Noˇaˬ hawˇ-eu tsawˇ haˬ shiꞈ gʼaˬ-ahˇ tehꞈ-ehˇ aˬ yawꞈ ka kʼoꞈ-euˬ meh.