Aˇ dahˬ 50:15 - Akha

¹⁵ Aˬ yawꞈ ha mehˇ nmˇ-euˬ aˬ da shiˇ dzeuˇ ngeh jawˇ, “Aˬ dui mehˇ nmˇ-ahˇ Yoˇsehˆ iˬ nah keuˆ ni bye-awˇ, aˬ dui maꞈ neh aˬ yawꞈ-ahˇ jahˇ nehˬ-euˬ loꞈ-ehˇ paˇ jahˇ kʼoꞈ nehˬ laꞈ naˇ, aˬ dui mehˇ nmˇ aˬ joˆ-ehˇ jahˇ nmˇ” lehˇ, Yoˇsehˆ-euˬ aˇ doˆ deuˬ bawˬ dzaˬ-euˬ meh.

Aˇ dahˬ 50:15 Σταυροειδείς Αναφορές

Aˇ dahˬ 37:18

Gaˇ mahˇ kaˬ gaˇ aˬ yawꞈ oe luꞈ ngeh neh, aˬ yawꞈ-euˬ aˇ doˆ deuˬ aˬ yawꞈ-ahˇ mawˇ-awˇ, aˬ yawꞈ maˬ oe keuˆ mi naˆ-ehˇ, aˬ yawꞈ-ahˇ sehꞈ-eu lehˇ bawˬ dzaˬ taˬ-euˬ meh.

Aˇ dahˬ 37:28

Kʼoeˇ naˇ, Miˇdiˬyaˬ tsawˇ haˬ baw gaꞈ deuˬ dawˬ peh oe keuˆ ngeh, aˬ ha mehˇ nmˇ Yoˇsehˆ-ahˇ lah duˬ laꞈ kʼoeˇ neh gʼeu doˆ-awˇ, Iˇshaˬmeˬlaˇ baw gaꞈ deuˬ-ahˇ ahˬ nehˬ-euˬ meh. Baw gaꞈ kʼoeˇ deuˬ aˬ yawꞈ maꞈ-ahˇ pyuˇ mehˇ byaˆ nyiˬ tseˇ byaˆ biꞈ-awˇ, Yoˇsehˆ-ahˇ zeuˇ-awˇ, Iˇjiˇtuˆ miˇ kʼahˬ-ahˇ sheuˬ gʼeh-euˬ meh.

Aˇ dahˬ 42:17

Kʼoeˇ naˇ, Yoˇsehˆ neh aˬ ha mehˇ nmˇ-ahˇ smˬ nah keuˆ ni paꞈ kuˆ laꞈ kʼoeˇ paꞈ ahˇ-awˇ bi jawˇ-euˬ meh.

Aˇ dahˬ 50:14

Yaˬkoˆ-ahˇ baꞈ pahˬ gʼaˬ ngeh jawˇ, aˬ yawꞈ-euˬ mehˇ nmˇ deuˬ hawˇ-eu, aˬ yawꞈ-euˬ aˬ da-ahˇ baꞈ pahˬ laˇ-euˬ tsawˇ haˬ deuˬ nehˬ-ehˇ tiˬ kawˆ loꞈ-ehˇ, Iˇjiˇtuˆ miˇ kʼahˬ-ahˇ Yoˇsehˆ gʼoꞈ ka-iˇ-euˬ meh.

Aˇ dahˬ 50:16

Kʼoeˇ miˇ neh, Yoˇsehˆ-ahˇ heu loꞈ-ehˇ bi tsaꞈ gaˬ-iˇ-euˬ meh. “Aˬ dui mehˇ nmˇ-euˬ aˬ da maˬ shiˇ mi naˆ-ehˇ, nawˬ-ahˇ heu loꞈ-ehˇ ehˇ taˬ yaꞈ-euˬ meh.

Jaceuq 14:5

Aˬyawꞈmaꞈtsawˬguˆ-iˇtehꞈ-a. Aˬjeˬmiˇneh nga lehˇehˇnaˇ, yawꞈdawˬgaˬ-eu tsawˇhaˬdeuˬ-ahˇ, SahˬpaˬMiˬyehˇmaˬbyehˇdzeh-a.

Jaceuq 53:5

Aˬ yawꞈ-euˬ tsawˇ haˬ-ahˇ muiˇ-eu deuˬ-euˬ shaˬ yoeˬ-ahˇ, Miˬyehˇ ngawˬ kʼehꞈ ngawˬ kʼoeˆ-awˇ byaˆ dzeh ngeh, tiˬ jawˇ-iˬ maˬ puˬ maˬ mawˇ haw-euˬ guˆ-eu gaˆ-eu jeˬ, aˬ yawꞈ maꞈ tahˬ puˬ-awˇ laˇ baˇ-iˇ tehꞈ-a. Aˬ yawꞈ maꞈ-ahˇ Miˬyehˇ byehˇ dzeh nehˬ-euˬ miˇ neh Iˇsaˬleˬlaˆ tsawˇ jeuˬ aˬ yawꞈ maꞈ-ahˇ nui kʼahˇ tiˬ shiˇ gʼaˬ leˇ tehꞈ-a.

Dawqdaq 28:1

Maˬ sui maˬ dawˇ-eu tsawˇ haˬ deuˬ-aˬ, aˬ cawˬ maˬ caw teh gaˇ guˆ guˆ-ehˇ cehˆ-eu meh. Ehˇ kʼawꞈ, yaw sui yaw dawˇ tsawˇ haˬ aˇ laˬ jaˬ shiˇ loꞈ-ehˇ kʼaˬ duˬ ni dehꞈ-eu meh.

Uˬ duˬ 26:36

“Aˬ cawˬ-euˬ miˇ kʼahˬ-ahˇ bi nyehꞈ gʼeh-euˬ naw maꞈ-euˬ tsawˇ haˬ deuˬ, aˇ paꞈ-ahˇ jaˬ lehˇ baw shawˆ-eu teˇ saˇ-ahˇ keuˆni, cehˆ byoˆ paˬ-ehˇ guˆ-eu nui ma ahˇ ni ngaˇ jahˇ nehˬ ma. Guiˇ deuˆ luꞈ ngeh aˬ cawˬ neh bi teh-euˬ loꞈ-ehˇ aˬ yawꞈ maꞈ cehˆ-awˇ, muiˇ-eu tsawˇ haˬ deuˬ aˬ yawꞈ maꞈ-euˬ dawˬ peh maˬ jawˇ kʼawꞈ, coˬ lah gaˇ keuˆ ni guˆ-iˇ tehꞈ-a.

Lormav 2:15

Aˬ yawꞈ maꞈ dehꞈ-euˬ jawˇ-euˬ kʼoeˇ-aˬ, aˬ yawꞈ maꞈ-euˬ nui ma laꞈ kʼoeˇ Zahˇ dawˬ kʼoꞈ dawˬ boꞈ ahˇ taˬ-euˬ gaˇ duˇ-eu gaˇ kawˆ saˇ kiˇ kamˬ luꞈ-eu meh. Aˬ yawꞈ maꞈ-euˬ nui ma laꞈ kʼoeˇ Zahˇ dawˬ kʼo dawˬ boꞈ ahˇ taˬ-euˬ gaˇ duˇ-eu gaˇ kawˆ, aˬ yawꞈ maꞈ-euˬ noeˬ siˬ nya-eu nui ma kʼoeˇ siˬ kʼawꞈ, saˇ kiˇ kamˬ luꞈ-eu meh. Aˬ jeˬ miˇ neh ehˇ naˇ, tiˬ poˆ na aˬ yawꞈ maꞈ neh mˇ-euˬ tsaˬ meh lehˇ aˬ yawꞈ maꞈ-euˬ nui noeˬ kʼoeˇ aˬ yawꞈ maꞈ-ahˇ ehˇ nehˬ-awˇ, tiˬ poˆ na maˬ tsaˬ-a lehˇ aˬ yawꞈ maꞈ-ahˇ pyehˇ luꞈ meh.