Aˇ dahˬ 48:9 - Akha

⁹ “Aˬ li heu nyiˬ li-aˬ, Iˇjiˇtuˆ miˇ kʼahˬ laꞈ kʼoeˇ Miˬyehˇ neh ngaˬ-ahˇ biꞈ laꞈ-euˬ ngaˬ-euˬ zaˬ deuˬ ma” lehˇ, Yoˇsehˆ ehˇ kʼoꞈ nehˬ-euˬ meh. “Aˬ yawꞈ nyaꞈ nmˇ-ahˇ ngaˇ jawˇ gaˇ sheuˬ laꞈ-awˬ. Ngaˇ dawˬ ngehˬ gʼeh nehˬ la” lehˇ Yaˬkoˆ ehˇ-eu meh.

Aˇ dahˬ 48:9 Σταυροειδείς Αναφορές

Aˇ dahˬ 27:4

Kʼoeˇ naˇ, ngaˇ dzaˬ mawꞈ-eu dzaˇ yaw kuiˇ kuiˇ-ehˇ jahˇ-awˇ ciˬ ha laˇ-awˬ. Dzaˇ kʼoeˇ ngaˇ dzaˬ-awˇ, ngaˇ maˬ shiˇ mi naˆ-ehˇ nawˬ-ahˇ dawˬ ngehˬ gʼeh nehˬ yaꞈ nyaˇ.”

Aˇ dahˬ 30:2

Kʼoeˇ ngeh, Yaˬkoˆ nui ma pehˇ laˇ-awˇ, “Ngaˇ Miˬyehˇ-euˬ dah zaˇ mˇ dah nya ta loˇ. Nawˬ-ahˇ zaˬ maˬ bi jawˇ le ni jahˇ nehˬ-euˬ gʼaˬ Miˬyehˇ maˬ ngeuˇ-a loˇ” lehˇ ehˇ nehˬ-euˬ meh.

Aˇ dahˬ 33:5

Iˇsawˇ jawˬ jawˬ-ehˇ haw-awˇ, zaˬ miˬ zaˬ kʼoeˇ deuˬ hawˇ-eu zaˬ kʼoeˇ deuˬ-ahˇ ya mawˇ ngeh, “Nawˬ nehˬ-ehˇ oe-euˬ tsawˇ haˬ heu deuˬ aˬ suˇ gʼaˬ-a” lehˇ, Yaˬkoˆ-ahˇ naˇ haˬ-euˬmeh. Yaˬkoˆ gʼeh, “Heu deuˬ-aˬ, nawˬ-euˬ aˬ nyiˇ-ahˇ Miˬyehˇ gʼawˬ shaˬ gaˬ-awˇ biꞈ laꞈ-euˬ zaˬ deuˬ meh” lehˇ, Yaˬkoˆ ehˇ kʼoꞈ nehˬ-euˬ meh.

Aˇ dahˬ 49:28

Tsawˇ haˬ heu deuˬ-aˬ, Iˇsaˬleˬlaˆ tsawˇ jeuˬ tseˇ nyiꞈ jeuˬ pyeuꞈ-awˇ, dawˬ heu deuˬ kʼawꞈ, aˬ yawꞈ maꞈ-euˬ aˬ da ziˇ jiˇ-eu dawˬ peh peh laˇ-awˇ aˬ yawꞈ maꞈ-ahˇ maˬ ya gʼawˬ-iˇ mi naˆ-ehˇ, aˬ li aˬ yawꞈ gʼaˬ yawꞈ-ahˇ kʼaˇ geuˇ-eu loꞈ-ehˇ ehˇ nehˬ yaꞈ-euˬ dawˬ pyeuꞈ-eu meh.

1 Laˬsaˬbaˬ 25:5

Aˬ li heu deuˬ dawˬ tawˆ luꞈ, sahˬ paˬ-ahˇ Miˬyehˇ gʼaˇ duˬ ngehˬ dah nehˬ-eu gʼaˬ pyeuꞈ-eu Heˬmaˬ-euˬ aˬ li tehꞈ meh. Aˬ yawꞈ-ahˇ ciˬ huiˬ ciˬ mahˇ nehˬ ma lehˇ Miˬyehˇ saˇ jaˇ dzaˬ taˬ-euˬ loꞈ-ehˇ, aˬ li kʼoeˇ deuˬ biꞈ nehˬ-euˬ meh. Aˬ li kʼoeˇ tseˇ oeˬ li uꞈ taꞈ, aˬ buˇ smˬ buˇ kʼawꞈ Heˬmaˬ-ahˇ Miˬyehˇ biꞈ nehˬ-euˬ meh.

Jaceuq 127:3

Zaˬ deuˬ-aˬ, Sahˬpaˬ Miˬyehˇ neh biꞈ-euˬ laꞈ sawˬ meh. Aˬ yawꞈ maꞈ-aˬ, maˇ maˇ ni gʼeh-eu guiˬ lahˬ meh.

Iˇsaˬyaˇ 8:18

Sahˬpaˬ Miˬyehˇ neh ngaˬ-ahˇ biꞈ laꞈ-euˬ zaˬ deuˬ nehˬ-ehˇ ngaˇ jawˇ luꞈ-eu ma. Ziˇoˬ gawˬ jawˬ kʼoeˇ taˆ nuiˇ luꞈ-eu Baoˬ huiˬ-eu Sahˬpaˬ Miˬyehˇ-aˬ, Iˇsaˬleˬlaˆ tsawˇ haˬ deuˬ jawˇ gaˇ, dehꞈ luꞈ-eu dawˬ kawˬ deuˬ loꞈ-ehˇ nga maꞈ-ahˇ pyehˬ gʼeh leꞈ-euˬ meh.

Dawˬmehˬ 33:1

Heu-aˬ, Miˬyehˇ-euˬ tsawˇ haˬ pyeuꞈ-eu Moˇseˬ maˬ shiˇ mi naˆ-ehˇ, Iˇsaˬleˬlaˆ tsawˇ haˬ deuˬ-ahˇ dawˬ ngehˬ gʼeh nehˬ-eu laꞈ kʼoeˇ biꞈ yaꞈ-euˬ guiˬ lahˬ deuˬ meh.

HeˬByehˇ 11:21

Yaˬkoˆ maˬ shiˇ mi naˆ-ehˇ Yoˇsehˆ-euˬ aˬ li nyiˬ li-ahˇ dawˬ ngehˬ gʼeh nehˬ yaꞈ-euˬ kʼoeˇ-aˬ, jah-eu jeˬ baˬ da neh meh. Aˬ yawꞈ-aˬ, yawˬ ha-euˬ gawˬ yoeˬ-ahˇ gʼoˆ toˆ shaˇ-awˇ Miˬyehˇ-ahˇ uˬ duˬ tahˬ-euˬ meh.

1 Saˬmeuˬlaˆ 1:20

Kʼoeˇ naˇ, Haˬnahˬ aˬ nyiˇ pi leˇ-awˇ, aˬ li tiˬ li ciˬ-euˬ meh. Kʼoeˇ ngeh, “Aˬ yawꞈ gʼaˇ duˬ ngaˇ guiˬ lahˬ shaˇ-euˬ ma” lehˇ Haˬnahˬ ehˇ-awˇ, aˬ li kʼoeˇ li-ahˇ Saˬmeuˬlaˆ lehˇ myahˇ nehˬ-euˬ meh.

1 Saˬmeuˬlaˆ 1:27

Aˬ li heu li za ni aˬ yawꞈ-ahˇ ngaˇ guiˬ lahˬ shaˇ-awˇ, ngaˬ neh kʼaˇ shaˇ-euˬ loꞈ-ehˇ biꞈ nehˬ laꞈ-euˬ meh.