Aˇ dahˬ 48:7 - Akha

⁷ Nawˬ ma Laˬkeˬlaˇ baˬ da neh ngaˇ heu loꞈ-ehˇ jahˇ ma. Maˬsoˬpoˬtaˬmiˇ miˇ kʼahˬ-ahˇ neh gʼoꞈ le-awˇ, Kaˬnaˬ miˇ kʼahˬ Eˇpaˬlaˇ meuˬ-ahˇ yaw kʼaˆ-ehˇ maˬ kaˬ gaˇ oe keuˆ ngeh, nawˬ ma shiˇ-euˬ miˇ neh ngaˇ noeˬ shaˬ dui dui-euˬ ma. Eˇpaˬlaˇ meuˬ-ahˇ iˇ-eu gaˇ ma gaˇ dzeˇ aˬ yawꞈ-ahˇ ngaˇ baꞈ pahˬ yaꞈ-euˬ ma.” (Eˇpaˬlaˇ meuˬ-ahˇ, nymˬ-mˇ Behˬlehˬhehˬ meuˬ lehˇ kuˇ-eu meh.)

Aˇ dahˬ 48:7 Σταυροειδείς Αναφορές

Aˇ dahˬ 25:20

Iˇtsaˆ-aˬ, Laˬbaˬ-euˬ dmˇ ma Leˬbehˇkaꞈ-ahˇ sheuˬ ngeh, aˇ kʼoꞈ oeˬ tseˇ byah laˇ-euˬ meh. Leˬbehˇkaꞈ-euˬ aˬ da-aˬ, Beˬtuˬlaˇ lehˇ myahˇ-euˬ Maˬsoˬpoˬtaˬmiˇ miˇ kʼahˬ-ahˇ jawˇ-eu Aˬlamˬ tsawˇ jeuˬ pyeuꞈ-eu meh.

Aˇ dahˬ 33:18

Yaˬkoˆ-aˬ, Maˬsoˬpoˬtaˬmiˇ miˇ kʼahˬ-ahˇ neh gʼoꞈ le-awˇ, tiˬ jeˬ-iˬ maˬ ca laˇ ni, Kaˬnaˬ miˇ kʼahˬ Sheˬkmˬ meuˬ-ahˇ oe keuˆ-euˬ meh. Meuˬ kʼoeˇ meuˬ dawˬ peh, deh ga-ahˇ aˬ yawꞈ jawˇ duˬ dah-euˬ meh.

Aˇ dahˬ 35:20

Laˬkeˬlaˇ-ahˇ noeˬ keuˆ-eu gʼaˇ duˬ, jawˇ duˬ kʼoeˇ tsahˇ-ahˇ, Yaˬkoˆ kʼaˬ lo tiˬ siˬ kʼahˬ tuˇ-euˬ meh. Iˬ nah keuˆ ni, Laˬkeˬlaˇ-euˬ lmˬ bymˇ kʼoeˇ maˬ byoˆ-iˇ ni jaˆ luꞈ-eu meh.

Aˇ dahˬ 35:9

Maˬsoˬpoˬtaˬmiˇ miˇ kʼahˬ-ahˇ neh Yaˬkoˆ paˇ gʼoꞈ doˆ laˇ ngeh, aˬ yawꞈ-euˬ mehˬ shi Miˬyehˇ tiˬ poˆ paˇ doˆ le-awˇ, aˬ yawꞈ-ahˇ guiˬ lahˬ biꞈ le-euˬ meh.

Aˇ dahˬ 48:6

Heu taꞈ naˇ, nawˇ aˬ li gʼawˬ mya li paˇ jawˇ le kʼawꞈ, aˬ yawꞈ maꞈ-ahˇ ngaˬ-euˬ zaˬ lehˇ maˬ paˇ sawˇ ma. Aˬ yawꞈ maꞈ-ahˇ oꞈ-eu jeˬ biˇ deuˬ-aˬ, Eˇpaˬleˬ hawˇ-eu Maˬnaˇseˬ-ahˇ taꞈ-awˇ, aˬ yawꞈ nyaꞈ aˬ yawꞈ maꞈ-ahˇ biꞈ tehꞈ-a.

Miˇkaˬ 5:2

Sahˬpaˬ Miˬyehˇ ehˇ-eu, “Eˇpaˬlaˬdaˬ miˇ kʼahˬ-ahˇ jaˆ-eu Behˬlehˬhehˬ meuˬ-oˇ, nawˇ-aˬ Yuˇdaˆ miˇ kʼahˬ laꞈ kʼoeˇ jaˆ-eu nyiˇ dui teˬ dui dui-eu meuˬ tiˬ meuˬ pyeuꞈ-eu meh. Ehˇ kʼawꞈ, nawˬ-euˬ laꞈ kʼoeˇ, Iˇsaˬleˬlaˆ miˇ kʼahˬ-ahˇ uˆ lahˇ-eu sahˬ paˬ tiˬ gʼaˬ ngaˇ bi doˆ laˇ ma. Aˬ yawꞈ-euˬ tsuiꞈ-aˬ, aˇ hu ba-euˬ ziˇ-ahˇ keuˆ ni jaˆ luꞈ-eu meh.”

Maꞈtehˬ 2:18

“Tsawˇ ngoeˇ ngoeˇ dui dui-eu teˇ saˇ, Laˬmahˇ meuˬ-ahˇ gaˬ doˆ laˇ nya. Laˬkeˬlaˇ ngoeˇ dui dui luꞈ meh. Zaˬ bi shiˇ byoˆ jiˇ-euˬ miˇ neh, maˬ muˇ taˬ nya ni ngoeˇ luꞈ meh.”

Luˇta 1:2

Tsawˇ haˬ kʼoeˇ gʼaˬ-euˬ tsawˇ myahˇ Aˬliˇmaˬlehˇ pyeuꞈ-awˇ, aˬ yawꞈ-euˬ nymˇ dahˬ-aˬ, Nawˇmi meh. Aˬ yawꞈ-euˬ aˬ li nyiˬ gʼaˬ-aˬ, Maˬhaˬloˬ hawˇ-eu, Ciˇlahˬ meh. Aˬ yawꞈ maꞈ-aˬ, Eˇpaˬlaˇ aˇ jeuˬ aˇ ca pyeuꞈ-eu meh. Mawˇbaˆ miˇ kʼahˬ-ahˇ aˬ yawꞈ maꞈ iˇ-awˇ jawˇ-euˬ meh.

1 Saˬmeuˬlaˆ 1:1

Eˇpaˬleˬ tsawˇ jeuˬ laꞈ kʼoeˇ, Eˇlaˬ kaˬnaˬ lehˇ myahˇ-euˬ tsawˇ haˬ tiˬ gʼaˬ jawˇ-eu meh. Eˇpaˬleˬ miˇ kʼahˬ gawˬ jawˬ gawˬ duˇ paw jaˆ-eu Laˬmahˇ meuˬ-ahˇ aˬ yawꞈ jawˇ-eu meh. Aˬ yawꞈ-aˬ, Zuˇpaˬ aˇ jeuˬ-ahˇ taꞈ-eu Toˇhuˇ aˇ jeuˬ aˇ ca tiˬ gʼaˬ pyeuꞈ-eu meh. Aˬ yawꞈ-euˬ aˬ bawˇ-aˬ, Eˇliˇhuˆ pyeuꞈ-awˇ, aˬ yawꞈ-euˬ aˬ da-aˬ, Yeˬloˇhamˬ meh.

1 Saˬmeuˬlaˆ 10:2

Iˬ nah, ngaˇ jawˇ gaˇ neh nawˇ gʼoꞈ-iˇ ngeh, Beˬyaˬmiˬ miˇ kʼahˬ Zeˬlaˬzahˬ meuˬ meuˬ dzeˇ jaˆ-eu Laˬkeˬlaˇ-euˬ lmˬ bymˇ dawˬ peh, tsawˇ haˬ nyiˬ gʼaˬ-ahˇ nawˇ ya tahˬ puˬ tehꞈ-a. Nawˇ poˆ luꞈ-eu mahˬ tahˬ laˆ kʼoeˇ deuˬ-ahˇ mawˇ kʼoꞈ gʼaˬ-euˬ miˇ neh, mahˬ tahˬ laˆ kʼoeˇ deuˬ gaˇ kawˆ nawˬ da maˬ paˇ noeˬ shaˬ-ehˇ, nawˬ-euˬ gʼaˇ duˬ kʼahˬ lahˇ-eu laꞈ kʼoeˇ, “Ngaˬ li-ahˇ aˬ joˆ-ehˇ jahˇ-awˇ poˆ mawˇ paˬ nga” lehˇ ehˇ luꞈ-eu gaˇ kawˆ, tsawˇ haˬ kʼoeˇ nyiˬ gʼaˬ nawˬ-ahˇ ehˇ nehˬ laꞈ tehꞈ-a.

1 Saˬmeuˬlaˆ 16:4

Saˬmeuˬlaˆ-aˬ. Sahˬpaˬ Miˬyehˇ neh kʼaˇ ehˇ nehˬ-euˬ loꞈ-ehˇ jahˇ-awˇ, Behˬlehˬhehˬ meuˬ-ahˇ iˇ-euˬ meh. Kʼoeˇ gaˇ jawˇ-eu meuˬ-euˬ aˬ yuiꞈ aˬ tsu geuꞈ luꞈ-eu deuˬ aˬ yawꞈ jawˇ gaˇ laˇ-awˇ, yaw dzuˬ dzuˬ-eu laꞈ kʼoeˇ, “Shaˆ ma-oˇ, yaw lehˬ aˬ geu jeˬ paˇ doˆ laˇ-euˬ miˇ neh heu gaˇ oe teˬ” lehˇ naˇ haˬ-euˬ meh.

1 Saˬmeuˬlaˆ 17:12

Daˬbiˇ-aˬ, Yuˇdaˆ miˇ kʼahˬ Behˬlehˬ hehˬ meuˬ-ahˇ jawˇ-eu Eˇpaˬleˬ tsawˇ jeuˬ Yeˬshehˇ-euˬ aˬ li pyeuꞈ-eu meh. Yeˬshehˇ-aˬ, aˬ li yehꞈ li jawˇ-eu meh. Sawˇluˆ sahˬ paˬ geuꞈ luꞈ ngeh, aˬ yawꞈ tsawˇ mawˬ mawˬ dui dui laˇ-euˬ meh.