Aˇ dahˬ 48:6 - Akha

⁶ Heu taꞈ naˇ, nawˇ aˬ li gʼawˬ mya li paˇ jawˇ le kʼawꞈ, aˬ yawꞈ maꞈ-ahˇ ngaˬ-euˬ zaˬ lehˇ maˬ paˇ sawˇ ma. Aˬ yawꞈ maꞈ-ahˇ oꞈ-eu jeˬ biˇ deuˬ-aˬ, Eˇpaˬleˬ hawˇ-eu Maˬnaˇseˬ-ahˇ taꞈ-awˇ, aˬ yawꞈ nyaꞈ aˬ yawꞈ maꞈ-ahˇ biꞈ tehꞈ-a.

Aˇ dahˬ 48:6 Σταυροειδείς Αναφορές

Aˇ dahˬ 48:5

“Yoˇsehˆ-oˇ, Iˇjiˇtuˆ miˇ kʼahˬ laꞈ kʼoeˇ ngaˇ maˬ oe keuˆ mi naˆ-ehˇ heu gaˇ dehꞈ le-euˬ nawˬ li heu nyiˬ li kʼawꞈ, ngaˬ-euˬ zaˬ pyeuꞈ-eu ma. Luˇbeˬ hawˇ-eu Suˇmoˬ aˬ nyaꞈ nmˇ ngaˬ li pyeuꞈ-eu loꞈ-ehˇ, Eˇpaˬleˬ hawˇ-eu Maˬnaˇseˬ aˬ nyaꞈ nmˇ kʼawꞈ ngaˬ li pyeuꞈ-eu ma.

Aˇ dahˬ 48:7

Nawˬ ma Laˬkeˬlaˇ baˬ da neh ngaˇ heu loꞈ-ehˇ jahˇ ma. Maˬsoˬpoˬtaˬmiˇ miˇ kʼahˬ-ahˇ neh gʼoꞈ le-awˇ, Kaˬnaˬ miˇ kʼahˬ Eˇpaˬlaˇ meuˬ-ahˇ yaw kʼaˆ-ehˇ maˬ kaˬ gaˇ oe keuˆ ngeh, nawˬ ma shiˇ-euˬ miˇ neh ngaˇ noeˬ shaˬ dui dui-euˬ ma. Eˇpaˬlaˇ meuˬ-ahˇ iˇ-eu gaˇ ma gaˇ dzeˇ aˬ yawꞈ-ahˇ ngaˇ baꞈ pahˬ yaꞈ-euˬ ma.” (Eˇpaˬlaˇ meuˬ-ahˇ, nymˬ-mˇ Behˬlehˬhehˬ meuˬ lehˇ kuˇ-eu meh.)

Yawˇshuˆ 14:4

Yoˇsehˆ-euˬ zaˬ deuˬ uˆ deuˬ laꞈ kʼoeˇ, Maˬnaˇseˬ tsawˇ jeuˬ hawˇ-eu Eˇpaˬleˬ tsawˇ jeuˬ heu nyiˬ jeuˬ jawˇ-eu miˇ neh, Leˬbiˇ tsawˇ jeuˬ-ahˇ miˇ kʼahˬ maˬ biˇ nehˬ-ehˇ, aˬ yawꞈ maꞈ jawˇ-eu gʼaˇ duˬ meuˬ deuˬ, jeˬ zaˬ gaˆ kʼahˬ deuˬ hawˇ-eu, myawˬ taˬ duˬ tehꞈ-ehˇ biꞈ taˬ-euˬ meh.