Aˇ dahˬ 48:4 - Akha

⁴ Aˬ yawꞈ ngaˬ-ahˇ ehˇ-eu, ‘Nawˬ-euˬ zaˬ nawˬ-euˬ uˆ deuˬ tsawˇ jeuˬ gʼawˬ mya jeuˬ pyeuꞈ laˇ ni, aˬ yawꞈ maꞈ-ahˇ ngaˇ bi jeuˬ bi o le ma. Miˇ kʼahˬ heu kʼahˬ, mˬ maˬ maˬ byaˆ zaˇ ziˇ nawˬ-euˬ zaˬ nawˬ-euˬ uˆ deuˬ-ahˇ ngaˇ biꞈ tsehˆ nehˬ ma’ lehˇ ehˇ-eu meh.

Aˇ dahˬ 48:4 Σταυροειδείς Αναφορές

Aˇ dahˬ 12:2

Nawˬ-euˬ zaˬ nawˬ-euˬ uˆ deuˬ-ahˇ ngaˇ bi jeuˬ bi o le-awˇ, miˇ tsaˬ kʼoeˇ taˆ tsawˇ myahˇ doˆ-eu tsawˇ jeuˬ tiˬ jeuˬ bi pyeuꞈ laˇ ma. Nawˇ aˬ cawˬ-ahˇ guiˬ lahˬ biꞈ-eu tsawˇ haˬ tiˬ gʼaˬ pyeuꞈ laˇ ngeh keuˆ ni, ngaˇ nawˬ-ahˇ guiˬ lahˬ biꞈ-awˇ tsawˇ myahˇ bi doˆ ma.

Aˇ dahˬ 17:13

Yawˬ gʼaˬ na luꞈ baˆ kʼoˆ mehˬ dzaˬ ya yehˬ-awˇ, heu loꞈ-ehˇ mˇ-eu jeˬ-aˬ, ngaˇ hawˇ-eu naw maꞈ yaw kaˬ-ahˇ dzaˬ taˬ-euˬ dawˬ ma saˇ jaˇ heu hmˬ, mˬ maˬ maˬ byaˆ zaˇ ziˇ ziꞈ-eu gaˇ kawˆ saˇ kiˇ pyeuꞈ-eu meh.

Aˇ dahˬ 17:6

Nawˬ-euˬ zaˬ nawˬ-euˬ uˆ deuˬ-ahˇ ngaˇ bi jeuˬ bi o le-awˇ, aˬ yawꞈ maꞈ laꞈ kʼoeˇ, tiˬ paˆ na deuˬ sahˬ paˬ pyeuꞈ laˇ tehꞈ-a. Nawˬ-euˬ zaˬ nawˬ-euˬ uˆ deuˬ myaˬ dui dui laˇ-awˇ, tsawˇ jeuˬ gʼawˬ mya jeuˬ pyeuꞈ doˆ laˇ tehꞈ-a.

Aˇ dahˬ 17:8

Iˬ nah boeˇ miˬ siˬ kʼaˬ tiˬ gʼaˬ loꞈ-ehˇ nawˇ ya dehꞈ ya jawˇ luꞈ-eu miˇ kʼahˬ heu kʼahˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ ngaˇ biꞈ ma. Kaˬnaˬ miˇ kʼahˬ heu kʼahˬ kʼahˬ lah ni, mˬ maˬ maˬ byaˆ zaˇ ziˇ nawˬ-euˬ zaˬ nawˬ-euˬ uˆ deuˬ-euˬ miˇ kʼahˬ pyeuꞈ-awˇ, ngaˇ aˬ yawꞈ maꞈ-euˬ Miˬyehˇ ya pyeuꞈ tehꞈ-a.”

Aˇ dahˬ 22:17

Nawˬ-euˬ zaˬ nawˬ-euˬ uˆ deuˬ-ahˇ, mˬ kʼoeˇ taˆ jaˆ-eu aˬ guiˇ deuˬ loꞈ-ehˇ maˬ ehˇ, iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ deh loꞈ-ehˇ maˬ ehˇ, ngaˇ bi jeuˬ bi o le ma. Aˬ yawꞈ maꞈ-aˬ, aˬ yawꞈ maꞈ-ahˇ muiˇ-eu deuˬ-ahˇ gʼaˬ leˇ tehꞈ-a.

Aˇ dahˬ 26:4

Nawˬ-euˬ zaˬ nawˬ-euˬ uˆ deuˬ-ahˇ, mˬ kʼoeˇ taˆ tsehˬ-eu aˬ guiˇ deuˬ loꞈ-ehˇ bi jeuˬ bi o le-awˇ, miˇ kʼahˬ heu kʼahˬ kʼahˬ lah ni, aˬ yawꞈ maꞈ-ahˇ ngaˇ biꞈ ma. Nawˬ-euˬ zaˬ nawˬ-euˬ uˆ deuˬ-ahˇ ngaˇ guiˬ lahˬ biꞈ nehˬ-eu loꞈ-ehˇ, aˬ yawꞈ maꞈ-ahˇ kʼawꞈ biꞈ nehˬ laꞈ lehˇ, tsawˇ jeuˬ dawˬ tawˆ luꞈ ngaˬ-ahˇ shaˇ tehꞈ-a.

Aˇ dahˬ 28:3

Nawˇ tsawˇ jeuˬ gʼawˬ mya jeuˬ-euˬ aˬ da yaw dzahˇ pyeuꞈ laˇ ni, miˬ zaˬ sheuˬ-awˇ nymˇ dahˬ dahˬ dzaˬ gaˇ Baoˬ huiˬ-eu Miˬyehˇ guiˬ lahˬ biꞈ-awˇ, zaˬ myaˬ laˇ luꞈ-uˇ.

Aˇ dahˬ 32:12

Ngaˬ-euˬ zaˬ ngaˬ-euˬ uˆ deuˬ-ahˇ, iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ deuˬ loꞈ-ehˇ, tsawˇ haˬ tiˬ gʼaˬ-iˬ maˬ gui jiˇ coeˇ ni bi jeuˬ bi o le-awˇ, ngaˬ-ahˇ yaw muiˬ-ehˇ haw piˇ nehˬ ma lehˇ, nawˬ neh ehˇ taˬ-euˬ dawˬ-ahˇ taˬ ngehˇ nehˬ laꞈ.”

Aˇ dahˬ 35:11

Kʼoeˇ naˇ, Yaˬkoˆ-ahˇ Miˬyehˇ ehˇ nehˬ-eu, “Ngaˇ-aˬ, Baoˬ huiˬ-eu Miˬyehˇ pyeuꞈ-eu ma. Nawˬ-euˬ zaˬ deuˬ jeuˬ le o le luꞈ-uˇ. Nawˬ-euˬ o neh tsawˇ jeuˬ gʼawˬ mya jeuˬ doˆ laˇ-awˇ, nawˇ-aˬ, miˇ kʼahˬ-ahˇ uˆ lahˇ-eu sahˬ paˬ deuˬ-euˬ aˬ da yaw dzahˇ ya pyeuꞈ laˇ tehꞈ-a.

Aˇ dahˬ 46:3

Miˬyehˇ ehˇ-eu, “Ngaˇ-aˬ, nawˬ da-euˬ Miˬyehˇ pyeuꞈ-eu Miˬyehˇ ma. Iˇjiˇtuˆ miˇ kʼahˬ-ahˇ maˬ guˆ ni iˇ-awˬ. Miˇ kʼahˬ kʼoeˇ kʼahˬ laꞈ kʼoeˇ, nawˬ-euˬ zaˬ nawˬ-euˬ uˆ deuˬ-ahˇ huiˬ-eu tsawˇ jeuˬ bi pyeuꞈ laˇ ma.

Aˇ dahˬ 47:27

Iˇsaˬleˬlaˆ tsawˇ haˬ deuˬ-aˬ, Iˇjiˇtuˆ miˇ kʼahˬ laꞈ kʼoeˇ jaˆ-eu Goˬsheˬ lehˇ kuˇ-eu jawˇ duˬ-ahˇ jawˇ-awˇ, smˇ muiˬ muiˬ dui dui laˇ-euˬ uˬ taꞈ, tsawˇ haˬ behˇ laˇ tehˇ tehˬ luꞈ-eu meh.

Jaceuq 127:3

Zaˬ deuˬ-aˬ, Sahˬpaˬ Miˬyehˇ neh biꞈ-euˬ laꞈ sawˬ meh. Aˬ yawꞈ maꞈ-aˬ, maˇ maˇ ni gʼeh-eu guiˬ lahˬ meh.

Doˆ-iˇ 1:11

Kʼoeˇ miˇ neh, aˬ yawꞈ maꞈ-ahˇ gaˇ yaw kʼaˆ-ehˇ bi mˇ-awˇ, nui ma bi cawˆ-iˇ-eu gʼaˇ duˬ, zaˬ kʼaˆ deuˬ gaˇ mˇ gaˇ haw-eu tsawˇ haˬ deuˬ-eu aˬ laꞈ laꞈ kʼoeˇ a nehˬ-euˬ meh. Sahˬ paˬ-euˬ myawˬ taˬ-eu gʼaˇ duˬ, Piˇdmˬ hawˇ-eu Laˬmaˬsehˇ meuˬ aˬ yawꞈ maꞈ ya tso-eu meh.

Doˆ-iˇ 1:7

Ehˇ kʼawꞈ, aˬ yawꞈ maꞈ-euˬ zaˬ deuˬ uˆ deuˬ pyeuꞈ-eu Iˇsaˬleˬlaˆ tsawˇ haˬ deuˬ behˇ laˇ-awˇ, myaˬ dui dui laˇ-euˬ miˇ neh, Iˇjiˇtuˆ miˇ kʼahˬ laꞈ kʼoeˇ jawˇ byah-euˬ meh.

Yeˬsaˬgeˬlaˇ 37:25

Aˬ yawꞈ maꞈ-euˬ aˬ poeˬ Yaˬkoˆ-ahˇ ngaˬ neh biꞈ-euˬ miˇ kʼahˬ pyeuꞈ-eu, aˬ yawꞈ maꞈ-euˬ aˬ poeˬ aˬ bawˇ deuˬ jawˇ-eu miˇ kʼahˬ-ahˇ, aˬ yawꞈ maꞈ jawˇ tehꞈ-a. Aˬ yawꞈ maꞈ-euˬ ziˇ-ahˇ neh, zaˬ deuˬ uˆ deuˬ-euˬ ziˇ ahˇ keuˆ ni, mˬ maˬ maˬ byaˆ zaˇ ziˇ kʼoeˇ gaˇ ya jawˇ tehꞈ-a. Ngaˬ-euˬ zaˬ kʼaˆ Daˬbiˇ-ahˇ duˇ-eu sahˬ paˬ tiˬ gʼaˬ, mˬ maˬ maˬ byaˆ zaˇ ziˇ aˬ yawꞈ maꞈ-ahˇ uˆ lahˇ tehꞈ-a.

Uˬ duˬ 26:9

Naw maꞈ-ahˇ ngaˇ guiˬ lahˬ biꞈ-awˇ, naw maꞈ-euˬ zaˬ deuˬ bi jeuˬ bi o le ma. Naw maꞈ nehˬ-ehˇ dzaˬ taˬ-euˬ saˇ jaˇ-ahˇ ngaˇ ziꞈ ma.

Dawˬmehˬ 32:8

Huiˬ dui mahˇ dui dui-eu Miˬyehˇ, miˇ tsaˬ zaˬ-ahˇ miˇ kʼahˬ biˇ-awˇ, jawˇ duˬ pehˇ tsahˇ tsaˬ tsoˆ nehˬ-awˇ, miˬ yehˇ deuˬ neh bi dzoeˬ-euˬ meh.