Aˇ dahˬ 43:3 - Akha

³ Yuˇdaˆ ehˇ-eu, “Ngaˬ ha mehˇ nmˇ-euˬ aˬ nyiˇ nyiˇ saˬ gʼaˬ maˬ sheuˬ leꞈ naˇ, aˬ yawꞈ jawˇ gaˇ taˬ paˇ oe lehˇ, Iˇjiˇtuˆ miˇ kʼahˬ-ahˇ uˆ lahˇ-awˇ haw luꞈ pyaˆ luꞈ-eu tsawˇ haˬ kʼoeˇ gʼaˬ neh ehˇ duˬ taˬ-euˬ dawˬ jaˆ-eu meh.

Aˇ dahˬ 43:3 Σταυροειδείς Αναφορές

Aˇ dahˬ 43:2

Yaˬkoˆ-euˬ zaˬ deuˬ neh Iˇjiˇtuˆ miˇ kʼahˬ-ahˇ zeuˇ laˬ-iˇ-euˬ cehˇ kʼoeˇ deuˬ dzaˬ jiˇ ngeh, “Aˬ dui dzaˬ-eu gʼaˇ duˬ cehˇ ui cuiˆ paˇ zeuˇ laˬ-iˇ siˬ” lehˇ, aˬ yawꞈ-euˬ aˬ li deuˬ-ahˇ Yaˬkoˆ paˇ ehˇ nehˬ-euˬ meh.

Aˇ dahˬ 43:4

Ngaˬ ha mehˇ nmˇ-euˬ aˬ nyiˇ nyiˇ saˬ gʼaˬ-ahˇ, ngaˬ ha mehˇ nmˇ nehˬ-ehˇ bi iˇ-eu gʼaˇ duˬ nawˇ nui ma tsaˬ naˇ, nawˬ-euˬ gʼaˇ duˬ cehˇ zeuˇ laˬ-iˇ ma.

Aˇ dahˬ 43:5

Ehˇ kʼawꞈ, aˬ nyiˇ nyiˇ saˬ gʼaˬ-ahˇ nga maꞈ nehˬ-ehˇ maˬ bi iˇ te lehˇ ngeuˇ naˇ, nga maꞈ cehˇ maˬ zeuˇ-iˇ nya-a. Aˬ jeˬ miˇ neh ehˇ naˇ, aˬ nyiˇ nyiˇ saˬ gʼaˬ maˬ sheuˬ leꞈ naˇ aˬ yawꞈ jawˇ gaˇ taˬ oe lehˇ, tsawˇ haˬ kʼoeˇ gʼaˬ neh ehˇ tsehˆ taˬ-euˬ dawˬ jaˆ-eu meh.”

Aˇ dahˬ 44:23

Kʼoeˇ ngeh, ‘Nawˬ ha mehˇ nmˇ-euˬ aˬ nyiˇ nyiˇ saˬ gʼaˬ maˬ sheuˬ leꞈ naˇ, ngaˇ jawˇ gaˇ taˬ paˇ oe’ lehˇ nawˇ ehˇ-eu meh.

2 Saˬmeuˬlaˆ 14:24

Ehˇ kʼawꞈ, Aˬbaˇsaˬloˬ-ahˇ sahˬ paˬ-euˬ hawˇ nymˇ laꞈ kʼoeˇ maˬ ya bi jawˇ-eu gʼaˇ duˬ, sahˬ paˬ neh dawˬ biꞈ taˬ-euˬ meh. “Aˬ yawꞈ-ahˇ maˬ mawˇ mawꞈ nya” lehˇ sahˬ paˬ ehˇ-eu miˇ neh, Aˬbaˇsaˬloˬ gʼaˬ yawˬ ha-euˬ nymˇ-ahˇ jawˇ-awˇ, sahˬ paˬ jawˇ gaˇ maˬ laˇ mawˇ-a.

2 Saˬmeuˬlaˆ 14:28

Aˬbaˇsaˬloˬ-aˬ, sahˬ paˬ-euˬ myaˆ pyawˬ-ahˇ maˬ ya mawˇ ni, Yeˬluˇsaˬlehˬ meuˬ laꞈ kʼoeˇ nyiˬ kʼoꞈ jawˇ byah-euˬ meh.

2 Saˬmeuˬlaˆ 14:32

Aˬbaˇsaˬloˬ ehˇ-eu, “Nawˬ-ahˇ ngaˇ bi kuˇ laˬ-iˇ kʼawꞈ, nawˇ maˬ laˇ-eu miˇ neh, kʼoeˇ loꞈ-ehˇ bi jahˇ-euˬ ma. Ngaˬ-euˬ dah zaˇ nawˬ-ahˇ sahˬ paˬ jawˇ gaˇ bi le-awˇ, heu loꞈ-ehˇ bi ehˇ leˇ mawꞈ-eu ma. ‘Aˬ jeˬ miˇ neh ngaˬ-ahˇ Geˬshuˇlaˆ meuˬ-ahˇ neh heu gaˇ kuˇ kʼoꞈ-awˇ bi jawˇ laꞈ teˬ. Kʼoeˇ gaˇ jawˇ law nmˇ-aˬ, ngaˬ-euˬ gʼaˇ duˬ muiˬ dzehˬ tehꞈ-a’ lehˇ bi ehˇ leˇ mawꞈ-eu ma.” Aˬbaˇsaˬloˬ paˇ ehˇ-eu, “Ngaˇ sahˬ paˬ jawˇ gaˇ le mawˇ nya ni nawˇ shaˇ noeˬ nehˬ laꞈ-awˬ. Ngaˇ iˬ baˇ ahˇ naˇ kʼawꞈ, aˬ yawꞈ ngaˬ-ahˇ sehꞈ luꞈ-uˇ.”

2 Saˬmeuˬlaˆ 3:13

Daˬbiˇ ehˇ kʼoꞈ nehˬ-eu, “Muiˬ tehꞈ-a. Nawˬ nehˬ-ehˇ ngaˇ ja tsaˬ geuꞈ ma. Nawˇ ngaˇ jawˇ gaˇ laˇ ngeh, Sawˇluˆ-euˬ aˬ buˇ Miˇkaˬlaˇ maˬ sheuˬ laꞈ ni taˬ byehˇ.”

Gʼaˬkʼehˇ 20:25

“Naw maꞈ dawˬ tawˆ luꞈ jawˇ gaˇ ngaˇ cah doe-awˇ, Miˬyehˇ Miˇkʼahˬ gaˇ kawˆ mehˬ yaꞈ-euˬ ma. Aˬ kaˇ naˇ, naw maꞈ ngaˬ-ahˇ tiˬ jawˇ-iˬ maˬ paˇ ya mawˇ-aˇ lehˇ ngaˇ siˬ duˬ-eu ma.

Gʼaˬkʼehˇ 20:38

Aˬ yawꞈ maꞈ aˬ yawꞈ-ahˇ maˬ paˇ ya mawˇ-aˇ lehˇ Pawˇluˆ neh ehˇ-euˬ dawˬ kʼoeˇ dawˬ baˬ aˬ yawꞈ maꞈ-euˬ nui ma-ahˇ yaw kʼaˆ-ehˇ zaw leˇ-awˇ, noeˬ shaˬ dui dui-eu meh. Kʼoeˇ naˇ, aˬ yawꞈ maꞈ Pawˇluˆ-ahˇ saˇ baoˬ naˬ duˬ-ahˇ keuˆ ni sheuˬ ha keuˆ-iˇ-euˬ meh.

Gʼaˬkʼehˇ 7:34

Ngaˬ-euˬ tsawˇ haˬ deuˬ Iˇjiˇtuˆ miˇ kʼahˬ laꞈ kʼoeˇ kʼehˬ-eu kʼaˆ-eu jeˬ-ahˇ yaw kʼaˆ-ehˇ ya daˬ luꞈ gaˇ ngaˇ mawˇ-euˬ ma. Aˬ yawꞈ maꞈ shaˬ zahˬ naꞈ dui dui-eu laꞈ kʼoeˇ mahˇ luꞈ-eu teˇ saˇ-ahˇ ngaˇ gaˬ-awˇ, aˬ yawꞈ maꞈ-ahˇ bi buˬ bi law-iˇ-eu lehˇ ngaˇ zaꞈ ka le-euˬ ma. Laˇ-awˬ. Ngaˇ nawˬ-ahˇ Iˇjiˇtuˆ miˇ kʼahˬ-ahˇ kʼehˇ gʼeh-eu ma.’