Aˇ dahˬ 42:1 - Akha

¹ Iˇjiˇtuˆ miˇ kʼahˬ laꞈ kʼoeˇ cehˇ jaˆ-eu gaˇ kawˆ Yaˬkoˆ ya gaˬ ngeh, aˬ yawꞈ-euˬ aˬ li deuˬ-ahˇ, “Aˬ jeˬ miˇ neh naw maꞈ tiˬ jeˬ-iˬ maˬ shaˇ noeˬ ni jawˇ te.

Aˇ dahˬ 42:1 Σταυροειδείς Αναφορές

Aˇ dahˬ 41:54

Kʼoeˇ ngeh, Yoˇsehˆ neh ehˇ taˬ-euˬ loꞈ-ehˇ, mehꞈ-eu shuꞈ-eu aˇ yamˬ shiꞈ kʼoꞈ paˇ keuˆ le-euˬ meh. Miˇ kʼahˬ yawˬ kʼahˬ na luꞈ laꞈ kʼoeˇ, mehꞈ-eu shuꞈ-eu jeˬ keuˆ le-euˬ meh. Ehˇ kʼawꞈ, Iˇjiˇtuˆ miˇ kʼahˬ laꞈ kʼoeˇ dzaˬ dzaˬ dawˇ dawˇ tiˬ byah tiˬ loꞈ jaˆ luꞈ-eu meh.

Aˇ dahˬ 41:57

Mehꞈ dui shuꞈ dui dui-eu jeˬ miˇ tsaˬ kʼoeˇ taˆ byah jiˇ-euˬ miˇ neh, miˇ tsaˬ kʼoeˇ taˆ kʼaˇ jawˇ-eu tsawˇ haˬ deuˬ Yoˇsehˆ jawˇ gaˇ cehˇ zeuˇ dzaˬ le-euˬ meh.

Aˇ dahˬ 42:2

Iˇjiˇtuˆ miˇ kʼahˬ laꞈ kʼoeˇ cehˇ jaˆ meh lehˇ aˬ cawˬ ehˇ-eu ngaˇ ya gaˬ-euˬ ma. Aˬ dui pehˬ hawˬ mehꞈ maˬ ya dzahˬ sehꞈ-eu gʼaˇ duˬ, kʼoeˇ gaˇ iˇ-awˇ cehˇ zeuˇ dzaˬ-iˇ-awˬ” lehˇ ehˇ nehˬ-euˬ meh.

1 Sahˬpaˬ 19:3

Eˇliˇyaˆ guˆ-eu laꞈ kʼoeˇ, aˬ yawꞈ-euˬ gʼawˇ mawˇ ya buˬ-iˇ ni cehˆ-euˬ meh. Aˬ yawꞈ-euˬ zaˬ kʼaˆ sheuˬ-awˇ, Yuˇdaˆ miˇ kʼahˬ Beˬlaˇsheˬba meuˬ-ahˇ cehˆ-awˇ, aˬ yawꞈ-euˬ zaˬ kʼaˆ kʼoeˇ gʼaˬ bi jawˇ yaꞈ-euˬ meh.

Eˇzaˬlaˬ 10:4

Gaˇ heu hmˬ nawˬ-euˬ aˬ laꞈ laꞈ kʼoeˇ jaˆ-eu loꞈ-ehˇ nawˇ mˇ gʼeh-awˬ. Nga maꞈ nawˬ-eu mehˬ nah caw teh ma.”

Doˆ-iˇ 20:18

Mˬ jeˬ jeˬ-eu teˇ saˇ hawˇ-eu daˇ heh teˇ saˇ-ahˇ ya gaˬ-awˇ, mˬ myawꞈ myawꞈ-awˇ, gawˬ jawˬ-ahˇ uˬ kʼoeˬ du doˆ laˇ gaˇ ya mawˇ ngeh, Iˇsaˬleˬlaˆ tsawˇ haˬ deuˬ guˆ-awˇ, yaw dzuˬ dzuˬ-eu laꞈ kʼoeˇ, gaˇ mahˇ kaˬ gaˇ yawꞈ luꞈ-eu meh.

Doˆ-iˇ 5:19

Dzeuˇ laˇ ngeh aˬ yawꞈ maꞈ tsaˬ byaˆ kʼaˇ tehˆ doˆ-euˬ myaˆ ni, nymˬ-mˇ kʼawꞈ aˬ yawꞈ nah yawꞈ ya tehˆ doˆ meh lehˇ sahˬ paˬ ehˇ ngeh, shaˬ dui dui-eu jeˬ aˬ yawꞈ maꞈ kʼoeˇ taˆ keuˆ le-euˬ gaˇ kawˆ, gaˇ mˇ gaˇ haw-eu Iˇsaˬleˬlaˆ tsawˇ haˬ kʼoeˇ deuˬ noeˬ siˬ-euˬ meh.

Yeˬlaˬmiˇ 8:14

Miˬyehˇ-euˬ tsawˇ haˬ deuˬ ehˇ-eu, “Aˬ jeˬ miˇ neh aˬ dui maꞈ dzuˇ dzuˇ-ehˇ jawˇ te. Ziꞈ dah ni gʼeh-eu meuˬ deuˬ-ahˇ cehˆ-awˇ, kʼoeˇ gaˇ shiˇ leˇ kaˇ-euˇ. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, aˬ dui kʼoeˇ taˆ shiˇ-eu jeˬ bi keuˆ le-euˬ meh. Aˬ dui aˬ yawꞈ-ahˇ mˇ lehˬ-euˬ miˇ neh, aˬ dui-ahˇ dzaˇ doꞈ bi dawˇ laꞈ-euˬ meh.

Hawˇseˬ 5:13

“Yawˬ ha naˇ gawˇ aˇ naˆ kʼaˆ-eu, Iˇsaˬleˬlaˆ-ahˇ siˬ leˇ-awˇ, yawˬ ha maˇ naˇ aˇ naˆ naꞈ-eu, Yuˇdaˆ miˇ kʼahˬ-ahˇ siˬ leˇ ngeh, huiˬ-eu Suˇliˆ sahˬ paˬ jawˇ gaˇ, Iˇsaˬleˬlaˆ tahˬ shaˇ-euˬ meh. Ehˇ kʼawꞈ, naˇ gawˇ maˬ yaˇ nya-ehˇ, maˇ naˇ maˬ laˆ taˬ nehˬ nya-a.

Gʼaˬkʼehˇ 7:12

Kʼoeˇ ngeh, Iˇjiˇtuˆ miˇ kʼahˬ-ahˇ cehˇ jaˆ-eu gaˇ kawˆ Yaˬkoˆ ya gaˬ ngeh. aˬ yawꞈ-euˬ aˬ li pyeuꞈ-eu aˬ dui-euˬ aˬ poeˬ deuˬ-ahˇ pyehˬ gʼeh-awˇ, yaw beh tiˬ doˆ bi iˇ haw-euˬ meh.

Gaˬlaˬtiˆ 2:7

Kʼoeˇ uˬ taꞈ, Yuˇdaˆ tsawˇ haˬ deuˬ-ahˇ Laˬ kʼaˬ cehˇ-eu Guiˬ lahˬ dawˬ mehˬ-eu gʼaˇ duˬ Beˬtuˆluˆ-ahˇ Miˬyehˇ neh gaˇ biꞈ taˬ-euˬ loꞈ-ehˇ, aˬ cawˬ tsawˇ jeuˬ-ahˇ Laˬ kʼaˬ cehˇ-eu Guiˬ lahˬ dawˬ mehˬ-eu gʼaˇ duˬ Miˬyehˇ neh ngaˬ-ahˇ gaˇ biꞈ taˬ-euˬ meh lehˇ aˬ yawꞈ maꞈ haw mawˇ-eu meh.

Yawˇshuˆ 7:10

Yawˇshuˆ-ahˇ Sahˬpaˬ Miˬyehˇ ehˇ nehˬ-eu, “Tuˇ-awˬ. Aˬ jeˬ miˇ neh teu loꞈ-ehˇ miˇ tsa joe yuꞈ te.