Aˇ dahˬ 41:52 - Akha

⁵² Kʼoeˇ naˇ, “Ngaˇ ya shaˬ ya zahˬ-euˬ miˇ kʼahˬ-ahˇ, Miˬyehˇ ngaˬ-ahˇ guiˬ lahˬ biꞈ-awˇ, zaˬ bi jawˇ le nehˬ laꞈ-euˬ nga” lehˇ aˬ yawꞈ paˇ ehˇ-awˇ, aˬ li aˬ nyiˇ gʼaˬ-ahˇ Eˇpaˬleˬ lehˇ myahˇ nehˬ-euˬ meh.

Aˇ dahˬ 41:52 Σταυροειδείς Αναφορές

Aˇ dahˬ 17:6

Nawˬ-euˬ zaˬ nawˬ-euˬ uˆ deuˬ-ahˇ ngaˇ bi jeuˬ bi o le-awˇ, aˬ yawꞈ maꞈ laꞈ kʼoeˇ, tiˬ paˆ na deuˬ sahˬ paˬ pyeuꞈ laˇ tehꞈ-a. Nawˬ-euˬ zaˬ nawˬ-euˬ uˆ deuˬ myaˬ dui dui laˇ-awˇ, tsawˇ jeuˬ gʼawˬ mya jeuˬ pyeuꞈ doˆ laˇ tehꞈ-a.

Aˇ dahˬ 28:3

Nawˇ tsawˇ jeuˬ gʼawˬ mya jeuˬ-euˬ aˬ da yaw dzahˇ pyeuꞈ laˇ ni, miˬ zaˬ sheuˬ-awˇ nymˇ dahˬ dahˬ dzaˬ gaˇ Baoˬ huiˬ-eu Miˬyehˇ guiˬ lahˬ biꞈ-awˇ, zaˬ myaˬ laˇ luꞈ-uˇ.

Aˇ dahˬ 41:51

Kʼoeˇ ngeh, “Ngaˬ neh tahˬ puˬ-eu shaˬ-eu zahˬ-eu jeˬ hawˇ-eu, ngaˬ da-euˬ nymˇ jiˇ gaˇ kawˆ ngaˇ ngehˇ ni, Miˬyehˇ jahˇ nehˬ laꞈ-euˬ nga” lehˇ Yoˇsehˆ ehˇ-awˇ, aˬ li aˬ yuiꞈ gʼaˬ-ahˇ Maˬnaˇseˬ lehˇ myahˇ nehˬ-euˬ meh.

Aˇ dahˬ 41:53

Iˇjiˇtuˆ miˇ kʼahˬ laꞈ kʼoeˇ baw le za le-eu aˇ yamˬ kʼoeˇ shiꞈ kʼoꞈ dzeuˇ-iˇ-euˬ meh.

Aˇ dahˬ 48:1

Aˇ nah aˇ yamˬ ui cuiˆ myahˇ laˇ ngeh, aˬ yawꞈ aˬ da jawˇ saˇ maˬ doˆ-eu gaˇ kawˆ Yoˇsehˆ ya gaˬ-euˬ meh. Kʼoeˇ miˇ neh, aˬ yawꞈ-euˬ aˬ li Maˬnaˇseˬ hawˇ-eu Eˇpaˬleˬ aˬ nyaꞈ nmˇ-ahˇ sheuˬ-awˇ, aˬ yawꞈ-euˬ aˬ da Yaˬkoˆ-ahˇ haw le-euˬ meh.

Aˇ dahˬ 48:14

Ehˇ kʼawꞈ, Yaˬkoˆ aˬ laꞈ kaˇ teˇ baꞈ teˇ-awˇ, aˬ nyiˇ gʼaˬ pyeuꞈ-eu Eˇpaˬleˬ-euˬ uˬ duˬ kʼoeˇ taˆ aˇ maˇ laꞈ baꞈ daˆ-awˇ, aˬ yuiꞈ gʼaˬ pyeuꞈ-eu Maˬnaˇseˬ-euˬ uˬ duˬ kʼoeˇ taˆ aˇ caˇ laꞈ baꞈ daˆ nehˬ-euˬ meh.

Aˇ dahˬ 48:5

“Yoˇsehˆ-oˇ, Iˇjiˇtuˆ miˇ kʼahˬ laꞈ kʼoeˇ ngaˇ maˬ oe keuˆ mi naˆ-ehˇ heu gaˇ dehꞈ le-euˬ nawˬ li heu nyiˬ li kʼawꞈ, ngaˬ-euˬ zaˬ pyeuꞈ-eu ma. Luˇbeˬ hawˇ-eu Suˇmoˬ aˬ nyaꞈ nmˇ ngaˬ li pyeuꞈ-eu loꞈ-ehˇ, Eˇpaˬleˬ hawˇ-eu Maˬnaˇseˬ aˬ nyaꞈ nmˇ kʼawꞈ ngaˬ li pyeuꞈ-eu ma.

Aˇ dahˬ 49:22

Yoˇsehˆ-aˬ, lawˇ gawˆ gawˆ zaˬ dawˬ peh jawˇ-eu bawˇ tsahˬ mahˬ tahˬ laˆ hawˇ-eu, Gawˬ jawˬ baˬ gʼa-ahˇ jawˇ-eu bawˇ tsahˬ mahˬ mahˬ paˬ zaˬ-ahˇ duˇ-eu meh.

Aˇ dahˬ 50:23

Eˇpaˬleˬ-euˬ zaˬ deuˬ hawˇ-eu oeˬ paˬ oeˬ ma deuˬ mawˇ le ngeh keuˆ ni, aˬ yawꞈ dehꞈ keuˆ-euˬ meh. Maˬnaˇseˬ-euˬ aˬ li Maˬkiˬlaˇ-euˬ zaˬ deuˬ-ahˇ kʼawꞈ, aˬ yawꞈ maˬ shiˇ mi naˆ-ehˇ aˬ yawꞈ-euˬ miˬ sawˇ zaˬ deuˬ laꞈ kʼoeˇ ha ahˇ nehˬ yaꞈ-euˬ meh.

Aˬmoˆ 6:6

Naw maꞈ naˬ bo bo ma-ahˇ neh aˬ gaꞈ dzaˇ uiˇ dawˇ-awˇ, muiˬ dui dui-eu tsiˇ yaw saw jeˬ zmˬ-eu meh. Ehˇ kʼawꞈ, Iˇsaˬleˬlaˆ miˇ kʼahˬ luˬ-iˇ seˇ-iˇ gaˇ naw maꞈ tsawˇ ngoeˇ maˬ ngoeˇ nehˬ-a.

Bawˇtsahˬ 26:28

Maˬnaˇseˬ hawˇ-eu Eˇpaˬleˬ aˬ nyaꞈ nmˇ-euˬ aˬ da pyeuꞈ-eu Yoˇsehˆ-euˬ zaˬ deuˬ uˆ deuˬ pyeuꞈ-eu Yoˇsehˆ tsawˇ jeuˬ deuˬ-aˬ, heu deuˬ meh.

Gʼaˬkʼehˇ 7:10

shaˬ-eu zahˬ-eu jeˬ laꞈ kʼoeˇ sheuˬ dzeuˇ nehˬ-euˬ meh. Iˇjiˇtuˆ sahˬ paˬ mehˬ shi Yoˇsehˆ ya le ngeh, Miˬyehˇ aˬ yawꞈ-ahˇ myaˆ pyawˬ pyuˇ-eu jeˬ hawˇ-eu zaˬ siˬ tsawˇ gahˇ biꞈ neh-euˬ meh. Sahˬ paˬ kʼoeˇ gʼaˬ neh Yoˇsehˆ-ahˇ aˬ yawꞈ-euˬ miˇ kʼahˬ kʼoeˇ taˆ hawˇ-eu sahˬ paˬ-euˬ hawˇ nymˇ kʼoeˇ taˆ bi uˆ lahˇ-euˬ meh.

Yawˇshuˆ 14:4

Yoˇsehˆ-euˬ zaˬ deuˬ uˆ deuˬ laꞈ kʼoeˇ, Maˬnaˇseˬ tsawˇ jeuˬ hawˇ-eu Eˇpaˬleˬ tsawˇ jeuˬ heu nyiˬ jeuˬ jawˇ-eu miˇ neh, Leˬbiˇ tsawˇ jeuˬ-ahˇ miˇ kʼahˬ maˬ biˇ nehˬ-ehˇ, aˬ yawꞈ maꞈ jawˇ-eu gʼaˇ duˬ meuˬ deuˬ, jeˬ zaˬ gaˆ kʼahˬ deuˬ hawˇ-eu, myawˬ taˬ duˬ tehꞈ-ehˇ biꞈ taˬ-euˬ meh.

Yawˇshuˆ 16:4

Yoˇsehˆ-euˬ zaˬ deuˬ uˆ deuˬ pyeuꞈ-eu Eˇpaˬleˬ tsawˇ jeuˬ hawˇ-eu, nahˇ ma ga kʼehˬ paw jawˇ-eu Maˬnaˇseˬ tsawˇ jeuˬ, miˇ kʼahˬ heu kʼahˬ za-euˬ meh.

Yawˇshuˆ 17:1

Yoˇsehˆ-euˬ aˬ li aˬ yuiꞈ gʼaˬ pyeuꞈ-eu Maˬnaˇseˬ-euˬ zaˬ deuˬ uˆ deuˬ-ahˇ, Yawˇdaˬ lawˇ baˬ nahˇ ma ga kʼehˬ paw miˇ kʼahˬ biˇ nehˬ-euˬ meh. Giˇlaˆ-euˬ aˬ da Maˬkiˬlaˇ-aˬ, Maˬnaˇseˬ-euˬ aˬ li aˬ yuiꞈ yuiꞈ saˬ gʼaˬ pyeuꞈ-awˇ, guiˇ deuˆ-eu kʼaˆ dui dui-eu tsawˇ haˬ pyeuꞈ-eu miˇ neh, Yawˇdaˬ lawˇ baˬ nahˇ ma doˆ kʼehˬ paw jaˆ-eu Giˇlaˆ hawˇ-euˬ Baˬshaˬ meuˬ aˬ yawꞈ-ahˇ biˇ oꞈ nehˬ-euˬ meh.

1 Saˬmeuˬlaˆ 1:20

Kʼoeˇ naˇ, Haˬnahˬ aˬ nyiˇ pi leˇ-awˇ, aˬ li tiˬ li ciˬ-euˬ meh. Kʼoeˇ ngeh, “Aˬ yawꞈ gʼaˇ duˬ ngaˇ guiˬ lahˬ shaˇ-euˬ ma” lehˇ Haˬnahˬ ehˇ-awˇ, aˬ li kʼoeˇ li-ahˇ Saˬmeuˬlaˆ lehˇ myahˇ nehˬ-euˬ meh.