Aˇ dahˬ 40:5 - Akha

⁵ Tiˬ miˇ keuˆ laˇ ngeh, sahˬ paˬ dawˇ-eu aˬ gaꞈ dzaˇ uiˇ jahˇ-eu paw aˬ yuiꞈ geuꞈ-eu gʼaˬ hawˇ-eu, sahˬ paˬ dzaˬ-eu kaˬ muˇ jahˇ-eu paw aˬ yuiꞈ geuꞈ luꞈ-eu paꞈ kuˆ-ahˇ uˇ-eu tsawˇ haˬ kʼoeˇ nyiˬ gʼaˬ, yuꞈ maˆ tiˬ gʼaˬ tiˬ jeˬ maˆ mawˇ-euˬ meh.

Aˇ dahˬ 40:5 Σταυροειδείς Αναφορές

Aˇ dahˬ 20:3

Tiˬ miˇ keuˆ laˇ ngeh, Aˬbiˇmaˬlehˆ yuꞈ maˆ maˆ-eu laꞈ kʼoeˇ, aˬ yawꞈ jawˇ gaˇ Miˬyehˇ oe-awˇ, “Zaˬ miˬ zaˬ heu gʼaˬ-ahˇ sheuˬ-euˬ baˬ da neh nawˇ ya shiˇ tehꞈ-a. Aˬ yawꞈ aˬ cawˬ-euˬ miˬ zaˬ meh” lehˇ ehˇ nehˬ le-euˬ meh.

Aˇ dahˬ 40:1

Aˇ nah aˇ yamˬ myahˇ laˇ ngeh, Iˇjiˇtuˆ sahˬ paˬ dawˇ-eu aˬ gaꞈ dzaˇ uiˇ jahˇ-eu paw aˬ yuiꞈ geuꞈ-eu gʼaˬ hawˇ-eu, sahˬ paˬ dzaˬ-eu kaˬ muˇ jahˇ-eu paw aˬ yuiꞈ geuꞈ-eu gʼaˬ, sahˬ paˬ-ahˇ mˇ bahˬ-euˬ meh.

Aˇ dahˬ 40:4

Aˬ yawꞈ maꞈ paꞈ kuˆ laꞈ kʼoeˇ gʼawˬ myahˇ ni jawˇ-awˇ, yaw huiˬ yaw mahˇ kʼoeˇ gʼaˬ neh, Yoˇsehˆ-ahˇ tsawˇ haˬ kʼoeˇ nyiˬ gʼaˬ-ahˇ bo saˆ-eu zaˬ kʼaˆ bi geuꞈ-euˬ meh.

Aˇ dahˬ 40:6

Uˬ shawˬ paw, aˬ yawꞈ nyaꞈ jawˇ gaˇ Yoˇsehˆ oe ngeh, aˬ yawꞈ nyaꞈ nui ma cawˆ-awˇ nyoeˬ kʼeuˇ ni jawˇ luꞈ gaˇ ya mawˇ-euˬ meh.

Aˇ dahˬ 40:8

“Nga nyaꞈ nyiˬ gʼaˬ luꞈ yuꞈ maˆ maˆ-euˬ ma. Ehˇ kʼawꞈ heu gaˇ jawˇ-eu tsawˇ haˬ tiˬ gʼaˬ-iˬ yuꞈ maˆ dawˬ tsuiꞈ maˬ yuˇ doˆ nehˬ laꞈ nya-a” lehˇ, Yoˇsehˆ-ahˇ aˬ yawꞈ nyaꞈ ehˇ-eu meh. “Miˬyehˇ tehꞈ-ehˇ yuꞈ maˆ dawˬ tsuiꞈ yuˇ doˆ-eu tsawˇ gahˇ biꞈ nya-eu meh. Naw nyaꞈ neh yuꞈ maˆ maˆ-euˬ gaˇ kawˆ dzawˇ haw sheˇ” lehˇ Yoˇsehˆ ehˇ-eu meh.

Aˇ dahˬ 41:11

Tiˬ miˇ-aˬ, nga nyaꞈ nyiˬ gʼaˬ luꞈ, yuꞈ maˆ tiˬ gʼaˬ tiˬ jeˬ maˆ-euˬ ma.

Iˇsaˬtaˆ 6:1

Uˬ ciꞈ kʼoeˇ miˇ sahˬ paˬ maˬ yuꞈ kʼaˆ leˇ-a. Kʼoeˇ miˇ neh miˇ kʼahˬ-euˬ gaˇ kawˆ boꞈ taˬ-euˬ sahˬ boꞈ bi yuˇ laꞈ-awˇ aˬ yawꞈ-ahˇ gui mehˬ laˇ-awˬ lehˇ aˬ yawꞈ dawˬ biꞈ-euˬ meh.

Daˬyeˬlaˇ 4:19

Kʼoeˇ loꞈ-ehˇ ehˇ gaˇ ya gaˬ ngeh, Beˬteˬshaˬzaˬ lehˇ kʼawꞈ kuˇ-eu Daˬyeˬlaˇ ya gaˬ ngeh, tsawˬ guˆ-iˇ-awˇ, dawˬ maˬ ngehˬ ni tiˬ kʼehˬ tsoˆ leˇ-euˬ meh. “Beˬteˬshaˬzaˬ-oˇ, yuꞈ maˆ heu-euˬ gaˇ kawˆ-ahˇ nawˇ taˬ tsawˬ guˆ-iˇ” lehˇ, sahˬ paˬ ehˇ-eu meh. Beˬteˬshaˬzaˬ ehˇ-eu, “Sahˬ paˬ-oˇ, ngaˬ-euˬ nui ma laꞈ kʼoeˇ, yuꞈ maˆ hawˇ-eu yuꞈ maˆ-euˬ dawˬ tsuiꞈ heu nawˬ-ahˇ ehˇ mawꞈ-eu jeˬ maˬ ngeuˇ-ehˇ, nawˬ-ahˇ muiˇ-eu deuˬ-ahˇ ehˇ mawꞈ-eu jeˬ pyeuꞈ law nmˇ duˇ nya.

Daˬyeˬlaˇ 4:5

Ehˇ kʼawꞈ, ngaˇ yuꞈ kʼaˆ luꞈ ngeh, guˆ laˇ paˬ-ehˇ gʼeh-eu yuꞈ maˆ maˆ-awˇ, guˆ dui dui laˇ paˬ-ehˇ gʼeh-eu jeˬ ya mawˇ-euˬ ma.

Daˬyeˬlaˇ 4:9

Mah loˬ ja maw nya-eu deuˬ dawˬ tawˆ kʼoeˇ taˆ huiˬ dzehˬ-eu Beˬteˬshaˬzaˬ-oˇ, muiˬ-eu shawˇ-eu miˬ yehˇ-euˬ yaw sahˇ nawˬ-euˬ laꞈ kʼoeˇ jawˇ-awˇ, kʼaˇ zaꞈ taˬ-euˬ jeˬ dawˬ tawˆ luꞈ nawˇ siˬ nya meh lehˇ ngaˇ jah ma. Ngaˇ yuꞈ maˆ heu loꞈ-ehˇ maˆ-euˬ ma. Dawˬ tsuiꞈ tiˬ poˆ yuˇ doˆ nehˬ laꞈ sheˇ.

Bawˇtsahˬ 12:6

Sahˬpaˬ Miˬyehˇ ehˇ-eu, “Ngaˇ ehˇ gaˇ naˇ haˬ-awˬ. Naw maꞈ laꞈ kʼoeˇ Miˬyehˇ gʼaˇ duˬ ngehˬ dah-eu deuˬ jawˇ naˇ, yaw sahˇ laꞈ kʼoeˇ aˬ yawꞈ maꞈ-ahˇ ngaˇ pah mehˬ nehˬ-awˇ, yuꞈ maˆ maˆ-eu laꞈ kʼoeˇ ngaˇ dawˬ ngehˬ cawˬ ma.