Aˇ dahˬ 4:8 - Akha

⁸ Kʼoeˇ naˇ, Gaˬiˇnaˆ gʼaˬ, aˬ yawꞈ-euˬ aˬ nyiˇ Aˬbeˬlaˆ-ahˇ, “Deh ma-ahˇ iˇ kaˇ-euˇ” lehˇ cawˬ-euˬ meh. Aˬ yawꞈ nyaꞈ nmˇ deh yaˇ-ahˇ iˇ keuˆ-awˇ jawˇ ngeh, Gaˬiˇnaˆ tsawˬ tuˇ-awˇ, aˬ yawꞈ-euˬ aˬ nyiˇ-ahˇ sehꞈ-euˬ meh.

Aˇ dahˬ 4:8 Σταυροειδείς Αναφορές

Aˇ dahˬ 4:25

Aˬdaˬ hawˇ-eu Eˇbaˆ aˬ nyaꞈ dzeˇ zaˬ aˬ li tiˬ li paˇ jawˇ le-euˬ meh. “Gaˬiˇnaˆ neh bi sehꞈ-euˬ Aˬbeˬlaˆ-euˬ dah zaˇ, Miˬyehˇ ngaˬ-ahˇ aˬ li tiˬ li paˇ biꞈ laꞈ-euˬ nga” lehˇ Eˇbaˆ ehˇ-awˇ, aˬ li kʼoeˇ li-ahˇ, Seˬtaˆ lehˇ myahˇ nehˬ-euˬ meh.

2 Saˬmeuˬlaˆ 14:6

Ngaˇ aˬ li nyiˬ li jawˇ-awˇ, tiˬ nah keuˆ laˇ ngeh, aˬ yawꞈ nyaꞈ nmˇ deh yaˇ-ahˇ ceh dzaˬ-euˬ meh. Kaˬ piˇ nehˬ-eu gʼaˬ maˬ jawˇ-eu miˇ neh, tiˬ gʼaˬ neh yawˬ gʼaˬ yawˬ-ahˇ sehꞈ-euˬ meh.

2 Saˬmeuˬlaˆ 3:27

Aˬbaˬnaˬ Heˬbyoˬ meuˬ-ahˇ gʼoꞈ keuˆ le ngeh, Yoˇbaˬ gʼaˬ Aˬbaˬnaˬ nehˬ-ehˇ, nyiˬ gʼaˬ yaw kaˬ ciˬ cuˇ ni dawˬ ngehˬ cawˬ mawꞈ nya lehˇ ehˇ-awˇ, meuˬ-euˬ lahˇ kʼehˬ paw sheuˬ ceuˆ gʼeh-awˇ, uˬ maˆ-ahˇ mi cehˇ jiˇ baˆ tsawˆ tsoˆ nehˬ-euˬ meh. Yoˇbaˬ-euˬ aˬ nyiˇ Aˬsaˬheˬlaˇ-ahˇ Aˬbaˬnaˬ neh sehꞈ-euˬ miˇ neh, aˬ yawꞈ-ahˇ kʼoeˇ loꞈ-ehˇ paˇ sehꞈ poˆ nehˬ gaˇ ya daˬ-euˬ meh.

2 Laˬsaˬbaˬ 21:4

Yeˬhawˇlamˬ-aˬ, miˇ kʼahˬ-ahˇ ziꞈ dah ni uˆ lahˇ gʼaˬ ngeh jawˇ, aˬ yawꞈ-euˬ mehˇ nmˇ deuˬ-ahˇ sehꞈ jiˇ-awˇ, aˬ yuiꞈ aˬ tsu geuꞈ luꞈ-eu Iˇsaˬleˬlaˆ tsawˇ haˬ tiˬ paˆ na deuˬ-ahˇ kʼawꞈ, sehꞈ-euˬ meh.

Neˬhaˬmiˇ 6:2

Kʼoeˇ miˇ neh, Sahˬbaˬlaˆ hawˇ-eu Geˬsheˬ aˬ nyaꞈ-aˬ, Oˇnoˇ deh ga-ahˇ aˬ yawꞈ nyaꞈ-ahˇ tahˬ puˬ le-awˬ lehˇ ngaˬ-ahˇ bi ehˇ gaˬ laˇ-euˬ meh. Aˬ yawꞈ nyaꞈ ngaˬ-ahˇ yehˬ bawˬ-ehˇ jahˇ mawꞈ-eu miˇ neh, kʼoeˇ loꞈ-ehˇ bi tsaꞈ gaˬ laˇ-euˬ jeˬ pyeuꞈ-eu meh.

Yawˇbaˆ 11:15

Kʼoeˇ naˇ nui ma ziꞈ dah ni taˬ-awˇ, kʼaˬ duˬ ni yaw dehꞈ paˇ dehꞈ daˆ leꞈ haw-awˬ.

Jaceuq 139:19

Miˬyehˇ-oˇ, haiˬ-eu tsawˇ haˬ deuˬ-ahˇ, nawˬ neh bi sehꞈ mawꞈ dui dui nya. Aˬ cawˬ-ahˇ sehꞈ-eu tsawˇ haˬ deuˬ-ahˇ, ngaˇ jawˇ gaˇ neh bi doˆ-iˇ dui dui mawꞈ nya.

Jaceuq 36:3

Yawꞈ-euˬkʼaˬmehˬ-ahˇngehˬ-eu dawˬ, jaˬmyawꞈmehˇshuiˇtehꞈ-ehˇbyah-awˇ, yaw muiˬmˇ-eu byehˇtsehˆ-euˬmeh.

Jaceuq 55:21

Aˬ yawꞈ-euˬ dawˬ saˇ byaˬ loꞈ-ehˇ juˇ kʼawꞈ, nui ma laꞈ gʼoꞈ baw-eu meh. Aˬ yawꞈ-euˬ dawˬ zaꞈ tsiˇ-ahˇ duˇ kʼawꞈ, mi cehˇ loꞈ-ehˇ coeˇtsehˆ laˇ nya-eu meh.

Hawˇseˬ 4:2

Dawˬ kʼaˆ ngehˬ-awˇ kamˬ-eu maˬ ehˇ, jaˬ myawꞈ mehˇ shuiˇ shuiˇ-eu maˬ ehˇ, tsawˇ haˬ-ahˇ sehꞈ-eu jeˬ maˬ ehˇ, kʼoeˬ-eu gʼehꞈ-eu gaˇ kawˆ maˬ ehˇ, kʼaˬ miˬ sheu-awˇ bahˬ-eu maˬ ehˇ, miˇ kʼahˬ heu doe ni byah jiˇ-awˇ, yaw haiˬ mˇ-eu aˇ dzehˬ dzeuˇ-awˇ, tsawˇ haˬ sehꞈ dehˆ-euˬ maˬ baw-a.

Miˇkaˬ 7:6

Aˇ yamˬ heu yamˬ-aˬ, aˬ li deuˬ aˬ da-ahˇ yaw zeu maˬ baw-ehˇ, aˬ buˇ deuˬ yawˬ ha-euˬ aˬ ma-ahˇ dawˬ poˆ poˆ-eu uˬ taꞈ, kuiˬ ma deuˬ boeˇ miˬ aˬ ma nehˬ-ehˇ ceh-eu aˇ yamˬ meh. Yawˬ ha-euˬ nymˇ kʼahˬ zaˬ deuˬ yawˬ ha-ahˇ muiˇ-eu aˇ yamˬ meh.

Bawˇtsahˬ 35:20

“Tsawˇ haˬ tiˬ gʼaˬ na aˬ cawˬ nehˬ-ehˇ nui ma laˆ jaˆ taˬ-euˬ laꞈ kʼoeˇ, tiˬ gaˇ paw neh dehˬ ka-awˇ bi shiˇ-euˬ maˬ ehˇ, tiˬ jeˬ paˬ neh biˬ sehꞈ-euˬ maˬ ehˇ,

Maꞈtehˬ 23:35

Aˇ saˬ saˬ laˇ ngeh jawˇ, maˬ bahˬ maˬ muˆ-eu tsawˇ haˬ deuˬ-ahˇ sehꞈ-euˬ baˬ da neh, naw maꞈ kʼoeˇ taˆ kʼehˬ-eu kʼaˆ-eu jeˬ keuˆ le tehꞈ-a. Iˬ baˇ maˬ ahˇ-eu Aˬbeˬlaˆ-ahˇ sehꞈ-euˬ gaˇ neh aˇ dahˬ beh-awˇ, Uˬ duˬ tahˬ nymˇ nymˇ ma hawˇ-eu lawˇ duˬ yaw kaˬ-ahˇ naw maꞈ neh sehꞈ-euˬ Beˬleˬkiˇ-euˬ aˬ li Zaˬkaˬliˇ-ahˇ keuˆ ni, naw maꞈ neh kʼaˇ sehꞈ-euˬ maˬ bahˬ maˬ muˆ-eu tsawˇ haˬ deuˬ-euˬ shiˬ baˬ da neh, naw maꞈ kʼoeˇ taˆ kʼehˬ-eu kʼaˆ-eu jeˬ keuˆ le tehꞈ-a.

Luˇkaꞈ 11:51

Muiˬ-eu shawˇ-eu Jawˇ duˬ hawˇ-eu lawˇ duˬ-euˬ yaw kaˬ-ahˇ Zaˬkaˬliˇ bi sehꞈ-euˬ gaˇ kawˆ-ahˇ keuˆ ni, aˬ yawꞈ maꞈ-ahˇ ciˬ pi nehˬ tehꞈ-a. Kʼoeˇ deuˬ dawˬ tawˆ luꞈ aˇ poeˬ, heu ziˇ-euˬ tsawˇ haˬ deuˬ-ahˇ kʼehˬ nehˬ kʼaˆ nehˬ tehꞈ-a lehˇ, naw maꞈ-ahˇ ngaˇ ehˇ-eu ma.

Luˇkaꞈ 22:48

Ehˇ kʼawꞈ, Yeˬsuˇ aˬ yawꞈ-ahˇ ehˇ nehˬ-eu, “Yuˇdaˆ-oˇ, nawˇ Tsawˇhaˬ-euˬ Zaˬmaˇ-ahˇ mehˬ cuˇ tiˬ poˆ cuˇ-awˇ ahˬ dzaˬ-eu lehˇ gʼeh-eu ma loˇ.”

HeˬByehˇ 11:4

Gaˬiˇnaˆ neh lawˇ-euˬ naˆ maˬ tseˇ muiˬ dzehˬ-eu jeˬ-ahˇ Aˬbeˬlaˆ lawˇ nya-euˬ kʼoeˇ-aˬ, jah-eu jeˬ baˬ da neh meh. Aˬ yawꞈ-euˬ jah-eu jeˬ baˬ da neh Miˬyehˇ aˬ yawꞈ-ahˇ yaw tsaˬ yaw dawˇ tsawˇ haˬ lehˇ sawˇ nehˬ-euˬ meh. Aˬ jeˬ miˇ neh ehˇ naˇ, aˬ yawꞈ neh damˬ-euˬ jeˬ-ahˇ Miˬyehˇ nui kʼahˇ shiˇ-eu meh. Aˬbeˬlaˆ shiˇ dzeuˇ-euˬ kʼawꞈ, aˬ yawꞈ-euˬ jah-eu jeˬ baˬ da neh iˬ nah keuˆ ni dawˬ ngehˬ luꞈ-a siˬ.

HeˬByehˇ 12:24

Dawˬ ma saˇ jaˇ yaw shuiꞈ lehˬ hmˬ laˆ saˆ-euˬ gʼaˬ pyeuꞈ-eu Yeˬsuˇ jawˇ gaˇ maˬ ehˇ, Aˬbeˬlaˆ-euˬ shiˬ naˆ maˬ tseˇ baoˬ huiˬ dzehˬ-eu saˇ jaˇ dawˬ kawˬ pyeuꞈ-eu byaˆ shehˬ-euˬ shiˬ jaˆ gaˇ maˬ ehˇ, naw maꞈ laˇ-euˬ jeˬ pyeuꞈ-eu meh.

Yuˇdaˆ 1:11

Aˬ yawꞈ maꞈ aˇ naˆ ni ya noeˬ shaˬ paˬ-ehˇ gʼeh-eu nga. A yawꞈ maꞈ-aˬ, Gaˬiˇnaˆ-euˬ kuiˇ toꞈ mehˬ nah caw teh luꞈ-eu meh. Pyuˇ shuiˇ-ahˇ nui kʼahˇ jaˆ-eu laꞈ kʼoeˇ Baˬlamˬ neh mˇ lehˬ-euˬ jeˬ-ahˇ aˬ yawꞈ maꞈ mˇ-eu meh. Gawˇlaˆ neh Miˬyehˇ-ahˇ puiˬ-euˬ loꞈ-ehˇ aˬ yawꞈ maꞈ kʼawꞈ puiˬ-awˇ, Gawˇlaˆ loꞈ-ehˇ laˆ luˬ laˆ seˇ nehˬ-eu jeˬ-ahˇ ya daˬ-euˬ meh.