Aˇ dahˬ 4:7 - Akha

⁷ Nawˇ dawˇ coe ni mˇ law nmˇ-aˬ, laˬ kʼaˬ ya cehˇ tehꞈ-a. Ehˇ kʼawꞈ, nawˇ yaw tsaˬ yaw dawˇ dawˇ-ehˇ maˬ mˇ-euˬ miˇ neh, nawˬ-euˬ nymˇ gʼoˆ kʼehˬ-ahˇ iˬ baˇ keuˆ le luꞈ meh. Iˬ baˇ kʼoeˇ nawˬ-ahˇ uˆ lahˇ mawꞈ-eu meh. Iˬ baˇ-ahˇ gʼaˬ leˇ ni nawˇ leh jeh-awˬ.”

Aˇ dahˬ 4:7 Σταυροειδείς Αναφορές

Aˇ dahˬ 19:21

Mˬ taˆ gʼaˬ kʼehˇ kʼoeˇ gʼaˬ ehˇ-eu, “Toˆ-ehˇ ngeuˇ naˇ kʼawꞈ muiˬ tehꞈ-a. Nawˇ shaˇ-eu loꞈ-ehˇ ngaˇ geuꞈ ma. Meuˬ meuˬ zaˬ kʼoeˇ meuˬ-ahˇ ngaˇ maˬ laˆ cawˆ.

Aˇ dahˬ 3:16

Kʼoeˇ naˇ, Miˬyehˇ pyeuꞈ-eu Sahˬpaˬ Miˬyehˇ zaˬ miˬ zaˬ gʼaˬ-ahˇ heu loꞈ-ehˇ ehˇ nehˬ-euˬ meh. “Aˬ nyiˇ pi luꞈ ngeh maˬ ehˇ, aˬ nyiˇ ciˬ ngeh maˬ ehˇ, nawˇ ya mˇ-eu shaˬ zahˬ heu naˆ maˬ tseˇ naꞈ dzehˬ laˇ ni ngaˇ jahˇ ma. Nawˇ kʼoeˇ naˆ naˆ-ehˇ ya shaˬ kʼawꞈ, nawˬ-euˬ kʼaˬ dzeˇ zaˬ-ahˇ nawˇ aˬ myah luꞈ nui kʼahˇ jaˆ tehꞈ-a. Ehˇ kʼawꞈ, nawˬ-euˬ kʼaˬ dzeˇ zaˬ uˆ lahˇ-eu uˬ moˆ nawˇ ya jawˇ tehꞈ-a” lehˇ ehˇ nehˬ-euˬ meh.

2 Saˬmeuˬlaˆ 24:23

Kʼoeˇ deuˬ dawˬ tawˆ luꞈ sahˬ paˬ-ahˇ Aˬyawˇnahˬ biꞈ-awˇ, “Nawˬ neh lawˇ-euˬ jeˬ-ahˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ ha geuꞈ luꞈ-uˇ” lehˇ ehˇ nehˬ-euˬ meh.

2 Sahˬpaˬ 8:28

Sahˬ paˬ Aˬhaˬziˇ-aˬ, Iˇsaˬleˬlaˆ sahˬ paˬ Yoˇlamˬ nehˬ-ehˇ gm leˇ-awˇ, Suˇliˆ sahˬ paˬ Haˬzeˬlaˇ-ahˇ guiˇ deuˆ-euˬ meh. Guiˇ maꞈ kʼoeˇ deuˬ Giˇlaˆ miˇ kʼahˬ Laˬmoˆ meuˬ-ahˇ deuˆ ceh ceh-awˇ, Yoˇlamˬ gʼaˬ bi deuˆ tahˬ-euˬ meh.

Yawˇbaˆ 11:14

Nawˬ-euˬ nymˇ jiˇ laꞈ kʼoeˇ yaw haiˬ jeˬ hawˇ-eu yaw lehˬ jeˬ taˬ paˇ bi jaˆ.

Yawˇbaˆ 11:15

Kʼoeˇ naˇ nui ma ziꞈ dah ni taˬ-awˇ, kʼaˬ duˬ ni yaw dehꞈ paˇ dehꞈ daˆ leꞈ haw-awˬ.

Yawˇbaˆ 29:4

Aˇ nah aˇ yamˬ kʼoeˇ yamˬ-ahˇ ngaˇ dehꞈ dzaˬ dui dui-awˇ, Miˬyehˇ-euˬ cawˬ cawˬ taꞈ-eu jeˬ ngaˬ-euˬ nymˇ jiˇ-ahˇ haw piˇ nehˬ laꞈ-euˬ meh.

Yawˇbaˆ 42:8

Nymˬ-mˇ, mawˇ neˇ mawˇ gaw shiꞈ mawˇ hawˇ-eu yawˇ aˬ buˬ shiꞈ mawˇ Yawˇbaˆ jawˇ gaˇ tsahˇ gʼeh-awˇ, naw maꞈ-euˬ gʼaˇ duˬ lawˇ-awˬ, shehˇ-awˬ. Naw maꞈ gʼaˇ duˬ Yawˇbaˆ guiˬ lahˬ shaˇ gaˇ ngaˇ naˇ haˬ-awˇ, naw maꞈ-ahˇ geuˇ-eu loꞈ-ehˇ shaꞈ dawˇ-eu jeˬ ngaˇ maˬ bi keuˆ le. Naw maꞈ-aˬ, Yawˇbaˆ loꞈ-ehˇ ngaˬ-euˬ gaˇ kawˆ yaw tsaˬ yaw dawˇ dawˇ-ehˇ maˬ ehˇ-a.”

Dawqdaq 18:5

Haiˬ-eu tsawˇ haˬ-euˬ myaˆ pyawˬ-ahˇ haw-awˇ, tsaˬ-eu tsawˇ haˬ-ahˇ guiˇ oꞈ tiꞈ-eu maˬ muiˬ-a.

Dawqdaq 21:27

Haiˬ-eu tsawˇ haˬ deuˬ lawˇ gaˇ shehˇ gaˇ Sahˬpaˬ Miˬyehˇ bye-awˇ, nui ma maˬ dawˇ-eu laꞈ kʼoeˇ lawˇ gaˇ bye dzehˬ-eu meh.

Yeˬlaˬmiˇ 3:12

Iˇsaˬleˬlaˆ-ahˇ heu loꞈ-ehˇ ehˇ nehˬ leˇ-awˬ lehˇ aˬ yawꞈ ngaˬ-ahˇ ehˇ-eu meh. “Saˇ jaˇ maˬ ziꞈ-eu Iˇsaˬleˬlaˆ-oˇ, ngaˇ jawˇ gaˇ gʼoꞈ laˇ-awˬ. Ngaˇ gʼawˬ shaˬ gaˬ nya-awˇ nui ma maˬ pehˇ. Mˬ maˬ maˬ byaˆ zaˇ ziˇ nawˬ-ahˇ nui ma maˬ paˇ pehˇ ma.

Yeˬlaˬmiˇ 6:20

Sheˬba miˇ kʼahˬ-ahˇ jaˆ-eu tsiˇ yaw saw hawˇ-eu, gaˇ mahˇ kaˬ-eu miˇ kʼahˬ-ahˇ jaˆ-eu pawˬ coeˇ yaw saw jeˬ, ngaˬ-ahˇ aˬ yawꞈ maꞈ damˬ laˇ gaˇ laˬ kʼaˬ maˬ cehˇ. Aˬ yawꞈ maꞈ damˬ nehˬ laꞈ-euˬ jeˬ ngaˇ maˬ ha geuꞈ. Aˬ yawꞈ maꞈ lawˇ-eu jeˬ-ahˇ ngaˇ laˬ kʼaˬ maˬ cehˇ.

Miˇkaˬ 7:18

Sahˬpaˬ Miˬyehˇ-oˇ, nawˬ-ahˇ duˇ-eu miˬ yehˇ nui gʼaˬ maˬ jawˇ-a. Luˬ-iˇ seˇ-iˇ-eu jeˬ-ahˇ buˬ-iˇ law-iˇ-euˬ nawˬ-euˬ tsawˇ haˬ deuˬ-euˬ iˬ baˇ-ahˇ nawˇ pyehˬ nehˬ-euˬ meh. Nawˇ-aˬ, aˬ myah luꞈ nui ma pehˇ pehˇ-ehˇ maˬ jawˇ ni, maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ nga maꞈ-ahˇ bi mawˇ-eu laꞈ kʼoeˇ nawˇ nui kʼahˇ shiˇ-eu meh.

Maˬlaˬkiˇ 1:10

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ ngaˬ-euˬ lawˇ duˬ kʼoeˇ taˆ miˬ dzaˬ ciˆ doꞈ-awˇ gaˇ dahˇ maˬ tsoeˬ-eu jeˬ maˬ ya mˇ ni, naw maꞈ laꞈ kʼoeˇ tiˬ gʼaˬ na Uˬ duˬ tahˬ nymˇ nymˇ ma-euˬ laˇ gʼoˆ piˬ tehˬ leˇ gaˇ ngaˇ geuꞈ mawꞈ-eu ma. Naw maꞈ-ahˇ ngaˇ nui ma maˬ tsaˬ nya. Naw maꞈ neh yuˇ laꞈ-euˬ lawˇ-eu shehˇ-eu jeˬ ngaˇ maˬ ha geuꞈ.

Maˬlaˬkiˇ 1:13

‘Gaˇ heu maˬ mˇ nahˇ-ehˇ pyeuꞈ laˇ taˬ nyaˬ’ lehˇ naw maꞈ ehˇ-awˇ, ngaˬ-ahˇ naˇ mehˇ mˇ juꞈ haw-eu meh. Kʼoeˬ-euˬ jeˬ zaˬ, kuiˇ kuˆ laꞈ kuˆ kuˆ-eu jeˬ zaˬ hawˇ-eu, naˇ gawˇ ahˇ-eu jeˬ zaˬ deuˬ tsahˇ-awˇ, naw maꞈ ngaˬ-ahˇ lawˇ nehˬ laˇ-euˬ meh. Kʼoeˇ loꞈ-ehˇ gʼeh-eu lawˇ-eu shehˇ-eu jeˬ-ahˇ ngaˇ ha geuꞈ tehꞈ-a lehˇ naw maꞈ noeˬ te loˇ.

Maˬlaˬkiˇ 1:8

Myaˆ behꞈ behꞈ-eu jeˬ zaˬ, naˇ gawˇ ahˇ-eu jeˬ zaˬ, kuiˇ kuˆ laꞈ kuˆ kuˆ-eu jeˬ zaˬ heu deuˬ naw maꞈ ngaˬ-ahˇ lawˇ nehˬ laˇ ngeh, tiˬ jeˬ-iˬ maˬ bahˬ-aˇ lehˇ noeˬ te loˇ. Miˇ kʼahˬ-ahˇ uˆ lahˇ-eu sahˬ paˬ sahˬ ma deuˬ-ahˇ kʼoeˇ loꞈ-ehˇ gʼeh-eu jeˬ zaˬ biꞈ leˇ haw sheˇ. Aˬ yawꞈ maꞈ nui kʼahˇ shiˇ-awˇ laˬ kʼaˬ tiˬ cehˇ ha geuꞈ nehˬ laꞈ tehꞈ-a loˇ.”

Bawˇtsahˬ 32:23

Ehˇ kʼawꞈ, naw maꞈ neh ehˇ taˬ-euˬ loꞈ-ehˇ naw maꞈ saˇ jaˇ maˬ ziꞈ naˇ, Sahˬpaˬ Miˬyehˇ-ahˇ naw maꞈ mˇ lehˬ-eu meh lehˇ naw maꞈ-ahˇ ngaˇ nymˬ-mˇ mi naˆ-ehˇ ehˇ taˬ-eu ma. Naw maꞈ tiˬ jeˬ-iˬ maˬ ya mˇ lehˬ ni yahˇ-awˬ. Maˬ ngeuˇ naˇ, naw maꞈ-euˬ iˬ baˇ baˬ da neh kʼehˬ nehˬ kʼaˆ nehˬ-eu jeˬ-ahˇ naw maꞈ ya daˬ tehꞈ-a.

Gʼaˬkʼehˇ 10:35

Aˬ geu jeˬ tsawˇ jeuˬ pyeuꞈ-eu maˬ kaˬ, aˬ yawꞈ-ahˇ guˆ-awˇ yaw tsaˬ yaw dawˇ jeˬ mˇ-eu tsawˇ haˬ-ahˇ aˬ yawꞈ nui ma tsaˬ-eu meh.

Lormav 12:1

Kʼoeˇ miˇ neh aˬ yuiꞈ aˬ nyiˇ Ka li zaˬ deuˬ-oˇ, Miˬyehˇ-euˬ huiˬ dui myaˬ dui dui-eu gʼawˬ shaˬ gaˬ-eu jeˬ baˬ da neh naw maꞈ-ahˇ ngaˇ heu loꞈ-ehˇ shaˇ-eu ma. Dehꞈ luꞈ-eu lawˇ-eu jeˬ loꞈ-ehˇ, naw maꞈ-euˬ gʼawˇ mawˇ Miˬyehˇ-ahˇ damˬ nehˬ-awˬ. Aˬ yawꞈ-euˬ gaˇ mˇ-eu gʼaˇ duˬ a nehˬ-awˇ, aˬ yawꞈ nui ma tsaˬ ni dehꞈ-awˬ. Heu-aˬ, naw maꞈ mˇ paˬ-ehˇ gʼeh-eu maˇ maˇ ni gʼeh-eu uˬ duˬ tahˬ-eu jeˬ pyeuꞈ-eu meh.

Lormav 14:18

Ka li gʼaˇ duˬ kʼoeˇ loꞈ-ehˇ mˇ-eu tsawˇ haˬ-ahˇ Miˬyehˇ nui ma tsaˬ-awˇ, tsawˇ haˬ zaˬ kʼawꞈ nui kʼahˇ shiˇ-eu meh.

Lormav 15:16

Yuˇdaˆ tsawˇ haˬ maˬ ngeuˇ-eu deuˬ-euˬ gʼaˇ duˬ gaˇ bi mˇ-eu lehˇ, ngaˬ-ahˇ Yeˬsuˇ Ka li-euˬ zaˬ kʼaˆ bi geuꞈ laꞈ-euˬ meh. Miˬyehˇ-euˬ Laˬ kʼa cehˇ-eu Guiˬ lahˬ dawˬ mehˬ-eu gaˇ-ahˇ taꞈ leˇ-awˇ, piˇ ma tiˬ gʼaˬ loꞈ-ehˇ ngaˇ gaˇ mˇ luꞈ-eu ma. Yuˇdaˆ tsawˇ haˬ maˬ ngeuˇ-eu deuˬ-ahˇ Miˬyehˇ-ahˇ lawˇ nehˬ-euˬ jeˬ loꞈ-ehˇ Miˬyehˇ ha geuꞈ nya ni, Muiˬ-eu Shawˇ-eu Yaw sahˇ Miˬyehˇ neh Miˬyehˇ-ahˇ damˬ nehˬ-euˬ jeˬ loꞈ-ehˇ bi pyeuꞈ-eu gʼaˇ duˬ, piˇ ma tiˬ gʼaˬ loꞈ-ehˇ ngaˇ mˇ luꞈ-eu ma.

Lormav 6:12

Naw maꞈ-euˬ shiˬ shaˬ jiˇ nui kʼahˇ mehˬ nah maˬ ya caw teh ni, shiˇ nya-eu naw maꞈ-euˬ shiˬ shaˬ jiˇ gʼawˇ mawˇ-ahˇ iˬ baˇ neh taˬ paˇ bi uˆ lahˇ.

Lormav 6:16

Tsawˇ haˬ tiˬ gʼaˬ na-euˬ myawˬ kʼehˇ gʼoˆ nehˬ-eu gʼaˇ duˬ zaˬ kʼaˆ geuꞈ-eu lehˇ yawˬ ha-euˬ gʼawˇ mawˇ a nehˬ gʼaˬ shaw naˇ, yawˬ ha myawˬ kʼehˇ gʼoˆ nehˬ-eu baw leˬ kʼoeˇ gʼaˬ-euˬ zaˬ kʼaˆ pyeuꞈ tsehˆ tsehˆ-euˬ meh lehˇ naw maꞈ siˬ duˬ luꞈ meh. Iˬ baˇ-euˬ ehˇ dawˬ naˇ haˬ naˇ, shiˇ gaˇ ya keuˆ tehꞈ-a. Miˬyehˇ-euˬ ehˇ dawˬ naˇ haˬ naˇ, aˬ yawꞈ-ahˇ tsaˬ leˇ tsahˇ leˇ gaˇ ya keuˆ tehꞈ-a.

Eˇpeˇsu 1:6

Aˬ yawꞈ-euˬ huiˬ dui muiˬ dui dui-eu gʼawˬ shaˬ gaˬ-eu guiˬ lahˬ kʼoeˇ, aˬ yawꞈ gaˬ dui dui-eu aˬ yawꞈ-euˬ Zaˬmaˇ laꞈ kʼoeˇ aˬ dui-ahˇ biꞈ laꞈ-euˬ miˇ neh, Miˬyehˇ-ahˇ ja ceuˬ kaˇ-euˇ.

1 Tiˆmoˇseˬ 5:4

Ehˇ kʼawꞈ, miˬ coeˬ miˬ ma tiˬ gʼaˬ zaˬ hawˇ-eu oeˬ paˬ oeˬ ma jawˇ naˇ, uˬ duˬ tahˬ-eu zahˇ sahˇ kʼoꞈ-ahˇ taꞈ leˇ-awˇ, aˬ yawꞈ maꞈ yawˬ ha-euˬ nymˇ jiˇ-ahˇ mˇ nehˬ paˬ-ehˇ gʼeh-eu jeˬ-ahˇ jeˬ huˬ mˇ dzaw-eu tsaˬ meh. Aˬ jeˬ miˇ neh ehˇ naˇ, kʼoeˇ-aˬ, aˬ ma aˬ da, aˬ piˬ aˬ bawˇ deuˬ-ahˇ guiˬ lahˬ jahˇ kʼoꞈ nehˬ-eu jeˬ pyeuꞈ-awˇ, Miˬyehˇ nui ma tsaˬ-eu jeˬ pyeuꞈ-eu meh.

HeˬByehˇ 11:4

Gaˬiˇnaˆ neh lawˇ-euˬ naˆ maˬ tseˇ muiˬ dzehˬ-eu jeˬ-ahˇ Aˬbeˬlaˆ lawˇ nya-euˬ kʼoeˇ-aˬ, jah-eu jeˬ baˬ da neh meh. Aˬ yawꞈ-euˬ jah-eu jeˬ baˬ da neh Miˬyehˇ aˬ yawꞈ-ahˇ yaw tsaˬ yaw dawˇ tsawˇ haˬ lehˇ sawˇ nehˬ-euˬ meh. Aˬ jeˬ miˇ neh ehˇ naˇ, aˬ yawꞈ neh damˬ-euˬ jeˬ-ahˇ Miˬyehˇ nui kʼahˇ shiˇ-eu meh. Aˬbeˬlaˆ shiˇ dzeuˇ-euˬ kʼawꞈ, aˬ yawꞈ-euˬ jah-eu jeˬ baˬ da neh iˬ nah keuˆ ni dawˬ ngehˬ luꞈ-a siˬ.

Yaˬkoˆ 1:15

Kʼoeˇ naˇ, aˬ yawꞈ-euˬ maˬ muiˬ maˬ jaˬ-eu nui kʼahˇ kʼoeˇ zaˬ jeuˬ-eu loꞈ-ehˇ jeuˬ leˇ-awˇ, iˬ baˇ bi dehꞈ doˆ le-eu meh. Iˬ baˇ kʼoeˇ huiˬ loˆ laˇ ngeh, shiˇ-eu jeˬ bi dehꞈ doˆ le-eu meh.

1 Beˬtuˆluˆ 2:5

Naw maꞈ kʼawꞈ, dehꞈ luꞈ-eu kʼaˬ lo loꞈ-ehˇ laˇ-awˇ, saꞈ laˇ uˬ duˬ tahˬ nymˇ tsoˆ gaˇ bi zmˬ-awˬ. Uˬ duˬ tahˬ nymˇ kʼoeˇ-euˬ laꞈ kʼoeˇ naw maꞈ muiˬ-eu shawˇ-eu piˇ ma ya geuꞈ-awˇ, Yeˬsuˇ ka li-ahˇ gʼoe-eu laꞈ kʼoeˇ Miˬyehˇ ha geuꞈ nehˬ laꞈ nya-eu saꞈ laˇ paw taꞈ leˇ-eu lawˇ-eu jeˬ ya lawˇ tehꞈ-a.