Aˇ dahˬ 4:12 - Akha

¹² Miˇ tsaˬ-ahˇ nawˇ aˬ geu jeˬ ka dzaˬ-eu maˬ kaˬ, miˇ tsaˬ nawˬ-ahˇ maˬ bi za le-ehˇ, nymˇ jiˇ maˬ baw ni miˇ tsaˬ kʼoeˇ taˆ doe doe-ehˇ cah cah-ehˇ ya jawˇ tehꞈ-a.”

Aˇ dahˬ 4:12 Σταυροειδείς Αναφορές

Aˇ dahˬ 4:13

Kʼoeˇ naˇ, Sahˬpaˬ Miˬyehˇ-ahˇ Gaˬiˇnaˆ ehˇ nehˬ-eu, “Nawˇ ngaˬ-ahˇ yaˬ kʼehˇ yaˬ nehˬ laꞈ-euˬ heu aˇ dzehˬ dzeuˇ-eu miˇ neh, ngaˇ aˬ joˆ-ehˇ daˬ coeˇ nmˇ.

Aˇ dahˬ 4:14

Miˇ kʼahˬ heu kʼahˬ-ahˇ neh nawˬ-euˬ myaˆ pyawˬ maˬ ya mawˇ-eu jawˇ duˬ-ahˇ, nawˇ ngaˬ-ahˇ teh dzeh nehˬ laꞈ-euˬ meh. Ngaˇ tiˬ gaˇ-iˬ jawˇ duˬ dah leˇ kʼaˇ maˬ za ni, miˇ kʼahˬ doe doe-ehˇ cah cah-ehˇ ya jawˇ naˇ, kʼaˇ puˬ kʼaˇ mawˇ le-eu tsawˇ haˬ deuˬ ngaˬ-ahˇ sehꞈ laˇ tehꞈ-a.”

Jaceuq 107:34

Miˇ muiˬ muiˬ gaˇ jawˇ-eu tsawˇ haˬ deuˬ maˬ muiˬ-eu miˇ neh, miˇ tsaˬ saˬ deuꞈ deh ga pyeuꞈ-iˇ ni, aˬ yawꞈ jahˇ nehˬ-euˬ meh.

Jaceuq 109:10

Aˬ yawꞈ-euˬ zaˬ deuˬ nymˇ jiˇ maˬ baw ni hawˬ shaˇ shaˇ shaˇ-ehˇ cah-awˇ, aˬ yawꞈ maꞈ jawˇ luꞈ-eu nymˇ nymˇ cehˇ laꞈ kʼoeˇ neh bi teh dzeh luꞈ-uˇ.

Dawqdaq 28:17

Aˬ cawˬ-ahˇ sehꞈ-eu tsawˇ haˬ-aˬ, yawˬ ha lmˬ bymˇ yawˬ ha duˬ tehˇ tehˬ gaˇ duˇ-eu meh. Aˬ yawꞈ-ahˇ taˬ laˆ tsoeˬ nehˬ.

Hawˇseˬ 9:17

Ngaˬ-euˬ Miˬyehˇ-euˬ tsawˇ haˬ deuˬ, aˬ yawꞈ ehˇ dawˬ leuˇ-eu miˇ neh, byehˇ dzeh nehˬ gaˇ ya daˬ tehꞈ-a. Aˬ cawˬ miˇ kʼahˬ doe ni cah-awˇ, jawˇ duˬ maˬ dah ni shaˬ tehꞈ-a.

Yawˇlaˆ 1:10

Deh yaˇ deuˬ neˇ leuꞈ ni jaˆ-awˇ, dzaˬ la gʼo cehˇ cawˆ-iˇ jiˇ-awˇ, aˬ gaꞈ baw duˆ koˆ-iˇ jiˇ-awˇ, saˬ loˬ aˇ bawˇ nyoeˬ jiˇ-euˬ gaˇ, miˇ tsaˬ tsawˇ ngoeˇ ngoeˇ luꞈ-eu meh.

Uˬ duˬ 26:17

Aˬ cawˬ naw maꞈ-ahˇ bi gʼaˬ leˇ ni, naw maꞈ-ahˇ ngaˇ byehˇ dzeh-awˇ, naw maꞈ-ahˇ muiˇ-eu tsawˇ haˬ deuˬ naw maꞈ kʼoeˇ taˆ uˇ lahˇ tehꞈ-a. Naw maꞈ tsawˬ guˆ-iˇ dui dui-eu miˇ neh, aˬ cawˬ naw maꞈ-ahˇ maˬ teh kʼawꞈ, naw maꞈ cehˆ cehˆ-ehˇ jawˇ tehꞈ-a.

Uˬ duˬ 26:20

Naw maꞈ mˇ sehꞈ leꞈ kʼawꞈ, guiˬ lahˬ maˬ baw-aˇ. Aˬ jeˬ miˇ neh ehˇ naˇ, naw maꞈ-euˬ miˇ tsaˬ naw maꞈ-ahˇ dzaˬ la gʼo cehˇ maˬ bi za le-eu uˬ taꞈ, aˇ siˬ aˇ bawˇ deuˬ kʼawꞈ, aˇ siˬ maˬ bi siˬ le-a.

Uˬ duˬ 26:36

“Aˬ cawˬ-euˬ miˇ kʼahˬ-ahˇ bi nyehꞈ gʼeh-euˬ naw maꞈ-euˬ tsawˇ haˬ deuˬ, aˇ paꞈ-ahˇ jaˬ lehˇ baw shawˆ-eu teˇ saˇ-ahˇ keuˆni, cehˆ byoˆ paˬ-ehˇ guˆ-eu nui ma ahˇ ni ngaˇ jahˇ nehˬ ma. Guiˇ deuˆ luꞈ ngeh aˬ cawˬ neh bi teh-euˬ loꞈ-ehˇ aˬ yawꞈ maꞈ cehˆ-awˇ, muiˇ-eu tsawˇ haˬ deuˬ aˬ yawꞈ maꞈ-euˬ dawˬ peh maˬ jawˇ kʼawꞈ, coˬ lah gaˇ keuˆ ni guˆ-iˇ tehꞈ-a.

Lormav 8:20

Kʼaˇ beh taˬ-euˬ yawˬ jeˬ na luꞈ, laˆ cawˆ-eu jeˬ-ahˇ ya daˬ-eu meh. Ehˇ kʼawꞈ, aˬ yawˇ yawꞈ kʼoeˇ loꞈ-ehˇ ya daˬ-eu maˬ ngeuˇ-a. Miˬyehˇ nui ma tsaˬ-eu miˇ neh kʼoeˇ loꞈ-ehˇ pyeuꞈ luꞈ-eu meh. Ehˇ kʼawꞈ, noeˬ tmˬ duˬ heu loꞈ-ehˇ jaˆ-a siˬ.

Dawˬmehˬ 28:15

“Ehˇ kʼawꞈ, iˬ nah ngaˇ nawˬ-ahˇ biꞈ-euˬ nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ zahˇ dawˬ kʼoꞈ dawˬ deuˬ hawˇ-eu aˬ yawꞈ neh biꞈ-euˬ dawˬ deuˬ -ahˇ nawˇ saˇ jaˇ ziꞈ-eu laꞈ kʼoeˇ maˬ caw teh naˇ, maˬ muiˬ maˬ jaˬ-eu heu deuˬ dawˬ tawˆ luꞈ nawˬ-euˬ kʼoeˇ taˆ keuˆ le tehꞈ-a.