Aˇ dahˬ 32:4 - Akha

⁴ Iˇsawˇ-ahˇ dawˬ tsaꞈ bi tsaꞈ-iˇ-eu gʼaˇ duˬ, aˬ yawꞈ maꞈ-ahˇ heu loꞈ-ehˇ mehˬ nehˬ-euˬ meh. “Yaw zeu baw-eu laꞈ kʼoeˇ, aˇ doˆ Iˇsawˇ jawˇ gaˇ, nawˬ-euˬ zaˬ kʼaˆ Yaˬkoˆ heu loꞈ-ehˇ dawˬ tsaꞈ tsaꞈ ahˇ leꞈ-eu ma. Iˬ nah keuˆ ni ngaˇ maˬ gʼoꞈ doˆ le-ehˇ, Laˬbaˬ nehˬ-ehˇ jawˇ-euˬ ma.

Aˇ dahˬ 32:4 Σταυροειδείς Αναφορές

Aˇ dahˬ 23:6

“Aˬ yuiꞈ-oˇ, nga maꞈ ehˇ gaˇ tiˬ poˆ naˇ haˬ nehˬ laꞈ sheˇ. Nga maꞈ nawˬ-ahˇ, baoˬ ahˇ-eu aˬ yuiꞈ aˬ tsu tiˬ gʼaˬ loꞈ-ehˇ sawˇ taˬ-euˬ ma. Nga maꞈ-euˬ lmˬ bymˇ laꞈ kʼoeˇ jawˇ duˬ kʼaˇ tsaˬ dzehˬ-eu tsahˇ-ahˇ, nawˬ-euˬ nymˇ dahˬ-ahˇ baꞈ pahˬ nehˬ nya tehꞈ-a. Nawˬ-euˬ nymˇ dahˬ-ahˇ nga maꞈ-euˬ lmˬ bymˇ laꞈ kʼoeˇ bi baꞈ pahˬ-eu gʼaˇ duˬ, nga maꞈ yawˬ gʼaˬ na luꞈ nui ma tsaˬ-eu ma.”

Aˇ dahˬ 25:30

“Nawˬ-euˬ dzaˇ yaw neˇ teu ngaˬ-ahˇ ui cuiˆ bi dzaˬ laꞈ sheˇ” lehˇ, Yaˬkoˆ-ahˇ ehˇ nehˬ-euˬ meh. (Kʼoeˇ miˇ neh, Iˇsawˇ-ahˇ aˬ cawˬ Eˬdoˬ lehˇ kuˇ-euˬ meh.)

Aˇ dahˬ 27:29

Tsawˇ jeuˬ dawˬ tawˆ luꞈ nawˬ-euˬ zaˬ kʼaˆ ya geuꞈ-awˇ, tsawˇ haˬ dawˬ tawˆ luꞈ nawˬ-euˬ mehˬ shi pawˬ tsuiꞈ pawˬ dmˬ dmˬ luꞈ-uˇ. Nawˬ-euˬ aˇ jeuˬ aˇ ca dawˬ tawˆ luꞈ kʼoeˇ taˆ nawˇ ya uˆ lahˇ-awˇ, nawˬ ma o neh kʼaˇ jeuˬ kʼaˇ o le-euˬ tsawˇ haˬ dawˬ tawˆ luꞈ, nawˬ-euˬ mehˬ shi pawˬ tsuiꞈ pawˬ dmˬ dmˬ luꞈ-uˇ. Nawˬ-ahˇ yaˬ kʼehˇ yaˬ-eu tsawˇ haˬ deuˬ, yaˬ kʼehˇ yaˬ nehˬ gaˇ paˇ ya daˬ-awˇ, nawˬ-ahˇ guiˬ lahˬ biꞈ-eu tsawˇ haˬ deuˬ guiˬ lahˬ za luꞈ-uˇ.”

Aˇ dahˬ 27:37

Iˇtsaˆ ehˇ-eu, “Ngaˇ aˬ yawꞈ-ahˇ nawˬ-euˬ kʼoeˇ taˆ uˆ lahˇ-eu baoˬ biꞈ gʼaˬ-awˇ, aˬ yawꞈ-euˬ aˬ yuiꞈ aˬ nyiˇ aˇ jeuˬ aˇ ca dawˬ tawˆ luꞈ kʼawꞈ aˬ yawꞈ-euˬ zaˬ kʼaˆ pyeuꞈ laˇ ni, aˬ yawꞈ-ahˇ dawˬ ngehˬ gʼeh nehˬ gʼaˬ-euˬ ma. Nawˬ-ahˇ ngaˇ tiˬ jeˬ-iˬ ngehˬ maˬ paˇ gʼeh nehˬ nya miˇ-a li-oˇ.”

Aˇ dahˬ 31:41

Kʼoeˇ loꞈ-ehˇ shaˬ shaˬ-ehˇ, nawˬ nehˬ-ehˇ nyiˬ tseˇ kʼoꞈ ngaˇ jawˇ byah-euˬ ma. Nawˬ buˇ nyiˬ buˇ-ahˇ sheuˬ-euˬ poeˬ tseˇ oeˬ kʼoꞈ hawˇ-eu, nawˬ-euˬ jeˬ zaˬ bo saˆ-eu gʼaˇ duˬ koꞈ kʼoꞈ jawˇ byah-euˬ ma. Nawˬ-euˬ gaˇ kʼoeˇ naˆ naˆ-ehˇ ngaˇ mˇ nehˬ taˬ-euˬ kʼawꞈ, ngaˬ-euˬ gʼaˬ gaˇ poeˬ-ahˇ, tseˇ poˆ keuˆ ni nawˇ mehˇ shuiˇ shuiˇ dzaˬ-euˬ meh.

Aˇ dahˬ 32:18

‘Jeˬ zaˬ heu deuˬ-aˬ, nawˬ-euˬ zaˬ kʼaˆ Yaˬkoˆ-euˬ jeˬ zaˬ meh. Aˬ yawꞈ naˆ maˬ tseˇ huiˬ dzehˬ mahˇ dzehˬ-eu aˬ yawꞈ-euˬ aˇ doˆ Iˇsawˇ-ahˇ biꞈ-eu gʼaˇ duˬ bi teh leꞈ-euˬ meh. Yaˬkoˆ gʼeh mehˬ nah paw oe luꞈ meh’ lehˇ ehˇ nehˬ-awˬ.”

Aˇ dahˬ 32:5

Ngaˇ-aˬ, mawˇ neˇ, mahˬ tahˬ laˆ, yawˇ, ciꞈ myehꞈ deuˬ jawˇ-awˇ, zaˬ kʼaˆ deuˬ kʼawꞈ cu taˬ-euˬ ma. Nawˇ ngaˬ-ahˇ gʼawˬ shaˬ gaˬ nehˬ laꞈ-awˇ, bi gʼoꞈ jawˇ le tehꞈ-a lehˇ noeˬ tmˬ dui dui-eu laꞈ kʼoeˇ, heu loꞈ-ehˇ tsaꞈ ahˇ leꞈ-euˬ ma.”

Aˇ dahˬ 33:14

Teu miˇ neh, nawˇ jeˬ huˬ iˇ tawˬ. Ngaˇ aw lawˆ lawˆ-ehˇ caw teh leꞈ ma. Eˬdoˬ meuˬ-ahˇ nawˬ-euˬ mehˬ nah teh miˇ le ngeh keuˆ ni, jeˬ zaˬ heu deuˬ teh-awˇ, ngaˬ-euˬ zaˬ heu deuˬ sheuˬ-awˇ, kʼaˇ laˆ kawˇ nya-eu laˆ kawˇ laˆ kawˇ-ehˇ oe gʼeh leꞈ ma.”

Aˇ dahˬ 33:8

“Uˬ soe gaˇ pehˇ oe luꞈ-eu kʼoeˇ muˇ aˬ suˇ gʼaˬ-a. Aˬ jeˬ jahˇ-eu lehˇ oe luꞈ ta” lehˇ, Yaˬkoˆ-ahˇ Iˇsawˇ naˇ haˬ ngeh, “Nawˬ-ahˇ bi jahˇ tsaˬ le-eu lehˇ, ngaˬ neh bi oe huˬ-euˬ tsawˇ haˬ deuˬ ma” lehˇ Yaˬkoˆ ehˇ kʼoꞈ nehˬ-euˬ meh.

Aˇ dahˬ 36:8

Kʼoeˇ miˇ neh, gawˬ jawˬ gawˬ duˇ gʼawˬ mya ni jaˆ-eu Eˬdoˬ miˇ kʼahˬ paw Iˇsawˇ jawˇ daˆ leˇ-euˬ meh.

Aˇ dahˬ 36:9

Heu-aˬ, Eˬdoˬ tsawˇ jeuˬ-euˬ aˬ da yaw dzahˇ gʼaˬ pyeuꞈ-eu Iˇsawˇ-euˬ zaˬ deuˬ uˆ deuˬ meh.

Aˇ dahˬ 4:7

Nawˇ dawˇ coe ni mˇ law nmˇ-aˬ, laˬ kʼaˬ ya cehˇ tehꞈ-a. Ehˇ kʼawꞈ, nawˇ yaw tsaˬ yaw dawˇ dawˇ-ehˇ maˬ mˇ-euˬ miˇ neh, nawˬ-euˬ nymˇ gʼoˆ kʼehˬ-ahˇ iˬ baˇ keuˆ le luꞈ meh. Iˬ baˇ kʼoeˇ nawˬ-ahˇ uˆ lahˇ mawꞈ-eu meh. Iˬ baˇ-ahˇ gʼaˬ leˇ ni nawˇ leh jeh-awˬ.”

1 Sahˬpaˬ 20:32

Kʼoeˇ naˇ, aˬ yawꞈ maꞈ-euˬ joꞈ-ahˇ guˬ daˇ pehˇ zeuˇ lahˇ-awˇ, aˬ yawꞈ maꞈ-euˬ kawˬ lahˇ-ahˇ aˇ caˆ sheu lahˇ-awˇ, Aˬhaˆ jawˇ gaˇ le-awˇ, “Nawˬ-euˬ zaˬ kʼaˆ Beˬhaˬdaˇ-ahˇ taˬ sehꞈ nehˬ laꞈ lehˇ shaˇ luꞈ meh” lehˇ ehˇ nehˬ leˇ-euˬ meh. Aˬhaˆ gʼeh, “Aˬ yawꞈ dehꞈ luꞈ-a siˬ loˇ. Aˬ yawꞈ-aˬ, ngaˬ-eu mehˇ nmˇ loꞈ-ehˇ gʼeh-eu tsawˇ haˬ meh” lehˇ ehˇ-eu meh.

Doˆ-iˇ 32:22

Aˬloˬ ehˇ-eu, “Ngaˬ-euˬ kʼoeˇ taˆ iˬ baˇ taˬ taˬ. Tsawˇ haˬ heu deuˬ maˬ muiˬ maˬ jaˬ-eu jeˬ aˇ naˆ ni mˇ mawꞈ-eu nawˇ siˬ nya-eu meh.

Dawqdaq 15:1

Dawˬ nahˬ nui pehˇ laˆ awˆ-awˇ, dawˬ kʼaˆ nui pehˇ laˆ nyehˆ-eu meh.

Dawqdaq 25:15

Oˇ oꞈ-eu jeˬ-aˬ, sahˬ paˬ-euˬ nui ma-ahˇ tsahˇ pyawˇ nya-awˇ, nahˬ yu ni gʼeh-eu dawˬ ngehˬ-eu jeˬ-aˬ, shaˬ yoeˬ-ahˇ kʼoˆ kʼehꞈ nya-eu meh.

Dawqdaq 6:3

heu loꞈ-ehˇ jahˇ-awˇ yawˬ haˇ yawˬ ha ka kʼoꞈ-awˬ. Aˬ cawˬ-euˬ baoˬ nawˬ-ahˇ laˆ lahˇ-euˬ miˇ neh, yaw kawˇ-ehˇ le-awˇ shaˇ ju leˇ-awˬ.

Dawˬ tsoˆ 10:4

Sahˬ paˬ sahˬ ma nawˬ-ahˇ nui ma maˬ saˇ ngeh, nawˬ-ahˇ biꞈ taˬ-euˬ gaˇ maˬ mˇ ni taˬ byehˇ dzeh. Ciˬ cuˇ ni jawˇ-eu jeˬ-aˬ, huiˬ-eu iˬ baˇ bi buˬ-iˇ nya-eu meh.

Iˇsaˬyaˇ 21:11

Heu-aˬ, Eˬdoˬ miˇ kʼahˬ-ahˇ taꞈ leˇ-eu Miˬyehˇ-euˬ dawˬ meh. Eˬdoˬ miˇ kʼahˬ-ahˇ neh tsawˇ haˬ tiˬ gʼaˬ ngaˬ-ahˇ guˇ-awˇ ehˇ-eu, “Meuˬ-ahˇ loꞈ-eu gʼaˬ-oˇ, uˬ bya aˬ myah bya laˇ ta. Uˬ bya aˬ myah bya laˇ-eu gʼeh ta leˇ.”

Luˇkaꞈ 14:11

Aˬ jeˬ miˇ neh ehˇ naˇ, yawˬ haˇ yawˬ ha taˬ huiˬ-eu tsawˇ haˬ yawˬ gʼaˬ na luꞈ, aˬ cawˬ taˬ nyiˇ nehˬ gaˇ ya daˬ-awˇ, yawˬ haˇ yawˬ ha taˬ nyiˇ-eu tsawˇ haˬ yawˬ gʼaˬ na luꞈ, taˬ huiˬ nehˬ-eu jeˬ-ahˇ za tehꞈ-a.”

1 Beˬtuˆluˆ 3:6

Saˬlaˇ kʼawꞈ, kʼoeˇ loꞈ-ehˇ dehꞈ yaꞈ-euˬ meh. Aˬ yawꞈ Aˬhyaˬhaˬ-euˬ ehˇ dawˬ naˇ haˬ-awˇ, Aˬbyaˬhaˬ-ahˇ sahˬ paˬ lehˇ kuˇ-euˬ meh. Naw maꞈ kʼawꞈ, yaw muiˬ jeˬ-ahˇ mˇ-awˇ guˆ-eu nui ma maˬ ahˇ naˇ, Saˬlaˇ-euˬ aˬ buˇ deuˬ pyeuꞈ-eu meh.

Yaˇ kʼaˬ daˇ 5:4

Sahˬpaˬ Miˬyehˇ-oˇ, Siˇyaˆ gawˬ jawˬ deuˬ-ahˇ nawˇ byehˇ yaꞈ ngeh, Eˬdoˬ miˇ kʼahˬ laꞈ kʼoeˇ neh nawˇ doˆ laˇ ngeh, miˇ tsaˬ tahˬ kʼawˇ luˆ luˆ-ehˇ nyeh laˇ-awˇ, mˬ kʼoeˇ taˆ neh uˬ yehˇ yehˇ le-euˬ meh. Mˬ dmˇ-ahˇ iˇ cuꞈ yoeˇ doˆ le-euˬ meh.

1 Saˬmeuˬlaˆ 26:17

Kʼoeˇ ngeh, Daˬbiˇ-euˬ teˇ saˇ-ahˇ Sawˇluˆ naˇ haˬ siˬ-awˇ, “Ngaˬ li Daˬbiˇ-oˇ, teu gaˇ dawˬ ngehˬ luꞈ-eu nawˇ ma loˇ” lehˇ naˇ haˬ ngeh, “Ngaˇ ma” lehˇ Daˬbiˇ ehˇ kʼoꞈ nehˬ-euˬ meh.