Aˇ dahˬ 32:3 - Akha

³ Yaˬkoˆ-aˬ, aˬ yawꞈ oe luꞈ-eu gaˇ kawˆ Eˬdoˬ miˇ kʼahˬ-ahˇ jawˇ-eu aˬ yawꞈ-euˬ aˇ doˆ Iˇsawˇ-ahˇ bi tsaꞈ gaˬ-iˇ-eu gʼaˇ duˬ, aˬ yawꞈ-euˬ zaˬ kʼaˆ deuˬ-ahˇ mehˬ hu paw kʼehˇ gʼeh-euˬ meh.

Aˇ dahˬ 32:3 Σταυροειδείς Αναφορές

Aˇ dahˬ 14:6

Eˬdoˬ meuˬ-euˬ gawˬ jawˬ gawˬ duˇ doe ni jawˇ-eu Hawˇlaˆ tsawˇ jeuˬ-ahˇ maˬ ehˇ, deuˆ gʼaˬ jiˇ-awˇ, bawˇ tsahˬ bawˇ dahˇ dawˬ peh jaˆ-eu Eˇpaˬlaˬ meuˬ-ahˇ keuˆ ni teh keuˆ gʼeh-euˬ meh.

Aˇ dahˬ 25:30

“Nawˬ-euˬ dzaˇ yaw neˇ teu ngaˬ-ahˇ ui cuiˆ bi dzaˬ laꞈ sheˇ” lehˇ, Yaˬkoˆ-ahˇ ehˇ nehˬ-euˬ meh. (Kʼoeˇ miˇ neh, Iˇsawˇ-ahˇ aˬ cawˬ Eˬdoˬ lehˇ kuˇ-euˬ meh.)

Aˇ dahˬ 32:11

Ngaˬ-euˬ aˇ doˆ Iˇsawˇ-euˬ aˬ laꞈ laꞈ kʼoeˇ, ngaˬ-ahˇ taˬ bi luˬ taˬ bi seˇ-iˇ laꞈ. Zaˬ miˬ zaˬ deuˬ hawˇ-eu zaˬ yaw nyiˇ heu deuˬ ahˇ leˇ-ehˇ, nga maꞈ dawˬ tawˆ luꞈ-ahˇ aˬ yawꞈ laˆ cawˆ le gaˇ ngaˇ guˆ dui dui nya.

Aˇ dahˬ 32:7

Aˬ yawꞈ nehˬ-ehˇ jawˇ luꞈ-eu tsawˇ haˬ deuˬ hawˇ-eu, yawˇ, ciꞈ myehꞈ, mawˇ neˇ, law taw kʼoeˇ deuˬ dawˬ tawˆ luꞈ-ahˇ, nyiˬ muˇ muˇ-euˬ meh.

Aˇ dahˬ 33:14

Teu miˇ neh, nawˇ jeˬ huˬ iˇ tawˬ. Ngaˇ aw lawˆ lawˆ-ehˇ caw teh leꞈ ma. Eˬdoˬ meuˬ-ahˇ nawˬ-euˬ mehˬ nah teh miˇ le ngeh keuˆ ni, jeˬ zaˬ heu deuˬ teh-awˇ, ngaˬ-euˬ zaˬ heu deuˬ sheuˬ-awˇ, kʼaˇ laˆ kawˇ nya-eu laˆ kawˇ laˆ kawˇ-ehˇ oe gʼeh leꞈ ma.”

Aˇ dahˬ 33:16

Kʼoeˇ ngeh nah neh, Iˇsawˇ gʼaˬ Eˬdoˬ meuˬ-ahˇ gʼoꞈ-iˇ dzeuˇ-euˬ meh.

2 Saˬmeuˬlaˆ 2:8

Sawˇluˆ-euˬ guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu Neˬlaˇ-euˬ aˬli Aˬbaˬnaˬ-aˬ, Sawˇluˆ-euˬ aˬ li Iˇshaˬbawˇshehˆ nehˬ-ehˇ Yawˇdaˬ lawˇ baˬ cehˆ tsehˆ-awˇ, Maˬhaˬneˬ meuˬ-ahˇ cehˆ leˇ-euˬ meh.

2 Sahˬpaˬ 6:17

Kʼoeˇ naˇ, “Sahˬpaˬ Miˬyehˇ-oˇ, aˬ yawꞈ-ahˇ myaˆ nuiˆ pah nehˬ-awˇ bi mawˇ-awˬ” lehˇ Eˇliˇshehˇ guiˬ lahˬ shaˇ-euˬ meh. Aˬ yawꞈ-euˬ shaˇ dawˬ-ahˇ Sahˬpaˬ Miˬyehˇ naˇ haˬ nehˬ-awˇ, aˬ yawꞈ-euˬ zaˬ kʼaˆ kʼoeˇ gʼaˬ haw gʼeh ngeh, Eˇliˇshehˇ-euˬ jawˬ jawˬ-ehˇ, miˬ dzaˬ mahˬ hawˇ-eu miˬ dzaˬ mahˬ laˆ lawˬ deuˬ, gawˬ jawˬ jawˬ lah-ehˇ jawˇ byah taˬ-euˬ gaˇ ya mawˇ-euˬ meh.

1 Laˬsaˬbaˬ 12:23

Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, Sawˇluˆ-euˬ jawˇ duˬ-ahˇ Daˬbiˇ sahˬ paˬ pyeuꞈ laˇ ni, Daˬbiˇ Heˬbyoˬ meuˬ-ahˇ jawˇ luꞈ ngeh, yaw muiˬ paˬ-ehˇ dzaw nya taˬ-euˬ yehˇ gʼawˬ mya gʼaˬ aˬ yawꞈ-euˬ guiˇ maꞈ laꞈ kʼoeˇ uˇ laˇ-euˬ meh. Yehˇ kʼoeˇ deuˬ heu myaˆ ni byah-eu meh.

Dawˬ caˇ 7:1

Sahˬ paˬ zaˬ miˬ-oˇ, sehˬ nawˆ nawˬ luꞈ-eu nawˬ-euˬ aˬ kuiˇ aˇ naˆ ni haw muiˬ-eu nga. Lah joˆ ni gʼeh-eu nawˬ-euˬ shaˬ pyaˬ-aˬ, nya dui dui-eu myawˬ guˇ tehˆ-eu gʼaˬ neh tehˆ-euˬ, aˇ poeˬ kʼaˆ-eu myawˬ guˇ loꞈ-ehˇ haw muiˬ-eu meh.

Iˇsaˬyaˇ 21:11

Heu-aˬ, Eˬdoˬ miˇ kʼahˬ-ahˇ taꞈ leˇ-eu Miˬyehˇ-euˬ dawˬ meh. Eˬdoˬ miˇ kʼahˬ-ahˇ neh tsawˇ haˬ tiˬ gʼaˬ ngaˬ-ahˇ guˇ-awˇ ehˇ-eu, “Meuˬ-ahˇ loꞈ-eu gʼaˬ-oˇ, uˬ bya aˬ myah bya laˇ ta. Uˬ bya aˬ myah bya laˇ-eu gʼeh ta leˇ.”

Yeˬlaˬmiˇ 49:7

Eˬdoˬ miˇ kʼahˬ-ahˇ taꞈ leˇ-awˇ, Sahˬpaˬ Miˬyehˇ heu loꞈ-ehˇ ehˇ-eu meh. “Eˬdoˬ tsawˇ haˬ deuˬ tsawˇ gahˇ maˬ paˇ ahˇ mehˬ loˇ. Aˬ yawꞈ maꞈ-ahˇ nui noeˬ nui duˇ biꞈ-eu deuˬ, aˬ joˆ-ehˇ ya jahˇ-eu gaˇ kawˆ aˬ yawꞈ maꞈ-ahˇ maˬ paˇ ehˇ nehˬ nya meh loˇ. Aˬ yawꞈ maꞈ-euˬ zaˬ siˬ tsawˇ gahˇ dawˬ tawˆ luꞈ byoˆ jiˇ mehˬ loˇ.

Maˬlaˬkiˇ 3:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ngaˇ oe-eu gaˇ ma bi laˆ saˆ-eu gʼaˇ duˬ ngaˬ-euˬ dawˬ tsaꞈ dawˬ dzawˇ mˇ-eu gʼaˬ pyehˬ gʼeh leꞈ ma. Kʼoeˇ naˇ, naw maꞈ loꞈ luꞈ-eu Sahˬpaˬ Miˬyehˇ-aˬ, aˬ yawꞈ-euˬ Uˬ duˬ tahˬ nymˇ nymˇ ma-ahˇ ja pyuˬ ni oe keuˆ tehꞈ-a. Naw maꞈ mawˇ mawꞈ-euˬ ngaˬ-euˬ dawˬ tsaꞈ dawˬ dzawˇ mˇ-eu gʼaˬ oe-awˇ, ngaˬ-euˬ dawˬ ma saˇ jaˇ dzawˇ nehˬ le tehꞈ-a.”

Bawˇtsahˬ 24:18

Eˬdoˬ miˇ kʼahˬ-ahˇ jawˇ-eu aˬ yawꞈ-ahˇ muiˇ-eu deuˬ-ahˇ aˬ yawꞈ deuˆ gʼaˬ-eu laꞈ kʼoeˇ, aˬ yawꞈ maꞈ-euˬ miˇ kʼahˬ deuˆ geuꞈ-awˇ, Iˇsaˬleˬlaˆ tsawˇ haˬ deuˬ maˬ tsehˆ leˇ ni guiˇ deuˆ gʼaˬ nawˆ nawˆ tehꞈ-a.

Luˇkaꞈ 9:52

Aˬ yawꞈ-euˬ mehˬ hu tsawˇ haˬ tiˬ deuˬ-ahˇ aˬ yawꞈ kʼehˇ gʼeh-euˬ meh. Tsawˇ haˬ kʼoeˇ deuˬ aˬ yawꞈ-euˬ gʼaˇ duˬ yuꞈ zaˇ jawˇ zaˇ laˆ saˆ taˬ leˇ-eu lehˇ, Saˬmaˬliˆ tsawˇ haˬ-euˬ pu tiˬ pu-ahˇ uˇ leˇ-euˬ meh.

Dawˬmehˬ 1:2

Siˇnaˆ gawˬ jawˬ-ahˇ neh Eˬdoˬ miˇ kʼahˬ gawˬ jawˬ gawˬ duˇ paw neh Kaˬdeˬshaˇbaˬneˬ meuˬ-ahˇ tseˇ tiꞈ nah ya iˇ-eu meh.

Dawˬmehˬ 2:22

Eˬdoˬ miˇ kʼahˬ gawˬ jawˬ gawˬ duˇ-ahˇ jawˇ-eu Iˇsawˇ-euˬ zaˬ deuˬ uˆ deuˬ pyeuꞈ-eu Eˬdoˬ tsawˇ haˬ deuˬ-ahˇ kʼawꞈ Sahˬpaˬ Miˬyehˇ kʼoeˇ loꞈ-ehˇ jahˇ nehˬ-euˬ meh. Hawˇlaˆ tsawˇ haˬ deuˬ-ahˇ aˬ yawꞈ laˆ luˬ laˆ seˇ nehˬ-awˇ, aˬ yawꞈ maꞈ-euˬ miˇ kʼahˬ-ahˇ Eˬdoˬ tsawˇ haˬ deuˬ-ahˇ bi jawˇ-euˬ meh. Eˬdoˬ tsawˇ haˬ deuˬ iˬ nah keuˆ ni kʼoeˇ gaˇ jawˇ luꞈ-eu meh.

Dawˬmehˬ 2:5

Ehˇ kʼawꞈ, aˬ yawꞈ maꞈ-ahˇ guiˇ taˬ deuˆ. Aˬ jeˬ miˇ neh ehˇ naˇ, aˬ yawꞈ maꞈ-euˬ miˇ kʼahˬ aˬ kuiˇ pehˬ zaˬ hui ni tehꞈ-ehˇ kʼawꞈ, naw maꞈ-ahˇ ngaˇ maˬ biꞈ. Eˬdoˬ miˇ kʼahˬ-aˬ, Iˇsawˇ-euˬ zaˬ deuˬ uˆ deuˬ-ahˇ ngaˬ neh biꞈ tsehˆ taˬ-euˬ miˇ kʼahˬ pyeuꞈ-eu ma.

Yawˇshuˆ 13:30

Aˬ yawꞈ maꞈ-euˬ miˇ kʼahˬ-aˬ, Maˬhaˬneˬ-ahˇ neh aˇ dahˬ beh-awˇ, Baˬshaˬ sahˬ paˬ Awˇgaˆ-euˬ miˇ kʼahˬ pyeuꞈ-eu Baˬshaˬ miˇ kʼahˬ kʼahˬ lah ni maˬ ehˇ, Baˬshaˬ miˇ kʼahˬ laꞈ kʼoeˇ jaˆ-eu Yaˬiˇlaˆ-euˬ pu koꞈ tseˇ pu maˬ ehˇ, ahˇ leˇ taˬ-euˬ meh.

Yawˇshuˆ 24:4

Iˇtsaˆ-ahˇ, Yaˬkoˆ hawˇ-eu Iˇsawˇ biꞈ-euˬ ma. Ehˇ kʼawꞈ, naw maꞈ-euˬ aˬ poeˬ Yaˬkoˆ hawˇ-eu aˬ yawꞈ-euˬ zaˬ deuˬ Iˇjiˇtuˆ miˇ kʼahˬ-ahˇ pawˇ-iˇ-euˬ meh.