Aˇ dahˬ 3:18 - Akha

¹⁸ Miˇ tsaˬ-aˬ, yaˇ moꞈ hawˇ-eu aˬ gah baw duˆ deuˬ bi dehꞈ doˆ laˇ-awˇ, bawˇ tsahˬ sahˬ lahˬ deuˬ-ahˇ nawˇ ya dzaˬ tehꞈ-a.

Aˇ dahˬ 3:18 Σταυροειδείς Αναφορές

Aˇ dahˬ 3:17

Miˬyehˇ pyeuꞈ-eu Sahˬpaˬ Miˬyehˇ-aˬ, kʼaˬ dzeˇ zaˬ gʼaˬ-ahˇ kʼawꞈ heu loꞈ-ehˇ ehˇ nehˬ-euˬ meh. “Nawˬ-euˬ miˬ zaˬ-euˬ ehˇ dawˬ naˇ haˬ-awˇ, ngaˬ neh taˬ dzaˬ lehˇ ehˇ taˬ-euˬ aˇ siˬ-ahˇ nawˇ dzaˬ-euˬ meh. Nawˇ kʼoeˇ loꞈ-ehˇ mˇ-euˬ miˇ neh, miˇ tsaˬ-aˬ, yaˬ kʼehˇ yaˬ nehˬ-eu jeˬ-ahˇ ya daˬ tehꞈ-a. Nawˇ ya dzaˬ ya dawˇ-eu gʼaˇ duˬ, nawˬ-euˬ tiˬ ziˇ maˬ naˬ leˇ ni miˇ tsaˬ-ahˇ ya beuˬ tehꞈ-a.

Aˇ dahˬ 3:19

Miˇ tsaˬ yuˇ-awˇ nawˬ-ahˇ beh taˬ-euˬ loꞈ-ehˇ, miˇ tsaˬ-ahˇ nawˇ maˬ ya gʼoꞈ uˇ-iˇ kʼoeˇ keuˆ ni, nawˇ kʼaˇ ka dzaˬ-eu jeˬ-ahˇ miˇ tsaˬ neh bi dehꞈ doˆ laˇ-awˇ aˇ siˬ aˇ nuiˆ bi nuiˆ laˇ-eu gʼaˇ duˬ, kuˬ pyuˇ kuˬ tsaˇ tsiˇ ni nawˇ ya mˇ sehꞈ leꞈ tehꞈ-a. Miˇ tsaˬ shaˬ jehˆ yuˇ-awˇ nawˬ-ahˇ tehˆ taˬ-euˬ loꞈ-ehˇ, nawˇ miˇ tsaˬ paˇ ya pyeuꞈ kʼoꞈ-iˇ tehꞈ-a” lehˇ ehˇ nehˬ-euˬ meh.

Yawˇbaˆ 1:21

Aˬ yawꞈ ehˇ-eu, “Ngaˇ ngaˬ ma-euˬ uˬ maˆ laꞈ kʼoeˇ dehꞈ doˆ le ngeh tiˬ jeˬ-iˬ maˬ yuˇ leꞈ-euˬ loꞈ-ehˇ, shiˇ ngeh kʼawꞈ tiˬ jeˬ-iˬ maˬ paˇ yuˇ gʼeh ma. Sahˬpaˬ Miˬyehˇ-aˬ, biꞈ-eu gʼaˬ pyeuꞈ-eu loꞈ-ehˇ, yuˇ kʼoꞈ-eu gʼaˬ kʼawꞈ pyeuꞈ luꞈ-uˇ. Aˬ yawꞈ-euˬ tsawˇ myahˇ-ahˇ ja ceuˬ-eu jeˬ oꞈ luꞈ-uˇ.”

Yawˇbaˆ 31:40

cehˇ hawˇ-eu lawˬ loeˇ ka taˬ-euˬ gaˇ, yaˇ moꞈ hawˇ-eu aˬ gah dehꞈ laˇ luꞈ-uˇ.” Yawˇbaˆ-euˬ dawˬ heu gaˇ aˇ saˬ saˬ-euˬ meh.

Yawˇbaˆ 5:5

Mehꞈ-eu shuꞈ-eu tsawˇ haˬ deuˬ tsawˇ uˬ-euˬ dzaˬ la gʼo cehˇ yehˬ dzaˬ tehꞈ-a. Aˬ gah baw duˆ yaw kaˬ-ahˇ dehꞈ gaˇ kʼawꞈ yehˬ dzaˬ tehꞈ-a. Maˬ jaˆ-eu tsawˇ haˬ deuˬ aˬ yawꞈ-euˬ pyuˇ shuiˇ myawˬ gahˬ-ahˇ mehˇ juiˇ juiˇ tehꞈ-a.

Jaceuq 104:2

yaw shehꞈ neh tsahˇ lahˇ taˬ-euˬ meh. Mˬ-ahˇ sehˬ gʼawˆ loꞈ-ehˇ nawˇ sheu taw-awˇ,

Jaceuq 90:3

Aˬ yawꞈ pyeuꞈ doˆ laˇ duˬ-ahˇ gʼoꞈ-iˇ-awˬ lehˇ tsawˇ haˬ zaˬ-ahˇ nawˇ dawˬ biꞈ-awˇ, miˇ tsaˬ paˇ bi pyeuꞈ kʼoꞈ-iˇ-eu meh.

Dawqdaq 22:5

Yawˬ ha-euˬ saꞈ laˇ-ahˇ yawˬ ha gaˬ naˇ, gaˇ pehˇ kahˇ li jaˆ-eu haiˬ-eu deuˬ-ahˇ kʼmˇ taˬ-euˬ lahˇ ju-ahˇ yahˇ-awˬ.

Dawqdaq 24:31

Aˬ gah baw duˆ dehꞈ dehꞈ-ehˇ, yaˇ moꞈ uˆ tehˬ taˬ gaˇ ya mawˇ-euˬ ma. Yaˇ kmˇ gawˬ lahˇ taˬ-euˬ kʼaˬ lo deuˬ kʼawꞈ ga byaˆ jiˇ taˬ-euˬ meh.

Iˇsaˬyaˇ 32:13

Ngaˬ-euˬ tsawˇ haˬ deuˬ-euˬ yaˇ kʼahˬ yaˇ lahˬ aˬ gah baw duˆ hawˇ-eu yaˇ moꞈ dehꞈ byah-euˬ meh. Laˬ kʼaˬ cehˇ-eu jeˬ byah-eu nymˇ kʼoeˇ deuˬ hawˇ-eu, dehꞈ bym dui dui-eu meuˬ gʼaˇ duˬ, noeˬ shaˬ-awˇ tsawˇ ngoeˇ ngoeˇ nehˬ-awˬ.

Iˇsaˬyaˇ 5:6

Yaˇ kmˇ kʼoeˇ ngaˇ maˬ laˆ saˆ nehˬ ni byehˇ tsehˆ-awˇ, yaˇ moꞈ bi uˆ byoˆ ma. kʼoeˇ gaˇ uˬ yehˇ taˬ yehˇ shehˬ lehˇ, mˬ dmˇ-ahˇ ngaˇ dawˬ biꞈ ma.”

Iˇsaˬyaˇ 7:23

“Aˇ nah aˇ yamˬ kʼoeˇ yamˬ keuˆ le ngeh, aˬ gaꞈ baw duˆ tiˬ heˇ duˆ duˆ-awˇ, pyuˇ maˇ byaˆ tiˬ heˇ byaˆ poeˬ-eu aˬ gaꞈ yaˇ kmˇ dawˬ tawˆ luꞈ, aˬ gah baw duˆ yaˇ saˬ pyeuꞈ jiˇ tehꞈ-a.

Iˇsaˬyaˇ 7:24

Miˇ kʼahˬ kʼahˬ lah-ehˇ yaˇ saˬ pyeuꞈ jiˇ-euˬ miˇ neh, kaˆ baꞈ-awˇ shaˬ jiˇ ya beuˆ dzaˬ gaˇ keuˆ tehꞈ-a.

Yeˬlaˬmiˇ 12:13

Ngaˬ-euˬ tsawˇ haˬ deuˬ cehˇ ka kʼawꞈ, shmˇ ma tehꞈ-ehˇ ya yehˬ tehꞈ-a. Aˬ yawꞈ maꞈ gaˇ mˇ sehꞈ leꞈ kʼawꞈ, guiˬ lahˬ tiˬ jeˬ-iˬ maˬ baw-a. Ngaˇ nui ma pehˇ-eu jeˬ baˬ da neh, dzaˬ la gʼo cehˇ maˬ za le-a.”

Yeˬlaˬmiˇ 4:3

Yuˇdaˆ miˇ kʼahˬ-euˬ Yeˬluˇsaˬlehˬ meuˬ-ahˇ jawˇ-eu deuˬ-ahˇ, Sahˬpaˬ Miˬyehˇ heu loꞈ-ehˇ ehˇ-eu meh. “Maˬ tsehˬ-euˬ deh yaˇ tsehˬ poˬ-awˬ. Aˬ gah baw duˆ jaˆ gaˇ siˬ yoeˬ taˬ sehˬ.

Maꞈtehˬ 13:7

Siˬ yoeˬ tiˬ paˆ na deuˬ-aˬ, aˬ gah gah yaˇ-ahˇ ga-iˇ-awˇ, aˬ gah baw duˆ neh bi uˆ tehˬ-euˬ meh.

Lormav 14:2

Jah-eu tsawˇ haˬ tiˬ gʼaˬ na yawˬ jeˬ na luꞈ dzaˬ nya ma lehˇ noeˬ-eu meh. Ehˇ kʼawꞈ, jah-eu gʼaˬ baˬ-eu tsawˇ haˬ-aˬ, shaˬ jiˇ maˬ dzaˬ ni gʼawˬ paꞈ gʼawˬ nyoeˇ tehꞈ-ehˇ dzaˬ-eu meh.

HeˬByehˇ 6:8

Ehˇ kawꞈ, aˬ gah baw duˆ hawˇ-eu yaˇ moꞈ tehꞈ-ehˇ bi dehꞈ laˇ naˇ, tiˬ jeˬ-iˬ gaˇ dahˇ maˬ tsoeˬ-a. Kʼoeˇ-aˬ, Miˬyehˇ neh yaˬ kʼehˇ bi yaˬ-awˇ, miˬ dzaˬ bi puiˆ byoˆ mawꞈ laˇ-euˬ miˇ tsaˬ pyeuꞈ-eu meh.

Yawˇshuˆ 23:13

naw maꞈ mehˬ hu paw dehꞈ gʼeh leꞈ ngeh, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ tsawˇ jeuˬ kʼoeˇ deuˬ-ahˇ maˬ paˇ teh doˆ nehˬ-eu yaw duˬ baw meh lehˇ naw maꞈ siˬ nya-awˬ. Kʼoeˇ naˆ maˬ tseˇ, tsawˇ jeuˬ kʼoeˇ deuˬ-aˬ, naw maꞈ gʼaˇ duˬ guˆ laˇ paˬ-ehˇ gʼeh-eu lahˇ ju hawˇ-eu duˬ kʼahˬ loꞈ-ehˇ pyeuꞈ-awˇ, naw maꞈ-euˬ daˇ tsuiꞈ-ahˇ diˬ-eu daˇ cuiˇ hawˇ-eu, naw maꞈ-euˬ myaˆ nuiˆ-ahˇ tsawˆ-eu aˬ gah loꞈ-ehˇ pyeuꞈ tehꞈ-a. Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh naw maꞈ-ahˇ biꞈ-euˬ muiˬ dui dui-eu miˇ kʼahˬ-ahˇ naw maꞈ tiˬ gʼaˬ-iˬ maˬ jawˇ nya-ehˇ pyeuꞈ-iˇ ngeh keuˆ ni, kʼoeˇ loꞈ-ehˇ ya daˬ tehꞈ-a.