Aˇ dahˬ 3:16 - Akha

¹⁶ Kʼoeˇ naˇ, Miˬyehˇ pyeuꞈ-eu Sahˬpaˬ Miˬyehˇ zaˬ miˬ zaˬ gʼaˬ-ahˇ heu loꞈ-ehˇ ehˇ nehˬ-euˬ meh. “Aˬ nyiˇ pi luꞈ ngeh maˬ ehˇ, aˬ nyiˇ ciˬ ngeh maˬ ehˇ, nawˇ ya mˇ-eu shaˬ zahˬ heu naˆ maˬ tseˇ naꞈ dzehˬ laˇ ni ngaˇ jahˇ ma. Nawˇ kʼoeˇ naˆ naˆ-ehˇ ya shaˬ kʼawꞈ, nawˬ-euˬ kʼaˬ dzeˇ zaˬ-ahˇ nawˇ aˬ myah luꞈ nui kʼahˇ jaˆ tehꞈ-a. Ehˇ kʼawꞈ, nawˬ-euˬ kʼaˬ dzeˇ zaˬ uˆ lahˇ-eu uˬ moˆ nawˇ ya jawˇ tehꞈ-a” lehˇ ehˇ nehˬ-euˬ meh.

Aˇ dahˬ 3:16 Σταυροειδείς Αναφορές

Aˇ dahˬ 4:7

Nawˇ dawˇ coe ni mˇ law nmˇ-aˬ, laˬ kʼaˬ ya cehˇ tehꞈ-a. Ehˇ kʼawꞈ, nawˇ yaw tsaˬ yaw dawˇ dawˇ-ehˇ maˬ mˇ-euˬ miˇ neh, nawˬ-euˬ nymˇ gʼoˆ kʼehˬ-ahˇ iˬ baˇ keuˆ le luꞈ meh. Iˬ baˇ kʼoeˇ nawˬ-ahˇ uˆ lahˇ mawꞈ-eu meh. Iˬ baˇ-ahˇ gʼaˬ leˇ ni nawˇ leh jeh-awˬ.”

1 Laˬsaˬbaˬ 4:9

Yaˬbehˆ lehˇ myahˇ-euˬ tsawˇ haˬ tiˬ gʼaˬ jawˇ-eu meh. Aˬ yawꞈ-euˬ aˬ yuiꞈ aˬ nyiˇ deuˬ laꞈ kʼoeˇ, aˬ yawꞈ-ahˇ aˬ cawˬ yaw zeu baw dzehˬ-eu meh. Aˬ yawꞈ dehꞈ le ngeh, aˬ yawꞈ-euˬ aˬ ma gʼaˬ uˬ maˆ naˇ dui dui-euˬ miˇ neh, aˬ yawꞈ-euˬ aˬ ma neh Yaˬbehˆ/f 4.9 *‘Yaˬbehˆ’ lehˇ ehˇ-eu Heˬbyehˇ dawˬ-euˬ dawˬ tsuiꞈ-aˬ, ‘gawˇ-eu’ lehˇ ehˇ mawꞈ-euˬ meh.* lehˇ myahˇ nehˬ-euˬ meh.

Iˇsaˬtaˆ 1:20

Nawˬ neh biꞈ-euˬ dawˬ kʼoeˇ dawˬ huiˬ dui dui-eu miˇ kʼahˬ heu kʼahˬ-ahˇ gaˬ byah ngeh, iˇ shaˬ deuˬ maˬ ehˇ, smˇ muiˬ deuˬ maˬ ehˇ, zaˬ miˬ zaˬ yawˬ gʼaˬ na luꞈ yawˬ ha-euˬ kʼaˬ dzeˇ zaˬ-ahˇ yaw zeu baw tehꞈ-a.”

Jaceuq 48:6

Aˬ nyiˇ ciˬ-eu lehˇ gʼeh-eu zaˬ miˬ zaˬ loꞈ-ehˇ aˬ yawꞈ maꞈ shaˬ zahˬ mˇ-awˇ,

Iˇsaˬyaˇ 13:8

Guˆ-eu gaˆ-eu jeˬ aˬ yawꞈ maꞈ-ahˇ tsuˆ tehˬ taˬ-awˇ, shaˬ zahˬ naꞈ dui dui-eu miˇ neh, zaˬ baw luꞈ-eu aˬ ma loꞈ-ehˇ ya tsahˇ tehꞈ-a. Guˆ-eu miˇ neh tiˬ gʼaˬ tiˇ gʼaˬ haw tsoˆ taˬ-awˇ, baˬ ba neˇ tseuˆ ni shaˬ tehꞈ-a.

Iˇsaˬyaˇ 21:3

Kʼoeˇ baˬ da neh ngaˬ-euˬ gʼawˇ mawˇ laꞈ kʼoeˇ, zaˬ baw doˆ-eu shaˬ-eu loꞈ-ehˇ, naˇ dui gawˇ dui dui nya.

Iˇsaˬyaˇ 53:11

Shaˬ-eu zahˬ-euˬ jeˬ-ahˇ aˬ yawꞈ dehꞈ dzeuˇ gʼaˬ ngeh, nui saˇ oꞈ-eu laꞈ kʼoeˇ paˇ ya dehꞈ-awˇ, shaˬ-eu zahˬ-eu jeˬ-ahˇ ya daˬ-euˬ kʼoeˇ, yawˬ ngehꞈ maˬ ngeuˇ-a lehˇ ya siˬ tehꞈ-a. Ngaˇ nui kʼahˇ shiˇ-eu ngaˬ-euˬ zaˬ kʼaˆ-aˬ, tsawˇ haˬ gʼawˬ mya gʼaˇ duˬ kʼehˬ-eu kʼaˆ-eu jeˬ-ahˇ daˬ-awˇ, aˬ yawꞈ baˬ da neh tsawˇ haˬ kʼoeˇ deuˬ-ahˇ ngaˇ iˬ baˇ pyehˬ ma.

Yeˬlaˬmiˇ 13:21

Nawˬ neh cawˬ yaw gʼoeˇ ma lehˇ noeˬ-euˬ deuˬ, nawˬ-ahˇ guiˇ deuˆ gʼaˬ-awˇ uˆ lahˇ laˇ ngeh, nawˇ aˬ joˆ-ehˇ ehˇ nmˇ. Zaˬ miˬ zaˬ zaˬ baw ngeh shaˬ-eu loꞈ-ehˇ, nawˬ-euˬ shaˬ zahˬ kʼoeˇ naˆ ni naꞈ tehꞈ-a.

Yeˬlaˬmiˇ 22:23

Leˬbaˬnoˬ gawˬ jawˬ-ahˇ shaˇ leˇ-euˬ, shuˬ liˇ neh tsoˆ-euˬ nymˇ laꞈ kʼoeˇ, naw maꞈ saˇ lehˆ ni dehꞈ luꞈ meh. Ehˇ kʼawꞈ, zaˬ baw aˬ ma-euˬ shaˬ zahˬ-ahˇ duˇ-eu, shaˬ zahˬ naw maꞈ-ahˇ zaw laˇ ngeh, naw maꞈ aˇ naˆ ni ya shaˬ nmˇ.

Yeˬlaˬmiˇ 4:31

Zaˬ baw aˬ ma ngoeˇteˇ ngaˇ gaˬ-euˬ ma. Zaˬ nahˬ ciˬ ngeh naˇ-eu teˇ saˇ loꞈ-ehˇ, Yeˬluˇsaˬlehˬ shiˇ dehꞈ shiˇ teuˆ-awˇ, aˬ laꞈ cawˬ ja taˬ-awˇ ehˇ-eu, “Maˬ paˇ gʼeh nya miˇ-a. Aˬ cawˬ laꞈ-ahˇ ya shiˇ miˇ-a.”

Yeˬlaˬmiˇ 49:24

Daˬmaˬsehˇ meuˬ-ahˇ jawˇ-eu tsawˇ haˬ deuˬ nui ma baˬ laˇ-awˇ, guˆ-eu miˇ neh cehˆ jiˇ-euˬ meh. Aˬ nyiˇ ciˬ luꞈ-eu zaˬ miˬ zaˬ tiˬ gʼaˬ loꞈ-ehˇ, aˬ yawꞈ maꞈ shaˬ zahˬ naꞈ-eu meh.

Yeˬlaˬmiˇ 6:24

Yeˬluˇsaˬlehˬ-ahˇ jawˇ-eu tsawˇ haˬ deuˬ ehˇ-eu, “Gaˇ kawˆ heu deuˬ nga maꞈ ya gaˬ gʼaˬ-awˇ, nga maꞈ laꞈ guˬ shiˇ-euˬ gaˇ duˇ miˇ-a. Zaˬ miˬ zaˬ zaˬ baw ngeh loꞈ-ehˇ, shaˬ zahˬ naꞈ dui dui luꞈ-eu ma.

Bawˇtsahˬ 30:13

Yawˬ ha-euˬ miˬ zaˬ neh dzaˬ taˬ-euˬ saˇ jaˇ bi mˇ byah mawꞈ-eu maˬ ehˇ, maˬ bi mˇ byah mawꞈ-eu maˬ ehˇ, kʼaˬ dzeˇ zaˬ gʼaˬ naꞈ-i jaˆ-eu meh.

Yoˇhaˬ 16:21

Zaˬ miˬ zaˬ tiˬ gʼaˬ zaˬ baw-eu lehˇ gʼeh ngeh, shaˬ zahˬ ya mˇ-eu aˇ yamˬ keuˆ le-euˬ miˇ neh noeˬ shaˬ-eu meh. Ehˇ kʼawꞈ, zaˬ ciˬ doˆ leꞈ gʼaˬ ngeh, shaˬ zahˬ naꞈ-eu jeˬ-ahˇ ngehˇ jiˇ-eu meh. Aˬ jeˬ miˇ neh ehˇ naˇ, zaˬ tiˬ gʼaˬ miˇ tsaˬ kʼoeˇ taˆ dehꞈ doˆ le-euˬ miˇ neh, aˬ yawꞈ laˬ kʼaꞈ cehˇ-eu meh.

1 Gawˇliˬtu 11:3

Ehˇ kʼawꞈ, Ka li-aˬ, tsawˇ haˬ yawˬ gʼaˬ na luꞈ-euˬ uˬ duˬ pyeuꞈ-eu gaˇ kawˆ maˬ ehˇ, kʼaˬ dzeˇ zaˬ-aˬ miˬ zaˬ-euˬ uˬ duˬ pyeuꞈ-eu gaˇ kawˆ maˬ ehˇ, Miˬyehˇ-aˬ Ka li-euˬ uˬ duˬ pyeuꞈ-eu gaˇ kawˆ maˬ ehˇ, naw maꞈ bi gʼoˆ shaw mawꞈ miˇ-a.

1 Gawˇliˬtu 14:34

zaˬ miˬ zaˬ deuˬ-aˬ, Ka li zaˬ aˇ muˇ uiˬ leˇ ngeh ciˬ cuˇ ni ya jawˇ meh. Yuˇdaˆ tsawˇ haˬ-euˬ Zahˇ dawˬ kʼoꞈ dawˬ laꞈ kʼoeˇ ehˇ taˬ-euˬ loꞈ-ehˇ, aˬ yawꞈ maꞈ dawˬ maˬ ya ngehˬ-a. Aˬ cawˬ-euˬ laꞈ oꞈ ya awꞈ-eu meh.

1 Gawˇliˬtu 7:4

Miˬ zaˬ gʼaˬ yawˬ ha-euˬ gʼawˇ mawˇ-ahˇ yawˬ haˇ yawˬ ha maˬ uˆ lahˇ ni, kʼaˬ dzeˇ zaˬ gʼaˬ neh ya bi uˆ lahˇ meh. Kʼoeˇ gaˇ duˇ ni, kʼaˬ dzeˇ zaˬ gʼaˬ kʼawꞈ, yawˬ ha-euˬ gʼawˇ mawˇ-ahˇ yawˬ haˇ yawˬ ha maˬ uˆ lahˇ ni, miˬ zaˬ gʼaˬ neh ya bi uˆ lahˇ meh.

Gawˇlawˇsehˇ 3:18

Miˬ zaˬ deuˬ-oˇ, yawˬ ha-euˬ kʼaˬ dzeˇ zaˬ uˆ lahˇ-eu uˬ moˆ dehꞈ-awˬ. Aˬ jeˬ miˇ neh ehˇ naˇ, naw maꞈ Ka li zaˬ pyeuꞈ-eu miˇ neh kʼoeˇ loꞈ-ehˇ dehꞈ-eu tsaˬ meh.

1 Teˇsaˬloˇni 5:3

Miˇ kʼahˬ saˇ-awˇ guˆ kʼaˇ maˬ za-a lehˇ aˬ cawˬ ja luꞈ ngeh, luˬ-iˇ seˇ-iˇ-eu jeˬ aˬ yawꞈ maꞈ kʼoeˇ taˆ keuˆ le tehꞈ-a. Zaˬ ciˬ deˇ le-euˬ aˬ ma tiˬ gʼaˬ uˬ maˆ naˇ doˆ laˇ-eu loꞈ-ehˇ ja pyuˬ ni ga keuˆ le-awˇ, aˬ yawꞈ maꞈ maˬ dzeuˇ-i nya-aˇ.

1 Tiˆmoˇseˬ 2:13

Aˬ jeˬ miˇ neh ehˇ naˇ, Aˬdaˬ-ahˇ jeˬ huˬ beh gʼaˬ miˇ tsa, Eˇbaˆ-ahˇ beh-euˬ meh.

1 Tiˆmoˇseˬ 2:15

Ehˇ kʼawꞈ, zaˬ miˬ zaˬ tiˬ gʼaˬ nui nahˬ nui yu ahˇ-eu laꞈ kʼoeˇ, jah-eu jeˬ, gʼoeˇ-eu gaˬ-eu jeˬ hawˇ-eu, muiˬ-eu shawˇ-eu jeˬ laꞈ kʼoeˇ ziꞈ luꞈ naˇ, zaˬ ciˬ zaˬ cu mˇ-eu baˬ da neh ka kʼoꞈ-eu jeˬ za nya tehꞈ-a.

Tiˇtuˆ 2:5

Aˇ kʼoꞈ maˬ kʼawˆ laˇ-euˬ zaˬ miˬ zaˬ kʼoeˇ deuˬ yawˬ ha-euˬ nui ma-ahˇ gʼaˬ leˇ-awˇ, muiˬ-eu nymˇ sahˇ aˬ ma deuˬ pyeuꞈ laˇ-eu laꞈ kʼoeˇ kʼaˬ dzeˇ zaˬ-euˬ laꞈ oꞈ awꞈ nya laˇ-eu miˇ neh, Miˬyehˇ-euˬ guiˬ lah dawˬ-ahˇ aˬ cawˬ ja bu ja doeˇ kʼaˇ maˬ za-ehˇ pyeuꞈ laˇ ni aˬ yawꞈ maꞈ ya mehˬ ya tsoˆ-eu meh.