Aˇ dahˬ 3:10 - Akha

¹⁰ Kʼoeˇ ngeh, kʼaˬ dzeˇ zaˬ gʼaˬ oˬ toˬ-awˇ ehˇ-eu, “Nawˇ yaˇ kmˇ laꞈ kʼoeˇ gaˇ ma cah luꞈ-eu teˇ saˇ ngaˇ ya gaˬ-euˬ ma. Ehˇ kʼawꞈ, ngaˇ mehˬ tsoeˬ maˬ dm luꞈ-eu miˇ neh nawˬ-ahˇ guˆ-awˇ dzuˇ zaꞈ luꞈ-eu ma” lehˇ ehˇ kʼoꞈ nehˬ-euˬ meh.

Aˇ dahˬ 3:10 Σταυροειδείς Αναφορές

Aˇ dahˬ 2:25

Zaˬ miˬ zaˬ hawˇ-eu kʼaˬ dzeˇ zaˬ kʼoeˇ nyiˬ gʼaˬ luꞈ, neˇ myawˆ ni jawˇ-euˬ meh. Ehˇ kʼawꞈ, shaꞈ dawˇ-eu jeˬ maˬ jaˆ-a.

Aˇ dahˬ 3:11

“Nawˇ mehˬ tsoeˬ maˬ dm luꞈ nga lehˇ, nawˬ-ahˇ aˬ suˇ gʼaˬ ehˇ mehˬ nehˬ laꞈ-euˬ ta. Ngaˬ neh taˬ dzaˬ lehˇ ehˇ taˬ-euˬ aˇ siˬ kʼoeˇ nawˇ pyaˆ dzaˬ teˬ loˇ” lehˇ, aˬ yawꞈ-ahˇ Miˬyehˇ pyeuꞈ-eu Sahˬpaˬ Miˬyehˇ naˇ haˬ-euˬ meh.

Aˇ dahˬ 3:7

Aˇ siˬ kʼoeˇ dzaˬ gʼaˬ-euˬ nehˬ-ehˇ, aˬ yawꞈ nyaꞈ noeˬ siˬ noeˬ mawˇ nya laˇ-awˇ, “Mehˬ tsoeˬ maˬ dm luꞈ law hawˇ nyaˬ” lehˇ, yawˬ haˇ yawˬ ha noeˬ leˇ-euˬ meh. Kʼoeˇ miˇ neh, aˬ yawꞈ nyaꞈ siˬ guˬ aˇ paꞈ guꞈ tawꞈ-awˇ, yawˬ ha-euˬ gʼawˇ mawˇ-ahˇ dm kaˬ-euˬ meh.

Yawˇbaˆ 23:15

Kʼoeˇ miˇ neh aˬ yawꞈ-euˬ mehˬ shi ngaˬ-ahˇ yaw dzuˬ dzuˬ nya. Gaˇ kawˆ heu deuˬ shaˇ noeˬ ngeh ngaˬ-ahˇ yaw zawˇ guˆ nya.

Yawˇbaˆ 31:33

Aˬ cawˬ yawˬ ha-euˬ iˬ baˇ baꞈ zaꞈ kʼawꞈ, ngaˬ-euˬ iˬ baˇ-ahˇ ngaˇ tiˬ jawˇ-iˬ maˬ zaꞈ taˬ haw-aˬ.

Jaceuq 119:120

Nawˬ-ahˇ ngaˇ guˆ-awˇ yaw dzuˬ dzuˬ-eu ma. Nawˇ yaˇ kʼaˬ daˇ gaˇ ngaˇ guˆ dui dui-eu ma.

Doˆ-iˇ 20:18

Mˬ jeˬ jeˬ-eu teˇ saˇ hawˇ-eu daˇ heh teˇ saˇ-ahˇ ya gaˬ-awˇ, mˬ myawꞈ myawꞈ-awˇ, gawˬ jawˬ-ahˇ uˬ kʼoeˬ du doˆ laˇ gaˇ ya mawˇ ngeh, Iˇsaˬleˬlaˆ tsawˇ haˬ deuˬ guˆ-awˇ, yaw dzuˬ dzuˬ-eu laꞈ kʼoeˇ, gaˇ mahˇ kaˬ gaˇ yawꞈ luꞈ-eu meh.

Doˆ-iˇ 20:19

Kʼoeˇ ngeh, Moˇseˬ-ahˇ aˬ yawꞈ maꞈ ehˇ nehˬ-eu, “Nawˬ-euˬ gʼawˇ mawˇ nga maꞈ-ahˇ dawˬ ngehˬ cawˬ naˇ, nga maꞈ naˇ haˬ ma. Ehˇ kʼawꞈ, Miˬyehˇ nga maꞈ-ahˇ dawˬ ngehˬ cawˬ laˇ naˇ, nga maꞈ shiˇ laˇ gaˇ guˆ-eu miˇ neh, maˬ naˇ haˬ peuˬ nya.”

Doˆ-iˇ 3:6

Ngaˇ-aˬ, nawˬ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-awˇ Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ ma” lehˇ ehˇ nehˬ-euˬ meh. Moˇseˬ Miˬyehˇ-ahˇ maˬ haw peuˬ-eu miˇ neh, yawˬ ha-euˬ myaˆ pyawˬ-ahˇ dehˬ kaˬ taˬ-euˬ meh.

Doˆ-iˇ 32:25

Aˬloˬ neh Iˇsaˬleˬlaˆ tsawˇ haˬ deuˬ-ahˇ gaˇ ma sheuˬ bahˬ-awˇ, maˬ ha lahˇ nya ni bi pyeuꞈ-iˇ-euˬ uˬ taꞈ, aˬ yawꞈ maꞈ-ahˇ muiˇ-eu deuˬ mehˬ shi shaꞈ dawˇ duˬ doˆ laˇ taˬ-euˬ gaˇ Moˇseˬ ya mawˇ-euˬ meh.

Iˇsaˬyaˇ 33:14

Ziˇoˬ meuˬ-ahˇ iˬ baˇ mˇ luꞈ-eu deuˬ, guˆ-eu yaw dzuˬ dzuˬ-awˇ ehˇ-eu, “Miˬyehˇ-euˬ kʼehˬ-eu kʼaˆ-eu jeˬ, maˬ miˆ-iˇ-eu miˬ dzaˬ loꞈ-ehˇ duˇ-eu miˇ neh, aˬ dui tiˬ gʼaˬ-iˬ maˬ dzeuˇ-iˇ luꞈ-a.”

Iˇsaˬyaˇ 47:3

Nawˇ neˇ myawˆ ni jawˇ gaˇ aˬ cawˬ ya mawˇ tehꞈ-a. Nawˇ daˬ ga-awˇ shaꞈ dawˇ luꞈ gaˇ aˬ cawˬ ya mawˇ tehꞈ-a. Ngaˇ laꞈ poˆ poˆ nehˬ gaˇ laˆ tsoeˬ nya-eu gʼaˬ maˬ jawˇ-aˬ.”

Iˇsaˬyaˇ 57:11

Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ ngaˬ-ahˇ jaˬ myawꞈ myawꞈ-awˇ ngehˇ byoˆ coeˇ ni, naw maꞈ-ahˇ laˆ guˆ-eu miˬyehˇ kʼoeˇ deuˬ aˬ suˇ gʼaˬ-a. Ngaˇ ciˬ cuˇ ni jawˇ myahˇ laꞈ-euˬ miˇ neh, naw maꞈ ngaˬ-ahˇ maˬ paˇ taˬ huiˬ ma loˇ.

Dawˬmehˬ 5:25

Ehˇ kʼawꞈ, guˆ laˇ paˬ-ehˇ gʼeh-eu miˬ dzaˬ kʼoeˇ laˆ cawˆ laˇ gaˇ guˆ-eu miˇ neh, nyiˬ poˆ maˬ paˇ naˇ haˬ peuˬ miˇ-a. Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ dawˬ ngehˬ gaˇ tiˬ poˆ paˇ ya gaˬ lawˬ naˇ, maˇ maˇ ni ya shiˇ-eu miˇ-a.

1 Yoˇhaˬ 3:20

Aˬ dui-euˬ nui ma aˬ dui-ahˇ iˬ baˇ taˬ kʼaˇ za ngeh, Miˬyehˇ-aˬ, aˬ dui-euˬ nui ma naˆ maˬ tseˇ huiˬ dzehˬ mahˇ dzehˬ-awˇ dawˬ tawˆ luꞈ-ahˇ siˬ nya meh lehˇ aˬ dui noeˬ duˬ kʼaˇ za-eu ma.

Panmaeq 16:15

“Naˇ haˬ-awˬ. smˇ kʼoeˬ tahˇ joe oe-eu loꞈ-ehˇ ngaˇ oe luꞈ-eu ma. Neˇ myawˆ ni maˬ ya cah-ehˇ aˬ cawˬ mehˬ shi maˬ ya shaꞈ dawˇ ni, yaw beuˇ beuˇ-ehˇ dehꞈ-awˇ mehˬ tsoeˬ yaw muiˬ-ehˇ dm gʼoeˬ-eu tsawˇ haˬ guiˬ lahˬ huiˬ-eu meh.”