Aˇ dahˬ 29:34 - Akha

³⁴ Aˬ yawꞈ aˬ nyiˇ tiˬ poˆ paˇ pi leˇ-awˇ, aˬ li tiˬ li paˇ ciˬ-euˬ meh. “Nymˬ-mˇ poˆ jawˇ-aˬ, aˬ yawꞈ gʼaˇ duˬ aˬ li smˬ li ngaˇ ciˬ-euˬ miˇ neh, dzeuˇ laˇ ngeh naˆ maˬ tseˇ, ngaˬ-euˬ kʼaˬ dzeˇ zaˬ ngaˬ-ahˇ nui ma taꞈ tehꞈ-a” lehˇ aˬ yawꞈ ehˇ-awˇ, aˬ li kʼoeˇ li-ahˇ Leˬbiˇ lehˇ myahˇ nehˬ-euˬ meh.

Aˇ dahˬ 29:34 Σταυροειδείς Αναφορές

Aˇ dahˬ 30:20

Kʼoeˇ ngeh, “Miˬyehˇ ngaˬ-ahˇ muiˬ-eu laꞈ sawˬ biꞈ laꞈ-euˬ nga. Nymˬ-mˇ poˆ jawˇ-aˬ, ngaˬ-euˬ kʼaˬ dzeˇ zaˬ ngaˬ-ahˇ ha geuꞈ tehꞈ-a. Aˬ jeˬ miˇ neh ehˇ naˇ, aˬ yawꞈ-euˬ gʼaˇ duˬ ngaˇ aˬ li koꞈ li bi jawˇ le gʼaˬ-euˬ ma” lehˇ Leˇaˬ ehˇ-awˇ, aˬ li kʼoeˇ li-ahˇ Zeˬbuˬloˬ lehˇ myahˇ nehˬ-euˬ meh.

Aˇ dahˬ 34:25

Smˬ nah byah laˇ-awˇ, tsawˇ haˬ kʼoeˇ deuˬ baˆ kʼoˆ mehˬ dzaˬ yehˬ-euˬ maˇ naˇ maˬ taˬ leˇ mi naˆ-ehˇ, Yaˬkoˆ-euˬ aˬ li deuˬ pyeuꞈ-eu, Diˇnaˆ-euˬ aˇ doˆ Suˇmoˬ hawˇ-eu Leˬbiˇ aˬ nyaꞈ nmˇ mi cehˇ shaꞈ-awˇ, tsawˇ haˬ tiˬ gʼaˬ-iˬ maˬ bi haw siˬ ni meuˬ laꞈ kʼoeˇ le uˇ-awˇ, kʼaˬ dzeˇ zaˬ dawˬ tawˆ luꞈ-ahˇ coeˇ sehꞈ jiˇ-euˬ meh.

Aˇ dahˬ 35:23

Yaˬkoˆ-euˬ aˬ li tseˇ nyiꞈ li jawˇ-eu meh. Leˇaˬ o neh jawˇ le-euˬ aˬ li deuˬ-aˬ, Yaˬkoˆ-euˬ aˬ li aˬ yuiꞈ yuiꞈ saˬ gʼaˬ pyeuꞈ-eu Luˇbeˬ, Suˇmoˬ, Leˬbiˇ, Yuˇdaˆ, Iˇsaˬkaˬ, Zeˬbuˬloˬ aˬ ha mehˇ nmˇ meh.

Aˇ dahˬ 4:1

Kʼoeˇ naˇ, Aˬdaˬ hawˇ-eu Eˇbaˆ aˬ nyaꞈ dzeˇ zaˬ jawˇ taꞈ-awˇ, Eˇbaˆ aˬ nyiˇ pi leˇ-euˬ meh. Eˇbaˆ aˬ nyiˇ ciˬ ngeh, “Sahˬpaˬ Miˬyehˇ-euˬ guiˬ lahˬ baˬ da neh aˬ li tiˬ li jawˇ le-euˬ ma” lehˇ aˬ yawꞈ ehˇ-awˇ, aˬ li kʼoeˇ li-ahˇ Gaˬiˇnaˆ lehˇ myahˇ nehˬ-euˬ meh.

Aˇ dahˬ 46:11

Leˬbiˇ hawˇ-eu aˬ yawꞈ-euˬ aˬ li deuˬ pyeuꞈ-eu Geˬlaˬshoˬ, Kawˇhaˆ, Meˬlaˬliˇ.

Doˆ-iˇ 2:1

Aˇ yamˬ kʼoeˇ yamˬ laꞈ kʼoeˇ, Leˬbiˇ tsawˇ haˬ kʼaˬ dzeˇ zaˬ tiˬ gʼaˬ hawˇ-eu, Leˬbiˇ tsawˇhaˬ zaˬ miˬ zaˬ tiˬ gʼaˬ sheuˬ dahˬ dzaˬ-eu meh.

Panmaeq 7:7

Suˇmoˬ tsawˇ jeuˬ laꞈ kʼoeˇ tiˬ muiˇ nyiˬ heˇ gʼaˬ, Leˬbiˇ tsawˇ jeuˬ laꞈ kʼoeˇ tiˬ muiˇ nyiˬ heˇ gʼaˬ, Iˇsaˬkaˬ tsawˇ jeuˬ laꞈ kʼoeˇ tiˬ muiˇ nyiˬ heˇ gʼaˬ,