Aˇ dahˬ 27:4 - Akha

⁴ Kʼoeˇ naˇ, ngaˇ dzaˬ mawꞈ-eu dzaˇ yaw kuiˇ kuiˇ-ehˇ jahˇ-awˇ ciˬ ha laˇ-awˬ. Dzaˇ kʼoeˇ ngaˇ dzaˬ-awˇ, ngaˇ maˬ shiˇ mi naˆ-ehˇ nawˬ-ahˇ dawˬ ngehˬ gʼeh nehˬ yaꞈ nyaˇ.”

Aˇ dahˬ 27:4 Σταυροειδείς Αναφορές

Aˇ dahˬ 14:19

Aˬbyaˬ-ahˇ aˬ yawꞈ heu loꞈ-ehˇ dawˬ ngehˬ gʼeh nehˬ-euˬ meh. “Mˬ hawˇ-eu miˇ-ahˇ beh-euˬ yaw sahˇ pyeuꞈ-eu Huiˬ dui mahˇ dui dui-eu Miˬyehˇ, Aˬbyaˬ-ahˇ guiˬ lahˬ biꞈ luꞈ-uˇ.

Aˇ dahˬ 24:60

Aˬ yawꞈ maꞈ Leˬbehˇkaꞈ-ahˇ heu loꞈ-ehˇ dawˬ ngehˬ gʼeh nehˬ-euˬ meh. “Zaˬ miˬ dmˇ ma-oˇ, nawˇ-aˬ, maˬ gui jiˇ coeˇ-eu tsawˇ haˬ deuˬ-euˬ aˬ ma ma dzahˇ pyeuꞈ laˇ luꞈ-uˇ. Nawˬ-euˬ zaˬ nawˬ-euˬ uˆ deuˬ-aˬ, aˬ yawꞈ maꞈ-ahˇ muiˇ-eu tsawˇ haˬ deuˬ-euˬ meuˬ deuˬ-ahˇ deuˆ gʼaˬ luꞈ-uˇ.”

Aˇ dahˬ 27:14

Kʼoeˇ naˇ, Yaˬkoˆ ciꞈ myehꞈ nyehꞈ mi laˬ-iˇ-awˇ, aˬ ma gʼaˬ aˬ yawꞈ aˬ da dzaˬ kuiˇ nya-eu dzaˇ jahˇ nehˬ-euˬ meh.

Aˇ dahˬ 27:17

Kuiˇ dui dui-eu dzaˇ kʼoeˇ hawˇ-eu, aˬ yawꞈ neh jahˇ-euˬ kaˬ muˇ deuˬ aˬ yawꞈ-euˬ aˬ li-ahˇ aˬ yawꞈ biꞈ-awˇ, bi ciˬ ha leˇ-euˬ meh.

Aˇ dahˬ 27:19

Yaˬkoˆ ehˇ-eu, “Ngaˇ-aˬ, nawˬ li aˬ yuiꞈ gʼaˬ ma. Nawˬ neh kʼaˇ ehˇ nehˬ laꞈ-euˬ loꞈ-ehˇ, ngaˇ lehˬ hmˬ laˆ dah gʼaˬ taˬ-euˬ ma. Nuiˇ-awˇ, ngaˬ neh hehˇ laꞈ-euˬ shaˬ jiˇ dzaˬ-awˇ, ngaˬ-ahˇ dawˬ ngehˬ gʼeh nehˬ laꞈ-awˬ.”

Aˇ dahˬ 27:23

Yaˬkoˆ-euˬ aˬ laꞈ-ahˇ aˬ yawꞈ sawˆ haw ngeh, Iˇsawˇ-euˬ aˬ laꞈ loꞈ-ehˇ caꞈ hm shuˬ byehˬ ni tsoꞈ-eu miˇ neh, Yaˬkoˆ nga lehˇ aˬ yawꞈ maˬ siˬ nya-a. Kʼoeˇ miˇ neh, Yaˬkoˆ-ahˇ dawˬ ngehˬ gʼeh nehˬ-eu lehˇ aˬ yawꞈ lehˬ hmˬ-euˬ meh.

Aˇ dahˬ 27:25

Kʼoeˇ naˇ, “Shaˬ jiˇ hehˇ laꞈ-awˬ. Dzaˬ gʼaˬ dawˇ gʼaˬ naˇ, ngaˇ nawˬ-ahˇ dawˬ ngehˬ gʼeh nehˬ ma” lehˇ, Iˇtsaˆ ehˇ-eu meh. Kʼoeˇ ngeh, shaˬ jiˇ kʼoeˇ hawˇ-eu aˬ gaꞈ dzaˇ uiˇ ui cuiˆ, aˬ yawꞈ-euˬ aˬ da-ahˇ Yaˬkoˆ ciˬ nehˬ-euˬ meh.

Aˇ dahˬ 27:27

Yaˬkoˆ dawˬ peh jiˆ tuˆ leˇ-awˇ, Iˇtsaˆ-ahˇ mehˬ cuˇ cuˇ nehˬ-eu lehˇ mˇ jeh ngeh, aˬ yawꞈ dm luꞈ-eu mehˬ tsoeˬ-ahˇ Iˇtsaˆ laˆ haw-euˬ meh. Kʼoeˇ naˇ, Yaˬkoˆ-ahˇ Iˇtsaˆ heu loꞈ-ehˇ dawˬ ngehˬ gʼeh nehˬ-euˬ meh. “Yaw zawˇ-ehˇ saw-eu ngaˬ li-euˬ yaw saꞈ-aˬ, Sahˬpaˬ Miˬyehˇ neh guiˬ lahˬ biꞈ nehˬ-euˬ deh yaˇ tiˬ kawˬ-euˬ yaw saꞈ-ahˇ duˇ miˇ-a.

Aˇ dahˬ 27:31

Iˇsawˇ gʼaˬ kʼawꞈ, kuiˇ dui dui-eu dzaˇ jahˇ-awˇ, aˬ yawꞈ-euˬ aˬ da jawˇ gaˇ ciˬ ha laˇ-euˬ meh. “Aˬ da-oˇ, ngaˬ-ahˇ dawˬ ngehˬ gʼeh nehˬ laꞈ-eu gʼaˇ duˬ nuiˇ-awˇ, ngaˬ neh nawˬ-euˬ gʼaˇ duˬ yuˇ laꞈ-euˬ shaˬ jiˇ dzaˬ-awˬ” lehˇ, aˬ yawꞈ-euˬ aˬ da-ahˇ aˬ yawꞈ ehˇ nehˬ-euˬ meh.

Aˇ dahˬ 27:5

Iˇsawˇ-ahˇ Iˇtsaˆ kʼoeˇ loꞈ-ehˇ ehˇ nehˬ luꞈ gaˇ, Leˬbehˇkaꞈ naˇ haˬ luꞈ-eu meh.

Aˇ dahˬ 27:7

‘Shaˬ jiˇ beuˆ sehꞈ laˬ-iˇ-awˇ, dzaˇ yaw kuiˇ tiˬ kʼmˬ jahˇ laꞈ sheˇ. Dzaˇ kʼoeˇ ngaˇ dzaˬ gʼaˬ ngeh, ngaˇ maˬ shiˇ mi naˆ-ehˇ Sahˬpaˬ Miˬyehˇ-euˬ mehˬ shi nawˬ-ahˇ dawˬ ngehˬ gʼeh-awˇ, guiˬ lahˬ biꞈ nehˬ yaꞈ nyaˇ’ lehˇ ehˇ nehˬ luꞈ-eu ngaˇ ya gaˬ-euˬ ma.”

Aˇ dahˬ 27:9

Ciꞈ myehꞈ ciꞈ maꞈ jawˇ gaˇ iˇ-awˇ, tsuˇ dui dui-eu ciꞈ myehꞈ ciꞈ kʼaˇ zaˬ tiˬ mawˇ nyehꞈ mi laˬ-iˇ-awˬ. Nawˬ da dzaˬ mawꞈ dui dui-eu dzaˇ ngaˇ jahˇ nehˬ ma.

Aˇ dahˬ 28:3

Nawˇ tsawˇ jeuˬ gʼawˬ mya jeuˬ-euˬ aˬ da yaw dzahˇ pyeuꞈ laˇ ni, miˬ zaˬ sheuˬ-awˇ nymˇ dahˬ dahˬ dzaˬ gaˇ Baoˬ huiˬ-eu Miˬyehˇ guiˬ lahˬ biꞈ-awˇ, zaˬ myaˬ laˇ luꞈ-uˇ.

Aˇ dahˬ 48:9

“Aˬ li heu nyiˬ li-aˬ, Iˇjiˇtuˆ miˇ kʼahˬ laꞈ kʼoeˇ Miˬyehˇ neh ngaˬ-ahˇ biꞈ laꞈ-euˬ ngaˬ-euˬ zaˬ deuˬ ma” lehˇ, Yoˇsehˆ ehˇ kʼoꞈ nehˬ-euˬ meh. “Aˬ yawꞈ nyaꞈ nmˇ-ahˇ ngaˇ jawˇ gaˇ sheuˬ laꞈ-awˬ. Ngaˇ dawˬ ngehˬ gʼeh nehˬ la” lehˇ Yaˬkoˆ ehˇ-eu meh.

Aˇ dahˬ 49:28

Tsawˇ haˬ heu deuˬ-aˬ, Iˇsaˬleˬlaˆ tsawˇ jeuˬ tseˇ nyiꞈ jeuˬ pyeuꞈ-awˇ, dawˬ heu deuˬ kʼawꞈ, aˬ yawꞈ maꞈ-euˬ aˬ da ziˇ jiˇ-eu dawˬ peh peh laˇ-awˇ aˬ yawꞈ maꞈ-ahˇ maˬ ya gʼawˬ-iˇ mi naˆ-ehˇ, aˬ li aˬ yawꞈ gʼaˬ yawꞈ-ahˇ kʼaˇ geuˇ-eu loꞈ-ehˇ ehˇ nehˬ yaꞈ-euˬ dawˬ pyeuꞈ-eu meh.

Luˇkaꞈ 2:34

Aˬ yawꞈ maꞈ-ahˇ Suˇmoˬ dawˬ ngehˬ gʼeh nehˬ-awˇ, aˬ ma gʼaˬ pyeuꞈ-eu Maˬliˇ-ahˇ heu loꞈ-ehˇ ehˇ nehˬ-euˬ meh. “Iˇsaˬleˬlaˆ miˇ kʼahˬ laꞈ kʼoeˇ tsawˇ haˬ gʼawˬ mya ni cawˆ-iˇ-awˇ, tsawˇ haˬ gʼawˬ mya ni ka kʼoꞈ-eu jeˬ-ahˇ za ni, zaˬ nahˬ heu gʼaˬ-ahˇ Miˬyehˇ tseˇ doˆ-euˬ meh. Aˬ yawꞈ-aˬ, aˬ cawˬ ja bu ja doeˇ gaˇ ya daˬ-eu Miˬyehˇ neh bi siˬ bi mawˇ le-euˬ jeˬ pyeuꞈ-awˇ,

Luˇkaꞈ 24:51

Aˬ yawꞈ dawˬ ngehˬ gʼeh nehˬ gʼaˬ ngeh, aˬ yawꞈ maꞈ-ahˇ gʼawˬ-iˇ-awˇ, mˬ kʼoeˇ taˆ bi sheuˬ daˆ kʼoꞈ leꞈ-euˬ meh.

HeˬByehˇ 11:20

Yaˬkoˆ hawˇ-eu Iˇsawˇ aˬ nyaꞈ nmˇ mehˬ hu paw dehꞈ daˆ leꞈ ngeh guiˬ lahˬ za nya ni, Iˇtsaˆ dawˬ ngehˬ gʼeh nehˬ-euˬ kʼoeˇ-aˬ, jah-eu jeˬ baˬ da neh meh.

Yawˇshuˆ 14:13

Yeˬpuˬnehˇ-euˬ aˬ li Gaˬlehˆ-ahˇ Yawˇshuˆ dawˬ ngehˬ gʼeh nehˬ-awˇ, Heˬbyoˬ meuˬ biꞈ tsehˆ tsehˆ nehˬ-euˬ meh.

Yawˇshuˆ 22:6

Kʼoeˇ naˇ, aˬ yawꞈ maꞈ-ahˇ Yawˇshuˆ dawˬ ngehˬ gʼeh nehˬ-awˇ, heu loꞈ-ehˇ dawˬ tsaꞈ tsaꞈ nehˬ-awˇ bi gʼoꞈ-iˇ-euˬ meh. “Naw maꞈ-aˬ, smˇ muiˬ muiˬ dui dui-eu laꞈ kʼoeˇ ya gʼoꞈ-iˇ-eu ngaˇ. Jeˬ zaˬ maˬ ehˇ, pyuˇ maˬ ehˇ, shuiˇ maˬ ehˇ, guiˬ shuiˇ maˬ ehˇ, shmˇ maˬ ehˇ, dm gʼaˬ dm lmˇ maˬ ehˇ, gʼawˬ mya ni ya yuˇ kʼoˆ gʼeh-eu ngaˇ. Naw maꞈ-ahˇ muiˇ-eu deuˬ-ahˇ naw maꞈ neh deuˆ za-euˬ heu deuˬ, naw maꞈ-euˬ aˇ jeuˬ aˇ ca aˬ yuiꞈ aˬ nyiˇ deuˬ-ahˇ kʼawꞈ biˇ nehˬ-awˬ.” Kʼoeˇ ngeh, aˬ yawꞈ maꞈ gʼoꞈ-iˇ-euˬ meh. Maˬnaˇseˬ tsawˇ haˬ tiˬ paˆ-ahˇ, Yawˇdaˬ lawˇ baˬ nahˇ ma doˆ kʼehˬ paw Moˇseˬ miˇ kʼahˬ biˇ nehˬ-euˬ meh. Ehˇ kʼawꞈ, Maˬnaˇseˬ tsawˇ haˬ yawˬ deuˬ yawˬ-ahˇ, Iˇsaˬleˬlaˆ tsawˇ jeuˬ nui deuˬ nehˬ-ehˇ tiˬ kawˆ loꞈ-ehˇ, Yawˇdaˬ lawˇ baˬ nahˇ ma ga kʼehˬ paw Yawˇshuˆ miˇ kʼahˬ biˇ nehˬ-euˬ meh.