Aˇ dahˬ 24:4 - Akha

⁴ Ngaˇ dehꞈ le-euˬ miˇ kʼahˬ-ahˇ le-awˇ, ngaˬ-euˬ aˬ yuiꞈ aˬ nyiˇ deuˬ laꞈ kʼoeˇ, ngaˬ li gʼaˇ duˬ miˬ zaˬ tiˬ gʼaˬ nawˇ ya shaˇ poˆ nehˬ-iˇ meh.”

Aˇ dahˬ 24:4 Σταυροειδείς Αναφορές

Aˇ dahˬ 11:25

Kʼoeˇ sawˇ miˇ tsa aˬ yawꞈ tiˬ yaˇ tseˇ gʼoeˬ kʼoꞈ paˇ dehꞈ-awˇ, zaˬ gʼawˬ mya ni paˇ jawˇ lahˬ le-euˬ meh.

Aˇ dahˬ 12:1

Aˬbyaˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Nawˬ-euˬ miˇ kʼahˬ, nawˬ-euˬ aˬ yuiꞈ aˬ nyiˇ deuˬ hawˇ-eu nawˬ da-euˬ nymˇ-ahˇ nawˇ byehˇ dzeh yaꞈ-awˇ, ngaˇ nawˬ-ahˇ mehˬ nehˬ-eu miˇ kʼahˬ-ahˇ iˇ-awˬ.

Aˇ dahˬ 12:7

Kʼoeˇ ngeh, Aˬbyaˬ-euˬ mehˬ shi Sahˬpaˬ Miˬyehˇ doˆ le-awˇ, “Miˇ kʼahˬ heu kʼahˬ-aˬ, nawˬ-euˬ zaˬ nawˬ-euˬ uˆ deuˬ-ahˇ biꞈ-eu gʼaˇ duˬ, ngaˬ neh lehˬ hmˬ taˬ-euˬ miˇ kʼahˬ pyeuꞈ-eu ma” lehˇ ehˇ nehˬ-euˬ meh. Aˬbyaˬ-aˬ, aˬ yawꞈ-euˬ mehˬ shi doˆ le-euˬ Sahˬpaˬ Miˬyehˇ-ahˇ lawˇ nehˬ shehˇ nehˬ-eu gʼaˇ duˬ, kʼoeˇ gaˇ lawˇ duˬ tiˬ tsahˇ tsoˆ-euˬ meh.

Aˇ dahˬ 24:38

Ngaˬ da-euˬ tsawˇ jeuˬ tsawˇ ca pyeuꞈ-eu ngaˬ-euˬ aˬ yuiꞈ aˬ nyiˇ deuˬ jawˇ gaˇ le-awˇ, ngaˬ li gʼaˇ duˬ miˬ zaˬ poˆ nehˬ leˇ-awˬ’ lehˇ ehˇ-eu meh.

Aˇ dahˬ 24:5

Zaˬ kʼaˆ kʼoeˇ gʼaˬ ehˇ-eu, “Zaˬ miˬ aˬ buˇ kʼoeˇ yawˬ ha-euˬ miˇ kʼahˬ-ahˇ byehˇ dzeh-awˇ, miˇ kʼahˬ heu kʼahˬ-ahˇ maˬ caw teh le naˇ, ngaˇ aˬ joˆ-ehˇ jahˇ nmˇ. Nawˬ li-ahˇ nawˬ neh jawˇ yaꞈ-euˬ miˇ kʼahˬ kʼoeˇ kʼahˬ-ahˇ bi jawˇ leˇ-eu loˇ.”

Aˇ dahˬ 28:1

Kʼoeˇ naˇ, Yaˬkoˆ-ahˇ Iˇtsaˆ kuˇ-awˇ, heu loꞈ-ehˇ ehˇ nehˬ-euˬ meh. “Kaˬnaˬ miˇ kʼahˬ laꞈ kʼoeˇ jawˇ-eu zaˬ miˬ aˬ buˇ deuˬ-ahˇ nawˇ taˬ sheuˬ dahˬ dzaˬ.

Aˇ dahˬ 28:2

Maˬsoˬpoˬtaˬmiˇ miˇ kʼahˬ-ahˇ, nawˬ bawˇ Beˬtuˬlaˇ jawˇ gaˇ le-awˇ, nawˬ gʼoe Laˬbaˬ-euˬ aˬ buˇ-ahˇ sheuˬ leˇ-awˬ.

2 Laˬsaˬbaˬ 24:3

Yeˬhawˇyaˬdaˬ neh Yawˇshaˆ-ahˇ miˬ zaˬ nyiˬ gʼaˬ poˆ nehˬ-awˇ, kʼoeˇ nyiˬ gʼaˬ o neh aˬ buˇ aˬ li gʼawˬ mya ni jawˇ le-euˬ meh.

HeˬByehˇ 11:15

Aˬ yawꞈ maꞈ neh byehˇ dzeh yaꞈ-euˬ miˇ kʼahˬ-ahˇ aˬ yawꞈ maꞈ maˬ paˇ shaˇ noeˬ meh. Kʼoeˇ loꞈ-ehˇ shaˇ noeˬ law nmˇ-aˬ, paˇ gʼoꞈ jawˇ le nya-eu meh.

Yaˇ kʼaˬ daˇ 14:3

Ehˇ kʼawꞈ, aˬ yawꞈ-euˬ aˬ ma aˬ da aˬ yawꞈ-ahˇ ehˇ nehˬ-eu, “Lawˇ ciꞈ zaˬ pyeuꞈ-eu Piˇliˇtiˆ tsawˇ haˬ deuˬ jawˇ gaˇ aˬ jeˬ miˇ neh nawˇ miˬ zaˬ ya gʼa-iˇ ta. Aˬ dui-euˬ tsawˇ jeuˬ, aˬ dui pehˬ-euˬ aˇ jeuˬ laꞈ kʼoeˇ aˬ buˇ zaˬ guˬ maˬ poˆ mawˇ nya nya loˇ.” Ehˇ kʼawꞈ, Saˬsoˬ aˬ yawꞈ-euˬ aˬ da gʼaˬ-ahˇehˇ nehˬ-eu, “Aˬ buˇ kʼoeˇ gʼaˬ-ahˇ sheuˬ laˬ-iˇ-awˬ. Aˬ yawꞈ-ahˇ ngaˇ mawꞈ dui dui nya.”