Aˇ dahˬ 20:9 - Akha

⁹ Kʼoeˇ ngeh, Aˬbyaˬhaˬ-ahˇ Aˬbiˇmaˬlehˆ kuˇ-awˇ, heu loꞈ-ehˇ ehˇ nehˬ-euˬ meh. “Aˬ jeˬ miˇ neh nawˇ ngaˬ-ahˇ heu loꞈ-ehˇ jahˇ nehˬ laꞈ te. Ngaˬ-euˬ kʼoeˇ taˆ maˬ ehˇ, ngaˬ-euˬ miˇ kʼahˬ kʼoeˇ taˆ maˬ ehˇ, huiˬ dui dui-eu guˆ-eu gaˆ-eu jeˬ keuˆ le ni nawˇ jahˇ paˬ-ehˇ, nawˬ-euˬ kʼoeˇ taˆ ngaˬ neh mˇ lehˬ taˬ-euˬ aˬ jeˬ jaˆ ta. Nawˬ neh ngaˬ-ahˇ heu poˆ jahˇ nehˬ laꞈ-euˬ loꞈ-ehˇ, tsawˇ haˬ tiˬ gʼaˬ-iˬ ngaˬ-ahˇ maˬ jahˇ nehˬ laꞈ kʼmˬ-aˇ.

Aˇ dahˬ 20:9 Σταυροειδείς Αναφορές

Aˇ dahˬ 12:18

Kʼoeˇ ngeh, sahˬ paˬ kʼoeˇ gʼaˬ Aˬbyaˬ-ahˇ bi kuˇ laˬ-iˇ-awˇ, heu loꞈ-ehˇ ehˇ nehˬ-euˬ meh. “Nawˇ ngaˬ-ahˇ aˬ jeˬ jahˇ nehˬ laꞈ te. Zaˬ miˬ zaˬ heu gʼaˬ nawˬ-euˬ miˬ zaˬ ma lehˇ aˬ jeˬ miˇ neh nawˇ maˬ ehˇ te.

Aˇ dahˬ 20:10

Aˬ jeˬ noeˬ-awˇ heu loꞈ-ehˇ jahˇ nehˬ laꞈ te.”

Aˇ dahˬ 20:8

Yawˬ shawˬ yawˬ uˬ shawˬ yaw naꞈ-ehˇ, aˬ yawꞈ-euˬ gaˇ mˇ-eu yaw huiˬ yaw mahˇ deuˬ dawˬ tawˆ luꞈ-ahˇ Aˬbiˇmaˬlehˆ kuˇ uiˬ-awˇ, gaˇ kawˆ kʼoeˇ dzawˇ nehˬ ngeh, yawˬ gʼaˬ na luꞈ guˆ dui dui-iˇ-euˬ meh.

Aˇ dahˬ 26:10

“Aˬ jeˬ miˇ neh nga maꞈ-ahˇ nawˇ teu loꞈ-ehˇ jahˇ nehˬ laꞈ te. Ngaˬ-euˬ tsawˇ haˬ tiˬ gʼaˬ na, maˬ yehꞈ maˬ caˇ-ehˇ nawˬ-euˬ miˬ zaˬ nehˬ-ehˇ joe naˇ, nga maꞈ kʼoeˇ taˆ iˬ baˇ jaˆ laˇ ni nawˇ mˇ gaˇ duˇ-eu maˬ ngeuˇ nga loˇ” lehˇ, Iˇtsaˆ-ahˇ Aˬbiˇmaˬlehˆ ehˇ nehˬ-euˬ meh.

Aˇ dahˬ 29:25

Yawˬ shawˬ yawˬ uˬ bya bya laˇ ngeh hawˇ-eu, aˬ yawꞈ-ahˇ mˇ dzaˬ laˇ-euˬ gʼaˬ Leˇaˬ pyeuꞈ gaˇ Yaˬkoˆ ya siˬ duˬ-euˬ meh. Kʼoeˇ ngeh, Laˬbaˬ jawˇ gaˇ aˬ yawꞈ iˇ-awˇ, “Aˬ jeˬ miˇ neh nawˇ ngaˬ-ahˇ teu loꞈ-ehˇ jahˇ nehˬ laꞈ te. Laˬkeˬlaˇ-ahˇ ya sheuˬ ni ngaˇ nawˬ-ahˇ gaˇ mˇ nehˬ-euˬ maˬ ngeuˇ-a loˇ. Aˬ jeˬ miˇ neh ngaˬ-ahˇ heu loꞈ-ehˇ mehˇ shuiˇ shuiˇ te” lehˇ ehˇ nehˬ-euˬ meh.

Aˇ dahˬ 34:7

Kʼoeˇ ngeh, Yaˬkoˆ-euˬ aˬ li deuˬ deh yaˇ-ahˇ iˇ-euˬ gʼoꞈ keuˆ laˇ-euˬ tiˬ dehˬ meh. Yaˬkoˆ-euˬ aˬ buˇ-ahˇ Sheˬkmˬ neh yehˬ bawˬ sehˇ lu-ehˇ jahˇ nehˬ-awˇ, kʼoeˇ loꞈ-ehˇ gʼeh-eu maˬ jahˇ kʼmˬ-eu jeˬ Iˇsaˬleˬlaˆ tsawˇ haˬ-ahˇ jahˇ nehˬ laꞈ-euˬ gaˇ kawˆ-ahˇ, Yaˬkoˆ-euˬ aˬ li deuˬ ya gaˬ ngeh, nui ma daˆ laˇ taˬ-euˬ meh.

Aˇ dahˬ 38:24

Kʼoeˇ sawˇ miˇ tsa ba la smˇ siˬ keuˆ laˇ-awˇ, “Nawˬ-euˬ kuiˬ ma Taˬmaˬ kʼaˇ dehꞈ mawꞈ-eu dehꞈ-awˇ aˬ nyiˇ pi leˇ taˬ nga” lehˇ, Yuˇdaˆ-ahˇ aˬ cawˬ ehˇ nehˬ ngeh, “Aˬ yawꞈ-ahˇ laꞈ nyiˇ sheuˬ doˆ-awˇ miˬ dzaˬ dzah puiˆ sehꞈ-awˬ” lehˇ, Yuˇdaˆ ehˇ kʼoꞈ nehˬ-euˬ meh.

Aˇ dahˬ 39:9

“Nymˇ heu nymˇ-ahˇ taꞈ leˇ-eu gaˇ deuˬ-ahˇ ehˇ leꞈ naˇ, ngaˇ-aˬ, aˬ yawꞈ loꞈ-ehˇ baoˬ jaˆ-eu tsawˇ haˬ tiˬ gʼaˬ ma. Nawˬ-ahˇ maˬ ngeuˇ naˇ, nymˇ heu nymˇ laꞈ kʼoeˇ kʼaˇ jaˆ-eu jeˬ dawˬ tawˆ luꞈ-ahˇ, ngaˬ neh kʼaˇ noeˬ-euˬ loꞈ-ehˇ maˬ ya jahˇ-a lehˇ laˆ tsoeˬ taˬ-euˬ tiˬ jeˬ-iˬ maˬ jaˆ-a. Miˬyehˇ mehˬ shi iˬ baˇ huiˬ dui dui-eu maˬ mˇ kʼmˬ-eu heu jeˬ-ahˇ, ngaˇ aˬ joˆ-ehˇ mˇ nya nmˇ.”

2 Saˬmeuˬlaˆ 12:5

Kʼoeˇ ngeh, smˇ muiˬ smˇ baw kʼoeˇ gʼaˬ-ahˇ Daˬbiˇ nui ma pehˇ dui dui laˇ-awˇ ehˇ-eu, “Kʼoeˇ naˆ naˆ-ehˇ doeˇ-eu jeˬ mˇ-eu tsawˇ haˬ kʼoeˇ gʼaˬ shiˇ-eu tsaˬ meh lehˇ, dehꞈ luꞈ-eu Sahˬpaˬ Miˬyehˇ mehˬ shi ngaˇ kamˬ-eu ma.

2 Saˬmeuˬlaˆ 13:12

Taˬmaˬ ehˇ-eu, “Taˬ gʼeh. Heu loꞈ-ehˇ gʼeh-eu jawꞈ dui dui-eu jeˬ taˬ mˇ nehˬ laꞈ. Heu-aˬ, bahˬ dui dui-eu tiˬ jeˬ meh.

Doˆ-iˇ 32:21

Kʼoeˇ naˇ, “Tsawˇ haˬ heu deuˬ-ahˇ heu naˆ naˆ-ehˇ guˆ laˇ paˬ-ehˇ gʼeh-eu iˬ baˇ nawˇ ya bi mˇ ni, aˬ yawꞈ maꞈ nawˬ-ahˇ aˬ jeˬ jahˇ nehˬ laꞈ taˬ” lehˇ, Aˬloˬ-ahˇ Moˇseˬ naˇ haˬ-euˬ meh.

Doˆ-iˇ 32:35

Kʼoeˇ naˇ, Sahˬpaˬ Miˬyehˇ neh Iˇsaˬleˬlaˆ tsawˇ haˬ deuˬ kʼoeˇ taˆ naˇ-eu gawˇ-eu jeˬ bi keuˆ le-euˬ meh. Aˬ jeˬ miˇ neh ehˇ naˇ, shuiˇ mawˇ neˇ mawˇ kawˇ maˬ tehˆ kʼoeˇ maˬ juˬ ni, Aˬloˬ-ahˇ aˬ yawꞈ maꞈ kaˬ naˬ-euˬ meh.

Dawqdaq 28:10

Yaw sui yaw dawˇ tsawˇ haˬ iˬ baˇ mˇ ni nawˇ tsawˇ gahˇ gahˇ naˇ, yawˬ ha neh kʼmˇ taˬ-euˬ lahˇ ju-ahˇ yawˬ ha ya paꞈ leˇ tehꞈ-a. Yaw sui yaw dawˇ gʼaˬ guiˬ lahˬ huiˬ tehꞈ-a.

Uˬ duˬ 20:10

Iˇsaˬleˬlaˆ tsawˇ haˬ cawˬ cawˬ, kʼaˬ dzeˇ zaˬ tiˬ gʼaˬ aˬ cawˬ-euˬ miˬ zaˬ-ahˇ bahˬ naˇ, bahˬ-euˬ kʼaˬ dzeˇ zaˬ hawˇ-eu zaˬ miˬ zaˬ kʼoeˇ nyiˬ gʼaˬ luꞈ, sehꞈ nehˬ gaˇ ya daˬ tehꞈ-a.

Lormav 2:11

Aˬ jeˬ miˇ neh ehˇ naˇ, Miˬyehˇ-aˬ, tsawˇ haˬ yawˬ gʼaˬ na luꞈ-ahˇ myaˆ pyawˬ huiˬ nyiˇ maˬ tseˇ ni yaˇ kʼaˬ daˇ tehꞈ-a.

Tiˇtuˆ 1:11

Aˬ yawꞈ maˬ-ahˇ kʼoeˇ loꞈ-ehˇ maˬ bi ja ni ya laˆ tsoeˬ meh. Aˬ jeˬ miˇ neh ehˇ naˇ, aˬ yawꞈ maꞈ shaꞈ dawˇ-eu maˬ baw ni pyuˇ poˆ-awˇ, maˬ mehˬ kʼmˬ-eu jeˬ mehˬ-eu laꞈ kʼoeˇ nymˇ jiˇ jiˇ lah ni laˆ cawˆ-eu meh.

HeˬByehˇ 13:4

Sheuˬ dahˬ dzaˬ taꞈ-eu jeˬ-ahˇ tsawˇ haˬ yawˬ gʼaˬ na luꞈ ya taˬ huiˬ-awˇ, miˬ zaˬ yo zaˬ tiˬ gʼaˬ tiˇ gʼaˬ saˇ jaˇ ya ziꞈ meh. Maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-eu tsawˇ haˬ deuˬ hawˇ-eu, aˬ cawˬ nehˬ-ehˇ joe-eu tsawˇ ha deuˬ-ahˇ Miˬyehˇ yaˇ kʼaˬ daˇ tehꞈ-a.

Yawˇshuˆ 7:25

Kʼoeˇ naˇ, “Aˬ jeˬ miˇ neh nawˇ nga maꞈ kʼoeˇ taˆ shaˬ-eu zahˬ-eu jeˬ bi keuˆ le teˬ. Nymˬ-mˇ, Sahˬpaˬ Miˬyehˇ nawˬ-euˬ kʼoeˇ taˆ shaˬ-eu zahˬ-eu jeˬ bi keuˆ le tehꞈ-a” lehˇ, Yawˇshuˆ ehˇ-eu meh. Kʼoeˇ ngeh, tsawˇ haˬ dawˬ tawˆ luꞈ Aˬkaˬ-ahˇ kʼaˬ lo neh biˬ sehꞈ-euˬ meh. Aˬ yawꞈ-euˬ miˬ sawˇ zaˬ deuˬ hawˇ-eu aˬ yawꞈ-euˬ myawˬ gahˬ dawˬ tawˆ luꞈ-ahˇ kʼawꞈ, aˬ yawꞈ maꞈ kʼaˬ lo neh biˬ-awˇ, miˬ dzaˬ dzah puiˆ-euˬ meh.