Aˇ dahˬ 20:2 - Akha

² Aˬ yawꞈ kʼoeˇ gaˇ jawˇ luꞈ ngeh, Saˬlaˇ-aˬ ngaˬ-euˬ dmˇ ma ma lehˇ aˬ yawꞈ ehˇ-euˬ meh. Kʼoeˇ naˇ, Geˬlawˬ Sahˬpaˬ Aˬbiˇmaˬlehˆ-aˬ, Saˬlaˇ-ahˇ aˬ yawꞈ jawˇ gaˇ bi sheuˬ laꞈ-euˬ meh.

Aˇ dahˬ 20:2 Σταυροειδείς Αναφορές

Aˇ dahˬ 12:15

Sahˬ paˬ sahˬ ma gaˇ mˇ-eu yaw huiˬ yaw mahˇ deuˬ kʼawꞈ, Saˬlehˇ aˇ gʼehˇ muiˬ gaˇ ya mawˇ-awˇ, sahˬ paˬ-ahˇ dzawˇ gaˬ leˇ-euˬ meh. Kʼoeˇ ngeh, Saˬlehˇ-ahˇ sahˬ paˬ jawˇ gaˇ aˬ cawˬ sheuˬ gʼeh-euˬ meh.

Aˇ dahˬ 20:12

Aˬ yawꞈ ngaˬ-euˬ dmˇ ma aˬ diˇ aˬ maˇ pyeuꞈ-eu ma. Ngaˬ da-euˬ zaˬ maˇ maˇ ni meh. Ehˇ kʼawꞈ, ngaˬ nehˬ-ehˇ tiˬ ma baw zaˬ maˬ ngeuˇ. Aˬ yawꞈ-ahˇ ngaˇ oeˇ mˇ baˇ-awˇ yaw muiˬ paˬ-ehˇ sheuˬ dahˬ dzaˬ taˬ-euˬ ma.

Aˇ dahˬ 21:22

Aˇ yamˬ kʼoeˇ yamˬ laꞈ kʼoeˇ, Aˬbiˇmaˬlehˆ hawˇ-eu, aˬ yawꞈ-euˬ guiˇ maꞈ dawˬ tawˆ luꞈ kʼoeˇ taˆ uˆ lahˇ-eu gʼaˬ pyeuꞈ-eu Piˇkawˇlaˆ aˬ nyaꞈ Aˬbyaˬhaˬ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “Nawˇ kʼaˇ mˇ kʼaˇ shaˇ-eu jeˬ laꞈ kʼoeˇ, Miˬyehˇ nawˬ nehˬ-ehˇ jawˇ-eu meh.

Aˇ dahˬ 26:1

Aˬbyaˬhaˬ-euˬ ziˇ-ahˇ keuˆ le-euˬ mehꞈ-eu shuꞈ-eu kʼoeˇ poˆ dzeuˇ-awˇ, miˇ kʼahˬ kʼoeˇ kʼahˬ laꞈ kʼoeˇ mehꞈ-eu shuꞈ-eu jeˬ tiˬ poˆ paˇ keuˆ le-euˬ meh. Iˇtsaˆ-aˬ, Geˬlawˬ meuˬ-ahˇ, Piˇliˇtiˆ sahˬpaˬ Aˬbiˇmaˬlehˆ jawˇ gaˇ le-euˬ meh.

Aˇ dahˬ 26:16

Kʼoeˇ naˇ, “Nawˇ nga maꞈ-euˬ miˇ kʼahˬ laꞈ kʼoeˇ taˬ paˇ jawˇ. Nga maꞈ naˆ maˬ tseˇ nawˇ baoˬ ahˇ laˇ-euˬ nga” lehˇ, Iˇtsaˆ-ahˇ Aˬbiˇmaˬlehˆ ehˇ nehˬ-euˬ meh.

Aˇ dahˬ 26:7

Kʼoeˇ gaˇ jawˇ-eu tsawˇ haˬ deuˬ aˬ yawꞈ miˬ zaˬ-euˬ gaˇ kawˆ naˇ haˬ ngeh, aˬ yawꞈ-euˬ dmˇ ma pyeuꞈ-eu ma lehˇ, Iˇtsaˆ ehˇ kʼoꞈ nehˬ-euˬ meh. Leˬbehˇkaꞈ aˬ yawꞈ-euˬ miˬ zaˬ pyeuꞈ-eu gaˇ kawˆ Iˇtsaˆ maˬ ehˇ doˆ peuˬ-a. Aˬ jeˬ miˇ neh ehˇ naˇ, Leˬbehˇkaꞈ aˇ gʼehˇ muiˬ dui dui-eu miˇ neh, kʼoeˇ gaˇ jawˇ-eu tsawˇ haˬ deuˬ aˬ yawꞈ-ahˇ sehꞈ-awˇ, Leˬbehˇkaꞈ-ahˇ sheuˬ geuꞈ gaˇ aˬ yawꞈ guˆ-eu meh.

2 Laˬsaˬbaˬ 19:2

Haˬnaˬniˇ-euˬ aˬ li Yeˬhuˇ lehˇ myahˇ-euˬ Miˬyehˇ gʼaˇ duˬ ngehˬ dah-eu tiˬ gʼaˬ aˬ yawꞈ jawˇ gaˇ iˇ-awˇ, heu loꞈ-ehˇ ehˇ nehˬ-euˬ meh. “Nui ma maˬ dawˇ-eu tsawˇ haˬ-ahˇ caw ba-awˇ, Sahˬpaˬ Miˬyehˇ-ahˇ bye-eu tsawˇ haˬ nehˬ-ehˇ mˇ taꞈ shaˇ taꞈ-eu tsaˬ meh lehˇ nawˇ noeˬ te loˇ. Nawˬ neh mˇ-euˬ gaˇ baˬ da neh Sahˬpaˬ Miˬyehˇ nui ma pehˇ-eu jeˬ nawˬ-euˬ kʼoeˇ taˆ keuˆ le luꞈ meh.

2 Laˬsaˬbaˬ 20:37

Ehˇ kʼawꞈ, Maˬleˇshaˬ meuˬ-ahˇ jawˇ-eu Doˇdaˬbaˬhuˇ-euˬ aˬ li Eˇliˇzaˬ neh, Yeˬhawˇshaˬpaˇ-ahˇ Miˬyehˇ gʼaˇ duˬ ngehˬ dah-eu laꞈ kʼoeˇ, “Aˬhaˬziˇ-ahˇ nawˇ nui ma taꞈ-eu miˇ neh, nawˬ neh mˇ gʼaˬ shaˇ gʼaˬ taˬ-euˬ jeˬ-ahˇ Sahˬpaˬ Miˬyehˇ laˆ luˬ laˆ seˇ tehꞈ-a” lehˇ ehˇ nehˬ-euˬ meh. Kʼoeˇ naˇ, saˇ baoˬ kʼoeˇ deuˬ cawˆ-iˇ jiˇ-awˇ, maˬ doˆ-iˇ nya-ehˇ pyeuꞈ-iˇ-euˬ meh.

2 Laˬsaˬbaˬ 32:31

Baˬbuˇloˬ sahˬ paˬ neh tsawˇ haˬ pyehˬ gʼeh leꞈ-awˇ, Yuˇdaˆ miˇ kʼahˬ laꞈ kʼoeˇ tiˬ jawˇ-iˬ maˬ pyeuꞈ laˇ haw-euˬ zahˬ leˇ paˬ-ehˇ gʼeh-eu jeˬ pyeuꞈ laˇ taˬ-euˬ gaˇ bi pyehˆ tseˇ haw le ngeh kʼawꞈ, aˬ yawꞈ-euˬ nui noeˬ bi mˇ-awˇ, aˬ yawꞈ-euˬ nui ma-ahˇ Miˬyehˇ lawˬ haw-euˬ meh.

Dawqdaq 24:16

Yaw sui yaw dawˇ tsawˇ haˬ aˇ myaˆ poˆ coˬ-iˇ kʼawꞈ paˇ tuˇ laˇ nya meh. Ehˇ kʼawꞈ, guˆ-eu gaˆ-eu jeˬ keuˆ le ngeh nui ma maˬ dawˇ-eu tsawˇ haˬ luˬ-iˇ seˇ-iˇ-eu meh. -28-

Dawqdaq 29:25

Tsawˇ haˬ zaˬ neh maˬ bi noeˬ doeˇ ni dehꞈ-eu jeˬ guˆ kʼaˇ za-awˇ, Sahˬpaˬ Miˬyehˇ-euˬ nui kʼahˇ dehꞈ byah-eu jeˬ nui saˇ oꞈ-eu meh.

Dawqdaq 6:29

Kʼoeˇ loꞈ-ehˇ duˇ ni aˬ cawˬ aˬ ma-ahˇ bahˬ-euˬ tsawˇ haˬ, kʼehˬ-eu kʼaˆ-eu jeˬ-ahˇ maˬ law-iˇ nya-a.

Dawˬ tsoˆ 7:20

Yaw lehˬ tiˬ pawꞈ-iˬ maˬ mˇ-ehˇ, yaw dawˇ tehꞈ-ehˇ mˇ-eu tsawˇ muiˬ, miˇ taˆ tiˬ gʼaˬ-iˬ maˬ jawˇ-a.

Eˇpeˇsu 4:25

Kʼoeˇ miˇ neh, jaˬ myawꞈ taˬ paˇ mawꞈ. Ka li zaˬ cawˬ cawˬ yawˬ gʼaˬ na luꞈ yaw tsaˬ yaw dawˇ jeˬ ngehˬ-awˬ tmˇ-awˬ. Aˬ jeˬ miˇ neh ehˇ naˇ, aˬ dui dawˬ tawˆ luꞈ Ka li-euˬ gʼawˇ mawˇ laꞈ kʼoeˇ tiˬ gaˇ taꞈ-eu ma.

Gawˇlawˇsehˇ 3:9

Tiˬ gʼaˬ tiˇ gʼaˬ jaˬ myawꞈ taˬ paˇ myawꞈ. Aˬ jeˬ miˇ neh ehˇ naˇ, nui ma yaw oeˇ hawˇ-eu mˇ-eu shaˇ-eu yaw oeˇ jeˬ-ahˇ naw maꞈ lehˆ dzeh gʼaˬ-euˬ meh.