Aˇ dahˬ 20:1 - Akha

¹ Aˬbyaˬhaˬ-aˬ, Mamˬliˬ lehˇ kuˇ-eu jawˇ duˬ-ahˇ neh Kaˬnaˬ miˇ kʼahˬ laꞈ oˆ paw paˇ iˇ ka gʼeh-awˇ, Kaˬdeˬshaˇ meuˬ hawˇ-eu Shuˇyaˆ meuˬ yaw kaˬ-ahˇ jawˇ-iˇ-euˬ meh. Gʼawˬ myahˇ maˬ gʼeh-ehˇ Geˬlawˬ meuˬ-ahˇ aˬ yawꞈ paˇ jawˇ-iˇ-euˬ meh.

Aˇ dahˬ 20:1 Σταυροειδείς Αναφορές

Aˇ dahˬ 10:19

Kaˬnaˬ tsawˇ jeuˬ heu deuˬ-aˬ, Siˇdoˬ meuˬ-ahˇ neh laꞈ oˆ paw Gaˬzaˬ meuˬ dawˬ peh jaˆ-eu Geˬlawˬ meuˬ-ahˇ keuˆ ni maˬ ehˇ, nahˇ ma doˆ kʼehˬ paw, Sawˇdoˬ meuˬ, Gawˇmawˇlaˆ meuˬ, Aˬdaˬmaˬ meuˬ heu deuˬ hawˇ-eu, Laˬshaˬ meuˬ dawˬ peh jaˆ-eu Zeˬbaiˬ meuˬ-ahˇ keuˆ ni maˬ ehˇ, jawˇ byah jiˇ-euˬ meh.

Aˇ dahˬ 12:9

Kʼoeˇ naˇ, tiˬ gaˇ saˇ-iˬ tiˬ gaˇ aˬ yawꞈ jawˇ jawˇ-ehˇ, Kaˬnaˬ miˇ kʼahˬ laꞈ oˆ paw pyawˬ-ahˇ iˇ ka gʼeh-euˬ meh.

Aˇ dahˬ 13:1

Aˬbyaˬ-aˬ, aˬ yawꞈ kʼaˇ jaˆ-eu jeˬ dawˬ tawˆ luꞈ yuˇ-awˇ, aˬ yawꞈ-euˬ miˬ zaˬ nehˬ-ehˇ Iˇjiˇtuˆ miˇ kʼahˬ laꞈ kʼoeˇ neh doˆ laˇ-awˇ, Kaˬnaˬ miˇ kʼahˬ laꞈ oˆ paw dzaˬ-ahˇ gʼoꞈ daˆ leˇ-euˬ meh. Lawˇtaˬ kʼawꞈ, aˬ yawꞈ-euˬ mehˬ nah caw teh leꞈ-euˬ meh.

Aˇ dahˬ 14:7

Kʼoeˇ naˇ, aˬ yawꞈ maꞈ naˇ kʼah paw paˇ gʼoꞈ kʼoꞈ laˇ-awˇ, Kaˬdeˬshaˇ meuˬ-ahˇ iˇ-euˬ meh. Kʼoeˇ ngeh yamˬ-ahˇ, Kaˬdeˬshaˇ meuˬ-ahˇ Eˬmiˇshaˬpaˇ meuˬ lehˇ kuˇ-euˬ meh. Aˬ yawꞈ maꞈ-aˬ, Aˬmaˬlehˇ miˇ kʼahˬ kʼahˬ lah ni-ahˇ maˬ ehˇ, Haˬzaˬzoˇdaˬ -maˇ meuˬ-ahˇ jawˇ-eu Aˬmawˇliˆ tsawˇ jeuˬ-ahˇ maˬ ehˇ, deuˆ gʼaˬ-euˬ meh.

Aˇ dahˬ 16:1

Aˬbyaˬ-euˬ nymˇ dahˬ Saˬlehˇ-aˬ, zaˬ tiˬ gʼaˬ-iˬ maˬ jawˇ le-a. Ehˇ kʼawꞈ, Haˬgaˬlaˇ lehˇ myahˇ-euˬ Iˇjiˇtuˆ tsawˇ jeuˬ zaˬ miˬ zaˬ zaˬ kʼaˆ tiˬ gʼaˬ-ahˇ Saˬlehˇ cu taˬ-euˬ meh.

Aˇ dahˬ 16:14

Kʼoeˇ miˇ neh, Kaˬdeˬshaˇ meuˬ hawˇ-eu Beˬyehˆ meuˬ yaw kaˬ-ahˇ jaˆ-eu lah duˬ kʼoeˇ duˬ-ahˇ, “Ngaˬ-ahˇ haw piˇ-eu dehꞈ luꞈ-eu gʼaˬ-euˬ lah duˬ” lehˇ aˬ cawˬ kuˇ-eu meh.

Aˇ dahˬ 16:7

Shuˇyaˆ meuˬ-ahˇ iˇ-eu gaˇ ma gaˇ pehˇ, bawˇ tsahˬ bawˇ dahˇ-ahˇ jaˆ-eu iˇ cuꞈ lawˇ gawˆ gawˆ zaˬ tiˬ gawˆ dawˬ peh, Sahˬpaˬ Miˬyehˇ-euˬ gʼaˬ kʼehˇ tiˬ gʼaˬ Haˬgaˬlaˇ-ahˇ tahˬ puˬ-awˇ,

Aˇ dahˬ 18:1

Muiˬ-eu shawˇ-eu Mamˬliˬ aˇ bawˇ bawˇ yaˇ-ahˇ, Aˬbyaˬhaˬ jawˇ gaˇ Sahˬpaˬ Miˬyehˇ oe-euˬ meh. Nah gʼahˇ paw nahˇ tsaˇ kʼaˆ ngeh yamˬ-ahˇ, sehˬ gʼawˆ gʼoˆ kʼehˬ-ahˇ Aˬbyaˬhaˬ nuiˇ luꞈ-eu meh.

Aˇ dahˬ 21:34

Piˇliˇtiˆ miˇ kʼahˬ laꞈ kʼoeˇ Aˬbyaˬhaˬ gʼawˬ myahˇ ni jawˇ-euˬ meh.

Aˇ dahˬ 24:62

Aˇ yamˬ kʼoeˇ yamˬ laꞈ kʼoeˇ, Iˇtsaˆ-aˬ, “Ngaˬ-ahˇ mawˇ-euˬ dehꞈ luꞈ-eu gʼaˬ-euˬ lah duˬ” lehˇ kuˇ-eu bawˇ tsahˬ bawˇ dahˇ kʼoeˇ tsahˇ-ahˇ oe-awˇ, Kaˬnaˬ miˇ kʼahˬ laꞈ oˆ paw dzaˬ-ahˇ jawˇ luꞈ-eu meh.

Aˇ dahˬ 25:18

Iˇshaˬmeˬlaˇ-euˬ zaˬ deuˬ uˆ deuˬ-aˬ, Iˇjiˇtuˆ miˇ kʼahˬ nahˇ ma doˆ kʼehˬ paw, Aˬshuˇliˆ miˇ kʼahˬ-ahˇ iˇ-eu gaˇ ma-ahˇ jaˆ-eu Haˬbiˇlaˬ meuˬ hawˇ-eu Shuˇyaˆ meuˬ yaw kaˬ-ahˇ jawˇ-euˬ meh. Aˬ yawꞈ maꞈ-aˬ, Aˬbyaˬhaˬ-euˬ zaˬ yawˬ deuˬ yawˬ nehˬ-ehˇ maˬ jawˇ keuˬ ni jawˇ-euˬ meh.

Aˇ dahˬ 26:1

Aˬbyaˬhaˬ-euˬ ziˇ-ahˇ keuˆ le-euˬ mehꞈ-eu shuꞈ-eu kʼoeˇ poˆ dzeuˇ-awˇ, miˇ kʼahˬ kʼoeˇ kʼahˬ laꞈ kʼoeˇ mehꞈ-eu shuꞈ-eu jeˬ tiˬ poˆ paˇ keuˆ le-euˬ meh. Iˇtsaˆ-aˬ, Geˬlawˬ meuˬ-ahˇ, Piˇliˇtiˆ sahˬpaˬ Aˬbiˇmaˬlehˆ jawˇ gaˇ le-euˬ meh.

Aˇ dahˬ 26:20

Geˬlawˬ meuˬ-ahˇ jawˇ-eu yawˇ cu-eu tsawˇ haˬ deuˬ oe-awˇ, “Lah duˬ heu duˬ nga maꞈ-euˬ lah duˬ ma” lehˇ ehˇ-awˇ, Iˇtsaˆ-euˬ zaˬ kʼaˆ deuˬ nehˬ-ehˇ ceh-euˬ meh. Kʼoeˇ miˇ neh, lah duˬ kʼoeˇ duˬ-ahˇ, “Iˬ dehˬ iˬ ceh” lehˇ Iˇtsaˆ neh myahˇ nehˬ-euˬ meh.

Aˇ dahˬ 26:26

Aˬbiˇmaˬlehˆ-aˬ, aˬ yawꞈ-ahˇ nui noeˬ nui duˇ biꞈ-eu gʼaˬ pyeuꞈ-eu Aˬhuˇzaˆ hawˇ-eu, aˬ yawꞈ-euˬ guiˇ guiˇ maꞈ dawˬ tawˆ luꞈ kʼoeˇ taˆ uˆ lahˇ-eu gʼaˬ pyeuꞈ-eu Piˇkawˇlaˆ aˬ nyaꞈ-ahˇ sheuˬ-awˇ, Iˇtsaˆ jawˇ gaˇ oe-euˬ meh.

Aˇ dahˬ 26:6

Kʼoeˇ naˇ, Geˬlawˬ meuˬ-ahˇ Iˇtsaˆ jawˇ-euˬ meh.

Jaceuq 29:8

Yawꞈ-euˬ teˇsaˇkʼaˆ-eu miˇneh, bawˇtsahˬbawˇdahˇ-ahˇsheu nyeh-awˇ, Kaˬdeˬshaˇkʼaˇshuiꞈdeh yaˇkʼoeˇ, yaw dzuˬyui yui-ehˇ jaˆ-eu meh.

Doˆ-iˇ 15:22

Kʼoeˇ naˇ, Moˇseˬ-aˬ, Iˇsaˬleˬlaˆ tsawˇ haˬ deuˬ-ahˇ, iˬ ma laˆ shaˆ Yaw neˇ-ahˇ neh, Shuˇyaˆ lehˇ kuˇ-eu bawˇ tsahˬ bawˇ dahˇ paw sheuˬ gʼeh-euˬ meh. Bawˇ tsahˬ bawˇ dahˇ laꞈ kʼoeˇ, smˬ nah keuˆ ni aˬ yawꞈ maꞈ gaˇ ma cah keuˆ laꞈ-euˬ kʼawꞈ, iˇ cuꞈ maˬ ya mawˇ-a.

Bawˇtsahˬ 13:26

Paˬlaˬ bawˇ tsahˬ bawˇ dahˇ laꞈ kʼoeˇ, Kaˬdeˬshaˇ lehˇ kuˇ-eu jawˇ duˬ-ahˇ, Moˇseˬ, Aˬloˬ hawˇ-eu Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ jawˇ gaˇ aˬ yawꞈ maꞈ gʼoꞈ keuˆ le-euˬ meh. Aˬ yawꞈ maꞈ neh kʼaˇ ya mawˇ yaꞈ-euˬ jeˬ gaˇ kawˆ dzawˇ mehˬ-awˇ, aˬ yawꞈ maꞈ neh yuˇ kʼoꞈ leꞈ-euˬ aˇ siˬ deuˬ kʼawꞈ, mehˬ nehˬ-euˬ meh.

Bawˇtsahˬ 20:16

caw ba le-awˬ lehˇ Sahˬpaˬ Miˬyehˇ-ahˇ nga maꞈ guˇ guˇ-ehˇ shaˇ-euˬ gaˇ kawˆ maˬ ehˇ, nga maꞈ-euˬ shaˇ dawˬ-ahˇ aˬ yawꞈ naˇ haˬ-awˇ, mˬ taˆ gʼaˬ kʼehˇ tiˬ gʼaˬ pyehˬ gʼeh leꞈ-euˬ laꞈ kʼoeˇ nga maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh bi sheuˬ doˆ nehˬ laꞈ-euˬ gaˇ kawˆ maˬ ehˇ, nawˇ siˬ nya jiˇ meh. Nawˬ-euˬ miˇ kʼahˬ laꞈ kʼoeˇ jaˆ-eu Kaˬdeˬshaˇ meuˬ-ahˇ nymˬ-mˇ nga maꞈ jawˇ luꞈ-eu ma.

Dawˬmehˬ 1:19

“Aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ neh dawˬ kʼaˇ biꞈ-euˬ loꞈ-ehˇ aˬ dui mˇ-euˬ ma. Siˇnaˆ gawˬ jawˬ-ahˇ neh aˬ dui maꞈ doˆ le-awˇ, Aˬmoˬ miˇ kʼahˬ gawˬ jawˬ gawˬ duˇ-ahˇ keuˆ ni, guˆ laˇ paˬ-ehˇ gʼeh-eu jeˇ dui dui-eu bawˇ tsahˬ bawˇ dahˇ laꞈ kʼoeˇ aˬ dui maꞈ cah-awˇ, Kaˬdeˬshaˇbaˬneˬ-ahˇ aˬ dui maꞈ laˇ keuˆ-euˬ ma.

Dawˬmehˬ 32:51

Aˬ jeˬ miˇ neh ehˇ naˇ, naw nyaꞈ nyiˬ mehˇ nmˇ luꞈ, Iˇsaˬleˬlaˆ tsawˇ haˬ deuˬ mehˬ shi ngaˬ-ahˇ saˇ jaˇ maˬ ziꞈ-aˬ. Ziˇnaˆ bawˇ tsahˬ bawˇ dahˇ-ahˇ jaˆ-eu Kaˬdeˬshaˇ meuˬ gaˇ dzeˇ Meˬliˇbaˬ lawˇ gawˆ dawˬ peh, Iˇsaˬleˬlaˆ tsawˇ haˬ deuˬ mehˬ shi naw nyaꞈ ngaˬ-ahˇ yaw zeu maˬ baw-eu jeˬ mˇ-euˬ meh.

1 Saˬmeuˬlaˆ 15:7

Haˬbiˇlaˬ meuˬ-ahˇ neh Iˇjiˇtuˆ miˇ kʼahˬ-euˬ nahˇ ma doˆ kʼehˬ paw jaˆ-eu Shuˇyaˆ meuˬ-ahˇ keuˆ ni guiˇ deuˆ keuˆ-awˇ, Aˬmaˬlehˇ tsawˇ haˬ deuˬ-ahˇ Sawˇluˆ deuˆ gʼaˬ-euˬ meh.