Aˇ dahˬ 2:5 - Akha

⁵ miˇ tsaˬ kʼoeˇ taˆ sahˬ lahˬ aˇ bawˇ tiˬ bawˇ-iˬ maˬ bawˇ-ehˇ, aˇ ji tiˬ ji-iˬ maˬ ji-a. Aˬ jeˬ miˇ neh ehˇ naˇ, Miˬyehˇ neh uˬ yehˇ maˬ bi yehˇ le dah-euˬ uˬ taꞈ, ka dzaˬ ka dawˇ-eu tsawˇ haˬ kʼawꞈ tiˬ gʼaˬ-iˬ maˬ jawˇ le dah-euˬ miˇ neh meh.

Aˇ dahˬ 2:5 Σταυροειδείς Αναφορές

Aˇ dahˬ 2:6

Ehˇ kʼawꞈ, miˇ tsaˬ dawˬ dah paw neh iˇ cuꞈ aˬ doˆ laˇ-awˇ, miˇ tsaˬ jmˬ laˇ taˬ-euˬ meh.

Aˇ dahˬ 3:23

Kʼoeˇ miˇ neh, tsawˇ haˬ kʼoeˇ gʼaˬ-ahˇ yaˇ kmˇ laꞈ nyiˇ teh doˆ nehˬ-awˇ, miˇ tsaˬ yuˇ-awˇ aˬ yawꞈ-ahˇ beh-euˬ loꞈ-ehˇ, miˇ tsaˬ-ahˇ bi ka dzaˬ bi ka dawˇ-iˇ-euˬ meh.

Aˇ dahˬ 4:12

Miˇ tsaˬ-ahˇ nawˇ aˬ geu jeˬ ka dzaˬ-eu maˬ kaˬ, miˇ tsaˬ nawˬ-ahˇ maˬ bi za le-ehˇ, nymˇ jiˇ maˬ baw ni miˇ tsaˬ kʼoeˇ taˆ doe doe-ehˇ cah cah-ehˇ ya jawˇ tehꞈ-a.”

Aˇ dahˬ 4:2

Kʼoeˇ naˇ, Aˬbeˬlaˆ lehˇ myahˇ-euˬ aˬ li tiˬ li paˇ ciˬ-euˬ meh. Aˬbeˬlaˆ gʼaˬ yawˇ cu-eu tsawˇ haˬ pyeuꞈ laˇ-awˇ, Gaˬiˇnaˆ gʼaˬ yaˇ mˇ dzaˬ-eu tsawˇ haˬ pyeuꞈ laˇ-euˬ meh.

Yawˇbaˆ 5:10

Miˇ tsaˬ kʼoeˇ taˆ uˬ yehˇ biꞈ-awˇ, deh yaˇ-ahˇ iˇ cuꞈ shehˬ-eu meh.

Jaceuq 104:14

Jeˬ zaˬ gʼaˇ duˬ yaˇ moꞈ nawˇ bi dehꞈ-awˇ, tsawˇ haˬ zaˬ zmˬ-eu gʼaˇ duˬ aˇ bawˇ hawˇ-eu, ka dzaˬ-eu gʼaˇ duˬ dzaˬ la gʼo cehˇ bi dehꞈ-eu meh.

Jaceuq 135:7

Mˬ dmˇ hawˇ-eu jaˬ lehˇ-ahˇ, Uˬ dzeˇ miˇ dzeˇ-ahˇ neh aˬ yawꞈ hehˇ ahˇ laꞈ-eu meh. Jaˬ lehˇ lehˇ ma-ahˇ mˬ jeˬ tsawˬ tehˆ bi tehˆ-awˇ, piˬ lahˇ taˬ-euˬ jaˬ lehˇ pyehˬ doˆ gʼeh leꞈ-eu meh.

Yeˬlaˬmiˇ 10:12

Sahˬpaˬ Miˬyehˇ baoˬ-ahˇ gʼoe-awˇ, miˇ beh beh taˬ-euˬ meh. Aˬ yawꞈ-euˬ zaˬ siˬ nui gahˇ-ahˇ gʼoe-awˇ, miˇ maˬ sheu kʼawˬ-awˇ mˬ maˬ toˆ pyeh-euˬ meh.

Yeˬlaˬmiˇ 10:13

Aˬ yawꞈ dawˬ biꞈ nehˬ ngeh mˬ taˆ iˇ cuꞈ teˇ saˇ mahˇ-awˇ, mˬ dzeˇ jaˆ-eu mˬ dmˇ-ahˇ aˬ yawꞈ hehˇ ahˇ laꞈ-eu meh. Uˬ yehˇ yehˇ gaˇ mˬ myawꞈ bi myawꞈ laˇ-awˇ, kuˆ lawˆ laꞈ kʼoeˇ piˬ lahˇ taˬ-euˬ jaˬ lehˇ pyehˬ leꞈ-eu meh.

Yeˬlaˬmiˇ 14:22

Aˬ cawˬ tsawˇ jeuˬ-euˬ tahˬ pahˬ aˬ ma mawˇ kawˇ deuˬ, uˬ yehˇ maˬ bi yehˇ le nya-a. Uˬ yehˇ ga doˆ le ni mˬ kʼawꞈ maˬ gʼeh nya-a. Nga maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, kʼoeˇ deuˬ dawˬ tawˆ luꞈ-ahˇ nawˇ mˇ nya-eu miˇ neh, nawˬ-ahˇ nga maꞈ noeˬ tmˬ-eu ma.

Maꞈtehˬ 5:45

Kʼoeˇ loꞈ-ehˇ jahˇ naˇ, naw maꞈ-aˬ, mˬ kʼoeˇ taˆ jawˇ-eu naw maꞈ-euˬ Aˬ da-euˬ zaˬ pyeuꞈ laˇ tehꞈ-a. Aˬ jeˬ miˇ neh ehˇ naˇ, aˬ yawꞈ-aˬ, tsawˇ muiˬ tsawˇ doeˇ maˬ tseˇ ni, dawˬ tawˆ luꞈ kʼoeˇ taˆ aˬ yawꞈ-euˬ nahˇ ma bi doˆ laˇ-awˇ, yaw tsaˬ yaw dawˇ tsawˇ haˬ hawˇ-eu maˬ tsaˬ maˬ dawˇ-eu tsawˇ haˬ maˬ tseˇ paˆ ni, dawˬ tawˆ luꞈ kʼoeˇ taˆ uˬ yehˇ bi yehˇ le-eu meh.

HeˬByehˇ 6:7

Uˬ yehˇ uiˇ dawˇ-awˇ mˇ dzaˬ kʼawꞈ dawˇ-eu deuˬ gʼaˇ duˬ gaˇ dahˇ tsoeˬ-eu sahˬ lahˬ bi dehꞈ laˇ-eu miˇ tsaˬ-ahˇ Miˬyehˇ guiˬ lahˬ biꞈ-eu meh.