Aˇ dahˬ 2:4 - Akha

⁴ Heu-aˬ, Sahˬpaˬ Miˬyehˇ neh mˬ hawˇ-eu miˇ dawˬ tawˆ luꞈ-ahˇ aˬ joˆ-ehˇ beh-euˬ gaˇ kawˆ pyeuꞈ-eu meh. Sahˬpaˬ Miˬyehˇ mˬ beh miˇ beh beh ngeh,

Aˇ dahˬ 2:4 Σταυροειδείς Αναφορές

Aˇ dahˬ 1:1

Aˇ dahˬ beh ngeh, mˬ hawˇ-eu miˇ-ahˇ Miˬyehˇ beh-euˬ meh.

Aˇ dahˬ 1:28

Kʼoeˇ naˇ, heu loꞈ-ehˇ dawˬ ngehˬ gʼeh-awˇ guiˬ lahˬ biꞈ nehˬ-euˬ meh. “Jeuˬ le o le-awˬ. Naw maꞈ-euˬ zaˬ deuˬ miˇ tsaˬ kʼoeˇ taˆ byah laˇ-awˇ, miˇ tsaˬ-ahˇ uˆ lahˇ luꞈ-uˇ. Ngaˬ shaˬ ngaˬ deˇ, ho zaˬ nga jiˇ hawˇ-eu, bawˇ tsahˬ jeˬ zaˬ deuˬ-ahˇ haw-eu pyaˆ-eu gʼaˇ duˬ, ngaˇ naw maꞈ-ahˇ gaˇ biꞈ-eu ma.

Aˇ dahˬ 1:3

Kʼoeˇ naˇ, Miˬyehˇ dawˬ biꞈ-awˇ, “Yaw shehꞈ jaˆ le-awˬ” lehˇ ehˇ ngeh, yaw shehꞈ jaˆ le-euˬ meh.

Aˇ dahˬ 1:31

Miˬyehˇ-aˬ, yawˬ ha neh mˇ gʼaˬ taˬ-euˬ gaˇ deuˬ-ahˇ haw-awˇ, nui kʼahˇ shiˇ dui dui-euˬ meh. Uˬ ciꞈ kʼoeˇ miˇ buˬ-iˇ-awˇ uˬ shawˬ keuˆ le ngeh, koꞈ nah tiˬ nah dzeuˇ-iˇ-euˬ meh.

Aˇ dahˬ 1:4

Kʼoeˇ gaˇ ya mawˇ ngeh, Miˬyehˇ nui kʼahˇ shiˇ-euˬ meh. Kʼoeˇ naˇ, yaw shehꞈ hawˇ-eu yaw zahˇ-ahˇ Miˬyehˇ biˇ paˆ nehˬ-awˇ, bi gʼawˬ-iˇ-euˬ meh.

Aˇ dahˬ 10:1

Heu-aˬ, Noˇaˬ-euˬ aˬ li deuˬ pyeuꞈ-eu Sheˬmaˆ, Haˬmaˇ, Yaˬpahˇ, aˬ ha smˬ mehˇ nmˇ-euˬ zaˬ deuˬ uˆ deuˬ meh. Miˇ tsaˬ-ahˇ iˇ cuꞈ dahˬ pymˬ gʼaˬ-awˇ, aˬ ha smˬ mehˇ nmˇ aˬ li gʼawˬ mya li jawˇ le-euˬ meh.

Aˇ dahˬ 11:10

Heu deuˬ-aˬ, Sheˬmaˆ-euˬ zaˬ deuˬ uˆ deuˬ meh. Miˇ tsaˬ-ahˇ iˇ cuꞈ dahˬ pymˬ gʼaˬ-awˇ nyiˬ kʼoꞈ keuˆ laˇ ngeh, Sheˬmaˆ tiˬ yaˇ kʼoꞈ kʼawˆ laˇ-euˬ meh. Kʼoeˇ ngeh kʼoꞈ, aˬ yawꞈ Aˬpaˬshaˇ lehˇ myahˇ-euˬ aˬ li tiˬ li jawˇ le-euˬ meh.

Aˇ dahˬ 2:3

Shiꞈ nah kʼoeˇ nah-ahˇ aˬ yawꞈ guiˬ lahˬ biꞈ-awˇ, aˇ nah nui deuˬ-ahˇ maˬ duˇ-eu aˇ nah tiˬ nah bi pyeuꞈ laˇ-euˬ meh. Aˬ jeˬ miˇ neh ehˇ naˇ, aˇ nah kʼoeˇ nah keuˆ laˇ ngeh, mˬ beh miˇ beh aˬ yawꞈ beh gʼaˬ jiˇ-awˇ, gaˇ maˬ mˇ ni gʼaˬ naˬ naˬ-euˬ meh.

Aˇ dahˬ 25:12

Saˬlaˇ-euˬ zaˬ kʼaˆ Iˇjiˇtuˆ ma Haˬgaˬlaˇ o neh dehꞈ le-euˬ Aˬbyaˬhaˬ-euˬ aˬ li Iˇshaˬmeˬlaˇ-euˬ zaˬ deuˬ uˆ deuˬ-aˬ, heu loꞈ-ehˇ meh.

Aˇ dahˬ 25:19

Heu-aˬ, Aˬbyaˬhaˬ-euˬ aˬ li Iˇtsaˆ-euˬ gaˇ kawˆ pyeuꞈ-eu meh.

Aˇ dahˬ 36:1

Heu-aˬ, Eˬdoˬ lehˇ kuˇ-euˬ Iˇsawˇ-euˬ zaˬ deuˬ uˆ deuˬ meh.

Aˇ dahˬ 36:9

Heu-aˬ, Eˬdoˬ tsawˇ jeuˬ-euˬ aˬ da yaw dzahˇ gʼaˬ pyeuꞈ-eu Iˇsawˇ-euˬ zaˬ deuˬ uˆ deuˬ meh.

Aˇ dahˬ 5:1

Heu-aˬ, Aˬdaˬ-ahˇ neh dehꞈ ka leꞈ-euˬ tsuiꞈ pyeuꞈ-eu meh. Tsawˇ haˬ zaˬ-ahˇ Miˬyehˇ beh ngeh, aˬ yawꞈ-ahˇ duˇ ni beh-euˬ meh.

1 Sahˬpaˬ 18:39

Kʼoeˇ loꞈ-ehˇ pyeuꞈ laˇ-euˬ gaˇ tsawˇ haˬ kʼoeˇ deuˬ ya mawˇ ngeh, aˬ yawꞈ maꞈ miˇ tsa coˬ lah coˬ lah-ehˇ, “Sahˬpaˬ Miˬyehˇ-aˬ, Miˬyehˇ pyeuꞈ-eu meh. Sahˬpaˬ Miˬyehˇ tiˬ gʼaˬ tehꞈ-ehˇ Miˬyehˇ pyeuꞈ-eu meh” lehˇ guˇ-eu meh.

2 Laˬsaˬbaˬ 20:6

heu loꞈ-ehˇ guˇ guˇ-ehˇ guiˬ lahˬ shaˇ-euˬ meh. “Nga maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ mˬ kʼoeˇ taˆ jawˇ-awˇ miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ kʼoeˇ taˆ uˆ lahˇ luꞈ-eu meh. Nawˇ-aˬ, baoˬ huiˬ dui dui-eu miˇ neh, nawˬ-ahˇ tiˬ gʼaˬ-iˬ maˬ ciˬ daˬ peuˬ-a.

Yawˇbaˆ 38:28

Uˬ yehˇ hawˇ-eu ceuˬ aˬ da baw meh loˇ.

Yawˇbaˆ 38:4

Ngaˇ miˇ tsaˬ tahˬ kʼawˇ beh ngeh nawˇ kʼawꞈ kʼoeˇ gaˇ jawˇ teˬ loˇ. Nawˇ aˇ dzehˬ-ehˇ siˬ nya-eu tsawˇ haˬ ngeuˇ naˇ, gaˇ kawˆ kʼoeˇ ngaˬ-ahˇ dzawˇ mehˬ sheˇ.

Jaceuq 18:31

SahˬpaˬMiˬyehˇtaꞈ-ehˇdzeuˇnaˇ, Miˬyehˇnui gʼaˬaˬgaˇjawˇta. Aˬdui-euˬgʼoe duˬlo guˇ-aˬ, Miˬyehˇheu gʼaˬjawˇ-eu tehꞈma.

Jaceuq 86:10

Nawˇ-aˬ, baoˬ huiˬ-awˇ zahˬ leˇ paˬ-ehˇ gʼeh-eu jeˬ mˇ nya-eu meh. Nawˇ tiˬ gʼaˬ tehꞈ-ehˇ Miˬyehˇ pyeuꞈ-eu meh.

Doˆ-iˇ 15:3

Sahˬpaˬ Miˬyehˇ-aˬ, guiˇ deuˆ-eu yaw sahˇ pyeuꞈ-awˇ aˬ yawꞈ-euˬ tsawˇ myahˇ Sahˬpaˬ Miˬyehˇ meh.

Doˆ-iˇ 6:16

Leˬbiˇ-aˬ, Gaˬshoˬ, Kawˇhaˆ hawˇ-eu Meˬlaˬliˇ lehˇ myahˇ-euˬ aˬ li smˇ gʼaˬ jawˇ-eu meh. Aˬ yawꞈ maꞈ-aˬ, aˬ yawꞈ maꞈ-euˬ tsawˇ myahˇ kʼaˇ pi luꞈ-eu tsawˇ jeuˬ deuˬ-euˬ aˬ da yaw dzahˇ deuˬ pyeuꞈ-eu meh. Leˬbiˇ-aˬ, tiˬ yaˇ smˬ tseˇ shiꞈ kʼoꞈ byah ni dehꞈ-euˬ meh.

Iˇsaˬyaˇ 44:6

Iˇsaˬleˬlaˆ-ahˇ ngehˬ gʼeh haw piˇ-eu Sahˬpaˬ Miˬyehˇ pyeuꞈ-eu, Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Aˇ dahˬ beh-euˬ gʼaˬ hawˇ-eu aˇ saˬ saˬ-eu gʼaˬ ngaˇ ma. Ngaˇ uˬ taꞈ miˬ yehˇ nui gʼaˬ maˬ jawˇ,

Panmaeq 1:4

Aˬshaˆ Kʼahˬzaˬ laꞈ kʼoeˇ jawˇ-eu Ka li zaˬ aˇ muˇ shiꞈ muˇ-ahˇ Yoˇhaˬ dawˬ cawˬ puˬ ahˇ laꞈ-eu ma. Nymˬ-mˇ maˬ ehˇ, aˇ hu maˬ ehˇ, aˬ kaˇ maˬ ehˇ, aˬ myah luꞈ dehꞈ luꞈ jawˇ luꞈ-eu Miˬyehˇ hawˇ-eu, aˬ yawꞈ-euˬ dzoeˬ dzaˬ nuiˇ mahˬ mehˬ shi jawˇ luꞈ-eu yaw sahˇ shiꞈ sahˇ jawˇ gaˇ neh doˆ le-euˬ guiˬ lahˬ yaw dzahˇ hawˇ-eu nui saˇ oꞈ-eu jeˬ, naw maꞈ kʼoeˇ taˆ jaˆ luꞈ-uˇ.

Panmaeq 1:8

“Ngaˇ-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ pyeuꞈ-eu ma” lehˇ, nymˬ-mˇ maˬ ehˇ, aˇ hu maˬ ehˇ, aˬ kaˇ maˬ ehˇ, aˬ myah luꞈ dehꞈ luꞈ jawˇ luꞈ-eu Baoˬ huiˬ-eu Sahˬpaˬ Miˬyehˇ ehˇ-eu meh.

Panmaeq 11:17

Aˬ yawꞈ maꞈ ehˇ-eu, “Aˇ hu dehꞈ-awˇ nymˬ-mˇ dehꞈ-eu, Baoˬhuiˬ-eu Sahˬpaˬ Miˬyehˇ-oˇ, Nawˬ-euˬ huiˬ-eu baoˬ nawˇ yuˇ-awˇ, uˆ lahˇ dahˬ beh le-euˬ miˇ neh, nawˬ-euˬ guiˬ lahˬ-ahˇ ja ceuˬ ma.

Panmaeq 16:5

Kʼoeˇ ngeh, iˇ cuꞈ-ahˇ haw-eu pyaˆ-eu mˬ taˆ gʼaˬ kʼehˇ heu loꞈ-ehˇ ehˇ gaˇ ngaˇ ya gaˬ-euˬ ma. “Aˇhu neh nymˬ-mˇ keuˆ dehꞈ-eu, Muiˬ dui shawˇ dui dui-eu gʼaˬ-oˇ, nawˬ neh yaˇ kʼaˬ daˇ-euˬ tsaˬ meh.