Aˇ dahˬ 2:25 - Akha

²⁵ Zaˬ miˬ zaˬ hawˇ-eu kʼaˬ dzeˇ zaˬ kʼoeˇ nyiˬ gʼaˬ luꞈ, neˇ myawˆ ni jawˇ-euˬ meh. Ehˇ kʼawꞈ, shaꞈ dawˇ-eu jeˬ maˬ jaˆ-a.

Aˇ dahˬ 2:25 Σταυροειδείς Αναφορές

Aˇ dahˬ 3:7

Aˇ siˬ kʼoeˇ dzaˬ gʼaˬ-euˬ nehˬ-ehˇ, aˬ yawꞈ nyaꞈ noeˬ siˬ noeˬ mawˇ nya laˇ-awˇ, “Mehˬ tsoeˬ maˬ dm luꞈ law hawˇ nyaˬ” lehˇ, yawˬ haˇ yawˬ ha noeˬ leˇ-euˬ meh. Kʼoeˇ miˇ neh, aˬ yawꞈ nyaꞈ siˬ guˬ aˇ paꞈ guꞈ tawꞈ-awˇ, yawˬ ha-euˬ gʼawˇ mawˇ-ahˇ dm kaˬ-euˬ meh.

Jaceuq 25:3

Nawˬ-ahˇnoeˬtmˬluꞈ-eu deuˬ-ahˇ, sm-iˇgaˇnawˇmaˬbi keuˆ-a. Ehˇkʼawꞈ nawˬ-ahˇpuiˬ-eu deuˬ-aˬ, sm-iˇ-awˇ daˬya ga tehꞈ-a.

Jaceuq 31:17

Sahˬpaˬ Miˬyehˇ-oˇ, nawˬ-ahˇngaˇkuˇgaˇnaˇhaˬ-awˇ, shaꞈdawˇ-eu jeˬ taˬbi keuˆlaꞈ. Haiˬ-eu tsawˇhaˬbi shaꞈdawˇ-awˇ, shiˇ-eu Shiˇloˬmiˇkʼahˬlaꞈkʼoeˇ, ciˬcuˇni iˇbyoˆgʼeh luꞈ-uˇ.

Doˆ-iˇ 32:25

Aˬloˬ neh Iˇsaˬleˬlaˆ tsawˇ haˬ deuˬ-ahˇ gaˇ ma sheuˬ bahˬ-awˇ, maˬ ha lahˇ nya ni bi pyeuꞈ-iˇ-euˬ uˬ taꞈ, aˬ yawꞈ maꞈ-ahˇ muiˇ-eu deuˬ mehˬ shi shaꞈ dawˇ duˬ doˆ laˇ taˬ-euˬ gaˇ Moˇseˬ ya mawˇ-euˬ meh.

Iˇsaˬyaˇ 44:9

Tahˬ pahˬ aˬ ma mawˇ kawˇ-ahˇ uˬ duˬ kʼaˇ tahˬ-eu deuˬ, tsawˇ haˬ dawˇ ga pyeuꞈ-awˇ, aˬ yawꞈ maꞈ taˬ huiˬ taˬ mahˇ luꞈ-eu miˬ yehˇ tiˬ jeˬ-iˬ gaˇ dahˇ maˬ tsoeˬ-a. Miˬ yehˇ kʼoeˇ deuˬ-ahˇ uˬ duˬ kʼaˇ tahˬ-eu tsawˇ haˬ deuˬ myaˆ behꞈ-ahˇ duˇ-awˇ zaˬ siˬ tsawˇ gahˇ maˬ ahˇ-eu miˇ neh, ya shaꞈ dawˇ gaˇ keuˆ tehꞈ-a.

Iˇsaˬyaˇ 47:3

Nawˇ neˇ myawˆ ni jawˇ gaˇ aˬ cawˬ ya mawˇ tehꞈ-a. Nawˇ daˬ ga-awˇ shaꞈ dawˇ luꞈ gaˇ aˬ cawˬ ya mawˇ tehꞈ-a. Ngaˇ laꞈ poˆ poˆ nehˬ gaˇ laˆ tsoeˬ nya-eu gʼaˬ maˬ jawˇ-aˬ.”

Iˇsaˬyaˇ 54:4

Maˬ guˆ ni jawˇ-awˬ. Nawˇ ya shaꞈ dawˇ-eu jeˬ maˬ paˇ jaˆ meh. Maˬ noeˬ shaˬ ni dehꞈ-awˬ. Nawˇ daˬ maˬ paˇ ga meh. Miˬ daꞈ daꞈ ngeh nawˇ ya shaꞈ dawˇ-euˬ jeˬ hawˇ-eu, miˬ coeˬ miˬ ma pyeuꞈ ngeh daˬ ga-euˬ jeˬ dawˬ tawˆ, ya ngehˇ byoˆ jiˇ tehꞈ-a.

Yeˬlaˬmiˇ 17:13

Sahˬpaˬ Miˬyehˇ nawˇ Iˇsaˬleˬlaˆ-euˬ noeˬ tmˬ duˬ meh. Nawˬ-ahˇ kʼaˇ byehˇ dzeh-eu tsawˇ haˬ kʼoeˇ taˆ, shaꞈ dawˇ-eu jeˬ keuˆ le tehꞈ-a. Dehꞈ-eu saꞈ laˇ iˇ cuꞈ lawˇ kʼawꞈ pyeuꞈ-eu, Sahˬpaˬ Miˬyehˇ nawˬ-ahˇ aˬ yawꞈ maꞈ byehˇ dzeh-euˬ miˇ neh, kʼaˬ lehˇ kʼoeˇ taˆ boꞈ-euˬ tsawˇ myahˇ loꞈ-ehˇ, aˬ yawꞈ maꞈ byoˆ-iˇ jiˇ tehꞈ-a.

Yeˬlaˬmiˇ 6:15

Gaˇ yaw jawꞈ heu deuˬ mˇ-euˬ baˬ da neh, aˬ yawꞈ maꞈ maˬ shaꞈ dawˇ-a loˇ. Aˬ yawꞈ maꞈ tiˬ pawꞈ-iˬ maˬ shaꞈ dawˇ-ehˇ, myaˆ pyawˬ tiˬ pawꞈ-iˬ maˬ cawˆ-a. Kʼoeˇ baˬ da neh aˬ cawˬ loꞈ-ehˇ aˬ yawꞈ maꞈ kʼawꞈ ya coˬ-iˇ-awˇ, aˬ yawꞈ maꞈ-ahˇ ngaˇ kʼehˬ nehˬ ngeh, aˬ yawꞈ maꞈ-euˬ aˇ nah jiˇ le meh lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬsaˬgeˬlaˇ 16:61

Nawˬ-euˬ aˬ yuiꞈ hawˇ-eu aˬ nyiˇ kʼoeˇ nyiˬ gʼaˬ nawˬ-ahˇ ngaˇ biꞈ kʼoꞈ ngeh, nawˬ neh dehꞈ dzeuˇ mˇ dzeuˇ yaꞈ-euˬ jeˬ-ahˇ nawˇ noeˬ mawˇ-awˇ ya shaꞈ dawˇ tehꞈ-a. Ngaˇ nawˬ nehˬ-ehˇ dzaˬ taˬ-eu dawˬ ma saˇ jaˇ laꞈ kʼoeˇ maˬ ehˇ taˬ-euˬ kʼawꞈ, aˬ nyaꞈ nmˇ-ahˇ nawˬ-euˬ aˬ buˇ loꞈ-ehˇ nawˬ-ahˇ biꞈ-eu ma.

Yawˇlaˆ 2:26

Dzaˬ ngeh maˬ jiˇ dawˇ ngeh maˬ shuꞈ, guiˬ lahˬ yaw dzahˇ za-euˬ miˇ neh, zahˬ leˇ paˬ-ehˇ gʼeh-eu guiˬ lahˬ, biꞈ nehˬ laꞈ-euˬ Miˬyehˇ pyeuꞈ-eu, naw maꞈ-euˬ Sahˬpaˬ Miˬyehˇ-ahˇ, naw maꞈ ya ja ceuˬ gaˇ keuˆ meh. Aˬ cawˬ ja bu ja doeˇ-eu jeˬ, ngaˬ-euˬ tsawˇhaˬ heu deuˬ kʼoeˇtaˆ, tiˬjawˇ-iˬ maˬpaˇ keuˆle meh.

Maˬkuˆ 8:38

Bahˬ dui muˆ dui dui-awˇ iˬ baˇ myaˬ dui dui-eu ziˇ heu ziˇ laꞈ kʼoeˇ, tsawˇ haˬ tiˬ gʼaˬ na, ngaˬ-ahˇ maˬ ehˇ, ngaˬ neh mehˬ nehˬ tsoˆ nehˬ-euˬ jeˬ-ahˇ maˬ ehˇ, shaꞈ dawˇ naˇ, Tsawˇhaˬ-euˬ Zaˬ maˇ kʼawꞈ, aˬ yawꞈ Aˬda-euˬ yaw shehꞈ kʼahˬ sehˇ dm-awˇ muiˬ-eu shawˇ-eu mˬ taˆ gʼaˬ kʼehˇ deuˬ nehˬ-ehˇ zaꞈ le ngeh, tsawˇ haˬ kʼoeˇ gʼaˬ-ahˇ shaꞈ dawˇ tehꞈ-a.”

Luˇkaꞈ 9:26

Tsawˇ haˬ tiˬ gʼaˬ na, ngaˬ-ahˇ maˬ ehˇ, ngaˬ neh mehˬ nehˬ tsoˆ nehˬ-euˬ jeˬ-ahˇ maˬ ehˇ, shaꞈ dawˇ naˇ, Tsawˇhaˬ-euˬ Zaˬmaˇ kʼawꞈ, aˬ yawꞈ Aˬda-euˬ yaw shehꞈ kʼahˇ sehˇ dm-awˇ muiˬ-eu shawˇ-eu mˬ taˆ gʼaˬ kʼehˇ deuˬ nehˬ-ehˇ zaꞈ le ngeh, tsawˇ haˬ kʼoeˇ gʼaˬ-ahˇ shaꞈ dawˇ tehꞈ-a.

Lormav 10:11

“Aˬ yawꞈ-ahˇ kʼaˇ jah-eu tsawˇ haˬ deuˬ daˬ ga-awˇ maˬ ya shaꞈ dawˇ-aˇ” lehˇ, Jaˇliꞈ laꞈ kʼoeˇ ehˇ taˬ-euˬ meh.