Aˇ dahˬ 2:16 - Akha

¹⁶ Aˬ yawꞈ-ahˇ Miˬyehˇ heu loꞈ-ehˇ ehˇ nehˬ-euˬ meh. “Yaw muiˬ yaw doeˇ tseˇ paˆ nya-eu zaˬ siˬ tsawˇ gahˇ biꞈ-eu aˇ bawˇ kʼoeˇ bawˇ-euˬ aˇ siˬ maˬ ngeuˇ naˇ, aˇ bawˇ aˬ geu bawˇ-euˬ aˇ siˬ maˬ kaˬ, nawˇ pyaˆ dzaˬ nya tehꞈ-a.

Aˇ dahˬ 2:16 Σταυροειδείς Αναφορές

Aˇ dahˬ 1:29

Naw maꞈ bi dzaˬ bi dawˇ-eu gʼaˇ duˬ, dzaˬ la gʼo cehˇ, aˇ siˬ aˇ lu hawˇ-eu, sahˬ lahˬ gʼawˬ daˇ deuˬ naw maꞈ-ahˇ ngaˇ biꞈ taˬ gʼaˬ-euˬ ma.

Aˇ dahˬ 2:15

Tsawˇ haˬ zaˬ kʼoeˇ gʼaˬ-ahˇ Miˬyehˇ pyeuꞈ-eu Sahˬpaˬ Miˬyehˇ neh Eˬdeˬ yaˇ kmˇ laꞈ kʼoeˇ bi jawˇ-awˇ, yaˇ kmˇ-ahˇ laˆ saˆ haw piˇ-eu gʼaˬ bi geuꞈ-euˬ meh.

Aˇ dahˬ 2:9

Haw muiˬ dui dui-eu aˇ bawˇ kʼaˇ ngeuˇ-eu dawˬ tawˆ luꞈ kʼoeˇ gaˇ bi dehꞈ laˇ-awˇ, muiˬ dui kuiˇ dui dui-eu aˇ siˬ deuˬ Miˬyehˇ pyeuꞈ-eu Sahˬpaˬ Miˬyehˇ neh bi siˬ le-euˬ meh. Dehꞈ-eu saꞈ laˇ aˇ bawˇ pyeuꞈ-eu yaw muiˬ yaw doeˇ tseˇ paˆ nya-eu zaˬ siˬ tsawˇ gahˇ biꞈ-eu aˇ bawˇ tiˬ bawˇ kʼawꞈ, yaˇ kmˇ kʼoeˇ kmˇ-euˬ gʼahˇ ceh bawˇ-euˬ meh.

Aˇ dahˬ 3:3

Ehˇ kʼawꞈ, yaˇ kmˇ gʼahˇ ceh jaˆ-eu aˇ bawˇ kʼoeˇ bawˇ-euˬ aˇ siˬ pyaˆ dzaˬ-eu taˬ ehˇ. Toeˬ-eu tehꞈ-ehˇ kʼawꞈ taˬ toeˬ ciˆ leˇ. Toeˬ ciˆ leˇ naˇ ya shiˇ meh lehˇ nga nyaꞈ-ahˇ Miˬyehˇ ehˇ taˬ-euˬ meh” lehˇ ehˇ kʼoꞈ nehˬ-euˬ meh.

1 Tiˆmoˇseˬ 4:4

Miˬyehˇ neh kʼaˇ beh taˬ-euˬ yawˬ jeˬ na luꞈ, yaw muiˬ jeˬ pyeuꞈ-eu meh. Biˬ dzeh-eu jeˬ maˬ ahˇ-a. Yawˬ jeˬ na luꞈ-ahˇ Miˬyehˇ-euˬ guiˬ lahˬ-ahˇ ja ceuˬ-awˇ dzaˬ nya dawˇ nya-eu meh.

1 Tiˆmoˇseˬ 6:17

Miˇ tsaˬ heu kʼoeˇ taˆ dehꞈ ngeh smˇ muiˬ muiˬ-eu tsawˇ haˬ deuˬ-ahˇ nui ma taˬ huiˬ lehˇ ehˇ nehˬ-awˬ. Yaw duˬ maˬ baw-eu pyuˇ shuiˇ myawˬ gahˬ deuˬ-ahˇ maˬ noeˬ tmˬ-ehˇ, aˬ dui laˬ kʼaˬ ya cehˇ ni yawˬ jeˬ na luꞈ tiˬ byah tiˬ loꞈ biꞈ laˬ-eu gʼaˬ pyeuꞈ-eu Miˬyehˇ-ahˇ noeˬ tmˬ-awˬ lehˇ mehˬ nehˬ-awˬ.

1 Saˬmeuˬlaˆ 15:22

Saˬmeuˬlaˆ ehˇ-eu, “Sahˬpaˬ Miˬyehˇ aˬ geu jeˬ-ahˇ geuꞈ mawꞈ dzehˬ ta. Aˬ yawꞈ-euˬ ehˇ dawˬ naˇ haˬ geuꞈ-eu jeˬ-ahˇ geuꞈ mawꞈ dzehˬ ta loˇ. Maˬ ngeuˇ naˇ, aˬ yawꞈ-ahˇ damˬ nehˬ-eu jeˬ hawˇ-eu lawˇ nehˬ shehˇ nehˬ-eu jeˬ-ahˇ geuꞈ mawꞈ dzehˬ ta loˇ. Aˬ yawꞈ-euˬ dawˬ-ahˇ naˇ haˬ geuꞈ-eu jeˬ-aˬ, muiˬ dui dui-eu yawˇ lawˇ nehˬ-eu naˆ maˬ tseˇ muiˬ dzehˬ-eu meh.