Aˇ dahˬ 19:2 - Akha

² “Yaw huiˬ yaw mahˇ deuˬ-oˇ, naw nyaꞈ-ahˇ ngaˇ ha-eu ma. Ngaˬ-euˬ nymˇ-ahˇ laˇ-awˬ. Naw nyaꞈ aˬ kuiˇ dzuiꞈ-awˇ ngaˬ-euˬ nymˇ-ahˇ yaꞈ nya tehꞈ-a. Uˬ shawˬ yaw naꞈ-ehˇ tuˇ-awˇ, gaˇ ma paˇ doˆ-iˇ tehꞈ-a.” lehˇ ehˇ nehˬ ngeh,Aˬ yawꞈ nyaꞈ ehˇ-eu, “Tiˬ jeˬ-iˬ maˬ ngeuˇ-aˇ. Nga nyaꞈ heu gaˇ laꞈ nyiˇ yaꞈ ma.”

Aˇ dahˬ 19:2 Σταυροειδείς Αναφορές

Aˇ dahˬ 18:4

Aˇ bawˇ heu bawˇ dawˬ pehˬ-ahˇ tiˬ kʼehˬ naˬ tawˬ. Naw maꞈ aˬ kuiˇ bi dzuiꞈ-eu gʼaˇ duˬ ngaˇ iˇ cuꞈ ui cuiˆ ciˬ laˬ leˇ la.

Aˇ dahˬ 19:1

Mˬ taˆ gʼaˬ kʼehˇ kʼoeˇ nyiˬ gʼaˬ uˬ ciꞈ uˬ taw paw Sawˇdoˬ meuˬ-ahˇ oe ngeh, meuˬ-euˬ lahˇ kʼehˬ-ahˇ Lawˇtaˬ nuiˇ luꞈ-eu meh. Aˬ yawꞈ nyaꞈ-ahˇ aˬ yawꞈ ya mawˇ ngeh, tsawˬ tuˇ-awˇ ha laˬ-iˇ-euˬ meh. Aˬ yawꞈ nyaꞈ-euˬ mehˬ shi Lawˇtaˬ pawˬ tsuiꞈ pawˬ dmˬ dmˬ-awˇ, awˆ byaˆ-eu laꞈ kʼoeˇ, heu loꞈ-ehˇ ehˇ-eu meh.

Aˇ dahˬ 19:3

Ehˇ kʼawꞈ, Lawˇtaˬ yaw kʼaˆ-ehˇ shaˇ-eu miˇ neh, aˬ yawꞈ nyaꞈ Lawˇtaˬ-euˬ nymˇ-ahˇ naˬ leˇ-euˬ meh. Lawˇtaˬ-aˬ, aˬ yawꞈ-euˬ zaˬ kʼaˆ deuˬ-ahˇ kaˬ muˇ bi jahˇ-awˇ, kuiˇ-eu dzaˬ byawˇ bi laˆ dawˆ-euˬ meh. Dzaˬ byawˇ laˆ dawˆ gʼaˬ ngeh jawˇ, daˬ yah kʼoeˇ nyiˬ gʼaˬ-ahˇ bi dzaˬ bi dawˇ-euˬ meh.

Aˇ dahˬ 24:31

Zaˬ kʼaˆ kʼoeˇ gʼaˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Ngaˬ nehˬ-ehˇ ngaˬ-euˬ nymˇ-ahˇ laˇ-awˬ. Nawˇ-aˬ, Sahˬpaˬ Miˬyehˇ neh biꞈ-euˬ guiˬ lahˬ za-euˬ tsawˇ haˬ tiˬ gʼaˬ nga. Aˬ jeˬ miˇ neh heu gaˇ yawꞈ yawꞈ-ehˇ jawˇ te. Ngaˬ-euˬ nymˇ-ahˇ nawˬ-euˬ gʼaˇ duˬ yuꞈ duˬ jawˇ duˬ laˆ saˆ taˬ gʼaˬ-euˬ ma. Nawˬ-euˬ law taw deuˬ gʼaˇ duˬ kʼawꞈ, jawˇ duˬ jaˆ ma.”

Aˇ dahˬ 43:24

Zaˬ kʼaˆ kʼoeˇ gʼaˬ aˬ ha mehˇ nmˇ-ahˇ nymˇ laꞈ kʼoeˇ sheuˬ uˇ gʼeh-euˬ meh. Kʼoeˇ naˇ, aˬ ha mehˇ nmˇ aˬ kuiˇ dzuiꞈ-eu gʼaˇ duˬ iˇ cuꞈ ciˬ nehˬ-awˇ, aˬ ha mehˇ nmˇ-euˬ mahˬ tahˬ laˆ-ahˇ dzaˇ bi dzaˬ-euˬ meh.

2 Saˬmeuˬlaˆ 11:8

Kʼoeˇ naˇ, “Gʼoꞈ-iˇ-awˇ tiˬ kʼehˬ naˬ-iˇ-awˬ” lehˇ, Uˇliˇyaˆ-ahˇ Daˬbiˇ ehˇ nehˬ-euˬ meh. Uˇliˇyaˆ gʼoꞈ-iˇ ngeh, aˬ yawꞈ-euˬ nymˇ jiˇ gʼaˇ duˬ Daˬbiˇ neh laꞈ sawˬ bi biꞈ ha-iˇ-euˬ meh.

Yawˇbaˆ 31:32

Miˇ kʼahˬ-ahˇ cah-eu tsawˇ haˬ deuˬ gaˇ ma gaˇ dzeˇ maˬ bi yaꞈ ni, ngaˬ-euˬ nymˇ-ahˇ ha ahˇ-awˇ bi yaꞈ-euˬ ma.

Dawqdaq 25:17

Aˇ dzehˬ dzaˬ dzeuˇ naˇ uˬ pehꞈ pehꞈ-eu meh. Yawˬ ha-ahˇ nymˇ kaˬ taꞈ-eu gʼaˬ jawˇ gaˇ, tiˬ kʼehˬ maˬ taˬ ni dawˬ deh maˬ ya gʼa-a. Tiˬ kʼehˬ maˬ taˬ ni dawˬ deh gʼa naˇ, aˬ yawꞈ nawˬ-ahˇ haw dehˆ-awˇ, maˬ haw nahˇ-ehˇ pyeuꞈ-iˇ tehꞈ-a.

Dawˬ caˇ 5:3

Ngaˇ mehˬ tsoeˬ lehˆ dzeh gʼaˬ jiˇ taˬ-euˬ, aˬ joˆ-ehˇ paˇ dm kʼoꞈ nmˇ. Ngaˬ-euˬ aˬ kuiˇ dzuiꞈ shawˇ gʼaˬ jiˇ-euˬ, aˬ joˆ-ehˇ paˇ nawˬ jawꞈ nmˇ.

Luˇkaꞈ 7:44

Kʼoeˇ naˇ, Yeˬsuˇ zaˬ miˬ zaˬ kʼoeˇ gʼaˬ-ahˇ tiˬ poˆ haw-awˇ, Siˇmoˬ-ahˇ heu loꞈ-ehˇ ehˇ nehˬ-euˬ meh. “Zaˬ miˬ zaˬ heu gʼaˬ-ahˇ nymˬ-mˇ nawˇ mawˇ luꞈ ngaˇ. Ngaˇ nawˬ-euˬ nymˇ-ahˇ uˇ laˇ taˬ-awˇ jawˇ-eu ma. Nawˇ ngaˬ-ahˇ aˬ kuiˇ dzuiꞈ-eu iˇ cuꞈ maˬ ciˬ nehˬ laꞈ-aˬ. Ehˇ kʼawꞈ, zaˬ miˬ zaˬ heu gʼaˬ aˬ yawꞈ-euˬ myaˆ biˇ neh ngaˬ-euˬ aˬ kuiˇ dzuiꞈ shawˇ-awˇ, aˬ yawꞈ-euˬ uˬ duˬ tsehˇ kahˇ neh shiˆ gui nehˬ laꞈ-euˬ meh.

Yoˇhaˬ 13:5

Kʼoeˇ naˇ, kʼmˬ maˬ shehˇ byehˇ-ahˇ iˇ cuꞈ shehˆ ahˇ-awˇ, zaˬ lahˇ deuˬ-euˬ aˬ kuiˇ dzuiꞈ nehˬ-awˇ, joꞈ-ahˇ paꞈ taˬ-euˬ paˇ jeh neh shiˆ gui nehˬ-euˬ meh.

Gʼaˬkʼehˇ 16:15

Aˬ yawꞈ hawˇ-eu aˬ yawꞈ-euˬ nymˇ kʼahˬ zaˬ dawˬ tawˆ luꞈ iˇ cuꞈ shawˇ gʼaˬ ngeh jawˇ, “Ngaˇ-aˬ, Sahˬpaˬ Miˬyehˇ-ahˇ aˬ diˇ jah-eu tsawˇ haˬ pyeuꞈ-eu ngaˇ lehˇ naw maꞈ noeˬ tsehˆ gʼaˬ-euˬ ngeuˇ naˇ, ngaˬ-euˬ nymˇ-ahˇ yaꞈ laˇ-awˬ” lehˇ ehˇ-awˇ, nga maꞈ-ahˇ aˬ yawꞈ-euˬ nymˇ-ahˇ sheuˬ daˆ gʼeh-euˬ meh.

HeˬByehˇ 13:2

Daˬ yah-ahˇ yaw muiˬ-ehˇ ha-eu gʼaˇ duˬ taˬ ngehˇ. Tiˬ paˆ na deuˬ daˬ yah-ahˇ kʼoeˇ loꞈ-ehˇ ha-eu laꞈ kʼoeˇ, yawˬ ha maˬ siˬ nya ni mˬ taˆ gʼaˬ kʼehˇ-ahˇ ha zaˬ-euˬ tsawˇ haˬ kʼawꞈ jawˇ haw-euˬ meh.