Aˇ dahˬ 18:9 - Akha

⁹ Kʼoeˇ naˇ, “Nawˬ-euˬ nymˇ dahˬ Saˬlaˇ aˬ geu gaˇ iˇ taˬ” lehˇ, aˬ yawꞈ maꞈ aˬ yawꞈ-ahˇ naˇ haˬ ngeh, “Sehˬ gʼawˆ laꞈ kʼoeˇ jawˇ meh” lehˇ aˬ yawꞈ ehˇ kʼoꞈ nehˬ-euˬ meh.

Aˇ dahˬ 18:9 Σταυροειδείς Αναφορές

Aˇ dahˬ 18:10

“Ba la gʼoeˬ siˬ kaˇ-iˇ naˇ, ngaˇ tiˬ poˆ paˇ oe ma. Kʼoeˇ ngeh, nawˬ-euˬ nymˇ dahˬ Saˬlaˇ aˬ li tiˬ li ciˬ tehꞈ-a” lehˇ, aˬ yawꞈ maꞈ laꞈ kʼoeˇ tiˬ gʼaˬ ehˇ-eu meh. Kʼoeˇ loꞈ-ehˇ ehˇ luꞈ gaˇ, tsawˇ haˬ kʼoeˇ gʼaˬ-euˬ naˇ kʼah paw laˇ gʼoˆ baˇ laˇ-ahˇ Saˬlaˇ jawˇ-awˇ, kʼoeˬ naˇ haꞈ luꞈ-eu meh.

Aˇ dahˬ 18:8

Kaˬ muˇ, mawˇ neˇ aˬ coeˇ, shaˬ jiˇ heu deuˬ Aˬbyaˬhaˬ yuˇ leꞈ-awˇ, aˬ yawꞈ maꞈ-euˬ mehˬ shi ciˬ taˬ le-euˬ meh. Aˇ bawˇ dawˬ pehˬ kʼoeˇ tsahˇ-ahˇ aˬ yawꞈ dzaˬ kʼmˬ dawˇ gʼawˆ lehˬ hmˬ-awˇ, aˬ yawꞈ maꞈ-ahˇ bi dzaˬ bi dawˇ-euˬ meh.

Aˇ dahˬ 24:67

Kʼoeˇ ngeh, Iˇtsaˆ-aˬ, aˬ yawꞈ aˬ ma Saˬlaˇ yaw dehꞈ dehꞈ ngeh jawˇ-euˬ sehˬ gʼawˆ laꞈ kʼoeˇ Leˬbehˇkaꞈ-ahˇ sheuˬ uˇ gʼeh-awˇ, aˬ yawꞈ-euˬ miˬ zaˬ bi pyeuꞈ laˇ-euˬ meh. Iˇtsaˆ Leˬbehˇkaꞈ-ahˇ gaˬ-eu miˇ neh, aˬ yawꞈ aˬ ma shiˇ-euˬ gaˇ noeˬ luꞈ-eu nui ma byoˆ-iˇ-euˬ meh.

Aˇ dahˬ 3:9

Ehˇ kʼawꞈ, Miˬyehˇ pyeuꞈ-eu Sahˬpaˬ Miˬyehˇ kʼaˬ dzeˇ zaˬ gʼaˬ-ahˇ kuˇ-awˇ, “Nawˇ aˬ gaˇ jawˇ luꞈ te” lehˇ, naˇ haˬ-euˬ meh.

Aˇ dahˬ 31:33

Yaˬkoˆ-euˬ sehˬ gʼawˆ laꞈ kʼoeˇ maˬ ehˇ, Leˇaˬ-euˬ sehˬ gʼawˆ laꞈ kʼoeˇ maˬ ehˇ, zaˬ miˬ zaˬ zaˬ kʼaˆ nyiˬ gʼaˬ luꞈ-euˬ sehˬ gʼawˆ laꞈ kʼoeˇ maˬ ehˇ, Laˬbaˬ uˇ-iˇ-awˇ goˬ doe kʼawꞈ, aˬ yawꞈ-euˬ tahˬ pahˬ aˬ ma mawˇ kawˇ kʼoeˇ deuˬ maˬ goˬ mawˇ nya-a. Kʼoeˇ naˇ, Laˬkeˬlaˇ-euˬ sehˬ gʼawˆ laꞈ kʼoeˇ aˬ yawꞈ uˇ-iˇ-euˬ meh.

Aˇ dahˬ 4:9

“Nawˬ-euˬ aˬ nyiˇ aˬ gaˇ iˇ taˬ” lehˇ, Gaˬiˇnaˆ-ahˇ Sahˬpaˬ Miˬyehˇ naˇ haˬ ngeh, “Ngaˇ maˬ siˬ. Ngaˇ ngaˬ-euˬ aˬ nyiˇ-ahˇ bo-eu tsawˇ haˬ nga loˇ” lehˇ, Gaˬiˇnaˆ ehˇ-eu meh.

Tiˇtuˆ 2:5

Aˇ kʼoꞈ maˬ kʼawˆ laˇ-euˬ zaˬ miˬ zaˬ kʼoeˇ deuˬ yawˬ ha-euˬ nui ma-ahˇ gʼaˬ leˇ-awˇ, muiˬ-eu nymˇ sahˇ aˬ ma deuˬ pyeuꞈ laˇ-eu laꞈ kʼoeˇ kʼaˬ dzeˇ zaˬ-euˬ laꞈ oꞈ awꞈ nya laˇ-eu miˇ neh, Miˬyehˇ-euˬ guiˬ lah dawˬ-ahˇ aˬ cawˬ ja bu ja doeˇ kʼaˇ maˬ za-ehˇ pyeuꞈ laˇ ni aˬ yawꞈ maꞈ ya mehˬ ya tsoˆ-eu meh.

HeˬByehˇ 11:9

Miˬyehˇ neh saˇ jaˇ dzaˬ taˬ-euˬ maˬ siˬ maˬ suˇ-eu miˇ kʼahˬ-ahˇ aˬ yawꞈ jawˇ-euˬ kʼoeˇ-aˬ, jah-eu jeˬ baˬ da neh meh. Aˬ yawꞈ-ahˇ duˇ ni Miˬyehˇ neh saˇ jaˇ dzaˬ-euˬ jeˬ-ahˇ za-euˬ Iˇtsaˆ hawˇ-eu Yaˬkoˆ loꞈ-ehˇ, sehˬ gʼawˆ gʼawˆ gʼawˆ-ehˇ aˬ yawꞈ jawˇ-euˬ meh.