Aˇ dahˬ 18:5 - Akha

⁵ Mehˬ hu paw paˇ cah gʼeh ngeh, naw maꞈ gʼaˬ ahˇ laˇ ni, dzaˬ dzaˬ dawˇ dawˇ kʼawꞈ ui cuiˆ na dzaˬ-eu tsaˬ tehꞈ-a. Naw maꞈ ngaˬ-euˬ nymˇ-ahˇ oe doˆ-awˇ, ngaˇ naw maꞈ-ahˇ ya ha geuꞈ-eu-aˬ, guiˬ lahˬ huiˬ-eu ngaˇ.” Tsawˇ haˬ kʼoeˇ smˇ gʼaˬ kʼawꞈ, “Guiˬ lahˬ huiˬ miˇ-a. Nga maꞈ heu gaˇ tiˬ kʼehˬ naˬ ma” lehˇ ehˇ-awˇ, gʼaˬ naˬ naˬ-euˬ meh.

Aˇ dahˬ 18:5 Σταυροειδείς Αναφορές

Aˇ dahˬ 18:6

Aˬbyaˬhaˬ-aˬ, sehˬ gʼawˆ-ahˇ yaw kawˇ-ehˇ gʼoꞈ uˇ leˇ-awˇ, “Muiˬ dui dui-eu cehˇ meu tiˬ tahˇ sheu doˆ-awˇ, kuiˇ dui dui-eu kaˬ muˇ ui cuiˆ yaw kawˇ-ehˇ jahˇ sheˇ” lehˇ, Saˬlaˇ-ahˇ ehˇ nehˬ-euˬ meh.

Aˇ dahˬ 19:8

Kʼaˬ dzeˇ zaˬ nehˬ-ehˇ tiˬ poˆ-iˬ maˬ jawˇ taꞈ haw-euˬ ngaˬ buˇ miˬ daꞈ nyiˬ gʼaˬ jawˇ ma. Aˬ nyaꞈ nmˇ-ahˇ naw maꞈ jawˇ gaˇ ngaˇ sheuˬ doˆ nehˬ leꞈ ma. Naw maꞈ nui kʼahˇ tiˬ shiˇ byawˬ gʼa muˆ gʼa-awˬ. Ehˇ kʼawꞈ, ngaˬ-euˬ nymˇ-ahˇ daˆ laˇ-euˬ daˬ yah heu nyiˬ gʼaˬ-ahˇ naw maꞈ taˬ toeˬ ciˆ nehˬ laꞈ. Aˬ yawꞈ nyaꞈ-aˬ, ngaˬ-euˬ nymˇ-ahˇ yaꞈ luꞈ-eu ngaˬ-euˬ daˬ yah pyeuꞈ-eu miˇ neh, ngaˇ ya haw piˇ meh.”

Aˇ dahˬ 33:10

Yaˬkoˆ paˇ ehˇ-eu, “Heu loꞈ-ehˇ taˬ ehˇ nehˬ laꞈ. Nawˇ ngaˬ-ahˇ ha geuꞈ mawꞈ ma lehˇ ngeuˇ naˇ, ngaˬ neh nawˬ-ahˇ kʼaˇ biꞈ-euˬ jeˬ yuˇ-awˬ. Nawˬ-euˬ myaˆ pyawˬ-ahˇ ya mawˇ-eu-aˬ, Miˬyehˇ-euˬ myaˆ pyawˬ-ahˇ ya mawˇ gaˇ duˇ miˇ-a. Nawˇ ngaˬ-ahˇ laˬ kʼaˬ cehˇ taˆ ni ha geuꞈ nehˬ laꞈ-eu miˇ neh, ngaˇ laˬ kʼaˬ cehˇ dui dui miˇ-a.

1 Sahˬpaˬ 17:11

Miˬ coeˬ miˬ ma kʼoeˇ gʼaˬ iˇ cuꞈ kʼawꞈ laˬ-iˇ-eu lehˇ iˇ ngeh, “Kaˬ muˇ gʼeh ui cuiˆ yuˇ laꞈ-awˇ bi dzaˬ laꞈ-awˬ” lehˇ aˬ yawꞈ ehˇ nehˬ-euˬ meh.

Jaceuq 104:15

Tsawˇ haˬ zaˬ-euˬ nui ma-ahˇ laˬ kʼaˬ bi cehˇ-eu gʼaˇ duˬ aˬ gaꞈ dzaˇ uiˇ doˆ laˇ ni maˬ ehˇ, tsawˇ haˬ zaˬ-euˬ gʼawˇ mawˇ laˆ saˆ-eu gʼaˇ duˬ saˬ loˬ tsiˇ doˆ laˇ ni maˬ ehˇ, tsawˇ haˬ zaˬ dzaˬ-awˇ gʼaˬ bi ahˇ-eu gʼaˇ duˬ kaˬ muˇ doˆ laˇ ni maˬ ehˇ, nawˇ kʼoeˇ loꞈ-ehˇ jahˇ nehˬ-euˬ meh.

Iˇsaˬyaˇ 3:1

Haw yawˬ. Nymˬ-mˇ Sahˬpaˬ Miˬyehˇ, Baoˬ huiˬ-eu Sahˬpaˬ Miˬyehˇ, Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ, miˇ kʼahˬ zaˬ gʼoe luꞈ-eu tsawˇ haˬ deuˬ hawˇ-eu, maˬ jaˆ-ehˇ maˬ dehꞈ nya-eu jeˬ dawˬ tawˆ luꞈ, yuˇ dzeh jiˇ-eu lehˇ gʼeh-eu meh. Dzaˬ-eu dzaˇ maˬ jaˆ-ehˇ, dawˇ-eu iˇ cuꞈ maˬ dahˬ-ehˇ pyeuꞈ-iˇ ni, dawˬ tawˆ luꞈ yuˇ dzeh jiˇ tehꞈ-a.

Maꞈtehˬ 6:11

Iˬ nah loˬ-eu dzaˬ-eu jeˬ, iˬ nah biꞈ nehˬ laꞈ.

Yaˇ kʼaˬ daˇ 13:15

Sahˬpaˬ Miˬyehˇ-euˬ gʼaˬ kʼehˇ kʼoeˇ gʼaˬ-ahˇ Maˬnoˇaˬ ehˇ nehˬ-eu, “Nga nyaꞈ ciꞈ myehꞈ ciꞈ zaˬ tiˬ mawˇ sehꞈ-awˇ dzaˇ jahˇ jaꞈ gʼaˬ ngeh keuˆ ni heu gaˇ jawˇ tawˬ siˬ.”

Yaˇ kʼaˬ daˇ 13:16

Sahˬpaˬ Miˬyehˇ-euˬ gʼaˬ kʼehˇ ehˇ-eu, “Nawˇ ngaˬ-ahˇ gʼeu tehˬ kʼawꞈ, nawˬ-euˬ dzaˇ ngaˇ maˬ dzaˬ. Ehˇ kʼawꞈ, nawˇ dzaˇ laˆ saˆ mawꞈ naˇ, miˬ dzaˬ dzah puiˆ-awˇ lawˇ-eu jeˬ loꞈ-ehˇ Sahˬpaˬ Miˬyehˇ-ahˇ lawˇ nehˬ-awˬ.” (Tsawˇ haˬ kʼoeˇ gʼaˬ Sahˬpaˬ Miˬyehˇ-euˬ gʼaˬ kehˇ pyeuꞈ-eu Maˬnoˇaˬ maˬ siˬ nya-a.)

Yaˇ kʼaˬ daˇ 19:5

Oeˬ nah tiˬ nah uˬ shawˬ yaw naꞈ-ehˇ, aˬ yawꞈ nyaꞈ dzeˇ zaˬ tuˇ-awˇ gʼoꞈ leˇ-eu lehˇ lehˬ hmˬ-euˬ meh. Ehˇ kʼawꞈ, aˬ mawˬ gʼaˬ ehˇ-eu, “Maˬ gʼoꞈ leˇ mi naˆ-ehˇ tiˬ jeˬ paˬ dzaˬ yaꞈ siˬ. Nymˬ-mˇ tiˬ kʼehˬ gʼeh-awˇ neh gʼoꞈ leˇ kʼawꞈ kʼaˇ boe tehꞈ-a.”

Yaˇ kʼaˬ daˇ 6:18

Ngaˇ dzaˬ dzaˬ dawˇ dawˇ lawˇ-eu jeˬ maˬ yuˇ keuˆ laꞈ kʼoeˇ keuˆ ni, maˬ gʼoꞈ-iˇ ni jawˇ tawˬ-awˬ.” Sahˬpaˬ Miˬyehˇ ehˇ-eu, “Nawˇ maˬ gʼoꞈ keuˆ laˇ kʼoeˇ keuˆ ni ngaˇ heu gaˇ jawˇ tawˬ ma.”

Yaˇ kʼaˬ daˇ 6:19

Kʼoeˇ naˇ, Giˇdoˬ gʼaˬ iˇ kahˇ-ahˇ gʼoꞈ uˇ-iˇ-awˇ, ciꞈ myehꞈ ciꞈ zaˬ sehꞈ-awˇ dzaˇ jahˇ-euˬ meh. Cehˇ meu koꞈ jawꞈ-i yuˇ-awˇ, dehˬ tseˬ maˬ ahˇ-eu kaˬ muˇ kʼawꞈ jahˇ-euˬ meh. Ciꞈ myehꞈ shaˬ jiˇ kʼoeˇ kʼa puˬ-ahˇ dawˆ ahˇ-awˇ, ciꞈ myehꞈ shaˬ jiˇ jahˇ-euˬ dzaˇ uiˇ-ahˇ oeˬ lahˬ-ahˇ shehˆ ahˇ-awˇ, tsuiꞈ kaˆ aˇ bawˇ dawˬ pehˬ-ahˇ nuiˇ luꞈ-eu Sahˬpaˬ Miˬyehˇ-euˬ gʼaˬ kʼehˇ-ahˇ ciˬ nehˬ leˇ-euˬ meh.