Aˇ dahˬ 18:3 - Akha

³ “Yaw huiˬ yaw mahˇ deuˬ-oˇ, ngaˬ-euˬ nymˇ-ahˇ maˬ naˬ ni taˬ iˇ dzeuˇ nehˬ laꞈ. Ngaˇ naw maꞈ-ahˇ yaw muiˬ paˬ-ehˇ lehˬ hmˬ-awˇ ha-eu ma.

Aˇ dahˬ 18:3 Σταυροειδείς Αναφορές

Aˇ dahˬ 18:2

Aˬ yawꞈ haw gʼeh leꞈ ngeh, tsawˇ haˬ smˇ gʼaˬ yawꞈ luꞈ gaˇ ya mawˇ-euˬ meh. Tsawˇ haˬ kʼoeˇ smˇ gʼaˬ-ahˇ aˬ yawꞈ ya mawˇ ngeh, tiˬ poˆ tehꞈ-ehˇ coeˬ doˆ gʼeh-awˇ ha laˬ leˇ-euˬ meh. Aˬbyaˬhaˬ pawˬ tsuiꞈ pawˬ dmˬ dmˬ-awˇ, baˬ ba miˇ tsa tuˆ ni awˆ byaˆ-eu laꞈ kʼoeˇ, heu loꞈ-ehˇ ehˇ-eu meh.

Aˇ dahˬ 18:4

Aˇ bawˇ heu bawˇ dawˬ pehˬ-ahˇ tiˬ kʼehˬ naˬ tawˬ. Naw maꞈ aˬ kuiˇ bi dzuiꞈ-eu gʼaˇ duˬ ngaˇ iˇ cuꞈ ui cuiˆ ciˬ laˬ leˇ la.

Aˇ dahˬ 24:31

Zaˬ kʼaˆ kʼoeˇ gʼaˬ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Ngaˬ nehˬ-ehˇ ngaˬ-euˬ nymˇ-ahˇ laˇ-awˬ. Nawˇ-aˬ, Sahˬpaˬ Miˬyehˇ neh biꞈ-euˬ guiˬ lahˬ za-euˬ tsawˇ haˬ tiˬ gʼaˬ nga. Aˬ jeˬ miˇ neh heu gaˇ yawꞈ yawꞈ-ehˇ jawˇ te. Ngaˬ-euˬ nymˇ-ahˇ nawˬ-euˬ gʼaˇ duˬ yuꞈ duˬ jawˇ duˬ laˆ saˆ taˬ gʼaˬ-euˬ ma. Nawˬ-euˬ law taw deuˬ gʼaˇ duˬ kʼawꞈ, jawˇ duˬ jaˆ ma.”

Aˇ dahˬ 32:5

Ngaˇ-aˬ, mawˇ neˇ, mahˬ tahˬ laˆ, yawˇ, ciꞈ myehꞈ deuˬ jawˇ-awˇ, zaˬ kʼaˆ deuˬ kʼawꞈ cu taˬ-euˬ ma. Nawˇ ngaˬ-ahˇ gʼawˬ shaˬ gaˬ nehˬ laꞈ-awˇ, bi gʼoꞈ jawˇ le tehꞈ-a lehˇ noeˬ tmˬ dui dui-eu laꞈ kʼoeˇ, heu loꞈ-ehˇ tsaꞈ ahˇ leꞈ-euˬ ma.”

Aˇ dahˬ 39:4

Yoˇsehˆ-ahˇ Pawˇtiˇpaˬ nui kʼahˇ shiˇ-eu miˇ neh, aˬ yawꞈ-euˬ nymˇ hawˇ-eu aˬ yawꞈ kʼaˇ jaˆ-eu jeˬ dawˬ tawˆ luꞈ-ahˇ haw-eu pyaˆ-eu gʼaˬ bi geuꞈ-euˬ meh.

Yaˇ kʼaˬ daˇ 6:18

Ngaˇ dzaˬ dzaˬ dawˇ dawˇ lawˇ-eu jeˬ maˬ yuˇ keuˆ laꞈ kʼoeˇ keuˆ ni, maˬ gʼoꞈ-iˇ ni jawˇ tawˬ-awˬ.” Sahˬpaˬ Miˬyehˇ ehˇ-eu, “Nawˇ maˬ gʼoꞈ keuˆ laˇ kʼoeˇ keuˆ ni ngaˇ heu gaˇ jawˇ tawˬ ma.”

Yaˇ kʼaˬ daˇ 6:19

Kʼoeˇ naˇ, Giˇdoˬ gʼaˬ iˇ kahˇ-ahˇ gʼoꞈ uˇ-iˇ-awˇ, ciꞈ myehꞈ ciꞈ zaˬ sehꞈ-awˇ dzaˇ jahˇ-euˬ meh. Cehˇ meu koꞈ jawꞈ-i yuˇ-awˇ, dehˬ tseˬ maˬ ahˇ-eu kaˬ muˇ kʼawꞈ jahˇ-euˬ meh. Ciꞈ myehꞈ shaˬ jiˇ kʼoeˇ kʼa puˬ-ahˇ dawˆ ahˇ-awˇ, ciꞈ myehꞈ shaˬ jiˇ jahˇ-euˬ dzaˇ uiˇ-ahˇ oeˬ lahˬ-ahˇ shehˆ ahˇ-awˇ, tsuiꞈ kaˆ aˇ bawˇ dawˬ pehˬ-ahˇ nuiˇ luꞈ-eu Sahˬpaˬ Miˬyehˇ-euˬ gʼaˬ kʼehˇ-ahˇ ciˬ nehˬ leˇ-euˬ meh.

Yaˇ kʼaˬ daˇ 6:20

“Shaˬ jiˇ hawˇ-eu kaˬ muˇ-ahˇ kʼaˬ lo heu siˬ kʼoeˇ taˆ bi jaˆ-awˇ, shaˬ jiˇ dzaˇ uiˇ shehˆ daˆ-awˬ” lehˇ, Sahˬpaˬ Miˬyehˇ-euˬ gʼaˬ kʼehˇ kʼoeˇ gʼaˬ aˬ yawꞈ-ahˇ dawˬ biꞈ ngeh, Giˇdoˬ kʼoeˇ loꞈ-ehˇ jahˇ-euˬ meh.