Aˇ dahˬ 13:2 - Akha

² Aˬbyaˬ-aˬ, yawˇ maˬ ehˇ, ciꞈ myehꞈ maˬ ehˇ, mawˇ neˇ maˬ ehˇ, myaˬ dui dui-awˇ, pyuˇ shuiˇ jaˆ dui dui-eu smˇ muiˬ aˬ da tiˬ gʼaˬ pyeuꞈ-eu meh.

Aˇ dahˬ 13:2 Σταυροειδείς Αναφορές

Aˇ dahˬ 12:16

Saˬlehˇ baˬ da neh, sahˬ paˬ kʼoeˇ gʼaˬ Aˬbyaˬ-ahˇ yaw muiˬ paˬ-ehˇ caw ba nehˬ-awˇ, yawˇ yawˇ maꞈ maˬ ehˇ, ciꞈ myehꞈ ciꞈ maꞈ maˬ ehˇ, mawˇ neˇ mawˇ maꞈ maˬ ehˇ, mahˬ tahˬ laˆ deuˬ maˬ ehˇ, zaˬ kʼaˆ deuˬ maˬ ehˇ, law taw deuˬ maˬ ehˇ, biꞈ nehˬ-euˬ meh.

Aˇ dahˬ 13:6

Aˬ nyaꞈ uiˬ zaˬ jeˬ zaˬ aˇ dzehˬ myaˬ dzeuˇ-eu miˇ neh, nyiˬ gʼaˬ luꞈ tiˬ gaˇ tehꞈ-ehˇ jawˇ-eu gʼaˇ duˬ, jeˬ zaˬ jawˇ kʼahˬ maˬ jeˇ-a.

Aˇ dahˬ 24:1

Aˬbyaˬhaˬ mawˬ dui dui laˇ-awˇ, aˬ yawꞈ kʼaˇ mˇ-eu jeˬ laꞈ kʼoeˇ Sahˬpaˬ Miˬyehˇ aˬ yawꞈ-ahˇ guiˬ lahˬ biꞈ-euˬ meh.

Aˇ dahˬ 24:35

Sahˬpaˬ Miˬyehˇ-aˬ, ngaˬ-euˬ baw leˬ-ahˇ guiˬ lahˬ yaw kʼaˆ-ehˇ biꞈ-awˇ, smˇ muiˬ muiˬ dui dui-eu tsawˇ haˬ bi pyeuꞈ laˇ-euˬ meh. Myaˬ dui dui-eu yawˇ yawˇ maꞈ, ciˬ myehꞈ ciꞈ maꞈ hawˇ-eu, mawˇ neˇ mawˇ maꞈ deuˬ maˬ ehˇ, pyuˇ deuˬ shuiˇ deuˬ maˬ ehˇ, kʼaˬ dzeˇ zaˬ zaˬ kʼaˆ deuˬ hawˇ-eu zaˬ miˬ zaˬ zaˬ kʼaˆ deuˬ maˬ ehˇ, law taw hawˇ-eu mahˬ tahˬ laˆ deuˬ maˬ ehˇ, ngaˬ-euˬ baw leˬ-ahˇ aˬ yawꞈ biꞈ-euˬ meh.

Aˇ dahˬ 26:14

Yawˇ, mawˇ neˇ hawˇ-eu, zaˬ kʼaˆ deuˬ kʼawꞈ jawˇ myaˬ dui dui-eu miˇ neh, Piˇliˇtiˆ tsawˇ haˬ deuˬ aˬ yawꞈ-ahˇ myaˆ naˆ-euˬ meh.

Aˇ dahˬ 30:43

Kʼoeˇ miˇ neh, Yaˬkoˆ smˇ muiˬ muiˬ dui dui laˇ-awˇ, yawˇ maˬ ehˇ, ciꞈ myehꞈ maˬ ehˇ, zaˬ kʼaˆ maˬ ehˇ, law taw maˬ ehˇ, mahˬ tahˬ laˆ maˬ ehˇ, jawˇ myaˬ dui dui laˇ-euˬ meh.

Yawˇbaˆ 1:10

Aˬ yawꞈ-ahˇ maˬ ehˇ, aˬ yawꞈ-euˬ nymˇ jiˇ-ahˇ maˬ ehˇ, aˬ yawꞈ kʼaˇ jaˆ-eu yawˬ jeˬ na luꞈ-ahˇ maˬ ehˇ, nawˇ yaw muiˬ paˬ-ehˇ haw piˇ nehˬ-euˬ meh. Aˬ yawꞈ kʼaˇ mˇ kʼaˇ shaˇ-eu yawˬ jeˬ na luꞈ laꞈ kʼoeˇ nawˇ guiˬ lahˬ biꞈ-awˇ, miˇ kʼahˬ kʼoeˇ kʼahˬ tiˬ byah ni jawˇ-eu jeˬ zaˬ kʼoeˇ deuˬ aˬ yawꞈ-ahˇ nawˇ biꞈ taˬ-euˬ meh.

Yawˇbaˆ 1:3

Yawˇ shiꞈ heˇ mawˇ, law taw smˬ heˇ mawˇ, mawˇ neˇ ngaˬ yaˇ gu hawˇ-eu, mahˬ tahˬ laˆ ngaˬ yaˇ mawˇ jawˇ-eu meh. Aˬ yawꞈ-aˬ, zaˬ kʼaˆ kʼawꞈ gʼawˬ mya ni jawˇ-awˇ, nahˇ ma doˆ kʼehˬ paw coeˇ-ahˇ aˬ cawˬ naˆ maˬ tseˇ smˇ muiˬ muiˬ-eu gʼaˬ pyeuꞈ-eu meh.

Dawqdaq 10:22

Sahˬpaˬ Miˬyehˇ-euˬ guiˬ lahˬ baˬ da neh baw le za le-eu meh. Kʼaˇ mˇ kʼaˇ za za nya-eu maˬ ngeuˇ-a.

Maꞈtehˬ 6:33

Miˬyehˇ-euˬ Miˇ kʼahˬ hawˇ-eu aˬ yawꞈ-euˬ yaw tsaˬ yaw dawˇ jeˬ-ahˇ jeˬ huˬ poˆ-awˬ. Nui jeˬ dawˬ tawˆ luꞈ, aˬ yawꞈ naw maꞈ-ahˇ biꞈ lahˬ laꞈ tehꞈ-a.

Dawˬmehˬ 8:18

Smˇ muiˬ bi muiˬ laˇ-euˬ baoˬ biꞈ nehˬ-euˬ gʼaˬ-aˬ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ meh lehˇ tiˬ jawˇ-iˬ maˬ ngehˇ ni noeˬ keuˆ-awˬ. Naw maꞈ-euˬ aˬ poeˬ aˬ bawˇ deuˬ nehˬ-ehˇ dzaˬ taˬ-euˬ saˇ jaˇ-ahˇ, iˬ nah keuˆ ni aˬ yawꞈ ziꞈ luꞈ-eu miˇ neh, kʼoeˇ loꞈ-ehˇ mˇ-eu meh.

1 Tiˆmoˇseˬ 4:8

Shiˬ shaˬ jiˇ gʼawˇ mawˇ gʼaˬ ahˇ laˇ ni jahˇ dzaw-eu jeˬ-aˬ, gaˇ dahˇ ui cuiˆ tsoeˬ-eu tehꞈ meh. Ehˇ kʼawꞈ, saꞈ laˇ paw gʼaˬ ahˇ laˇ ni mˇ dzaw shaˇ dzaw-eu jeˬ-aˬ, yawˬ paw na luꞈ gaˇ dahˇ tsoeˬ-eu meh. Aˬ jeˬ miˇ neh ehˇ naˇ, kʼoeˇ-aˬ, heu ziˇ gʼaˇ duˬ maˬ ehˇ, aˬ kaˇ kaˇ ziˇ gʼaˇ duˬ maˬ ehˇ, gaˇ dahˇ tsoeˬ-eu yaw duˬ baw meh.

1 Saˬmeuˬlaˆ 2:7

Tiˬ paˆ na deuˬ iˇ shaˬ shaˬ-awˇ, tiˬ paˆ na deuˬ smˇ muiˬ muiˬ ni, tiˬ paˆ na deuˬ laꞈ oꞈ teˬ-awˇ, tiˬ paˆ na deuˬ laꞈ taꞈ tsehˆ ni, aˬ yawꞈ neh bymˇ-euˬ shaˬ bymˇ meh.