Aˇ dahˬ 13:10 - Akha

¹⁰ Miˇ kʼahˬ kʼoeˇ kʼahˬ doe doe-ehˇ Lawˇtaˬ jawˇ duˬ nawˬ haw-iˇ ngeh, Zoˇlaˆ meuˬ-ahˇ le-eu gaˇ ma kahˇ li jaˆ-eu Yawˇdaˬ lawˇ baˬ lawˇ deh kʼoeˇ baˬ ma baˬ dawˬ tawˆ luꞈ, Sahˬpaˬ Miˬyehˇ-euˬ yaˇ kmˇ loꞈ-ehˇ maˬ ehˇ, Iˇjiˇtuˆ miˇ kʼahˬ loꞈ-ehˇ maˬ ehˇ, iˇ cuꞈ jaˆ loꞈ-eu jawˇ duˬ pyeuꞈ gaˇ ya mawˇ-euˬ meh. (Aˇ yamˬ kʼoeˇ yamˬ laꞈ kʼoeˇ, Sawˇdoˬ meuˬ hawˇ-eu Gawˇmawˇlaˆ meuˬ-ahˇ Sahˬpaˬ Miˬyehˇ maˬ laˆ cawˆ-aˬ siˬ.)

Aˇ dahˬ 13:10 Σταυροειδείς Αναφορές

Aˇ dahˬ 11:27

Heu deuˬ-aˬ, Aˬbyaˬ, Naˬkawˬ, Haˬlaˬ aˬ ha mehˇ nmˇ-euˬ aˬ da pyeuꞈ-eu Teˬlah-euˬ zaˬ deuˬ uˆ deuˬ meh. Haˬlaˬ-aˬ, Lawˇtaˬ-euˬ aˬ da meh.

Aˇ dahˬ 13:11

Kʼoeˇ naˇ, Lawˇtaˬ gʼaˬ Yawˇdaˬ lawˇ baˬ lawˇ deh kʼoeˇ baˬ ma baˬ dawˬ tawˆ luꞈ geuꞈ ma lehˇ tsaˬ-awˇ, nahˇ ma doˆ kʼehˬ paw jawˇ-iˇ-euˬ meh. Kʼoeˇ gaˇ neh naˇ, aˬ nyaꞈ uiˬ zaˬ tiˬ gʼaˬ tiˬ paw jawˇ gʼawˬ-euˬ meh.

Aˇ dahˬ 13:9

Teu miˇ neh aˇ nyaꞈ uiˬ zaˬ jawˇ gʼawˬ kaˇ-euˇ. Nawˇ geuꞈ mawꞈ-eu miˇ tsaˬ pehˇ tsahˇ-ahˇ nawˇ jeˬ huˬ toeˬ ceh-awˬ. Aˇ nyaꞈ tiˬ gʼaˬ tiˬ paw jawˇ-iˇ kaˇ-euˇ.”

Aˇ dahˬ 14:2

Sawˇdoˬ sahˬ paˬ Beˇlaˬ, Gawˇmawˇlaˆ sahˬ paˬ Beuˬshaˬ, Aˬdaˬmaˬ sahˬ paˬ Shiˇ -nahˬ, Zeˬbaiˬ sahˬ paˬ Shehˬmiˇbaˬ hawˇ-eu Beˬlaˬ sahˬ paˬ, heu ngaˬ gʼaˬ-ahˇ guiˇ deuˆ-euˬ meh.

Aˇ dahˬ 14:8

Kʼoeˇ naˇ, Sawˇdoˬ sahˬ paˬ, Gawˇmawˇlaˆ sahˬ paˬ, Aˬdaˬmaˬ sahˬ paˬ, Zeˬbaiˬ sahˬ paˬ, Beˬlaˬ sahˬ paˬ kʼoeˇ deuˬ-aˬ, aˬ yawꞈ maꞈ-euˬ guiˇ maꞈ deuˬ-ahˇ Siˇdmˬ deh ga ga ma-ahˇ sheuˬ ka taˬ-awˇ, guiˇ deuˆ-eu gʼaˇ duˬ lehˬ hmˬ taˬ-euˬ meh.

Aˇ dahˬ 3:6

Aˇ bawˇ kʼoeˇ bawˇ haw muiˬ dui dui-awˇ, aˇ siˬ kʼawꞈ kuiˇ dui dui paˬ-ehˇ gʼeh gaˇ, zaˬ miˬ zaˬ kʼoeˇ gʼaˬ ya mawˇ-euˬ meh. Aˇ siˬ kʼoeˇ ya pyaˆ dzaˬ-awˇ, zaˬ siˬ tsawˇ gahˇ ahˇ laˇ law nmˇ-aˬ, maˬ gaˇ dui dui tehꞈ-a lehˇ aˬ yawꞈ noeˬ-euˬ meh. Kʼoeˇ miˇ neh, aˇ siˬ ui cuiˆ pyaˆ-awˇ dzaˬ haw-euˬ meh. Kʼoeˇ naˇ, aˬ yawꞈ-euˬ kʼaˬ dzeˇ zaˬ gʼaˬ-ahˇ kʼawꞈ ui cuiˆ biꞈ-awˇ, kʼaˬ dzeˇ zaˬ gʼaˬ kʼawꞈ dzaˬ-euˬ meh.

Aˇ dahˬ 47:6

Iˇjiˇtuˆ miˇ kʼahˬ heu nawˬ-euˬ mehˬ shi jaˆ luꞈ meh. Miˇ kʼahˬ heu kʼahˬ laꞈ kʼoeˇ muiˬ dui dui-eu jawˇ duˬ pyeuꞈ-eu Goˬsheˬ miˇ tsaˬ kʼoeˇ tsahˇ-ahˇ, aˬ yawꞈ maꞈ-ahˇ bi jawˇ-awˬ. Aˬ yawꞈ maꞈ laꞈ kʼoeˇ, jeˬ zaˬ-ahˇ yaw muiˬ paˬ-ehˇ bo saˆ nya-eu tsawˇ haˬ jawˇ naˇ, ngaˬ-euˬ jeˬ zaˬ deuˬ-ahˇ bo saˆ-eu gaˇ bi mˇ-awˬ.”

Aˇ dahˬ 6:2

Kʼoeˇ ngeh, mˬ taˆ zaˬ yo deuˬ miˇ tsa zaˬ miˬ kʼoeˇ deuˬ aˇ gʼehˇ muiˬ gaˇ ya mawˇ-awˇ, yawˬ ha kʼaˇ mawꞈ leˇ-eu gʼaˬ-ahˇ sheuˬ geuꞈ-euˬ meh.

1 Sahˬpaˬ 7:46

Suˇkoˆ meuˬ hawˇ-eu Zaˬleˬdaˬ meuˬ-euˬ yaw kaˬ-ahˇ, Yawˇdaˬ lawˇ baˬ deh kʼawꞈ laꞈ kʼoeˇ jaˆ-eu guiˬ shuiˇ kʼaˇ duˬ-ahˇ, mˇ myawˬ kʼoeˇ deuˬ dawˬ tawˆ luꞈ-ahˇ sahˬ paˬ neh bi kʼaˇ-euˬ meh.

Yawˇbaˆ 40:23

Iˇ kʼawˇ kʼaˆ-eu lawˇ baˬ-ahˇ aˬ yawꞈ maˬ guˆ-a. Yawˇdaˬ lawˇ baˬ iˇ kʼawˇ aˬ yawꞈ-euˬ baˬ ba-ahˇ ciˬ tahˬ kʼawꞈ, aˬ yawꞈ-ahˇ maˬ deuˬ leˇ-a.

Jaceuq 107:34

Miˇ muiˬ muiˬ gaˇ jawˇ-eu tsawˇ haˬ deuˬ maˬ muiˬ-eu miˇ neh, miˇ tsaˬ saˬ deuꞈ deh ga pyeuꞈ-iˇ ni, aˬ yawꞈ jahˇ nehˬ-euˬ meh.

Iˇsaˬyaˇ 15:5

Mawˇbaˆ miˇ kʼahˬ gʼaˇ duˬ ngaˬ-euˬ nui ma laꞈ kʼoeˇ ngoeˇ luꞈ-eu ma. Aˬ yawꞈ maꞈ Ziˇoˬ meuˬ-ahˇ cehˆ leˇ-awˇ, Eˇgaˬlaˆsheˬliˇshahˬ meuˬ-ahˇ cehˆ keuˆ-euˬ meh. Tiˬ paˆ na deuˬ Luˇhiˆ gaˬ daˆ-ahˇ ngoeˇ ngoeˇ-ehˇ daˆ-awˇ, Hawˇloˬneˬ gaˇ ma caw caw-ehˇ, yaw kʼaˆ-ehˇ ngoeˇ ngoeˇ-ehˇ tiˬ deuˬ cah-eu meh.

Iˇsaˬyaˇ 51:3

“Yeˬluˇsaˬlehˬ meuˬ-ahˇ ngaˇ gʼawˬ shaˬ gaˬ nehˬ ma. Meuˬ tsoeˬ kʼoeˇ-euˬ laꞈ kʼoeˇ kʼaˇ jawˇ-eu tsawˇ haˬ-ahˇ ngaˇ haw nehˬ ma. Aˬ yawꞈ-euˬ miˇ tsaˬ kʼaˇ shuiꞈ deh ga-ahˇ duˇ kʼawꞈ, ngaˬ neh mˇ-euˬ Eˬdeˬ yaˇ kmˇ loꞈ-ehˇ duˇ-eu, yaˇ kmˇ tiˬ kmˇ bi pyeuꞈ laˇ ma. Laˬ kʼaˬ cehˇ nui saˇ za-eu jeˬ kʼoeˇ gaˇ byah-awˇ, ngaˬ-ahˇ guiˬ lahˬ huiˬ-eu ja ceuˬ-eu caˇ dawˬ caˇ tehꞈ-a.

Yeˬlaˬmiˇ 48:34

“Heˬshaˬboˬ meuˬ hawˇ-eu Eˇlaˬleˬ meuˬ-ahˇ jawˇ-eu tsawˇ haˬ deuˬ guˇ guˇ-ehˇ ngoeˇ-awˇ, aˬ yawꞈ maꞈ ngoeˇ-eu teˇ saˇ Yaˬhaˇ meuˬ-ahˇ keuˆ ni gaˬ keuˆ laˇ-eu meh. Zoˇlaˆ meuˬ-ahˇ jawˇ-eu tsawˇ haˬ deuˬ kʼawꞈ, aˬ yawꞈ maꞈ ngoeˇ-eu teˇ saˇ ya gaˬ-awˇ, Hawˇloˬneˬ meuˬ hawˇ-eu Eˇgaˬlaˆsheˬliˇshahˬ meuˬ-ahˇ keuˆ ni gaˬ keuˆ leˇ-euˬ meh. Nymˇlmˬ lah-ahˇ keuˆ ni, gui coˇ ni gui-iˇ-euˬ meh.

Yeˬsaˬgeˬlaˇ 16:46

“Nawˬ-euˬ mehˇ nmˇ aˬ buˇ aˬ yuiꞈ yuiꞈ saˬ gʼaˬ-aˬ, kʼoeˇ taˆ paw jawˇ-eu Saˬmaˬliˆ meuˬ pyeuꞈ-awˇ, aˬ yawꞈ-euˬ aˬ buˇ pyeuꞈ-eu pu deuˬ nehˬ-ehˇ jawˇ luꞈ-eu meh. Nawˬ-euˬ aˬ nyiˇ aˬ buˇ gʼaˬ-aˬ, laꞈ oˆ paw jawˇ-eu Sawˇdoˬ meuˬ pyeuꞈ-awˇ, aˬ yawꞈ-euˬ aˬ buˇ pyeuꞈ-eu pu deuˬ nehˬ-ehˇ jawˇ luꞈ-eu meh.

Yeˬsaˬgeˬlaˇ 16:49

Aˬ yawꞈ hawˇ-eu aˬ yawꞈ-euˬ aˬ buˇ deuˬ-aˬ, nui ma huiˬ kʼaˇ za-eu meh. Aˬ jeˬ miˇ neh ehˇ naˇ, aˬ yawꞈ maꞈ dzaˬ dzaˬ dawˇ dawˇ jaˆ loꞈ-awˇ, nui saˇ oꞈ-eu laꞈ kʼoeˇ ya dehꞈ luꞈ meh. Ehˇ kʼawꞈ, shaˬ zaˬ zahˬ zaˬ deuˬ-ahˇ aˬ yawꞈ maꞈ maˬ caw ba nehˬ-a.

Yeˬsaˬgeˬlaˇ 28:13

Miˬyehˇ yaˇ kmˇ kmˇ muiˬ kmˇ jaˬ, Eˬdeˬ yaˇ kmˇ-ahˇ nawˇ jawˇ-awˇ, Aˇ poeˬ kʼaˆ-eu kʼaˬ lo sehˇ deuˬ, lo neˇ, lo nyoeˇ, lo byaꞈ kʼoeˇ deuˬ nawˇ tiˬ byah ni geuꞈ taˬ-euˬ meh. Nawˬ-ahˇ beh ngeh nah neh daˬ-awˇ, sehˇ kʼoeˇ deuˬ lehˬ hmˬ taˬ-euˬ meh.

Yeˬsaˬgeˬlaˇ 31:8

Miˬyehˇ yaˇ kmˇ shuˬ liˇ bawˇ kʼawꞈ, aˬ yawꞈ-ahˇ maˬ ciˬ cehˆ peuˬ-a. Aˬ yawꞈ loꞈ-ehˇ uˬ pyaˬ sahˇ-eu, siˬ guˬ aˇ bawˇ maˬ mawˇ haw-aˬ. Aˬ yawꞈ loꞈ-ehˇ uˬ laꞈ myaˬ-eu tsuiꞈ sehˇ bawˇ-eu maˬ gaˬ haw-aˬ. Miˬyehˇ yaˇ kmˇ dehꞈ-eu aˇ bawˇ, aˬ yawꞈ loꞈ-ehˇ maˬ muiˬ keuˆ-a.

Yeˬsaˬgeˬlaˇ 31:9

Uˬ laꞈ sahˇ-awˇ aˇ gʼehˇ muiˬ ni, ngaˬ neh jahˇ-awˇ bi muiˬ-euˬ ma. Miˬyehˇ yaˇ kmˇ Eˬdeˬ laꞈ kʼoeˇ, kʼaˇ dehꞈ-eu aˇ bawˇ dawˬ tawˆ luꞈ, aˬ yawꞈ-ahˇ myaˆ naˆ luꞈ-eu meh.

Yeˬsaˬgeˬlaˇ 47:18

“Nahˇ ma doˆ kʼehˬ paw pyawˬ miˇ kaˬ-aˬ, Hawˇlahˬ meuˬ hawˇ-eu Daˬmaˬsehˇ meuˬ yaw kaˬ-ahˇ jaˆ-eu Haˬzaˇeˇnoˬ meuˬ-ahˇ neh, laꞈ oˆ paw pyawˬ-ehˇ Giˇlaˆ miˇ kʼahˬ hawˇ-eu Iˇsaˬleˬlaˆ miˇ kʼahˬ yaw kaˬ-ahˇ yoeˇ ka-eu Yawˇdaˬ lawˇ baˬ caw caw-ehˇ, Shiˇ-eu iˬ ma laˆ shaˆ dawˬ peh jaˆ-eu Taˬmaˬ meuˬ-ahˇ keuˆ ni meh.

Yawˇlaˆ 2:3

Miˬ dzaˬ puiˆ dzaˬ jiˇ-euˬ loꞈ-ehˇ, aˇ bawˇ kʼaˇ ngeuˇ-eu dzaˬ jiˇ-awˇ, aˬ yawꞈ maꞈ iˇ luꞈ-eu mehˬ hu, Eˬdeˬ yaˇ kmˇ loꞈ-ehˇ muiˬ kʼawꞈ, aˬ yawꞈ maꞈ iˇ dzeuˇ-euˬ naˇ kʼah, kʼaˇ shuiꞈ deh yaˇ pyeuꞈ jiˇ-eu meh. Tiˬ jeˬ-iˬ maˬ dzeuˇ-iˇ nya-a.

Dawˬmehˬ 34:3

Yuˇdaˆ miˇ kʼahˬ laꞈ oˆ dzaˬ maˬ ehˇ, Zoˇlaˆ meuˬ-ahˇ neh Yeˬliˇkoˇ meuˬ-ahˇ keuˆ ni jaˆ-eu deh ga maˬ ehˇ, daoˇ aˇ bawˇ dehꞈ-eu meuˬ maˬ ehˇ, mehˬ nehˬ-euˬ meh.