Aˇ dahˬ 12:8 - Akha

⁸ Kʼoeˇ naˇ, laꞈ oˆ paw jaˆ-eu Beˬdeˬlaˇ meuˬ-euˬ nahˇ ma doˆ kʼehˬ paw, gawˬ jawˬ gawˬ duˇ jaˆ-eu jawˇ duˬ-ahˇ aˬ yawꞈ iˇ-awˇ, nahˇ ma ga kʼehˬ paw jaˆ-eu Beˬdeˬlaˇ meuˬ hawˇ-eu, nahˇ ma doˆ kʼehˬ paw jaˆ-eu Aˬiˇ meuˬ-euˬ yaw kaˬ-ahˇ, sehˬ gʼawˆ gʼawˆ-awˇ jawˇ-euˬ meh. Kʼoeˇ gaˇ kʼawꞈ, lawˇ duˬ tiˬ tsahˇ aˬ yawꞈ tsoˆ-awˇ, Sahˬpaˬ Miˬyehˇ-ahˇ uˬ duˬ tahˬ tahˬ-ehˇ jawˇ-euˬ meh.

Aˇ dahˬ 12:8 Σταυροειδείς Αναφορές

Aˇ dahˬ 13:18

Kʼoeˇ naˇ, Aˬbyaˬ luˆ-iˇ-awˇ, Heˬbyoˬ meuˬ dawˬ peh jaˆ-eu Mamˬliˬ aˇ bawˇ bawˇ yaˇ dawˬ peh sehˬ gʼawˆ gʼawˆ-awˇ jawˇ-euˬ meh. Sahˬpaˬ Miˬyehˇ-ahˇ lawˇ-eu shehˇ-eu gʼaˇ duˬ, lawˇ duˬ tiˬ tsahˇ kʼoeˇ gaˇ aˬ yawꞈ tsoˆ-euˬ meh.

Aˇ dahˬ 13:3

Jawˇ duˬ kʼoeˇ tsahˇ-ahˇ aˬ yawꞈ paˇ byehˇ dzeh yaꞈ-awˇ, tiˬ gaˇ saˇ-iˬ tiˬ gaˇ jawˇ jawˇ-ehˇ, Beˬdeˬlaˇ meuˬ paw le daˆ gʼeh leꞈ-euˬ meh. Beˬdeˬlaˇ meuˬ hawˇ-eu Aˬiˇ meuˬ yaw kaˬ-ahˇ jaˆ-eu, yaw beh aˬ yawꞈ sehˬ gʼawˆ gʼawˆ-awˇ tiˬ poˆ jawˇ haw-euˬ jawˇ duˬ-ahˇ, aˬ yawꞈ le keuˆ-euˬ meh.

Aˇ dahˬ 13:4

Jawˇ duˬ kʼoeˇ tsahˇ-aˬ, dzeuˇ laˇ ngeh aˬ yawꞈ neh lawˇ duˬ tiˬ hmˬ tsoˆ taˬ yaꞈ-euˬ jawˇ duˬ pyeuꞈ-eu meh. Kʼoeˇ gaˇ Sahˬpaˬ Miˬ yehˇ-ahˇ aˬ yawꞈ uˬ duˬ tahˬ-euˬ meh.

Aˇ dahˬ 21:33

Kʼoeˇ naˇ, Beˬlaˇsheˬba lehˇ kuˇ-eu jawˇ duˬ kʼoeˇ tsahˇ-ahˇ, Aˬbyaˬhaˬ ciˬ caˬ aˇ behˆ aˇ bawˇ tiˬ bawˇ ka-awˇ, Mˬ maˬ maˬ byaˆ zaˇ ziˇ dehꞈ-eu Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ-euˬ meh.

Aˇ dahˬ 22:9

Miˬyehˇ neh ehˇ taˬ-euˬ jawˇ duˬ kʼoeˇ tsahˇ-ahˇ aˬ nyaꞈ da zaˬ le keuˆ ngeh, Aˬbyaˬhaˬ lawˇ guiˇ tsoˆ-awˇ, miˬ dzaˬ gahˬ daˆ-euˬ meh. Aˬ yawꞈ-euˬ aˬ li-ahˇ aˬ yawꞈ paꞈ cuꞈ-awˇ, lawˇ duˬ kʼoeˇ taˆ gahˬ daˆ taˬ-euˬ miˬ dzaˬ kʼoeˇ taˆ baꞈ daˆ-euˬ meh.

Aˇ dahˬ 26:25

Kʼoeˇ gaˇ, Iˇtsaˆ lawˇ duˬ tiˬ tsahˇ tsoˆ-awˇ, Sahˬpaˬ Miˬyehˇ-ahˇ uˬ duˬ tahˬ-euˬ meh. Aˬ yawꞈ kʼoeˇ gaˇ jawˇ duˬ dah-awˇ, aˬ yawꞈ-euˬ zaˬ kʼaˆ deuˬ lah duˬ tiˬ duˬ paˇ duˬ-euˬ meh.

Aˇ dahˬ 28:19

Jawˇ duˬ kʼoeˇ tsahˇ-ahˇ, Beˬdeˬlaˇ lehˇ aˬ yawꞈ myahˇ nehˬ-euˬ meh. Jawˇ duˬ kʼoeˇ tsahˇ-ahˇ, yaw beh Luˇzaˆ meuˬ lehˇ kuˇ-euˬ meh.

Aˇ dahˬ 31:25

Yaˬkoˆ-aˬ, gawˬ jawˬ tiˬ jawˬ kʼoeˇ taˆ sehˬ gʼawˆ gʼawˆ-awˇ yaꞈ luꞈ-eu meh. Laˬbaˬ gʼaˬ kʼawꞈ, aˬ yawꞈ-euˬ tsawˇ haˬ deuˬ nehˬ-ehˇ tiˬ kawˆ loꞈ-ehˇ, Giˇlaˆ gawˬ jawˬ kʼoeˇ taˆ bawˇ tsahˬ-ahˇ sehˬ gʼawˆ gʼawˆ-awˇ yaꞈ-euˬ meh.

Aˇ dahˬ 33:20

Kʼoeˇ gaˇ lawˇ duˬ tiˬ hmˬ aˬ yawꞈ tsoˆ-awˇ, Iˇsaˬleˬlaˆ Miˬyehˇ-euˬ tsawˇ myahˇ yuˇ-awˇ, jawˇ duˬ kʼoeˇ tsahˇ-ahˇ Eˇloˬheˬ Iˇsaˬleˬlaˆ lehˇ myahˇ nehˬ-euˬ meh.

Aˇ dahˬ 35:3

Aˬ dui maꞈ heu gaˇ neh doˆ-iˇ-awˇ, Beˬdeˬlaˇ-ahˇ jawˇ-iˇ ma. Shaˬ-eu zahˬ-eu jeˬ-ahˇ ngaˇ ya tahˬ puˬ ngeh, ngaˬ-ahˇ caw ba-awˇ, ngaˇ kʼaˇ iˇ kʼaˇ laˇ gaˇ ngaˬ nehˬ-ehˇ jawˇ-eu laꞈ kʼoeˇ, ngaˬ-ahˇ haw piˇ nehˬ laꞈ-eu Miˬyehˇ-euˬ gʼaˇ duˬ, lawˇ duˬ tiˬ tsahˇ kʼoeˇ gaˇ tsoˆ ma.”

Aˇ dahˬ 35:7

Kʼoeˇ gaˇ, lawˇ duˬ tiˬ tsahˇ aˬ yawꞈ tsoˆ-awˇ, jawˇ duˬ kʼoeˇ tsahˇ-ahˇ Beˬdeˬlaˇ Miˬyehˇ-euˬ tsawˇ myahˇ myahˇ nehˬ-euˬ meh. Aˬ jeˬ miˇ neh ehˇ naˇ, aˬ yawꞈ Iˇsawˇ-ahˇ guˆ-awˇ cehˆ luꞈ ngeh, jawˇ duˬ kʼoeˇ tsahˇ-ahˇ, aˬ yawꞈ-euˬ mehˬ shi Miˬyehˇ doˆ le-euˬ meh.

Aˇ dahˬ 4:26

Seˬtaˆ aˬ li tiˬ li jawˇ le-awˇ, Iˇnoˆ lehˇ myahˇ nehˬ-euˬ meh. Aˇ yamˬ kʼoeˇ yamˬ-ahˇ neh aˇ dahˬ beh-awˇ, tsawˇ haˬ zaˬ deuˬ uˬ duˬ tahˬ ngeh, Sahˬpaˬ Miˬyehˇ-euˬ muiˬ-eu shawˇ-eu tsawˇ myahˇ-ahˇ kuˇ kuˇ-ehˇ uˬ duˬ tahˬ-euˬ meh.

Aˇ dahˬ 8:20

Sahˬpaˬ Miˬyehˇ-ahˇ lawˇ-eu shehˇ-eu gʼaˇ duˬ, lawˇ duˬ tiˬ tsahˇ Noˇaˬ tsoˆ-euˬ meh. Zahˇ jahˇ gaˇ geuꞈ nya-eu jeˬ zaˬ aˇ jiˇ yaw shawˇ jeˬ dawˬ tawˆ luꞈ laꞈ kʼoeˇ, tiˬ jeˬ-euˬ tiˬ gu yuˇ-awˇ, gʼawˇ mawˇ mawˇ lah-ehˇ lawˇ duˬ kʼoeˇ taˆ dzah puiˆ-awˇ lawˇ-euˬ meh.

Neˬhaˬmiˇ 11:31

Beˬyaˬmiˬ tsawˇ jeuˬ-aˬ, Geˬbaˬ meuˬ, Miˇkaˬmaˆ meuˬ, Aˬiˇ meuˬ, Beˬdeˬlaˇ meuˬ hawˇ-eu kʼoeˇ-euˬ tahˬ gʼoꞈ tahˬ jawˇ jaˆ-eu pu deuˬ,

Jaceuq 116:4

Kʼoeˇ ngeh Sahˬpaˬ Miˬyehˇ-ahˇ ngaˇ kuˇ-awˇ, “Sahˬpaˬ Miˬyehˇ-oˇ, ngaˬ-ahˇ ka kʼoꞈ nehˬ laꞈ” lehˇ shaˇ-euˬ ma.

Doˆ-iˇ 17:15

Moˇseˬ lawˇ duˬ tiˬ tsahˇ tsoˆ-awˇ, lawˇ duˬ kʼoeˇ hmˬ-ahˇ, ‘Sahˬpaˬ Miˬyehˇ-aˬ, ngaˬ-euˬ Paˇloˬpaˇlehˇ pyeuꞈ-eu meh’ lehˇ myahˇ nehˬ-euˬ meh.

Iˇsaˬyaˇ 10:28

Aˬ yawꞈ maꞈ Aˬiˇ meuˬ-ahˇ uˇ le-euˬ meh. Aˬ yawꞈ maꞈ Miˇgaˬloˬ meuˬ oe dzeuˇ-awˇ, Miˇkaˬmaˆ meuˬ-ahˇ kʼaˆ behˆ taˬ yaꞈ-euˬ meh.

Yawˇlaˆ 2:32

Sahˬpaˬ Miˬyehˇ-euˬ tsawˇ myahˇ-ahˇ, kuˇ-eu tsawˇ haˬ yawˬ gʼaˬ na luꞈ, ka kʼoꞈ-eu jeˬ-ahˇ za tehꞈ-a. Sahˬpaˬ Miˬyehˇ ehˇ taˬ-euˬ-aˬ. ‘Yeˬluˇsaˬlehˬ meuˬ-ahˇ jawˇ-eu, tiˬ paˆ na deuˬ ya dzeuˇ-iˇ-awˇ, ngaˬ neh tseˇ doˆ taˬ-euˬ kʼoeˇdeuˬ, buˬ-iˇ law-iˇ dzeuˇ-iˇ tehꞈ-a.’ ”

Gʼaˬkʼehˇ 2:21

Kʼoeˇ ngeh, ‘Caw ba nehˬ laꞈ-awˬ’ lehˇ, SahˬpaˬMiˬyehˇ-ahˇ kuˇ-eu deuˬ, ka kʼoꞈ nehˬ-eu jeˬ za tehꞈ-a.’

1 Gawˇliˬtu 1:2

Miˬyehˇ-euˬ muiˬ-eu shawˇ-eu tsawˇ haˬ bi geuꞈ-eu gʼaˇ duˬ bi kuˇ doˆ-awˇ, aˬ dui-euˬ Sahˬpaˬ Yeˬsuˇ ka li-ahˇ uˬ duˬ kʼaˇ tahˬ-eu yawˬ gaˇ na luꞈ jawˇ-eu tsawˇ haˬ dawˬ tawˆ luꞈ nehˬ-ehˇ tiˬ kawˆ loꞈ-ehˇ, aˬ dui-euˬ Sahˬpaˬ hawˇ-eu aˬ yawꞈ maꞈ-euˬ Sahˬpaˬ pyeuꞈ-eu Yeˬsuˇ Ka li laꞈ kʼoeˇ Miˬyehˇ-euˬ tsawˇ haˬ pyeuꞈ laˇ-euˬ Gawˇliˬtu meuˬ-ahˇ jawˇ-eu Ka li zaˬ aˇ muˇ jawˇ gaˇ sahˬ boꞈ boꞈ ahˇ laꞈ-eu ma.

HeˬByehˇ 11:9

Miˬyehˇ neh saˇ jaˇ dzaˬ taˬ-euˬ maˬ siˬ maˬ suˇ-eu miˇ kʼahˬ-ahˇ aˬ yawꞈ jawˇ-euˬ kʼoeˇ-aˬ, jah-eu jeˬ baˬ da neh meh. Aˬ yawꞈ-ahˇ duˇ ni Miˬyehˇ neh saˇ jaˇ dzaˬ-euˬ jeˬ-ahˇ za-euˬ Iˇtsaˆ hawˇ-eu Yaˬkoˆ loꞈ-ehˇ, sehˬ gʼawˆ gʼawˆ gʼawˆ-ehˇ aˬ yawꞈ jawˇ-euˬ meh.

Yawˇshuˆ 18:22

Behˬaˬlaˬbahˬ meuˬ, Zeˬmaˬleˬ meuˬ, Beˬdeˬlaˇ meuˬ,

Yawˇshuˆ 22:10

Luˇbeˬ tsawˇ jeuˬ, Gaˆ tsawˇ jeuˬ hawˇ-eu, nahˇ ma doˆ kʼehˬ paw baˬ-ahˇ jawˇ-eu Maˬnaˇseˬ tsawˇ jeuˬ deuˬ, yawˇ daˬ lawˇ baˬ nahˇ ma ga kʼehˬ paw jaˆ-eu Geˬliˇlawˆ meuˬ-ahˇ oe keuˆ ngeh, lawˇ baˬ lawˇ deh-ahˇ huiˬ dui dui-eu lawˇ duˬ tiˬ hmˬ gawˬ-euˬ meh.

Yawˇshuˆ 7:2

Yawˇshuˆ-aˬ, Yeˬliˇkoˇ meuˬ-ahˇ neh, Behˬdaˬbeˬ meuˬ dawˬ peh Beˬdeˬlaˇ meuˬ-euˬ nahˇ ma doˆ kʼehˬ paw jaˆ-eu Aˬiˇ meuˬ-ahˇ tsawˇ haˬ tiˬ deuˬ pyehˬ gʼeh-awˇ, miˇ kʼahˬ kʼoeˇ kʼahˬ-ahˇ bi kʼoeˬ sho haw-iˇ-euˬ meh. Aˬ yawꞈ maꞈ kʼoeˬ sho haw-iˇ gʼaˬ ngeh,

Yawˇshuˆ 8:12

Tsawˇ haˬ ngaˬ heˇ gʼaˬ aˬ yawꞈ tseˇ doˆ-awˇ, meuˬ-euˬ nahˇ ma doˆ kʼehˬ paw, Aˬiˇ meuˬ hawˇ-eu Beˬdeˬlaˇ meuˬ yaw kaˬ-ahˇ bi dzuˇ zaꞈ-euˬ meh.

Yawˇshuˆ 8:17

Aˬiˇ meuˬ-ahˇ kʼaˇ jawˇ-eu tsawˇ haˬ yawˬ gʼaˬ na luꞈ, Iˇsaˬleˬlaˆ tsawˇ haˬ deuˬ-euˬ mehˬ nah teh le jiˇ-awˇ, meuˬ-euˬ lahˇ kʼehˬ pah dzeh yaꞈ-awˇ, loꞈ piˇ-eu tsawˇ haˬ tiˬ gʼaˬ-iˬ maˬ jawˇ ni bi jaˆ yaꞈ-euˬ meh.

Yawˇshuˆ 8:3

Kʼoeˇ naˇ, Yawˇshuˆ-aˬ, aˬ yawꞈ-euˬ yehˇ dawˬ tawˆ luꞈ nehˬ-ehˇ Aˬiˇ meuˬ-ahˇ le-eu lehˇ lehˬ hmˬ dah-euˬ meh. Nya dui dui-eu yehˇ smˬ muiˇ gʼaˬ aˬ yawꞈ tseˇ doˆ-awˇ, uˬ ciꞈ paw meuˬ kʼoeˇ meuˬ-ahˇ pyehˬ gʼeh-euˬ meh.

Yawˇshuˆ 8:30

Kʼoeˇ naˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ gʼaˇ duˬ, Eˇbaˬlaˇ gawˬ jawˬ kʼoeˇ taˆ, lawˇ duˬ ti tsahˇ Yawˇshuˆ gawˬ-euˬ meh.

Yawˇshuˆ 8:9

Kʼoeˇ naˇ, Yawˇshuˆ aˬ yawꞈ maꞈ-ahˇ pyehˬ gʼeh ngeh, Aˬiˇ meuˬ-euˬ nahˇ ma doˆ kʼehˬ paw aˬ yawꞈ maꞈ le-awˇ, Aˬiˇ meuˬ hawˇ-eu Beˬdeˬlaˇ meuˬ yaw kaˬ-ahˇ dzuˇ zaꞈ leˇ-euˬ meh.

Yaˇ kʼaˬ daˇ 6:24

Sahˬpaˬ Miˬyehˇ gʼaˇ duˬ, Giˇdoˬ kʼoeˇ gaˇ lawˇ duˬ tiˬ hmˬ gawˬ-awˇ, “Sahˬpaˬ Miˬyehˇ-aˬ, nui saˇ oꞈ-eu jeˬ pyeuꞈ-eu meh” lehˇ myahˇ nehˬ-euˬ meh. (Lawˇ duˬ kʼoeˇ hmˬ-aˬ, Aˬbyeˇzaˬ aˇ jeuˬ-euˬ Awˇpaˬlaˇ pu-ahˇ iˬ nah keuˆ ni jaˆ luꞈ meh.)

1 Saˬmeuˬlaˆ 30:27

Aˬ yawꞈ neh laꞈ sawˬ biꞈ-euˬ tsawˇ haˬ deuˬ-aˬ, Beˬdeˬlaˇ meuˬ-ahˇ jawˇ-eu tsawˇ haˬ deuˬ, Yuˇdaˆ miˇ kʼahˬ laꞈ oˆ dzaˬ-ahˇ jaˆ-eu Laˬmahˇ meuˬ-ahˇ jawˇ-eu tsawˇ haˬ deuˬ, Yaˬtiˇlaˆ meuˬ-ahˇ jawˇ-eu tsawˇ haˬ deuˬ,