Aˇ dahˬ 12:5 - Akha

⁵ Aˬbyaˬ-aˬ, aˬ yawꞈ-euˬ miˬ zaˬ Saˬlehˇ hawˇ-eu aˬ yawꞈ-euˬ aˬ duˇ Lawˇtaˬ-ahˇ sheuˬ-awˇ, Kaˬnaˬ miˇ kʼahˬ-ahˇ iˇ-euˬ meh. Haˬlaˬ meuˬ-ahˇ jawˇ ngeh, aˬ yawꞈ neh mˇ jaˆ-euˬ pyuˇ shuiˇ myawˬ gahˬ dawˬ tawˆ luꞈ yuˇ gʼeh-awˇ, zaˬ kʼaˆ dawˬ tawˆ luꞈ sheuˬ gʼeh-euˬ meh. Aˬ yawꞈ maꞈ Kaˬnaˬ miˇ kʼahˬ-ahˇ iˇ keuˆ ngeh,

Aˇ dahˬ 12:5 Σταυροειδείς Αναφορές

Aˇ dahˬ 10:19

Kaˬnaˬ tsawˇ jeuˬ heu deuˬ-aˬ, Siˇdoˬ meuˬ-ahˇ neh laꞈ oˆ paw Gaˬzaˬ meuˬ dawˬ peh jaˆ-eu Geˬlawˬ meuˬ-ahˇ keuˆ ni maˬ ehˇ, nahˇ ma doˆ kʼehˬ paw, Sawˇdoˬ meuˬ, Gawˇmawˇlaˆ meuˬ, Aˬdaˬmaˬ meuˬ heu deuˬ hawˇ-eu, Laˬshaˬ meuˬ dawˬ peh jaˆ-eu Zeˬbaiˬ meuˬ-ahˇ keuˆ ni maˬ ehˇ, jawˇ byah jiˇ-euˬ meh.

Aˇ dahˬ 11:27

Heu deuˬ-aˬ, Aˬbyaˬ, Naˬkawˬ, Haˬlaˬ aˬ ha mehˇ nmˇ-euˬ aˬ da pyeuꞈ-eu Teˬlah-euˬ zaˬ deuˬ uˆ deuˬ meh. Haˬlaˬ-aˬ, Lawˇtaˬ-euˬ aˬ da meh.

Aˇ dahˬ 11:31

Teˬlah-aˬ, aˬ yawꞈ-euˬ aˬ li Aˬbyaˬ, Haˬlaˬ-euˬ aˬ li aˬ yawꞈ-euˬ oeˬ paˬ Lawˇtaˬ, Aˬbyaˬ-euˬ miˬ zaˬ pyeuꞈ-eu aˬ yawꞈ-euˬ kuiˬ ma Saˬlehˇ aˬ ha maꞈ-ahˇ sheuˬ-awˇ, Baˬbuˇloˬ miˇ kʼahˬ Uˇlaˆ meuˬ-ahˇ neh doˆ le-awˇ, Kaˬnaˬ miˇ kʼahˬ-ahˇ jawˇ-iˇ-euˬ meh. Haˬlaˬ meuˬ-ahˇ keuˆ ni aˬ yawꞈ maꞈ iˇ gʼeh-awˇ, kʼoeˇ gaˇ jawˇ duˬ dah-euˬ meh.

Aˇ dahˬ 13:5

Lawˇtaˬ gʼaˬ kʼawꞈ, yawˇ maˬ ehˇ, ciꞈ myehꞈ maˬ ehˇ, mawˇ neˇ maˬ ehˇ, gʼawˬ mya ni jawˇ-awˇ, yawˬ ha-euˬ nymˇ jiˇ yawˬ ha baw-eu uˬ taꞈ, zaˬ kʼaˆ kʼawꞈ cu taˬ-euˬ meh.

Aˇ dahˬ 13:6

Aˬ nyaꞈ uiˬ zaˬ jeˬ zaˬ aˇ dzehˬ myaˬ dzeuˇ-eu miˇ neh, nyiˬ gʼaˬ luꞈ tiˬ gaˇ tehꞈ-ehˇ jawˇ-eu gʼaˇ duˬ, jeˬ zaˬ jawˇ kʼahˬ maˬ jeˇ-a.

Aˇ dahˬ 14:14

Lawˇtaˬ-ahˇ aˬ cawˬ nyehꞈ gʼeh-euˬ gaˇ kawˆ Aˬbyaˬ ya gaˬ ngeh, aˬ yawꞈ nehˬ-ehˇ jawˇ-eu guiˇ kʼaˇ deuˆ nya-eu tsawˇ haˬ deuˬ kuˇ uiˬ-euˬ meh. Guiˇ deuˆ-eu tsawˇ haˬ dawˬ tawˆ luꞈ smˬ yaˇ tseˇ yehꞈ gʼaˬ doˆ laˇ-awˇ, sahˬ paˬ kʼoeˇ oeˬ gʼaˬ-euˬ mehˬ nah Daˬ meuˬ-ahˇ keuˆ ni caw teh-euˬ meh.

Aˇ dahˬ 14:21

Kʼoeˇ naˇ, Aˬbyaˬ-ahˇ Sawˇdoˬ sahˬ paˬ ehˇ-eu, “Kʼaˇ za kʼoꞈ-euˬ pyuˇ shuiˇ myawˬ gahˬ dawˬ tawˆ luꞈ nawˇ geuꞈ jiˇ-awˬ. Ngaˬ-ahˇ ngaˬ-euˬ tsawˇ haˬ bi sheuˬ kʼoꞈ laꞈ naˇ gʼaˬ-aˇ.”

Aˇ dahˬ 28:10

Yaˬkoˆ-aˬ, Beˬlaˇsheˬba-ahˇ neh doˆ-iˇ-awˇ, Haˬlaˬ meuˬ paw iˇ gʼeh-euˬ meh.

Aˇ dahˬ 36:6

Iˇsawˇ-aˬ, aˬ yawꞈ-euˬ miˬ sawˇ zaˬ dawˬ tawˆ luꞈ hawˇ-eu, aˬ yawꞈ-euˬ tsawˇ haˬ dawˬ tawˆ luꞈ sheuˬ-awˇ, aˬ yawꞈ-euˬ jeˬ zaˬ dawˬ tawˆ luꞈ teh-awˇ, Kaˬnaˬ miˇ kʼahˬ-ahˇ jawˇ ngeh aˬ yawꞈ neh kʼaˇ mˇ kʼaˇ shaˇ za-euˬ pyuˇ shuiˇ myawˬ gahˬ dawˬ tawˆ luꞈ kʼawꞈ yuˇ-awˇ, Yaˬkoˆ jawˇ gaˇ neh gaˇ mahˇ kaˬ-eu miˇ kʼahˬ-ahˇ jawˇ-iˇ-eu lehˇ doˆ-iˇ-euˬ meh.

Uˬ duˬ 22:11

Ehˇ kʼawꞈ, piˇ ma neh zeuˇ tsehˆ gʼaˬ-euˬ zaˬ kʼaˆ maˬ ehˇ, piˇ ma-euˬ nymˇ-ahˇ dehꞈ le-euˬ zaˬ kʼaˆ maˬ ehˇ, piˇ ma-euˬ dzaˇ deuˬ dzaˬ kʼmˬ meh.

Gʼaˬkʼehˇ 7:4

Kʼoeˇ miˇ neh, aˬ yawꞈ-euˬ miˇ kʼahˬ-ahˇ aˬ yawꞈ byehˇ dzeh yaꞈ-awˇ, Haˬlaˬ meuˬ-ahˇ jawˇ-iˇ-euˬ meh. Aˬbyaˬhaˬ-euˬ aˬ da shiˇ dzeuˇ ngeh jawˇ, iˬ nah naw maꞈ jawˇ luꞈ-eu miˇ kʼahˬ heu kʼahˬ laꞈ kʼoeˇ, Miˬyehˇ neh aˬ yawꞈ-ahˇ paˇ bi jawˇ laˇ-euˬ meh.