Aˇ dahˬ 1:16 - Akha

¹⁶ Aˬ cawˬ naˆ maˬ tseˇ huiˬ dzehˬ-eu yaw shehꞈ nyiˬ hmˬ pyeuꞈ-eu, nahˇ ma hawˇ-eu ba la-ahˇ Miˬyehˇ beh-awˇ, nah hawˇ-eu miˇ-ahˇ bi uˆ lahˇ-euˬ meh. Aˬ guiˇ deuˬ-ahˇ kʼawꞈ aˬ yawꞈ beh-euˬ meh.

Aˇ dahˬ 1:16 Σταυροειδείς Αναφορές

Aˇ dahˬ 1:15

Yaw shehꞈ kʼoeˇ deuˬ miˇ tsaˬ kʼoeˇ taˆ bya le-awˬ” lehˇ Miˬyehˇ dawˬ biꞈ ngeh, kʼoeˇ loꞈ-ehˇ pyeuꞈ laˇ-euˬ meh.

Yawˇbaˆ 31:26

Yaw shehꞈ bya-eu nahˇ ma hawˇ-eu aˇ gʼehˇ muiˬ-eu ba la-ahˇ, ngaˇ tiˬ jawˇ-iˬ uˬ duˬ maˬ tahˬ haw-aˬ.

Yawˇbaˆ 38:7

Kʼoeˇ ngeh nah uˬ bya bya laˇ ngeh, aˬ guiˇ deuˬ tiˬ kawˆ loꞈ-ehˇ caˇ dawˬ caˇ-awˇ, mˬ taˆ gʼaˬ kʼehˇ deuˬ laˬ kʼaˬ cehˇ-awˇ guˇ-euˬ meh.

Jaceuq 148:3

Nahˇ ma ba la dawˬ tawˆ luꞈ aˬ yawꞈ-ahˇ ja ceuˬ-awˬ. Aˬ guiˇ kʼaˇ tsehˬ-eu dawˬ tawˆ luꞈ aˬ yawꞈ-ahˇ ja ceuˬ-awˬ.

Jaceuq 148:5

Kʼoeˇ deuˬ dawˬ tawˆ luꞈ Sahˬpaˬ Miˬyehˇ-ahˇ ja ceuˬ luꞈ-uˇ. Aˬ yawꞈ-euˬ kʼaˬ meh neh dawˬ biꞈ-awˇ, aˬ yawꞈ maꞈ-ahˇ beh-euˬ meh.

Jaceuq 19:6

Mˬdzeˇ-ahˇdoˆdahˬbeh laˇ-awˇ, miˇdzeˇkeuˆni iˇgʼeh-eu meh. Yawꞈ-euˬyaw shehꞈlahˇdui dui gaˇ, dzuˇzaꞈnya-eu jeˬ maˬjaˆ-a.

Jaceuq 74:16

Nah hawˇ-eu miˇ-ahˇ nawˬ neh beh-awˇ, nahˇ ma hawˇ-eu ba la-ahˇ nawˇ ciꞈ tsaˬ taˬ-euˬ meh.

Jaceuq 8:3

Nawˬ-euˬkuiˇzaˇlaꞈzaˇ pyeuꞈ-eu, nawˬ-euˬmˬ-ahˇgʼawˇleuˇhaw-awˇ, nawˬneh ciˬceuˬbyah jiˇtaˬ-euˬ, ba la aˬguiˇdeuˬ-ahˇ haw ngeh,

Iˇsaˬyaˇ 13:10

Mˬ taˆ aˬ guiˇ dawˬ tawˆ miˆ kʼaꞈ jiˇ-awˇ, nahˇ ma doˆ laˇ ngeh yaw shehꞈ maˬ bya-ehˇ, ba la tsehˬ ngeh zahˇ tsui ni jaˆ tehꞈ-a.

Iˇsaˬyaˇ 24:23

Baoˬ huiˬ-eu Sahˬpaˬ Miˬyehˇ uˆ lahˇ-eu miˇ neh, ba la yaw zahˇ zahˇ iˇ-awˇ, nahˇ ma yaw shehꞈ maˬ bya-ehˇ pyeuꞈ-iˇ tehꞈ-a. Ziˇoˬ gawˬ jawˬ-ahˇ aˬ yawꞈ maꞈ nuiˇ-awˇ, Yeˬluˇsaˬlehˬ meuˬ-ahˇ uˆ lahˇ ngeh jawˇ, miˇ kʼahˬ zaˬ-euˬ aˬ yuiꞈ aˬ tsu deuˬ, aˬ yawꞈ-euˬ yaw shehꞈ kʼahˬ sehˇ ya mawˇ tehꞈ-a.

Iˇsaˬyaˇ 40:26

Mˬ-ahˇ gʼawˇ leuˇ haw sheˇ. Aˬ guiˇ kʼoeˇ deuˬ-ahˇ aˬ suˇ gʼaˬ beh taˬ ta. Aˬ yawꞈ maꞈ-ahˇ guiˇ maꞈ loꞈ-ehˇ sheuˬ gʼeh-eu gʼaˬ neh beh-euˬ meh. Aˬ guiˇ dawˬ tawˆ luꞈ aˬ yawꞈ siˬ jiˇ-awˇ, yawˬ siˬ na luꞈ tsawˇ myahˇ biꞈ doe-euˬ meh. Aˬ yawꞈ-euˬ baoˬ huiˬ dui dui-eu miˇ neh, aˬ guiˇ tiˬ siˬ-iˬ maˬ ga teˬ-iˇ-a.

Iˇsaˬyaˇ 45:7

Yaw shehꞈ hawˇ-eu yaw zahˇ nyiˬ jeˬ luꞈ-ahˇ, ngaˬ neh beh taˬ-euˬ ma. Lahˬ hawˇ-eu dawˇ nyiˬ jeˬ luꞈ-ahˇ, ngaˇ bi keuˆ le-eu ma. Sahˬpaˬ Miˬyehˇ pyeuꞈ-eu ngaˇ-aˬ, heu dawˬ tawˆ luꞈ mˇ jiˇ-eu yaw sahˇ ma.

Yeˬlaˬmiˇ 31:35

Nah gʼahˇ paw bi bya-eu gʼaˇ duˬ, Sahˬpaˬ Miˬyehˇ nahˇ ma biꞈ-awˇ, uˬ ciꞈ paw bi bya-eu gʼaˇ duˬ, ba la hawˇ-eu aˬ guiˇ biꞈ taˬ-euˬ meh. Iˬ ma laˆ shaˆ-ahˇ aˬ yawꞈ sheu nyeh-awˇ, iˇ luˆ dzeh-awˇ bi mahˇ-euˬ meh. Aˬ yawꞈ-euˬ tsawˇ myahˇ-aˬ, Baoˬ huiˬ-eu Sahˬpaˬ Miˬyehˇ meh.

Haˬbaˬkuˆ 3:11

Nawˬ-euˬ kaˆ myaˬ mˬ myawꞈ myawꞈ-awˇ, nawˬ-euˬ gahˬ naˇ guiˇ guiˇ laˇ gaˇ, ba la nahˇ ma naˬ leˇ-euˬ meh.

Maꞈtehˬ 24:29

“Guˆ-eu gaˆ-eu aˇ nah aˇ yamˬ kʼoeˇ keuˆ le gʼaˬ-euˬ nehˬ-ehˇ, nahˇ ma zahˇ tsui ni pyeuꞈ-iˇ-awˇ, ba la yaw shehꞈ maˬ paˇ bya-ehˇ, aˬ guiˇ deuˬ mˬ kʼoeˇ taˆ neh ga ka le-awˇ, mˬ kʼoeˇ taˆ-euˬ baoˬ dawˬ tawˆ luꞈ nyeh laˇ yaˇ laˇ jiˇ tehꞈ-a.

Maꞈtehˬ 27:45

Nah loˆ ceh laˇ ngeh, miˇ kʼahˬ kʼoeˇ kʼahˬ kʼahˬ lah-ehˇ zahˇ tsui ni pyeuꞈ-iˇ-awˇ, yaw zahˇ kʼoeˇ naˬ liˬ smˇ laꞈ byah ni jaˆ-euˬ meh.

1 Gawˇliˬtu 15:41

Nahˇ ma kʼawꞈ, haw muiˬ-eu tiˬ jeˬ ahˇ-awˇ, ba la kʼawꞈ haw muiˬ-eu tiˬ jeˬ ahˇ-eu meh. Aˬ guiˇ kʼawꞈ, aˬ cawˬ-ahˇ maˬ duˇ leˇ-eu haw muiˬ-eu tiˬ jeˬ ahˇ-eu meh. Aˬ guiˇ tiˬ siˬ tiˇ siˬ kʼawꞈ, haw muiˬ-eu maˬ duˇ leˇ-a.

Dawˬmehˬ 4:19

Muˇ juˇ juˇ-eu mehˬ nah caw teh-awˇ, mˬ kʼoeˇ taˆ ya mawˇ-eu nahˇ ma, ba la hawˇ-eu aˬ guiˇ deuˬ-ahˇ uˬ duˬ maˬ ya tahˬ ni yahˇ-awˬ. Kʼoeˇ deuˬ-aˬ, aˬ cawˬ tsawˇ jeuˬ deuˬ uˬ duˬ bi tahˬ-eu lehˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh biꞈ taˬ-euˬ jeˬ pyeuꞈ-eu meh.

Panmaeq 21:23

Meuˬ kʼoeˇ meuˬ-aˬ, nahˇ ma hawˇ-eu ba la-euˬ yaw shehꞈ maˬ loˬ-a. Aˬ jeˬ miˇ neh ehˇ naˇ, Miˬyehˇ-euˬ yaw shehꞈ kʼahˬ sehˇ kʼoeˇ gaˇ bya-awˇ, Yawˇzaˬ-aˬ, meuˬ kʼoeˇ meuˬ-euˬ tsiˇ kʼmˬ pyeuꞈ-eu meh.