Aˇ dahˬ 1:12 - Akha

¹² Miˇ tsaˬ kʼoeˇ taˆ sahˬ lahˬ aˇ bawˇ deuˬ dehꞈ laˇ-euˬ gaˇ Miˬyehˇ ya mawˇ ngeh, nui kʼahˇ shiˇ-euˬ meh.

Aˇ dahˬ 1:12 Σταυροειδείς Αναφορές

Aˇ dahˬ 1:11

Kʼoeˇ naˇ, Aˇ siˬ kʼaˇ siˬ le nya-awˇ, aˇ nuiˆ kʼaˇ nuiˆ le nya-eu aˇ bawˇ deuˬ hawˇ-eu, sahˬ lahˬ aˇ bawˇ dawˬ tawˆ luꞈ miˇ tsaˬ kʼoeˇ taˆ dehꞈ laˇ-awˬ lehˇ Miˬyehˇ dawˬ biꞈ ngeh, kʼoeˇ loꞈ-ehˇ pyeuꞈ laˇ-euˬ meh.

Aˇ dahˬ 1:13

Uˬ ciꞈ kʼoeˇ miˇ buˬ-iˇ-awˇ uˬ shawˬ keuˆ le ngeh, smˬ nah tiˬ nah dzeuˇ-iˇ-euˬ meh.

Jaceuq 104:14

Jeˬ zaˬ gʼaˇ duˬ yaˇ moꞈ nawˇ bi dehꞈ-awˇ, tsawˇ haˬ zaˬ zmˬ-eu gʼaˇ duˬ aˇ bawˇ hawˇ-eu, ka dzaˬ-eu gʼaˇ duˬ dzaˬ la gʼo cehˇ bi dehꞈ-eu meh.

Iˇsaˬyaˇ 61:11

Aˇ yoeˬ-ahˇ aˇ bawˇ dehꞈ laˇ-eu yaw duˬ baw-eu loꞈ-ehˇ, Dawˬ tawˆ kʼoeˇ taˆ uˆ lahˇ luꞈ-eu Sahˬpaˬ Miˬyehˇ, aˬ yawꞈ-euˬ tsawˇ jeuˬ-ahˇ ka kʼoꞈ nehˬ-eu yaw duˬ baw-awˇ, tsawˇ jeuˬ dawˬ tawˆ luꞈ aˬ yawꞈ-ahˇ ja ceuˬ tehꞈ-a.

Maˬkuˆ 4:28

Miˇ tsaˬ neh aˇ bawˬ bi mehˇ laˇ-awˇ, cehˇ nmˇ bi nmˇ le-eu meh.Yaw beh gʼo doˆ doˆ laˇ-awˇ, cehˇ nmˇ nmˇ le gʼaˬ ngeh, cehˇ iˬ maˇ le-awˇ, ga gʼm-iˇ-eu meh.

Luˇkaꞈ 6:44

Aˬ gah baw duˆ-ahˇ siˬ guˬ aˇ siˬ maˬ pyaˆ haw-aˬ. Aˬ gah laꞈ cehˇ baw duˆ-ahˇ aˬ gaꞈ aˇ siˬ maˬ pyaˆ haw-aˬ.

2 Gawˇliˬtu 9:10

Ka-eu gʼaˇ duˬ siˬ yoeˬ hawˇ-eu dzaˬ-eu gʼaˇ duˬ kaˬ muˇ biꞈ-eu Miˬyehˇ-aˬ, naw maꞈ damˬ-eu jeˬ-ahˇ taꞈ leˇ-eu loˬ-eu siˬ yoeˬ nuiˆ yoeˬ dawˬ tawˆ luꞈ biꞈ nehˬ laꞈ-eu uˬ taꞈ, naw maꞈ nui ma keuˆ-awˇ damˬ-eu jeˬ siˬ le loˆ le-awˇ gʼawˬ mya ni za laˇ ni caw ba tehꞈ-a.

Gaˬlaˬtiˆ 6:7

Naw maꞈ taˬ noeˬ lehˬ. Tsawˇ haˬ tiˬ gʼaˬ-iˬ Miˬyehˇ-ahˇ maˬ myawꞈ dzeuˇ nya-a. Yawˬ ha neh kʼaˇ sehˬ-euˬ jeˬ yawˬ ha ya yehˬ-eu meh.

HeˬByehˇ 6:7

Uˬ yehˇ uiˇ dawˇ-awˇ mˇ dzaˬ kʼawꞈ dawˇ-eu deuˬ gʼaˇ duˬ gaˇ dahˇ tsoeˬ-eu sahˬ lahˬ bi dehꞈ laˇ-eu miˇ tsaˬ-ahˇ Miˬyehˇ guiˬ lahˬ biꞈ-eu meh.