2 Saˬmeuˬlaˆ 9:6 - Akha

⁶ Sawˇluˆ-euˬ aˬ li Yawˇnaˆshaˬ-euˬ aˬ li Meˬpiˇbawˇshehˆ laˇ keuˆ-awˇ, Daˬbiˇ-euˬ mehˬ shi awˆ byaˆ-awˇ yaw zeu baw nehˬ-euˬ meh. “Nawˇ Meˬpiˇbawˇshehˆ ma loˇ” lehˇ Daˬbiˇ naˇ haˬ ngeh, “Ngeuˇ ma” lehˇ aˬ yawꞈ ehˇ-eu meh.

2 Saˬmeuˬlaˆ 9:6 Σταυροειδείς Αναφορές

Aˇ dahˬ 18:2

Aˬ yawꞈ haw gʼeh leꞈ ngeh, tsawˇ haˬ smˇ gʼaˬ yawꞈ luꞈ gaˇ ya mawˇ-euˬ meh. Tsawˇ haˬ kʼoeˇ smˇ gʼaˬ-ahˇ aˬ yawꞈ ya mawˇ ngeh, tiˬ poˆ tehꞈ-ehˇ coeˬ doˆ gʼeh-awˇ ha laˬ leˇ-euˬ meh. Aˬbyaˬhaˬ pawˬ tsuiꞈ pawˬ dmˬ dmˬ-awˇ, baˬ ba miˇ tsa tuˆ ni awˆ byaˆ-eu laꞈ kʼoeˇ, heu loꞈ-ehˇ ehˇ-eu meh.

Aˇ dahˬ 33:3

Yaˬkoˆ gʼaˬ mehˬ hu hu saˬ cah-awˇ, Iˇsawˇ-euˬ dawˬ peh iˇ keuˆ ngeh, pawˬ tsuiꞈ pawˬ dmˬ dmˬ-awˇ, shiꞈ poˆ keuˆ ni uˬ duˬ miˇ tsa tuˆ ni awˆ byaˆ-eu laꞈ kʼoeˇ, yaw zeu baw nehˬ-euˬ meh.

2 Saˬmeuˬlaˆ 1:7

Kʼoeˇ ngeh, aˬ yawꞈ ngaˇ jawˇ paw ciˬ pyawˇ leꞈ-awˇ, ngaˬ-ahˇ haw mawˇ-awˇ kuˇ-eu miˇ neh, ngaˇ gʼeh aˬ yawꞈ-ahˇ guˇ cawˬ nehˬ-euˬ ma.

2 Saˬmeuˬlaˆ 16:4

Kʼoeˇ ngeh, sahˬ paˬ ehˇ-eu, “Meˬpiˇbawˇshehˆ kʼaˇ jaˆ-eu jeˬ dawˬ tawˆ luꞈ, nawˬ-euˬ pyeuꞈ-eu meh.” Ziˇbaˬ ehˇ-eu, “Sahˬ paˬ-oˇ, ngaˇ-aˬ nawˬ-euˬ zaˬ kʼaˆ pyeuꞈ-eu ma. Ngaˇ nawˬ-euˬ mehˬ shi aˬ myah luꞈ myaˆ pyawˬ naˇ mehˇ jaˆ luꞈ-uˇ.”

2 Saˬmeuˬlaˆ 21:7

Ehˇ kʼawꞈ, Yawˇnaˆshaˬ-euˬ aˬ li pyeuꞈ-eu Sawˇluˆ-euˬ oeˬ paˬ Meˬpiˇbawˇshehˆ gʼaˬ-ahˇ Daˬbiˇ bi dzeuˇ-iˇ-euˬ meh. Aˬ jeˬ miˇ neh ehˇ naˇ, Yawˇnaˆshaˬ aˬ yawꞈ nyaꞈ yaw kaˬ muiˬ-eu shawˇ-eu saˇ jaˇ dzaˬ taˬ-eu jaˆ-eu meh.

2 Saˬmeuˬlaˆ 4:4

Sawˇluˆ-euˬ aˬ li Yawˇnaˆshaˬ o neh aˬ li tiˬ li jawˇ yaꞈ-euˬ meh. Aˬ li kʼoeˇ li-aˬ, kuiˇ shiˇ shiˇ-eu tsawˇ haˬ meh. Sawˇluˆ hawˇ-eu Yawˇnaˆshaˬ aˬ nyaꞈ da zaˬ shiˇ-euˬ gaˇ kawˆ Yeˬzaˬleˬlaˇ meuˬ-ahˇ gaˬ keuˆ laˇ ngeh, aˬ yawꞈ-euˬ aˇ kʼoꞈ ngaˬ kʼoꞈ byah-eu meh. Kʼoeˇ ngeh, aˬ yawꞈ-ahˇ haw-eu zaˬ miˬ zaˬ gʼaˬ neh, aˬ yawꞈ-ahˇ ciˬ-awˇ cehˆ-euˬ meh. Ehˇ kʼawꞈ, tehˬ law tsaˇ law-ehˇ cehˆ-euˬ miˇ neh bi ga ka-awˇ, aˬ kuiˇ kuiˇ shiˇ ga shiˇ-euˬ meh. Aˬ yawꞈ-euˬ tsawˇ myahˇ-aˬ, Meˬpiˇbawˇshehˆ meh.

2 Saˬmeuˬlaˆ 9:5

Kʼoeˇ ngeh, Lawˇdeˬbaˬ pu-ahˇ Aˬmeˬlaˆ-euˬ aˬ li Maˬkiˬlaˇ jawˇ gaˇ sahˬ paˬ Daˬbiˇ tsawˇ haˬ pyehˬ gʼeh-awˇ, Meˬpiˇbawˇshehˆ-ahˇ bi sheuˬ laˬ-iˇ-euˬ meh.

1 Laˬsaˬbaˬ 8:34

Yawˇnaˆshaˬ-aˬ, Meˬliˇbaˬlaˇ-euˬ aˬ da pyeuꞈ-awˇ, Meˬliˇbaˬlaˇ-aˬ, Miˇkaˬ-euˬ aˬ da pyeuꞈ-eu meh.

1 Laˬsaˬbaˬ 9:40

Yawˇnaˆshaˬ-aˬ, Meˬliˇbaˬlaˇ-euˬ aˬ da pyeuꞈ-awˇ, Meˬliˇbaˬlaˇ-aˬ, Miˇkaˬ-euˬ aˬ da pyeuꞈ-eu meh.

1 Saˬmeuˬlaˆ 20:41

Aˬ li kʼoeˇ li gʼoꞈ-iˇ dzeuˇ ngeh, kʼaˬ lo lo bymˇ naˇ kʼah paw dzuˇ zaꞈ luꞈ-eu Daˬbiˇ tuˇ laˇ-awˇ, pawˬ tsuiꞈ pawˬ dmˬ dmˬ-awˇ smˬ poˆ awˆ byaˆ-euˬ meh. Yawˇnaˆshaˬ aˬ yawꞈ nyaꞈ tiˬ gʼaˬ tiˇ gʼaˬ mehˬ cuˇ cuˇ-awˇ, nyiˬ gʼaˬ luꞈ ngoeˇ-euˬ meh. Daˬbiˇ-aˬ, Yawˇnaˆshaˬ naˆ maˬ tseˇ nui ma shaˬ zahˬ naꞈ dzehˬ-euˬ meh.

1 Saˬmeuˬlaˆ 25:23

Daˬbiˇ-ahˇ Aˬbiˇgeˬlaˆ ya mawˇ ngeh, mahˬ tahˬ laˆ kʼoeˇ taˆ dziˬ luꞈ-eu tsawˬ ka-awˇ, Daˬbiˇ-euˬ mehˬ shi baˬ ba miˇ tsa tuˆ ni awˆ byaˆ-awˇ yaw zeu baw nehˬ-euˬ meh.