Kʼoeˇ ngeh, jawˇ duˬ kʼoeˇ tsahˇ-ahˇ Aˬbyaˬ nehˬ-ehˇ Sahˬpaˬ Miˬyehˇ dawˬ ma saˇ jaˇ dzaˬ taꞈ-euˬ meh. Sahˬpaˬ Miˬyehˇ ehˇ-eu, “Iˇjiˇtuˆ miˇ kʼahˬ-euˬ miˇ kaˬ-ahˇ neh Uˇpaˬlaˇ lawˇ baˬ-ahˇ keuˆ ni jaˆ-eu miˇ kʼahˬ kʼahˬ ma kʼoeˇ kʼahˬ, nawˇ hawˇ-eu nawˬ-euˬ zaˬ nawˬ-euˬ uˆ deuˬ-ahˇ biꞈ ma lehˇ ngaˇ saˇ jaˇ dzaˬ-eu ma.
2 Saˬmeuˬlaˆ 8:3 - Akha3 Suˇliˆ miˇ kʼahˬ Zoˇbaˬ sahˬ paˬ Leˬhawˇbaˆ-euˬ aˬ li Maˬdaˬdeˬzaˬ-aˬ, Uˇpaˬlaˇ lawˇ baˬ laꞈ taˆ paw dzaˬ-ahˇ jaˆ-eu miˇ kʼahˬ deuˆ geuꞈ le-eu lehˇ oe gaˇ, Daˬbiˇ neh bi deuˆ gʼaˬ-euˬ meh. Δείτε το κεφάλαιο |
2 Saˬmeuˬlaˆ 8:3
15 Σταυροειδείς Αναφορές
Sahˬ paˬ Haˬdaˬdeˬzaˬ neh tsawˇ haˬ pyehˬ gʼeh-awˇ, Uˇpaˬlaˇ lawˇ baˬ nahˇ ma doˆ kʼehˬ paw jawˇ-eu Suˇliˆ tsawˇ haˬ deuˬ-ahˇ bi kuˇ laˬ leˇ ngeh, Heˬlamˬ meuˬ-ahˇ aˬ yawꞈ maꞈ oe-awˇ, Zoˇbaˬ meuˬ-ahˇ jawˇ-eu sahˬ paˬ Haˬdaˬdeˬzaˬ-euˬ guiˇ maꞈ kʼoeˇ taˆ uˆ lahˇ-eu gʼaˬ pyeuꞈ-eu Shoˇbaˆ aˬ yuiꞈ geuꞈ-eu uˬ moˆ, aˬ yawꞈ-euˬ guiˇ maꞈ nehˬ-ehˇ gawꞈ leˇ-euˬ meh.
Haˬdaˬdeˬzaˬ uˆ lahˇ-eu uˬ moˆ jawˇ luꞈ-eu sahˬ paˬ deuˬ, Iˇsaˬleˬlaˆ tsawˇ haˬ deuˬ neh aˬ yawꞈ maꞈ-ahˇ guiˇ deuˆ gʼaˬ-euˬ gaˇ ya mawˇ ngeh, Iˇsaˬleˬlaˆ tsawˇ haˬ deuˬ nehˬ-ehˇ ja tsaˬ geuꞈ-awˇ, Iˇsaˬleˬlaˆ tsawˇ jeuˬ uˆ lahˇ-eu uˬ moˆ jawˇ-euˬ meh. Kʼoeˇ ngeh neh naˇ, Suˇliˆ tsawˇ haˬ deuˬ Aˬmoˬ tsawˇ haˬ deuˬ-ahˇ maˬ paˇ caw ba nehˬ peuˬ ni pyeuꞈ-iˇ-euˬ meh.
Aˬ yawꞈ maꞈ neh kʼoeˇ loꞈ-ehˇ jahˇ nehˬ-euˬ miˇ neh, Daˬbiˇ aˬ yawꞈ maꞈ-ahˇ muiˇ-eu gaˇ kawˆ Aˬmoˬ tsawˇ haˬ deuˬ noeˬ siˬ ngeh, tsawˇ haˬ pyehˬ gʼeh-awˇ, Behˬleˬhawˇbaˆ meuˬ hawˇ-eu Zoˇbaˬ meuˬ-ahˇ jawˇ-eu Suˇliˆ yehˇ nyiˬ muiˇ gʼaˬ, Tawˇbaˬ meuˬ-ahˇ jawˇ-eu tsawˇ haˬ tiˬ muiˇ nyiˬ heˇ gʼaˬ hawˇ-eu, Mawˇkah sahˬ paˬ hawˇ-eu aˬ yawꞈ-euˬ tsawˇ haˬ tiˬ heˇ gʼaˬ-ahˇ ngaˬ laˬ-iˇ-euˬ meh.
Naw maꞈ miˇ kʼahˬ-euˬ miˇ kaˬ-aˬ, Aˬgaˬbaˬ Iˬ ma laˆ shaˆ lahˇ gʼoꞈ-ahˇ neh, Uˇpaˬlaˇ lawˇ baˬ-ahˇ keuˆ ni hawˇ-eu, Gʼahˇ ceh-euˬ Iˬ ma laˆ shaˆ-ahˇ neh, bawˇ tsahˬ bawˇ dahˇ kʼaˇ suiꞈ deh yaˇ-ahˇ keuˆ ni meh. Miˇ kʼahˬ kʼoeˇ kʼahˬ-ahˇ jawˇ-eu tsawˇ haˬ deuˬ kʼoeˇ taˆ, naw maꞈ-ahˇ ngaˇ baoˬ bi huiˬ dzehˬ-awˇ, naw maꞈ iˇ ngeh, aˬ yawꞈ maꞈ-ahˇ naw maꞈ teh doˆ gʼeh tehꞈ-a.
Naw maꞈ kʼaˇ cah tsehˆ-euˬ miˇ kʼahˬ naw maꞈ za tehꞈ-a. Naw maꞈ-euˬ miˇ kʼahˬ-aˬ, laꞈ oˆ paw pyawˬ-ahˇ jaˆ-eu Leˬbaˬnoˬ gawˬ jawˬ deuˬ-ahˇ keuˆ ni maˬ ehˇ, nahˇ ma doˆ kʼehˬ paw pyawˬ-ahˇ jaˆ-eu Uˇpaˬlaˇ lawˇ baˬ-ahˇ neh nahˇ ma ga kʼehˬ paw pyawˬ-ahˇ jaˆ-eu Gʼahˇ ceh-euˬ Iˬ ma laˆ shaˆ-ahˇ keuˆ ni maˬ ehˇ, jeˇ tehꞈ-a.
Sawˇluˆ Iˇsaˬleˬlaˆ miˇ kʼahˬ-euˬ sahˬ paˬ pyeuꞈ laˇ gʼaˬ ngeh, aˬ yawꞈ-ahˇ muiˇ-eu tsawˇ haˬ deuˬ-ahˇ, yawˬ paw na luꞈ aˬ yawꞈ guiˇ deuˆ-euˬ meh. Mawˇbaˆ tsawˇ jeuˬ, Aˬmoˬ tsawˇ jeuˬ, Eˬdoˬ tsawˇ jeuˬ, Zoˇbaˬ sahˬ paˬ deuˬ hawˇ-eu, Piˇliˇtiˆ tsawˇ jeuˬ heu deuˬ-ahˇ aˬ yawꞈ guiˇ deuˆ-euˬ meh. Kʼoeˇ loꞈ-ehˇ guiˇ kʼaˇ deuˆ ngeh, aˬ yawꞈ gʼaˬ leˇ-euˬ meh.
Διαφημίσεις