2 Saˬmeuˬlaˆ 8:10 - Akha

¹⁰ Tawˇiˆ nehˬ-ehˇ tiˬ kʼehˬ maˬ taˬ ni guiˇ deuˆ ceh ceh luꞈ-eu sahˬ paˬ Haˬdaˬdeˬzaˬ-ahˇ sahˬ paˬ Daˬbiˇ deuˆ gʼaˬ-euˬ miˇ neh, Tawˇiˆ-euˬ aˬ li Yoˇlamˬ-ahˇ sahˬ paˬ Daˬbiˇ jawˇ gaˇ bi le-awˇ, Haˬdaˬdeˬzaˬ-ahˇ deuˆ gʼaˬ-euˬ baˬ da neh, laˬ kʼaˬ cehˇ-awˇ guiˬ lahˬ huiˬ-eu gaˇ kawˆ bi tsaꞈ gaˬ leˇ-euˬ meh. Shuiˇ, pyuˇ hawˇ-eu, guiˬ shuiˇ neh jahˇ taˬ-euˬ laꞈ sawˬ deuˬ-ahˇ, Daˬbiˇ jawˇ gaˇ Yoˇlamˬ yuˇ gʼeh nehˬ-euˬ meh.

2 Saˬmeuˬlaˆ 8:10 Σταυροειδείς Αναφορές

Aˇ dahˬ 43:27

Aˬ ha mehˇ nmˇ-ahˇ, Yoˇsehˆ dawˬ cawˬ puˬ nehˬ-awˇ, heu loꞈ-ehˇ naˇ haˬ-euˬ meh. “Yaw beh poˆ nawˬ ha mehˇ nmˇ-euˬ aˬ da da mawˬ gaˇ kawˆ naw maꞈ ngaˬ-ahˇ ja nehˬ laꞈ-euˬ meh. Nymˬ-mˇ aˬ yawꞈ jawˇ saˇ doˆ doˆ-ehˇ jawˇ luꞈ meh loˇ. Nymˬ-mˇ keuˆ ni dehꞈ luꞈ-a siˬ loˇ.”

2 Saˬmeuˬlaˆ 8:11

Laꞈ sawˬ kʼoeˇ deuˬ-ahˇ sahˬ paˬ Daˬbiˇ yuˇ-awˇ, aˬ yawꞈ guiˇ deuˆ gʼaˬ-euˬ miˇ kʼahˬ deuˬ-ahˇ neh yuˇ kʼoꞈ laꞈ-euˬ shuiˇ hawˇ-eu pyuˇ deuˬ nehˬ-ehˇ tiˬ kawˆ loꞈ-ehˇ, uˬ duˬ tahˬ gaˇ zmˬ-eu gʼaˇ duˬ damˬ-euˬ meh.

2 Saˬmeuˬlaˆ 8:9

Haˬdaˬdeˬzaˬ-euˬ guiˇ maꞈ dawˬ tawˆ luꞈ-ahˇ Daˬbiˇ deuˆ gʼaˬ-euˬ gaˇ kawˆ, Haˬmaˆ meuˬ-ahˇ jawˇ-eu sahˬ paˬ Tawˇiˆ ya gaˬ-euˬ meh.

1 Sahˬpaˬ 1:47

Kʼoeˇ tehꞈ-ehˇ maˬ ngeuˇ-a siˬ. Saˇ naˇ-ahˇ gaˇ mˇ-eu yaw huiˬ yaw mahˇ deuˬ sahˬ paˬ Daˬbiˇ-ahˇ yaw zeu baw nehˬ leˇ-awˇ, ‘Nawˇ naˆ maˬ tseˇ Sawˇlaˬmoˬ tsawˇ myahˇ doˆ ni nawˬ-euˬ Miˬyehˇ jahˇ luꞈ-uˇ. Nawˇ uˆ lahˇ ngeh naˆ maˬ tseˇ, Sawˇlaˬmoˬ uˆ lahˇ ngeh baw dzehˬ za dzehˬ le luꞈ-uˇ’ lehˇ ehˇ nehˬ-euˬ meh. Kʼoeˇ ngeh, sahˬ paˬ Daˬbiˇ aˬ yawꞈ-euˬ yuꞈ zaˇ kʼoeˇ taˆ pawˬ tsuiꞈ pawˬ dmˬ dmˬ-awˇ guiˬ lahˬ shaˇ-eu meh.

1 Laˬsaˬbaˬ 18:10

Tawˇiˬ nehˬ-ehˇ tiˬ kʼehˬ maˬ taˬ ni guiˇ deuˆ luꞈ-eu Haˬdaˬdeˬzaˬ-ahˇ sahˬ paˬ Daˬbiˇ neh deuˆ gʼaˬ-euˬ miˇ neh, Tawˇiˬ -euˬ aˬ li Yoˇlamˬ-ahˇ sahˬ paˬ Daˬbiˇ jawˇ gaˇ pyehˬ gʼeh-awˇ, Haˬdaˬdeˬzaˬ-ahˇ deuˆ gʼaˬ-euˬ baˬ da neh, laˬ kʼaˬ cehˇ-awˇ guiˬ lahˬ huiˬ-eu dawˬ bi tsaꞈ gaˬ leˇ-euˬ meh. Shuiˇ, pyuˇ, guiˬ shuiˇ, heu deuˬ neh jahˇ taˬ-euˬ laꞈ sawˬ deuˬ, Daˬbiˇ jawˇ gaˇ Yoˇlamˬ yuˇ gʼeh nehˬ-euˬ meh.

2 Laˬsaˬbaˬ 32:23

Tsawˇ haˬ gʼawˬ mya ni Yeˬluˇsaˬlehˬ meuˬ-ahˇ laˇ-awˇ, Sahˬpaˬ Miˬyehˇ-ahˇ damˬ nehˬ laˇ-euˬ uˬ taꞈ, Heˬsaˬgiˇ gʼaˇ duˬ kʼawꞈ laꞈ sawˬ yuˇ laꞈ-euˬ meh. Kʼoeˇ ngeh neh naˇ, tsawˇ jeuˬ dawˬ tawˆ luꞈ Heˬsaˬgiˇ-ahˇ yaw zeu baw-euˬ meh.

Jaceuq 129:8

Kʼaˇ iˇ kʼaˇ laˇ tsehˆ-eu deuˬ laꞈ kʼoeˇ, “Miˬyehˇ nawˬ-ahˇ guiˬ lahˬ biꞈ luꞈ-uˇ” lehˇ ehˇ-eu maˬ jawˇ-ehˇ, “Sahˬpaˬ Miˬyehˇ-euˬ tsawˇ myahˇ uˬ moˆ, nawˬ-ahˇ dawˬ ngehˬ gʼeh nehˬ-eu ma” lehˇ ehˇ-eu maˬ jawˇ-a.

Iˇsaˬyaˇ 39:1

Aˇ yamˬ kʼoeˇ yamˬ laꞈ kʼoeˇ, sahˬ paˬ Heˬsaˬgiˇ jawˇ saˇ maˬ doˆ-eu gaˇ kawˆ-ahˇ, Baˬlaˬdaˬ-euˬ aˬ li pyeuꞈ-eu Baˬbuˇloˬ sahˬ paˬ Meˬlawˇdaˆbaˬlaˬbaˬ ya gaˬ-awˇ, sahˬ boꞈ tiˬ dzeh boꞈ ahˇ leꞈ-awˇ, laꞈ sawˬ biꞈ ha le-euˬ meh.

1 Saˬmeuˬlaˆ 13:10

Miˬ dzaˬ dzah puiˆ-awˇ lawˇ-eu jeˬ lawˇ gʼaˬ-euˬ nehˬ-ehˇ Saˬmeuˬlaˆ laˇ keuˆ-euˬ meh.