2 Saˬmeuˬlaˆ 7:8 - Akha

⁸ “Kʼoeˇ miˇ neh, Baoˬ huiˬ-eu, Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh lehˇ, ngaˬ-eu zaˬ kʼaˆ Daˬbiˇ-ahˇ ehˇ nehˬ-awˬ. ‘Deh ga-ahˇ yawˇ bo luꞈ-eu gʼaˬ pyeuꞈ-eu nawˬ-ahˇ ngaˇ kuˇ-awˇ, ngaˬ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ haˬ deuˬ kʼoeˇ taˆ bi uˆ lahˇ-euˬ ma.

2 Saˬmeuˬlaˆ 7:8 Σταυροειδείς Αναφορές

2 Saˬmeuˬlaˆ 12:7

Daˬbiˇ-ahˇ Naˬdaˬ ehˇ nehˬ-eu, “Tsawˇ haˬ kʼoeˇ gʼaˬ nawˇ meh. Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. ‘Iˇsaˬleˬlaˆ tsawˇ jeuˬ kʼoeˇ taˆ ngaˇ nawˬ-ahˇ sahˬ paˬ ka nehˬ-awˇ, Sawˇluˆ-euˬ aˬ laꞈ laꞈ kʼoeˇ nawˬ-ahˇ ka kʼoꞈ taˬ-euˬ ma.

2 Saˬmeuˬlaˆ 14:13

Zaˬ miˬ zaˬ kʼoeˇ gʼaˬ ehˇ-eu, “Aˬ jeˬ miˇ neh Miˬyehˇ-euˬ tsawˇ jeuˬ-ahˇ nawˇ mˇ lehˬ te. Aˬ cawˬ miˇ kʼahˬ-ahˇ cehˆ jawˇ-iˇ-euˬ nawˬ li-ahˇ nawˇ maˬ bi gʼoꞈ laˇ-eu miˇ neh, nymˬ-mˇ tseuˆ tseuˆ hawˇ-eu nawˬ neh ehˇ taˬ-euˬ dawˬ-ahˇ nawˇ maˬ caw teh gaˇ duˇ-eu meh.

2 Saˬmeuˬlaˆ 23:1

Yeˬshehˇ-euˬ aˬ li Daˬbiˇ-aˬ, Miˬyehˇ neh ciˬ huiˬ ciˬ mahˇ nehˬ-euˬ tsawˇ haˬ pyeuꞈ-awˇ, sahˬ paˬ geuꞈ-eu gʼaˇ duˬ Yaˬkoˆ-euˬ Miˬyehˇ neh tseˇ doˆ-euˬ gʼaˬ kʼawꞈ pyeuꞈ-eu meh. Iˇsaˬleˬlaˆ tsawˇ jeuˬ gʼaˇ duˬ naˇ haˬ muiˬ-eu caˇ dawˬ deuˬ aˬ yawꞈ caˇ yaꞈ-euˬ meh. Aˬ yawꞈ-euˬ aˇ saˬ saˬ-eu dawˬ-aˬ, heu loꞈ-ehˇ meh.

2 Saˬmeuˬlaˆ 24:17

Iˇsaˬleˬlaˆ tsawˇ haˬ deuˬ-ahˇ laˆ luˬ laˆ seˇ luꞈ-eu mˬ taˆ gʼaˬ kʼehˇ kʼoeˇ gʼaˬ-ahˇ Daˬbiˇ mawˇ-awˇ, Sahˬpaˬ Miˬyehˇ-ahˇ heu loꞈ-ehˇ ehˇ nehˬ-euˬ meh. “Ngaˇ iˬ baˇ ahˇ-eu ngeuˇ ma. Yaw lehˬ jeˬ mˇ-euˬ gʼaˬ-aˬ, ngaˇ ma. Tsawˇ haˬ heu deuˬ aˬ jeˬ mˇ lehˬ taˬ-eu jaˆ ta. Ngaˇ hawˇ-eu ngaˬ-euˬ nymˇ jiˇ-ahˇ tehꞈ-ehˇ nawˇ kʼehˬ nehˬ laꞈ-eu tsaˬ meh.”

2 Saˬmeuˬlaˆ 5:2

Dzeuˇ laˇ ngeh, Sawˇluˆ nga maꞈ-euˬ sahˬ paˬ geuꞈ luꞈ ngeh kʼawꞈ, guiˇ deuˆ-eu paw Iˇsaˬleˬlaˆ tsawˇ jeuˬ-ahˇ nawˇ sheuˬ gʼeh-awˇ, Sahˬpaˬ Miˬyehˇ-euˬ tsawˇ jeuˬ-ahˇ nawˬ neh bi sheuˬ gʼeh-awˇ, aˬ yawꞈ maꞈ kʼoeˇ taˆ bi uˆ lahˇ ma lehˇ, Sahˬpaˬ Miˬyehˇ neh saˇ jaˇ dzaˬ taˬ-euˬ jaˆ-eu meh.”

2 Saˬmeuˬlaˆ 6:21

Daˬbiˇ ehˇ-eu, “Sahˬpaˬ Miˬyehˇ-euˬ Iˇsaˬleˬlaˆ tsawˇ jeuˬ-ahˇ bi sheuˬ gʼeh-eu gʼaˇ duˬ, nawˬ da hawˇ-eu nawˬ da-euˬ nymˇ jiˇ-ahˇ maˬ tseˇ doˆ ni, ngaˬ-ahˇ tseˇ doˆ-euˬ gʼaˬ pyeuꞈ-eu Sahˬpaˬ Miˬyehˇ-ahˇ, ngaˇ gaˇ nyeh nyeh-awˇ ciˬ huiˬ ciˬ mahˇ nehˬ-euˬ ma. Mehˬ hu paw dehꞈ daˆ leꞈ ngeh kʼawꞈ, ngaˇ gaˇ nyeh nyeh nyeh-ehˇ Sahˬpaˬ Miˬyehˇ-ahˇ ciˬ huiˬ ciˬ mahˇ ma.

1 Sahˬpaˬ 3:6

Kʼoeˇ ngeh, Sawˇlaˬmoˬ heu loꞈ-ehˇ shaˇ-euˬ meh, “Nawˇ-aˬ, nawˬ-euˬ zaˬ kʼaˆ pyeuꞈ-eu ngaˬ da Daˬbiˇ-ahˇ, huiˬ dui dui-eu nawˬ-euˬ gʼoeˇ-eu gaˬ-euˬ jeˬ aˬ myah luꞈ bi mawˇ-awˇ, aˬ yawꞈ kʼawꞈ, yaw tsaˬ yaw dawˇ jeˬ hawˇ-eu saˇ jaˇ ziꞈ-eu jeˬ laꞈ kʼoeˇ, nawˬ nehˬ-ehˇ cawˬ cawˬ taꞈ-euˬ meh. Nawˬ-euˬ huiˬ dui dui-eu gʼoeˇ-eu gaˬ-euˬ jeˬ aˬ yawꞈ-ahˇ maˬ tsehˆ leˇ ni bi mawˇ-eu laꞈ kʼoeˇ, iˬ nah aˬ yawꞈ-euˬ dah zaˇ miˇ kʼahˬ-ahˇ bi uˆ lahˇ-eu aˬ li tiˬ li, aˬ yawꞈ-ahˇ nawˇ biꞈ nehˬ-euˬ meh.

1 Sahˬpaˬ 8:16

‘Ngaˬ-euˬ tsawˇ jeuˬ-ahˇ Iˇjiˇtuˆ miˇ kʼahˬ laꞈ kʼoeˇ neh ngaˇ sheuˬ doˆ laꞈ-euˬ tiˬ nah neh, iˬ nah keuˆ ni, ngaˬ-ahˇ uˬ duˬ tahˬ-eu uˬ duˬ tahˬ nymˇ bi tsoˆ-eu gʼaˇ duˬ, Iˇsaˬleˬlaˆ miˇ kʼahˬ laꞈ kʼoeˇ jaˆ-eu meuˬ tiˬ meuˬ-iˬ ngaˇ maˬ tseˇ doˆ-aˬ siˬ. Ehˇ kʼawꞈ Daˬbiˇ-oˇ, ngaˬ-euˬ tsawˇ jeuˬ-ahˇ bi uˆ lahˇ-eu gʼaˇ duˬ, nawˬ-ahˇ ngaˇ tseˇ doˆ-eu ma.’

1 Laˬsaˬbaˬ 17:7

“Kʼoeˇ miˇ neh, Baoˬ huiˬ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh lehˇ, ngaˬ-euˬ zaˬ kʼaˆ Daˬbiˇ-ahˇ ehˇ nehˬ-awˬ. ‘Deh ga-ahˇ yawˇ bo luꞈ-eu gʼaˬ pyeuꞈ-eu nawˬ-ahˇ ngaˇ kuˇ-awˇ, ngaˬ-euˬ tsawˇ jeuˬ pyeuꞈ-eu Iˇsaˬleˬlaˆ tsawˇ jeuˬ kʼoeˇ taˆ bi uˆ lahˇ-euˬ ma.

1 Laˬsaˬbaˬ 21:17

Daˬbiˇ yaw kʼaˆ-ehˇ guˇ-awˇ, heu loꞈ-ehˇ guiˬ lahˬ shaˇ-euˬ meh. “Miˬyehˇ-oˇ, yaw lehˬ jeˬ mˇ-euˬ gʼaˬ ngaˇ ma. Miˇ kʼahˬ zaˬ-euˬ tsawˇ seˬ yuˇ-awˬ lehˇ dawˬ biꞈ-euˬ gʼaˬ ngaˇ ma. Tsawˇ haˬ heu deuˬ mˇ lehˬ taˬ-euˬ tiˬ jeˬ-iˬ maˬjaˆ-a. Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, ngaˇ hawˇ-eu ngaˬ-euˬ nymˇ jiˇ-ahˇ tehꞈ-ehˇ kʼehˬ-awˇ, tsawˇ haˬ heu deuˬ-ahˇ bi dzeuˇ-iˇ-awˬ.”

Aˬmoˆ 7:15

Ngaˇ mˇ dzaˬ luꞈ-eu yawˇ bo-eu gaˇ-ahˇ byehˇ dzeh-awˇ, aˬ yawꞈ-euˬ tsawˇ haˬ pyeuꞈ-eu Iˇsaˬleˬlaˆ tsawˇ haˬ deuˬ jawˇ gaˇ Miˬyehˇ gʼaˇ duˬ ngehˬ dah nehˬ leˇ-awˬ lehˇ, Sahˬpaˬ Miˬyehˇ ngaˬ-ahˇ kʼehˇ-eu meh.

Gʼaˬkʼehˇ 7:46

Daˬbiˇ-aˬ, Miˬyehˇ nui ma tsaˬ-eu tsawˇ haˬ tiˬ gʼaˬ pyeuꞈ-awˇ, Yaˬkoˆ-euˬ Miˬyehˇ bi jawˇ-eu gʼaˇ duˬ aˬ yawꞈ jawˇ duˬ tiˬ tsahˇ tsoˆ-eu aˬ kawˬ-aˬ biꞈ laꞈ lehˇ, Miˬyehˇ-ahˇ shaˇ-euˬ meh.

1 Saˬmeuˬlaˆ 10:1

Kʼoeˇ naˇ, tsiˇ maˇ tsaꞈ tiˬ tsaꞈ Saˬmeuˬlaˆ yuˇ-awˇ, Sawˇluˆ-euˬ uˬ duˬ-ahˇ tsiˇ shehˆ daˆ-awˇ mehˬ cuˇ cuˇ nehˬ gʼaˬ ngeh, Sawˇluˆ-ahˇ heu loꞈ-ehˇ ehˇ nehˬ-euˬ meh. “Iˇsaˬleˬlaˆ tsawˇ jeuˬ kʼoeˇ taˆ bi uˆ lahˇ-eu gʼaˇ duˬ, nawˬ-ahˇ Sahˬpaˬ Miˬyehˇ tsiˇ lehꞈ nehˬ-eu meh. Aˬ yawꞈ-euˬ tsawˇ jeuˬ-ahˇ nawˇ ya uˆ lahˇ-awˇ, muiˇ-eu deuˬ dawˬ tawˆ luꞈ-euˬ aˬ laꞈ laꞈ kʼoeˇ, aˬ yawꞈ maꞈ-ahˇ nawˇ ya ka kʼoꞈ nehˬ meh. Aˬ yawꞈ-euˬ tsawˇ jeuˬ kʼoeˇ taˆ bi uˆ lahˇ-eu gʼaˇ duˬ, Sahˬpaˬ Miˬyehˇ nawˬ-ahˇ tseˇ doˆ-euˬ gaˇ kawˆ saˇ kiˇ heu loꞈ-ehˇ jaˆ tehꞈ-a.

1 Saˬmeuˬlaˆ 2:8

iˇ shaˬ zaˬ-ahˇ kʼaˬ lehˇ laꞈ kʼoeˇ, aˬ yawꞈ gʼeu tuˇ tsahˇtuˇ nehˬ-awˇ, maˬ jaˆ-eu tsawˇ haˬ deuˬ-ahˇ kʼawꞈ, aˬ yawꞈ bi dehꞈ tuˇ laˇ-eu meh. Sahˬ paˬ zaˬ yo-ahˇ bi gʼoeˇ-awˇ, taˬ huiˬ-eu jeˬ bi oꞈ-eu meh. Aˬ jeˬ miˇ neh ehˇ naˇ, miˇ tsaˬ-euˬ dawˬ pehˬ duˬ puˇ-aˬ, Sahˬpaˬ Miˬyehˇ-euˬ pyeuꞈ-awˇ, kʼoeˇ-euˬ kʼoeˇ taˆ miˇtsaˬtahˬkʼawˇ, aˬ yawꞈ neh tsoˆ daˆ taˬ-euˬ meh.

1 Saˬmeuˬlaˆ 9:16

“Ni shawˬ nah heu yamˬ-ahˇ, nawˇ jawˇ gaˇ Beˬyaˬmiˬ tsawˇ haˬ tiˬ gʼaˬ bi laˇ doˆ ma. Ngaˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ bi uˆ lahˇ-eu gʼaˇ duˬ, aˬ yawꞈ-ahˇ tsiˇ shehˆ daˆ nehˬ-awˬ. Aˬ yawꞈ maꞈ-ahˇ, Piˇliˇtiˆ tsawˇ haˬ deuˬ-euˬ aˬ laꞈ laꞈ kʼoeˇ neh aˬ yawꞈ ka kʼoꞈ nehˬ tehꞈ-a. Ngaˬ-euˬ tsawˇ haˬ deuˬ ya daˬ luꞈ-eu jeˬ-ahˇ ngaˇ mawˇ-awˇ, ‘Caw ba nehˬ laꞈ-awˬ’ lehˇ aˬ yawꞈ maꞈ guˇ luꞈ-eu teˇ saˇ-ahˇ ngaˇ ya gaˬ gʼaˬ-euˬ ma.”