2 Saˬmeuˬlaˆ 7:26 - Akha

²⁶ Nawˇ tsawˇ myahˇ doˆ dui dui tehꞈ-a. Baoˬ huiˬ-eu Sahˬpaˬ Miˬyehˇ-aˬ, Iˇsaˬleˬlaˆ miˇ kʼahˬ-euˬ Miˬyehˇ meh lehˇ, mˬ maˬ maˬ byaˆ zaˇ ziˇ aˬ cawˬ ja tehꞈ-a. Ngaˬ-euˬ dzoeˬ dzaˬ kʼawꞈ, mˬ maˬ maˬ byaˆ zaˇ ziˇ nawˇ bi ziꞈ laꞈ tehꞈ-a.

2 Saˬmeuˬlaˆ 7:26 Σταυροειδείς Αναφορές

Aˇ dahˬ 17:18

“Ngaˬ-euˬ jeˬ biˇ dawˬ tawˆ luꞈ Iˇshaˬmeˬlaˇ-ahˇ bi geuꞈ-eu maˬ tsaˬ-a loˇ” lehˇ, Miˬyehˇ-ahˇ aˬ yawꞈ naˇ haˬ-euˬ meh.

2 Saˬmeuˬlaˆ 7:25

“Sahˬpaˬ Miˬyehˇ pyeuꞈ-eu Miˬyehˇ-oˇ, ngaˬ-ahˇ maˬ ehˇ, ngaˬ-euˬ zaˬ deuˬ uˆ deuˬ-ahˇ maˬ ehˇ, nawˬ neh saˇ jaˇ dzaˬ taˬ-euˬ jeˬ aˬ myah luꞈ bi keuˆ le-awˇ, nawˬ neh mˇ ma lehˇ ehˇ taˬ-euˬ loꞈ-ehˇ mˇ nehˬ laꞈ-awˬ.

1 Sahˬpaˬ 18:36

Nahˇ ma nahˇ dahˬ yawˬ-iˇ-awˇ, lawˇ-eu shehˇ-eu jeˬ mˇ-eu aˇ yamˬ tsaˬ laˇ ngeh, Miˬyehˇ gʼaˇ duˬ ngehˬ dah-eu Eˇliˇyaˆ gʼaˬ lawˇ duˬ dawˬ peh le-awˇ, heu loꞈ-ehˇ guiˬ lahˬ shaˇ-euˬ meh. “Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ pyeuꞈ-eu Sahˬpaˬ Miˬyehˇ-oˇ, nawˇ-aˬ, Iˇsaˬleˬlaˆ-euˬ Miˬyehˇ pyeuꞈ-awˇ, ngaˇ nawˬ-ahˇ uˬ duˬ tahˬ-awˇ, nawˬ neh kʼaˇ bi mˇ-euˬ loꞈ-ehˇ nymˬ-mˇ ngaˇ mˇ luꞈ-eu gaˇ kawˆ bi siˬ bi mawˇ-awˬ.

1 Sahˬpaˬ 18:37

Sahˬpaˬ Miˬyehˇ-oˇ, nawˇ Miˬyehˇ pyeuꞈ-eu gaˇ kawˆ hawˇ-euˬ, aˬ yawꞈ maꞈ nawˇ jawˇ paw gʼoꞈ laˇ ni nawˇ kuˇ kʼoꞈ luꞈ-eu gaˇ kawˆ aˬ yawꞈ maꞈ ya siˬ ni, ngaˬ-euˬ shaˇ dawˬ-ahˇ naˇ haˬ nehˬ laꞈ-awˬ.”

Jaceuq 115:1

Sahˬpaˬ Miˬyehˇ-oˇ, nawˇ tiˬ gʼaˬ-ahˇ tehꞈ-ehˇ, nga maꞈ-ahˇ maˬ ngeuˇ, nawˬ-ahˇ tehꞈ-ehˇ, baoˬ yaw shehꞈ kʼahˬ sehˇ oꞈ-eu meh. Maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ hawˇ-eu, nawˬ-euˬ saˇ jaˇ ziꞈ-eu jeˬ baˬ da neh, nawˬ-ahˇ tehꞈ-ehˇ oꞈ-eu meh.

Jaceuq 61:7

Miˬyehˇ-oˇ, nawˬ-euˬ mehˬ shi aˬ yawꞈ aˬ myah luꞈ sahˬpaˬ ya geuꞈ luꞈ-uˇ. Maˬ tsehˆ leˇ nya-eu nawˬ-euˬ gʼoeˇ-eu gaˬ-eu jeˬ hawˇ-eu saˇ jaˇ ziꞈ-eu jeˬ laꞈ kʼoeˇ aˬ yawꞈ-ahˇ haw piˇ nehˬ-awˬ.

Jaceuq 89:36

Nahˇ ma maˬ byoˆ tsehˆ kʼoeˇ keuˆ ni, aˬ yawꞈ-euˬ zaˬ deuˬ uˆ deuˬ aˬ myah luꞈ dehꞈ-awˇ jawˇ-awˇ, aˬ yawꞈ-euˬ miˇ kʼahˬ-ahˇ ngaˇ haw piˇ ma.

Maꞈtehˬ 6:9

Naw maꞈ guiˬ lahˬ shaˇ ngeh, heu loꞈ-ehˇ shaˇ-awˬ. ‘Mˬ kʼoeˇ taˆ jawˇ-eu nga maꞈ-euˬ Aˬda-oˇ, Nawˬ-euˬ tsawˇ myahˇ-ahˇ yaw zeu baw luꞈ-uˇ.

Yoˇhaˬ 12:28

Aˬ da-oˇ, nawˬ-euˬ yaw shehꞈ kʼahˬ sehˇ bi mawˇ-awˬ.” Kʼoeˇ ngeh, mˬ kʼoeˇ taˆ dawˬ ngehˬ-awˇ ehˇ gʼeh leꞈ-eu, “Ngaˬ-euˬ yaw shehꞈ kʼahˬ sehˇ bi mawˇ gʼaˬ-euˬ ma. Ehˇ kʼawꞈ, tiˬ poˆ paˇ bi mawˇ te siˬ.”