2 Saˬmeuˬlaˆ 7:23 - Akha

²³ Nawˬ-euˬ tsawˇ jeuˬ bi pyeuꞈ laˇ-eu gʼaˇ duˬ, aˬ cawˬ tsawˇ jeuˬ-euˬ zaˬ kʼaˆ geuꞈ luꞈ ngeh nawˬ neh ka kʼoꞈ nehˬ laꞈ-euˬ Iˇsaˬleˬlaˆ tsawˇ jeuˬ-ahˇ duˇ-eu tsawˇ jeuˬ tiˬ jeuˬ-iˬ, miˇ tsaˬ kʼoeˇ taˆ maˬ jawˇ-a. Nawˬ neh aˬ yawꞈ maꞈ gʼaˇ duˬ mˇ-euˬ, huiˬ dui dui-eu gaˇ deuˬ hawˇ-eu, zahˬ leˇ paˬ-ehˇ gʼeh-eu gaˇ deuˬ baˬ da neh, miˇ tsaˬ kʼoeˇ taˆ nawˬ-euˬ tsawˇ myahˇ doˆ luꞈ meh. Nawˬ-euˬ tsawˇ jeuˬ bi pyeuꞈ laˇ-eu gʼaˇ duˬ, Iˇjiˇtuˆ miˇ kʼahˬ laꞈ kʼoeˇ nawˬ neh ka kʼoꞈ doˆ laꞈ-euˬ tsawˇ haˬ deuˬ mehˬ hu paw laˇ luꞈ ngeh, aˬ cawˬ tsawˇ jeuˬ hawˇ-eu aˬ yawꞈ maꞈ-euˬ miˬyehˇ deuˬ-ahˇ nawˇ teh dzeh-euˬ meh.

2 Saˬmeuˬlaˆ 7:23 Σταυροειδείς Αναφορές

2 Saˬmeuˬlaˆ 7:24

Sahˬpaˬ Miˬyehˇ-oˇ, nawˇ-aˬ, Iˇsaˬleˬlaˆ tsawˇ jeuˬ-ahˇ, mˬ maˬ maˬ byaˆ zaˇ ziˇ nawˬ-euˬ tsawˇ jeuˬ bi pyeuꞈ laˇ-awˇ, nawˇ aˬ yawꞈ maꞈ-euˬ Miˬyehˇ pyeuꞈ laˇ-euˬ meh.

1 Laˬsaˬbaˬ 17:21

Aˬ cawˬ tsawˇ jeuˬ-euˬ zaˬ kʼaˆ ya geuꞈ luꞈ ngeh, nawˬ-euˬ tsawˇ jeuˬ bi pyeuꞈ laˇ-eu lehˇ, nawˬ neh ka kʼoꞈ nehˬ-euˬ Iˇsaˬleˬlaˆ tsawˇ jeuˬ-ahˇ duˇ-eu tsawˇ jeuˬ, miˇ tsaˬ kʼoeˇ taˆ maˬ jawˇ-a. Nawˬ neh aˬ yawꞈ maꞈ gʼaˇ duˬ mˇ-euˬ huiˬ dui dui-eu gaˇ deuˬ hawˇ-eu, zahˬ leˇ dui dui paˬ-ehˇ gʼeh-eu gaˇ deuˬ baˬ da neh, miˇ tsaˬ kʼoeˇ taˆ nawˇ tsawˇ myahˇ doˆ luꞈ meh. Nawˬ-euˬ tsawˇ jeuˬ-ahˇ Iˇjiˇtuˆ miˇ kʼahˬ laꞈ kʼoeˇ neh nawˇ ka kʼoꞈ doˆ nehˬ laꞈ-awˇ, nawˬ-euˬ tsawˇ jeuˬ le luꞈ-eu gaˇ ma tiˬ kahˇ mehˬ hu, aˬ cawˬ tsawˇ jeuˬ deuˬ-ahˇ nawˇ teh dzeh nehˬ-euˬ meh.

Neˬhaˬmiˇ 1:10

“Sahˬpaˬ Miˬyehˇ-oˇ, tsawˇ haˬ heu deuˬ-aˬ nawˬ-euˬ zaˬ kʼaˆ pyeuꞈ-awˇ, nawˬ-euˬ tsawˇ jeuˬ pyeuꞈ-eu meh. Nawˬ-euˬ huiˬ-eu baoˬ hawˇ-eu gʼaˬ-ahˇ gʼoe-awˇ, aˬ yawꞈ maꞈ-ahˇ nawˇ ka kʼoꞈ doˆ nehˬ-euˬ meh.

Jaceuq 106:22

Kʼoeˇ gaˇ aˬ yawꞈ neh mˇ-euˬ jeˬ aˇ naˆ ni gamꞈ leˇ paˬ-ehˇ gʼeh-eu nga. Iˬ ma laˆ shaˆ yaw neˇ dawˬ peh aˬ yawꞈ neh jahˇ-euˬ jeˬ, aˇ naˆ ni zahˬ leˇ paˬ-ehˇ gʼeh-eu nga.

Jaceuq 111:9

Aˬ yawꞈ-eu tsawˇ haˬ deuˬ-ahˇ aˬ yawꞈ bi buˬ-iˇ-awˇ, mˬ maˬ maˬ byaˆ zaˇ ziˇ ziꞈ-eu saˇ jaˇ dzaˬ taꞈ-euˬ meh. Aˬ yawꞈ-aˬ, muiˬ-eu shawˇ-eu gʼaˬ hawˇ-eu baoˬ huiˬ-eu gʼaˬ meh.

Jaceuq 145:6

Nawˬ neh mˇ-euˬ huiˬ-eu gaˇ deuˬ-ahˇ miˇ tsaˬ zaˬ deuˬ ja-awˇ, nawˇ huiˬ dui mahˇ dui dui-eu gaˇ kawˆ ngaˇ ja gaˬ ma.

Jaceuq 147:20

Aˬ cawˬ tsawˇ jeuˬ-ahˇ aˬ yawꞈ kʼoeˇ loꞈ-ehˇ maˬ jahˇ nehˬ-ehˇ, aˬ yawꞈ-euˬ zahˇ dawˬ kʼoꞈ dawˬ-ahˇ aˬ yawꞈ maꞈ maˬ siˬ nya-a. Sahˬpaˬ Miˬyehˇ-ahˇ ja ceuˬ-awˬ.

Jaceuq 40:5

Nga maꞈjah-eu Miˬyehˇpyeuꞈ-eu, nga maꞈ-euˬSahˬpaˬMiˬyehˇ-oˇ, kʼaˆjeˬ-ehˇgʼeh-eu gʼawˬmya jeˬ, nga maꞈgʼaˇduˬnawˇmˇ-euˬmeh. Nawˇloꞈ-ehˇgaˇkawˆkawˆnya-eu, nawˬ-ahˇduˇ-eu gʼaˬmaˬjawˇ-a. Nawˬneh mˇnehˬlaꞈ-euˬgaˇdeuˬ, kʼaˬmeh neh maˬja jiˇcoeˇnya.

Jaceuq 44:3

Nawˬ-euˬtsawˇjeuˬmi cehˇyuˇ-awˇ, miˇkʼahˬdeuˆza-euˬmaˬngeuˇ-a. Aˬyawꞈmaꞈlaꞈdu cawˬdoˆ-awˇ, guiˇdeuˆgʼaˬ-euˬjeˬmaˬngeuˇ-a. Yawꞈmaꞈ-ahˇnawˇgaˬ-eu miˇneh, nawˬ-euˬmyaˆpyawˬyaw shehꞈhawˇ-eu, nawˬ-euˬaˇmaˇlaꞈ-ahˇgʼoe-awˇ, bi gʼaˬleˇ-euˬjeˬpyeuꞈ-eu meh.

Jaceuq 65:5

Gʼaˬ leˇ-eu jeˬ biꞈ laꞈ-eu laꞈ kʼoeˇ, nga maꞈ-euˬ shaˇ dawˬ-ahˇ nawˇ naˇ haˬ nehˬ laꞈ-awˇ, nga maꞈ-ahˇ ka kʼoꞈ nehˬ laꞈ-eu laꞈ kʼoeˇ, zahˬ leˇ paˬ-ehˇ gʼeh-eu jeˬ nawˇ mˇ-euˬ meh. Mˬ dzeˇ miˇ dzeˇ keuˆ ni jawˇ-eu tsawˇ haˬ deuˬ hawˇ-eu, iˬ ma laˆ shaˆ nui baˬ-ahˇ jawˇ-eu tsawˇ haˬ deuˬ nawˬ-ahˇ gʼoe-eu meh.

Jaceuq 66:3

Miˬyehˇ-ahˇ heu loꞈ-ehˇ ehˇ nehˬ-awˬ. Nawˬ neh mˇ-euˬ gaˇ deuˬ aˇ naˆ ni zahˬ leˇ paˬ-ehˇ gʼeh-eu nga. Nawˬ-euˬ baoˬ huiˬ dui mahˇ dui dui-eu miˇ neh, nawˬ-ahˇ muiˇ-eu deuˬ guˆ-eu laꞈ kʼoeˇ, nawˬ-euˬ mehˬ shi awˆ byaˆ-eu meh.

Doˆ-iˇ 12:12

“Kʼoeˇ ngeh miˇ, Iˇjiˇtuˆ miˇ kʼahˬ-ahˇ ngaˇ iˇ paˆ gʼeh-awˇ, dehꞈ beh beh le-euˬ aˬ li aˬ yuiꞈ yawˬ gʼaˬ na luꞈ hawˇ-eu, jeˬ zaˬ deuˬ laꞈ kʼoeˇ dehꞈ beh beh le-euˬ aˬ buˬ deuˬ yawˬ mawˇ na luꞈ bi shiˇ-awˇ, Iˇjiˇtuˆ tsawˇ haˬ deuˬ-euˬ miˬ yehˇ dawˬ tawˆ luꞈ-ahˇ ngaˇ kʼehˬ nehˬ kʼaˆ nehˬ ma.

Doˆ-iˇ 33:16

Nga maꞈ nehˬ-ehˇ nawˇ maˬ le naˇ, ngaˇ hawˇ-eu ngaˬ-euˬ tsawˇ haˬ deuˬ-ahˇ nawˇ nui ma tsaˬ-eu gaˇ kawˆ, aˬ suˇ gʼaˬ aˬ joˆ-ehˇ ya siˬ nmˇ. Nawˇ nga maꞈ nehˬ-ehˇ jawˇ naˇ, miˇ tsaˬ kʼoeˇ taˆ jawˇ-eu tsawˇ jeuˬ aˬ geu jeuˬ nehˬ-ehˇ maˬ kaˬ, nga maꞈ beu gaˇ tehꞈ-a.”

Doˆ-iˇ 6:7

Naw maꞈ-ahˇ ngaˬ-euˬ tsawˇ haˬ bi pyeuꞈ laˇ-awˇ, ngaˇ-aˬ, naw maꞈ-euˬ Miˬ yehˇ pyeuꞈ ma. Iˇjiˇtuˆ miˇ kʼahˬ-ahˇ aˬ cawˬ zaˬ kʼaˆ ya geuꞈ-eu laꞈ kʼoeˇ ngaˇ naw maꞈ-ahˇ bi buˬ-iˇ ngeh, ngaˇ-aˬ naw maꞈ-euˬ Sahˬpaˬ Miˬyehˇ pyeuꞈ-eu naw maꞈ ya siˬ tehꞈ-a.

Doˆ-iˇ 9:15

Yaw beh ngeh neh ngaˬ-euˬ aˬ laꞈ cawˬ ja-awˇ, nawˇ hawˇ-eu nawˬ-euˬ tsawˇ haˬ deuˬ kʼoeˇ taˆ naˇ gawˇ bi keuˆ le law nmˇ-aˬ, naw maꞈ dawˬ tawˆ luꞈ ya cawˆ-iˇ jiˇ-euˬ tehꞈ-a.

Doˆ-iˇ 9:16

Ehˇ kʼawꞈ, miˇ tsaˬ heu mˬ dzeˇ miˇ dzeˇ keuˆ ni, ngaˇ tsawˇ myahˇ doˆ-eu gʼaˇ duˬ, ngaˬ-euˬ baoˬ-ahˇ nawˇ ya mawˇ ni, nawˬ-ahˇ ngaˇ yaw dehꞈ bi dehꞈ tawˬ-euˬ ma.

Yeˬlaˬmiˇ 32:20

Aˇ hu ba Iˇjiˇtuˆ miˇ kʼahˬ laꞈ kʼoeˇ, zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ nawˇ mˇ-euˬ loꞈ-ehˇ, nymˬ-mˇ kʼawꞈ, Iˇsaˬleˬlaˆ miˇ kʼahˬ hawˇ-eu miˇ kʼahˬ nui deuˬ laꞈ kʼoeˇ nawˇ kʼoeˇ loꞈ-ehˇ mˇ luꞈ-eu miˇ neh, mˬ dzeˇ miˇ dzeˇ keuˆ ni nawˬ-ahˇ siˬ nya luꞈ meh.

Yeˬlaˬmiˇ 32:21

Zahˬ leˇ paˬ-ehˇ gʼeh-eu jeˬ hawˇ-eu kʼaˆ jeˬ-ehˇ gʼeh-eu jeˬ mˇ-eu laꞈ kʼoeˇ, nga maꞈ-ahˇ muiˇ-eu deuˬ-ahˇ nawˇ laˆ guˆ nehˬ-awˇ, nawˬ-euˬ baoˬ-ahˇ gʼoe-eu laꞈ kʼoeˇ, nawˬ-euˬ tsawˇ jeuˬ Iˇsaˬleˬlaˆ tsawˇ haˬ deuˬ-ahˇ, Iˇjiˇtuˆ miˇ kʼahˬ laꞈ kʼoeˇ neh nawˇ sheuˬ doˆ nehˬ-euˬ meh.

Yeˬsaˬgeˬlaˇ 20:9

Ehˇ kʼawꞈ, ngaˬ-euˬ tsawˇ myahˇ cawˆ-iˇ gaˇ yahˇ-eu miˇ neh, aˬ yawꞈ maꞈ-ahˇ ngaˇ kʼoeˇ loꞈ-ehˇ maˬ jahˇ nehˬ-aˬ. Aˬ jeˬ miˇ neh ehˇ naˇ, aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh ngaˇ sheuˬ doˆ nehˬ-eu lehˇ gʼeh-eu gaˇ kawˆ, aˬ yawꞈ maꞈ nehˬ-ehˇ jawˇ luꞈ-eu aˬ cawˬ tsawˇ jeuˬ kʼoeˇ myaˆ ni gʼeh-eu mehˬ shi, aˬ yawꞈ maꞈ-ahˇ ngaˬ neh ehˇ gaˬ taˬ-euˬ jaˆ-eu ma.

Bawˇtsahˬ 6:27

Kʼoeˇ naˇ, Sahˬpaˬ Miˬyehˇ ehˇ-eu, “Ngaˬ-eu tsawˇ myahˇ kuˇ-awˇ Iˇsaˬleˬlaˆ tsawˇ haˬ deuˬ-ahˇ dawˬ ngehˬ gʼeh nehˬ naˇ, ngaˇ guiˬ lahˬ biꞈ ma.”

Eˇpeˇsu 1:6

Aˬ yawꞈ-euˬ huiˬ dui muiˬ dui dui-eu gʼawˬ shaˬ gaˬ-eu guiˬ lahˬ kʼoeˇ, aˬ yawꞈ gaˬ dui dui-eu aˬ yawꞈ-euˬ Zaˬmaˇ laꞈ kʼoeˇ aˬ dui-ahˇ biꞈ laꞈ-euˬ miˇ neh, Miˬyehˇ-ahˇ ja ceuˬ kaˇ-euˇ.

Dawˬmehˬ 10:21

Aˬ yawꞈ-ahˇ ja ceuˬ-awˬ. Aˬ yawꞈ-aˬ, naw maꞈ-euˬ Miˬyehˇ pyeuꞈ-awˇ, naw maꞈ gʼaˇ duˬ aˬ yawꞈ neh mˇ-euˬ huiˬ dui dui-awˇ zahˬ leˇ paˬ-ehˇ gʼeh-eu jeˬ-ahˇ, naw maꞈ-euˬ myaˆ nuiˆ neh ya mawˇ duˬ gʼaˬ-euˬ meh.

Dawˬmehˬ 15:15

Iˇjiˇtuˆ miˇ kʼahˬ laꞈ kʼoeˇ nawˇ aˬ cawˬ-euˬ zaˬ kʼaˆ ya geuꞈ-awˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ nawˬ-ahˇ pyehˬ nehˬ laꞈ-euˬ gaˇ noeˬ keuˆ-awˬ. Kʼoeˇ baˬ da neh, naw maꞈ-ahˇ ngaˇ heu loꞈ-ehˇ dawˬ biꞈ-eu jeˬ pyeuꞈ-eu ma.

Dawˬmehˬ 33:29

Iˇsaˬleˬlaˆ tsawˇ haˬ deuˬ-oˇ, Sahˬpaˬ Miˬyehˇ neh ka kʼoꞈ-euˬ, naw maꞈ loꞈ-ehˇ gʼeh-eu tsawˇ jeuˬ, miˇ tsaˬ kʼoeˇ taˆ aˬ gaˇ jawˇ ta. Naw maꞈ-ahˇ ceh piˇ loꞈ piˇ-awˇ, aˬ cawˬ-ahˇ bi gʼaˬ leˇ-eu lehˇ, Sahˬpaˬ Miˬyehˇ aˬ yawꞈ mawˇ do, naw maꞈ-euˬ dehˬ daˬ duˬ pyeuꞈ-awˇ, naw maꞈ-euˬ mi cehˇ pyeuꞈ-eu meh. Muiˇ-eu deuˬ naw maꞈ-euˬ mehˬ shi, gʼawˬ shaˬ gaˬ ni tahˬ shaˇ laˇ gaˇ, naw maꞈ tsawˬ nawˬ ya nawˬ tehꞈ-a.

Dawˬmehˬ 9:26

Kʼoeˇ ngeh, ngaˇ heu loꞈ-ehˇ guiˬ lahˬ shaˇ-euˬ ma. ‘Dawˬ tawˆ luꞈ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, nawˬ-euˬ huiˬ dui dui-eu baoˬ hawˇ-eu gʼaˬ-ahˇ gʼoe-awˇ, Iˇjiˇtuˆ miˇ kʼahˬ-ahˇ neh nawˬ neh ka kʼoꞈ doˆ laꞈ-euˬ tsawˇ jeuˬ pyeuꞈ-eu nawˬ-euˬ tsawˇ jeuˬ-ahˇ taˬ laˆ luˬ taˬ laˆ seˇ nehˬ laꞈ.

Tiˇtuˆ 2:14

Maˬ muiˬ maˬ jaˬ-eu jeˬ dawˬ tawˆ luꞈ laꞈ kʼoeˇ aˬ dui-ahˇ aˬ yawꞈ ka kʼoꞈ-awˇ, aˬ yawꞈ-ahˇ tehꞈ-ehˇ taꞈ-eu muiˬ-eu shawˇ-eu tsawˇ haˬ hawˇ-eu, yaw muiˬ jeˬ mˇ mawꞈ-eu nui ma ahˇ-eu tsawˇ haˬ bi pyeuꞈ laˇ-eu gʼaˇ duˬ, aˬ yawꞈ-euˬ gʼawˇ mawˇ aˬ dui-ahˇ biꞈ nehˬ laꞈ-euˬ meh.

Yawˇshuˆ 7:9

Kaˬnaˬ tsawˇ jeuˬ hawˇ-eu miˇ kʼahˬ heu kʼahˬ laꞈ kʼoeˇ kʼaˇ jawˇ-eu tsawˇ jeuˬ yawˬ jeuˬ na luꞈ gaˇ kawˆ heu ya gaˬ tehꞈ-a. Aˬ yawꞈ maꞈ nga maꞈ-ahˇ jawˬ lahˇ-awˇ, nga maꞈ yawˬ gʼaˬ na luꞈ-ahˇ sehꞈ tehꞈ-a. Kʼoeˇ ngeh, nawˬ-euˬ tsawˇ myahˇ maˬ ya cawˆ-iˇ ni nawˇ aˬ joˆ-ehˇ jahˇ nmˇ.”

1 Beˬtuˆluˆ 2:9

Ehˇ kʼawꞈ, naw maꞈ-aˬ, tseˇ doˆ-euˬ tsawˇ haˬ pyeuꞈ-awˇ, Sahˬpaˬ-euˬ piˇ ma deuˬ pyeuꞈ-eu meh. Muiˬ-eu shawˇ-eu tsawˇ haˬ pyeuꞈ-awˇ, Miˬyehˇ-euˬ tsawˇ haˬ pyeuꞈ-eu meh. Miˬyehˇ neh mˇ-euˬ zahˬ leˇ paˬ-ehˇ gʼeh-eu gaˇ deuˬ aˬ cawˬ-ahˇ bi ja meh-eu gʼaˇ duˬ, naw maꞈ-ahˇ Miˬyehˇ tseˇ doˆ-euˬ meh. Aˬ yawꞈ-aˬ, yaw zahˇ laꞈ kʼoeˇ naw maꞈ-ahˇ kuˇ doˆ-awˇ, zahˬ leˇ paˬ-ehˇ gʼeh-eu aˬ yawꞈ-euˬ yaw shehꞈ laꞈ kʼoeˇ sheuˬ uˇ nehˬ laꞈ-euˬ meh.

Panmaeq 5:9

Aˬ yawꞈ maꞈ caˇ dawˬ yaw shuiꞈ heu loꞈ-ehˇ caˇ-eu meh. “Sehꞈ-eu jeˬ-ahˇ nawˇ ya daˬ-awˇ, gʼawˇ mawˇ lawˇ dah nehˬ-eu laꞈ kʼoeˇ, miˇ tsaˬ tsawˇ jeuˬ tsawˇ ca dawˬ tawˆ, Miˬyehˇ jawˇ gaˇ gʼoꞈ keuˆ laˇ ni, nawˇ sheuˬ kʼoꞈ ha nehˬ-euˬ miˇ neh, sahˬ boꞈ paˇ yoˆ-ahˇ nawˇ yuˇ-awˇ, jmˬ diˬ taˬ-euˬ ngawˬ paˆ nya ni, nawˇ mˇ geuˇ-eu gʼaˬ pyeuꞈ-eu meh.