2 Saˬmeuˬlaˆ 7:19 - Akha

¹⁹ Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, kʼoeˇ naˆ tehꞈ-ehˇ nawˇ maˬ juˬ-ehˇ, kʼoeˇ naˆ maˬ tseˇ gʼeh-eu jeˬ ngaˬ-euˬ kʼoeˇ taˆ nawˇ paˇ mˇ nehˬ-eu lehˇ gʼeh-eu meh. Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, mehˬ hu paw dehꞈ daˆ leꞈ-eu ngaˬ-euˬ zaˬ ngaˬ-euˬ uˆ deuˬ gʼaˇ duˬ, nawˇ ngaˬ-ahˇ saˇ jaˇ dzaˬ-awˇ, aˬ kaˇ pyeuꞈ laˇ-eu gaˇ kawˆ deuˬ nawˇ ngaˬ-ahˇ bi siˬ bi mawˇ laꞈ-euˬ meh.

2 Saˬmeuˬlaˆ 7:19 Σταυροειδείς Αναφορές

2 Saˬmeuˬlaˆ 12:8

Aˬ yawꞈ-euˬ miˇ kʼahˬ hawˇ-eu aˬ yawꞈ-euˬ miˬ zaˬ deuˬ nawˬ-ahˇ ngaˇ biꞈ-euˬ ma. Ngaˇ nawˬ-ahˇ Iˇsaˬleˬlaˆ miˇ kʼahˬ hawˇ-eu Yuˇdaˆ miˇ kʼahˬ-euˬ sahˬ paˬ bi geuꞈ-euˬ ma. Heu naˆ ni tehꞈ-ehˇ nui kʼahˇ maˬ shiˇ coeˇ naˇ kʼawꞈ, heu naˆ maˬ tseˇ nyiˬ bymˇ ngaˇ biꞈ dzehˬ ma.

2 Sahˬpaˬ 3:18

Eˇliˇshehˇ paˇ ehˇ-eu, “Gaˇ heu-aˬ, Sahˬpaˬ Miˬyehˇ gʼaˇ duˬ awˬ dui dui-eu gaˇ meh. Mawˇbaˆ miˇ kʼahˬ kʼawꞈ, naw maꞈ-euˬ aˬ laꞈ laꞈ kʼoeˇ aˬ yawꞈ a nehˬ laꞈ tehꞈ-a.

1 Laˬsaˬbaˬ 17:17

Ehˇ kʼawꞈ, kʼoeˇ naˆ ni tehꞈ-ehˇ nawˇ maˬ juˬ-ehˇ, kʼoeˇ naˆ maˬ tseˇ gʼeh-eu jeˬ ngaˬ-euˬ kʼoeˇ taˆ nawˇ paˇ mˇ nehˬ laꞈ-eu lehˇ gʼeh-eu ngaˇ. Miˬyehˇ pyeuꞈ-eu Sahˬpaˬ Miˬyehˇ-oˇ, mehˬ hu paw dehꞈ daˆ leꞈ-eu ngaˬ-euˬ zaˬ ngaˬ-euˬ uˆ deuˬ gʼaˇ duˬ nawˇ ngaˬ-ahˇ saˇ jaˇ dzaˬ-awˇ, huiˬ dui mahˇ dui dui-eu tsawˇ haˬ tiˬ gʼaˬ loꞈ-ehˇ nawˇ ngaˬ-ahˇ taˬ huiˬ taˬ mahˇ nehˬ laꞈ-euˬ meh.

Jaceuq 36:7

Miˬyehˇnawˇ gʼoeˇ-eu gaˬ-eu jeˬ, aˇnaˆni poeˬ-eu lawˬ-eu nga. Nawˬ-euˬaˬdahˇnaˇshmˇuˬmoˆ, tsawˇhaˬzaˬ awˆkʼaˇza-eu meh.

Yeˬsaˬgeˬlaˇ 34:18

Naw maꞈ tiˬ paˆ na deuˬ muiˬ dui dui-eu yaˇ moꞈ ya dzaˬ luꞈ-eu tehꞈ-ehˇ maˬ gʼaˬ ni, naw maꞈ maˬ dzaˬ nahˇ-eu yaˇ moꞈ deuˬ-ahˇ nawˬ pahˬ nehˬ-eu meh. Shawˇ jehˆ ni gʼeh-eu iˇ cuꞈ naw maꞈ dawˇ-awˇ, naw maꞈ maˬ dawˇ-eu iˇ cuꞈ-ahˇ iˇ neˇ laˆ neˇ-eu meh.

Bawˇtsahˬ 16:13

Nga maꞈ-ahˇ bawˇ tsahˬ bawˇ dahˇ laꞈ kʼoeˇ bi shiˇ-eu lehˇ, miˇ tsaˬ miˇ muiˬ muiˬ dui dui-awˇ baw le za le-eu Iˇjiˇtuˆ miˇ kʼahˬ laꞈ kʼoeˇ neh sheuˬ doˆ leꞈ-euˬ tehꞈ-ehˇ maˬ gʼaˬ-ehˇ, nga maꞈ kʼoeˇ taˆ nawˇ sahˬ paˬ paˇ geuꞈ mawꞈ te siˬ loˇ.

Bawˇtsahˬ 16:9

Sahˬpaˬ Miˬyehˇ dawˬ peh naw maꞈ le-awˇ, Sahˬpaˬ Miˬyehˇ-euˬ Sehˬ gʼawˆ laꞈ kʼoeˇ gaˇ mˇ-eu laꞈ kʼoeˇ, tsawˇ haˬ aˇ maꞈ aˇ muˇ mehˬ shi yawꞈ-awˇ aˬ yawꞈ maꞈ gʼaˇ duˬ bi mˇ-eu lehˇ, tsawˇ haˬ heu myaˆ ni gʼeh-eu laꞈ kʼoeˇ, naw maꞈ-ahˇ biˇ paˆ doˆ-awˇ tseˇ doˆ taˬ-eu heu, dehˬ nyi-ehˇ gʼeh-eu gaˇ meh lehˇ naw maꞈ noeˬ te loˇ.

Eˇpeˇsu 2:7

Yeˬsuˇ Ka li laꞈ kʼoeˇ Miˬyehˇ neh aˬ dui-ahˇ bi mawˇ laꞈ-euˬ gʼoeˇ-eu gaˬ-eu jeˬ laꞈ kʼoeˇ ahˇ-eu maˬ ehˇ jiˇ coeˇ ni huiˬ-eu aˬ yawꞈ-euˬ guiˬ lahˬ yaw dzahˇ-ahˇ, aˬ kaˇ kaˇ ziˇ keuˆ ni a myah luꞈ bi siˬ bi mawˇ-eu gʼaˇ duˬ, Miˬyehˇ kʼoeˇ loꞈ-ehˇ mˇ-euˬ jeˬ pyeuꞈ-eu meh.

Yawˇshuˆ 5:14

Tsawˇ haˬ kʼoeˇ gʼaˬ ehˇ-eu, “Maˬ ngeuˇ. Sahˬpaˬ Miˬyehˇ-euˬ guiˇ maꞈ-ahˇ aˬ yuiꞈ geuꞈ-awˇ uˆ lahˇ-eu gʼaˬ loꞈ-ehˇ ngaˇ oe-euˬ ma.” Yawˇshuˆ uˬ duˬ tahˬ-eu laꞈ kʼoeˇ miˇ tsa ga lah-awˇ ehˇ-eu, “Ngaˇ-aˬ, nawˬ-euˬ zaˬ kʼaˆ pyeuꞈ-eu ma. Nawˇ ngaˬ-ahˇ aˬ jeˬ bi mˇ mawꞈ-eu nya.”