2 Saˬmeuˬlaˆ 7:18 - Akha

¹⁸ Kʼoeˇ naˇ, Sahˬpaˬ Miˬyehˇ jawˇ-eu Sehˬ gʼawˆ-ahˇ sahˬ paˬ Daˬbiˇ uˇ leˇ-awˇ, nuiˇ-awˇ heu loꞈ-ehˇ guiˬ lahˬ shaˇ-euˬ meh. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, ngaˇ maˬ ehˇ, ngaˬ-euˬ nymˇ jiˇ maˬ ehˇ, nawˬ neh mˇ nehˬ laꞈ-euˬ guiˬ lahˬ-ahˇ za-eu maˬ geuˇ-a.

2 Saˬmeuˬlaˆ 7:18 Σταυροειδείς Αναφορές

Aˇ dahˬ 32:10

Nawˬ-euˬ zaˬ kʼaˆ pyeuꞈ-eu ngaˇ-aˬ, nawˇ gʼawˬ shaˬ gaˬ-eu jeˬ hawˇ-eu, nawˬ-euˬ saˇ jaˇ ziꞈ-eu jeˬ-ahˇ za-eu maˬ geuˇ-a. Aˇ hu ngaˇ Yawˇdaˬ lawˇ baˬ tsehˆ doˆ ngeh, ngaˬ-euˬ aˬ laꞈ laꞈ kʼoeˇ gawˬ yoeˬ tiˬ yoeˬ tehꞈ-ehˇ ahˇ-euˬ kʼawꞈ, nymˬ-mˇ ngaˇ gʼoꞈ doˆ laˇ ngeh poˆ jawˇ, ngaˬ nehˬ-ehˇ tsawˇ haˬ nyiˬ muˇ ahˇ-eu ma.

Aˇ dahˬ 32:11

Ngaˬ-euˬ aˇ doˆ Iˇsawˇ-euˬ aˬ laꞈ laꞈ kʼoeˇ, ngaˬ-ahˇ taˬ bi luˬ taˬ bi seˇ-iˇ laꞈ. Zaˬ miˬ zaˬ deuˬ hawˇ-eu zaˬ yaw nyiˇ heu deuˬ ahˇ leˇ-ehˇ, nga maꞈ dawˬ tawˆ luꞈ-ahˇ aˬ yawꞈ laˆ cawˆ le gaˇ ngaˇ guˆ dui dui nya.

2 Saˬmeuˬlaˆ 23:5

Ngaˬ-euˬ zaˬ deuˬ uˆ deuˬ kʼoeˇ taˆ, guiˬ lahˬ kʼoeˇ deuˬ Miˬyehˇ biꞈ meh. Mˬ maˬ maˬ byaˆ ziꞈ-eu saˇ jaˇ, aˬ yawꞈ ngaˬ-ahˇ dzaˬ taˬ-euˬ meh. Ngaˬ-euˬ nui kʼahˇ byah jiˇ laˇ ni, muiˇ-eu deuˬ-ahˇ ngaˇ gʼaˬ leˇ ni, Miˬyehˇ mˇ-eu yaw duˬ baw meh.

2 Saˬmeuˬlaˆ 7:17

Miˬyehˇ neh kʼaˇ pah mehˬ nehˬ-euˬ jeˬ, Daˬbiˇ-ahˇ Naˬdaˬ dzawˇ mehˬ nehˬ-euˬ meh.

1 Laˬsaˬbaˬ 17:16

Kʼoeˇ naˇ, Sahˬpaˬ Miˬyehˇ jawˇ-eu Sehˬ gʼawˆ-ahˇ Daˬbiˇ uˇ leˇ-awˇ nuiˇ-awˇ, heu loꞈ-ehˇ guiˬ lahˬ shaˇ-euˬ meh. “Miˬyehˇ pyeuꞈ-eu Sahˬpaˬ Miˬyehˇ-oˇ, ngaˇ maˬ ehˇ, ngaˬ-euˬ nymˇ jiˇ maˬ ehˇ, nawˬ neh mˇ nehˬ laꞈ-euˬ guiˬ lahˬ-ahˇ maˬ geuˇ nya.

1 Laˬsaˬbaˬ 29:14

“Ehˇ kʼawꞈ, ngaˇ hawˇ-eu ngaˬ-euˬ tsawˇ haˬ deuˬ nawˬ-ahˇ biꞈ nehˬ-eu tiˬ jeˬ-iˬ maˬ jaˆ. Aˬ jeˬ miˇ neh ehˇ naˇ, yawˬ jeˬ na luꞈ nawˬ neh biꞈ laꞈ-euˬ tehꞈ-ehˇ pyeuꞈ-awˇ, nawˬ neh biꞈ laꞈ-euˬ jeˬ nawˬ-ahˇ paˇ biꞈ kʼoꞈ nehˬ-eu tehꞈ ma.

Jaceuq 8:4

tsawˇhaˬzaˬ-ahˇnawˇnoeˬpaˬ-ehˇ, tsawˇhaˬzaˬ aˬjeˬ-a. Teˬ-eu tsawˇhaˬloˆni gʼeh gaˇ, nawˇkʼahˇkʼoꞈnehˬ-eu meh.

Doˆ-iˇ 3:11

Ehˇ kʼawꞈ, Moˇseˬ ehˇ-eu, “Ngaˇ-aˬ, gaˇ dahˇ tsoeˬ leˇ-eu tsawˇ haˬ maˬ ngeuˇ. Aˬ joˆ-ehˇ gʼeh-awˇ neh, sahˬ paˬ jawˇ gaˇ ngaˇ iˇ-awˇ, Iˇsaˬleˬlaˆ tsawˇ haˬ deuˬ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ gʼeh nehˬ nya nmˇ.”

Iˇsaˬyaˇ 37:14

Dawˬ tsaꞈ dawˬ dzawˇ mˇ le-euˬ tsawˇ haˬ kʼoeˇ deuˬ neh yuˇ leꞈ-euˬ sahˬ boꞈ-ahˇ, sahˬ paˬ Heˬsaˬgiˇ gui haw-euˬ meh. Kʼoeˇ naˇ, Uˬ duˬ tahˬ nymˇ nymˇ ma-ahˇ aˬ yawꞈ le-awˇ, sahˬ boꞈ kʼoeˇ dzeh Sahˬpaˬ Miˬyehˇ mehˬ shi bi jaˆ-awˇ,

Eˇpeˇsu 3:8

Miˬyehˇ-euˬ tsawˇ haˬ deuˬ laꞈ kʼoeˇ aˬ cawˬ taꞈ-ehˇ nyiˇ teˬ dzehˬ-eu gʼaˬ ngaˇ ma. Ehˇ kʼawꞈ, maˬ ehˇ jiˇ coeˇ gaˇ keuˆ ni byah dui kuꞈ dui dui-eu Ka li-euˬ guiˬ lahˬ gaˇ kawˆ aˬ cawˬ tsawˇ jeuˬ-ahˇ mehˬ-eu gʼaˬ bi geuꞈ laꞈ-euˬ meh.

Yaˇ kʼaˬ daˇ 6:15

Giˇdoˬ ehˇ-eu, “Iˇsaˬleˬlaˆ tsawˇ haˬ-ahˇ ngaˇ aˬ joˆ-ehˇ ka kʼoꞈ nya nmˇ. Ngaˬ-euˬ aˇ jeuˬ-aˬ, Maˬnaˇseˬ tsawˇ jeuˬ laꞈ kʼoeˇ aˬ cawˬ naˆ maˬ tseˇ nyiˇ teˬ dzehˬ-awˇ, ngaˇ-aˬ, ngaˬ-euˬ nymˇ jiˇ laꞈ kʼoeˇ, aˬ cawˬ taꞈ-ehˇ teˬ-eu gʼaˬ pyeuꞈ-eu ma.”

Luˇta 2:10

Luˇta naˇ kʼawˇ miˇ tsa tuˆni awˆ byaˆ-awˇ ehˇ-eu, “Aˬ jeˬ miˇ neh nawˇ ngaˬ-euˬ gʼaˇ duˬ teu naˆ naˆ-ehˇ shaˇ noeˬ nehˬ laꞈ te. Ngaˇ loꞈ-ehˇ gʼeh-eu boeˇ miˬ shiˬ kʼaˬ tiˬ gʼaˬ-ahˇ, aˬ jeˬ miˇ neh nawˇ teu naˆ naˆ-ehˇ gʼawˬ shaˬ gaˬ nehˬ laꞈ te.”

1 Saˬmeuˬlaˆ 15:17

Saˬmeuˬlaˆ ehˇ-eu, “Nawˇ-aˬ, huiˬ-eu tsawˇ haˬ tiˬ gʼaˬ maˬ ngeuˇ lehˇ yawˬ haˇ yaw ha noeˬ kʼawꞈ, Iˇsaˬleˬlaˆ tsawˇ jeuˬ tsawˇ ca heu myaˆ ni gʼeh-eu kʼoeˇ taˆ aˬ yuiꞈ geuꞈ-awˇ sheuˬ gʼeh luꞈ-eu tsawˇ haˬ tiˬ gʼaˬ meh. Iˇsaˬleˬlaˆ miˇ kʼahˬ-euˬ sahˬ paˬ bi geuꞈ-eu gʼaˇ duˬ, Sahˬpaˬ Miˬyehˇ neh nawˬ-ahˇ tsiˇ shehˆ daˆ taˬ-euˬ meh.

1 Saˬmeuˬlaˆ 18:18

Daˬbiˇ ehˇ-eu, “Sahˬ paˬ-euˬ aˬ zaˬ geuꞈ paˬ-ehˇ ngaˇ aˬ joˆ-ehˇ gʼeh-eu tsawˇ haˬ nga. Iˇsaˬleˬlaˆ miˇ kʼahˬ laꞈ kʼoeˇ ngaˬ da-euˬ nymˇ jiˇ aˬ jeˬ ehˇ nyaꞈ nyeuˆ ta.”

1 Saˬmeuˬlaˆ 9:21

Sawˇluˆ ehˇ-eu, “Ngaˇ-aˬ, Iˇsaˬleˬlaˆ tsawˇ jeuˬ tsawˇ ca deuˬ laꞈ kʼoeˇ aˬ cawˬ naˆ maˬ tseˇ nyiˇ teˬ dzehˬ-eu Beˬyaˬmiˬ tsawˇ haˬ tiˬ gʼaˬ ma. Ngaˬ-euˬ tsawˇ jeuˬ laꞈ kʼoeˇ kʼawꞈ, nga pehˬ-euˬ nymˇ jiˇ aˬ cawˬ naˆ maˬ tseˇ nyiˇ teˬ dzehˬ-eu ma. Aˬ jeˬ miˇ neh nawˇ ngaˬ-ahˇ teu loꞈ-ehˇ ehˇ te.”