2 Saˬmeuˬlaˆ 7:14 - Akha

¹⁴ Ngaˇ aˬ yawꞈ-euˬ aˬ da pyeuꞈ-awˇ, aˬ yawꞈ ngaˬ-euˬ aˬ li pyeuꞈ tehꞈ-a. Aˬ yawꞈ yaw lehˬ jeˬ mˇ ngeh, aˬ da tiˬ gʼaˬ zaˬ-ahˇ diˬ-awˇ dzaw paˇ-eu loꞈ-ehˇ, aˬ yawꞈ-ahˇ ngaˇ mehˬ paˇ tsoˆ paˇ ma.

2 Saˬmeuˬlaˆ 7:14 Σταυροειδείς Αναφορές

1 Sahˬpaˬ 11:34

Ehˇ kʼawꞈ, miˇ kʼahˬ kʼahˬ lah ni Sawˇlaˬmoˬ-euˬ laꞈ-ahˇ neh ngaˇ maˬ yuˇ doˆ-ehˇ, aˬ yawꞈ yaw dehꞈ kʼaˇ dehꞈ kʼoeˇ keuˆ ni, aˬ yawꞈ-ahˇ ngaˇ baoˬ biꞈ nehˬ ma. Ngaˬ neh tseˇ doˆ-euˬ gʼaˬ pyeuꞈ-eu, ngaˬ-euˬ zahˇ dawˬ kʼoꞈ dawˬ mehˬ nah caw teh-awˇ, ngaˬ neh mehˬ nehˬ tsoˆ nehˬ-euˬ dawˬ deuˬ-ahˇ naˇ haˬ geuꞈ-euˬ ngaˬ-euˬ zaˬ kʼaˆ Daˬbiˇ baˬ da neh, aˬ yawꞈ-ahˇ ngaˇ kʼoeˇ loꞈ-ehˇ gʼawˬ shaˬ gaˬ nehˬ-eu ma.

1 Sahˬpaˬ 9:6

Ehˇ kʼawꞈ, nawˇ maˬ ehˇ, nawˬ-euˬ zaˬ deuˬ uˆ deuˬ maˬ ehˇ, ngaˬ-euˬ mehˬ nah maˬ caw teh ni byehˇ-awˇ, ngaˬ-euˬ zahˇ dawˬ kʼoꞈ dawˬ deuˬ hawˇ-eu ngaˬ neh ehˇ-euˬ dawˬ-ahˇ naw maꞈ maˬ naˇ haˬ-ehˇ, miˬyehˇ nui deuˬ-ahˇ uˬ duˬ tahˬ naˇ,

1 Laˬsaˬbaˬ 17:13

Ngaˇ-aˬ, aˬ yawꞈ-euˬ aˬ da loꞈ-ehˇ pyeuꞈ-awˇ, aˬ yawꞈ-aˬ, ngaˬ-euˬ aˬ li-ahˇ duˇ tehꞈ-a. Nawˇ sahˬ paˬ bi pyeuꞈ laˇ-eu gʼaˇ duˬ, ngaˬ neh yuˇ dzeh-euˬ gʼaˬ pyeuꞈ-eu Sawˇluˆ-ahˇ caw ba luꞈ-eu ngaˬ-euˬ aˬ laꞈ ngaˇ cawˬ kʼoꞈ-euˬ loꞈ-ehˇ, aˬ yawꞈ-ahˇ caw ba-eu ngaˬ-euˬ aˬ laꞈ ngaˇ maˬ cawˬ kʼoꞈ.

1 Laˬsaˬbaˬ 22:10

Ngaˬ-euˬ gʼaˇ duˬ uˬ duˬ tahˬ nymˇ tiˬ nymˇ aˬ yawꞈ tsoˆ tehꞈ-a. Aˬ yawꞈ-aˬ, ngaˬ-euˬ aˬ li-ahˇ duˇ-awˇ, ngaˇ-aˬ, aˬ yawꞈ-euˬ aˬ da loꞈ-ehˇ duˇ tehꞈ-a. Aˬ yawꞈ-euˬ dzoeˬ dzaˬ Iˇsaˬleˬlaˆ miˇ kʼahˬ kʼoeˇ taˆ aˬ myah luꞈ ziꞈ tehꞈ-a’ lehˇ ehˇ-eu meh.”

1 Laˬsaˬbaˬ 28:6

“Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. ‘Nawˬ li Sawˇlaˬmoˬ-aˬ, ngaˬ-euˬ Uˬ duˬ tahˬ nymˇ nymˇ ma tsoˆ-eu gʼaˬ pyeuꞈ tehꞈ-a. Ngaˬ-euˬ aˬ li bi pyeuꞈ-eu lehˇ aˬ yawꞈ-ahˇ ngaˇ tseˇ doˆ-awˇ, ngaˇ aˬ yawꞈ-euˬ aˬ da-ahˇ duˇ-eu ma.

Yawˇbaˆ 5:17

“Miˬyehˇ neh bi tsiˬ shawˇ-euˬ tsawˇ haˬ guiˬ lahˬ huiˬ-eu meh. Kʼoeˇ miˇ neh aˬ yawꞈ lawˬ haw-eu jeˬ-ahˇ nui ma taˬ pehˇ.

Jaceuq 2:7

Dzoeˬdzaˬsahˬpaˬ kʼoeˇgʼaˬehˇ-eu, “SahˬpaˬMiˬyehˇ neh pyehˬ-euˬdawˬ, miˇ kʼahˬ doe ni tsaꞈgaˬ-eu ma. Yawꞈneh ngaˬ-ahˇ ehˇ-euˬdawˬ-aˬ, ‘Nawˇngaˬ-euˬ aˬli pyeuꞈ-eu ma. Iˬnah ngaˇ nawˬ-euˬ aˬda ma.

Yeˬlaˬmiˇ 30:11

Naw maꞈ jawˇ gaˇ ngaˇ oe-awˇ ka kʼoꞈ ma. Naw maꞈ-ahˇ ngaˇ teh byaˆ taˬ-euˬ miˇ kʼahˬ kʼoeˇ deuˬ laꞈ kʼoeˇ, aˬ cawˬ tsawˇ jeuˬ dawˬ tawˆ luꞈ-ahˇ ngaˇ laˆ cawˆ kʼawꞈ, naw maꞈ-ahˇ ngaˇ maˬ laˆ cawˆ nehˬ. Naw maꞈ-ahˇ ngaˇ maˬ kʼehˬ ni-aˬ maˬ bi dzeuˇ-iˇ. Ehˇ kʼawꞈ naw maꞈ-ahˇ ngaˇ kʼehˬ ngeh, aˬ za za-ehˇ kʼehˬ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Maꞈtehˬ 3:17

“Heu-aˬ, ngaˇ gaˬ dui dui-awˇ nui kʼahˇ shiˇ dui dui-eu ngaˬ-euˬ Zaˬmaˇ ma” lehˇ ehˇ-eu teˇ saˇ, mˬ-ahˇ neh gaˬ doˆ le-euˬ meh.

1 Gawˇliˬtu 11:32

Ehˇ kʼawꞈ, Sahˬpaˬ Yeˬsuˇ aˬ dui-ahˇ yaˇ kʼaˬ daˇ-awˇ kʼehˬ nehˬ laꞈ-eu kʼoeˇ-aˬ, miˇ tsaˬ zaˬ deuˬ nehˬ-ehˇ tiˬ kawˆ loꞈ-ehˇ yaˇ kʼaˬ daˇ nehˬ-eu jeˬ-ahˇ maˬ bi daˬ-eu gʼaˇ duˬ pyeuꞈ-eu meh.

2 Gawˇliˬtu 6:18

Ngaˇ naw maꞈ-euˬ aˬ da geuꞈ-awˇ, naw maꞈ ngaˬ-euˬ zaˬ geuꞈ ma lehˇ, Baoˬ huiˬ Sahˬpaˬ Miˬyehˇ ehˇ meh.”

Dawˬmehˬ 8:5

Tsawˇ haˬ tiˬ gʼaˬ yawˬ ha-euˬ zaˬ-ahˇ mehˬ-eu tsoˆ-eu loꞈ-ehˇ, naw maꞈ-ahˇ Miˬyehˇ mehˬ nehˬ tsoˆ nehˬ-euˬ gaˇ noeˬ keuˆ-awˬ. Kʼoeˇ miˇ neh, Sahˬpaˬ Miˬyehˇ naw maꞈ-ahˇ dawˬ biꞈ-euˬ loꞈ-ehˇ mˇ-awˬ.

HeˬByehˇ 1:5

“Nawˇ ngaˬ-euˬ Zaˬmaˇ ma. Iˬ nah ngaˇ nawˬ Da ma” lehˇ, mˬ taˆ gʼaˬ kʼehˇ tiˬ gʼaˬ-ahˇ-iˬ Miˬyehˇ maˬ ehˇ nehˬ haw-aˬ. “Ngaˇ aˬ yawꞈ-euˬ Aˬda pyeuꞈ-awˇ, aˬ yawꞈ ngaˬ-euˬ Zaˬmaˇ ma” lehˇ, mˬ taˆ gʼaˬ kʼehˇ tiˬ gʼaˬ na-euˬ gʼaˇ duˬ Miˬyehˇ neh ehˇ taˬ-euˬ maˬ jaˆ-a.

Panmaeq 21:7

Gʼaˬ leˇ-euˬ tsawˇ haˬ aˬ geu gʼaˬ maˬ kaˬ, jeˬ biˇ heu oꞈ tehꞈ-a. Ngaˇ aˬ yawꞈ-euˬ Miˬyehˇ pyeuꞈ-awˇ, aˬ yawꞈ ngaˬ-euˬ aˬ li ya pyeuꞈ-eu jeˬ biˇ oꞈ tehꞈ-a.

Panmaeq 3:19

Ngaˇ gaˬ-eu tsawˇ haˬ deuˬ-ahˇ, ngaˇ dehˬ dehˬ-ehˇ zuiˆ-eu ma. Nui ma-ahˇ noeˬ-awˇ, iˬ baˇ noeˬ poˆ-awˬ.