2 Saˬmeuˬlaˆ 7:12 - Akha

¹² Nawˇ ziˇ dehꞈ jiˇ-awˇ, nawˬ-euˬ aˬ poeˬ aˬ bawˇ deuˬ nehˬ-ehˇ gʼaˬ naˬ ya naˬ ngeh, nawˬ-euˬ aˬ li tiˬ gʼaˬ-ahˇ ngaˇ sahˬ paˬ ka nehˬ-awˇ, aˬ yawꞈ-euˬ miˇ kʼahˬ-ahˇ baoˬ huiˬ-eu miˇ kʼahˬ tiˬ kʼahˬ bi pyeuꞈ laˇ ma.

2 Saˬmeuˬlaˆ 7:12 Σταυροειδείς Αναφορές

Aˇ dahˬ 15:4

Kʼoeˇ ngeh, “Nawˬ-euˬ pyuˇ shuiˇ myawˬ gahˬ deuˬ-ahˇ nawˬ-euˬ zaˬ kʼaˆ Eˇliˇzaˬ gʼaˬ maˬ ya geuꞈ-a. Nawˬ-euˬ aˬ li maˇ maˇ ni gʼeh-eu gʼaˬ-ahˇ tehꞈ-ehˇ nawˬ-euˬ jeˬ biˇ oꞈ tehꞈ-a” lehˇ,Sahˬpaˬ Miˬyehˇ ehˇ gaˇ aˬ yawꞈ ya gaˬ-euˬ meh.

2 Saˬmeuˬlaˆ 22:51

Miˬyehˇ aˬ yawꞈ-euˬ sahˬpaˬ-ahˇ, aˬ cawˬ kʼoeˇ taˆ bi gʼaˬ leˇ-awˇ, aˬ yawꞈ neh tseˇ doˆ-euˬ gʼaˬ-ahˇ, maˬ tsehˆ leˇ ni gaˬ luꞈ-eu meh. Daˬbiˇ-euˬ mawˇ do-ahˇ maˬ ehˇ, Daˬbiˇ-euˬ zaˬ deuˬ-ahˇ maˬ ehˇ, mˬ maˬ maˬ byaˆ zaˇ ziˇ gaˬ meh.

1 Sahˬpaˬ 1:21

Nawˇ tiˬ jeˬ-iˬ maˬ ehˇ ni jawˇ naˇ, nawˇ ziˇ dehꞈ jiˇ-eu nehˬ-ehˇ, nawˬ li Sawˇlaˬmoˬ nga nyaꞈ ma zaˬ-ahˇ, aˬ yawꞈ maꞈ-ahˇ puiˬ-eu tsawˇ haˬ lehˇ sawˇ nehˬ laꞈ-eu yaw duˬ baw tehꞈ-a.”

1 Sahˬpaˬ 1:48

‘Iˬ nah ngaˬ-euˬ dah zaˇ ngaˬ-euˬ aˬ li tiˬ gʼaˬ-ahˇ sahˬ paˬ bi pyeuꞈ laˇ-awˇ, kʼoeˇ loꞈ-ehˇ pyeuꞈ laˇ gaˇ ya mawˇ ngeh keuˆ ni ngaˬ-ahˇ bi dehꞈ keuˆ laꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ, aˬ dui ja ceuˬ kaˇ-euˇ’ lehˇ aˬ yawꞈ ehˇ-eu meh.”

1 Sahˬpaˬ 2:1

Daˬbiˇ ziˇ jiˇ-eu dawˬ peh peh laˇ ngeh, aˬ yawꞈ-euˬ aˬ li Sawˇlaˬmoˬ-ahˇ kuˇ-awˇ, aˇ saˬ saˬ-eu dawˬ mehˬ dawˬ tsoˆ heu loꞈ-ehˇ mehˬ nehˬ tsoˆ nehˬ yaꞈ-euˬ meh.

1 Sahˬpaˬ 2:10

Kʼoeˇ naˇ, Daˬbiˇ ziˇ dehꞈ jiˇ-awˇ, Daˬbiˇ-euˬ meuˬ laꞈ kʼoeˇ baꞈ pahˬ nehˬ-euˬ meh.

1 Sahˬpaˬ 2:4

Ngaˬ-euˬ zaˬ ngaˬ-euˬ uˆ deuˬ nui ma gʼawˇ mawˇ dawˬ tawˆ luꞈ aˬ yawꞈ-euˬ zahˇ dawˬ kʼoꞈ dawˬ-ahˇ saˇ jaˇ ziꞈ-awˇ, aˬ yawꞈ-euˬ ehˇ dawˬ-ahˇ yaw muiˬ paˬ-ehˇ kʼaˇ naˇ haˬ kʼoeˇ keuˆ ni, Iˇsaˬleˬlaˆ miˇ kʼahˬ-ahˇ ya uˆ lahˇ tehꞈ-a lehˇ, Sahˬpaˬ Miˬyehˇ neh saˇ jaˇ dzaˬ taˬ-euˬ jaˆ-eu meh. Aˬ yawꞈ-euˬ dawˬ-ahˇ nawˇ naˇ haˬ geuꞈ naˇ, aˬ yawꞈ-euˬ saˇ jaˇ dawˬ-ahˇ aˬ yawꞈ ziꞈ tehꞈ-a.

1 Sahˬpaˬ 5:5

‘Nawˬ-euˬ jawˇ duˬ-ahˇ ngaˇ sahˬ paˬ bi geuꞈ-eu lehˇ gʼeh-eu nawˬ li-aˬ, ngaˬ-euˬ gʼaˇ duˬ Uˬ duˬ tahˬ nymˇ nymˇ ma tsoˆ tehꞈ-a’ lehˇ, ngaˬ da Daˬbiˇ-ahˇ Sahˬpaˬ Miˬyehˇ neh saˇ jaˇ dzaˬ taˬ-euˬ jaˆ-eu meh. Kʼoeˇ miˇ neh, ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ-eu gʼaˇ duˬ, Uˬ duˬ tahˬ nymˇ nymˇ ma tsoˆ ma lehˇ ngaˇ noeˬ tsehˆ taˬ-euˬ ma.

1 Sahˬpaˬ 8:15

Aˬ yawꞈ ehˇ-eu, “Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ja ceuˬ-awˬ. Ngaˬ da Daˬbiˇ nehˬ-ehˇ saˇ jaˇ dzaˬ taˬ-euˬ dawˬ-ahˇ aˬ yawꞈ ziꞈ-eu meh. Daˬbiˇ-ahˇ aˬ yawꞈ neh heu loꞈ-ehˇ ehˇ taˬ-euˬ jaˆ-eu meh.

1 Sahˬpaˬ 8:19

Ehˇ kʼawꞈ, uˬ duˬ tahˬ nymˇ kʼoeˇ nawˇ maˬ ya tsoˆ-a. Nawˬ-euˬ aˬ li maˇ maˇ ni gʼeh-eu gʼaˬ, nawˬ-euˬ gʼaˇ duˬ uˬ duˬ tahˬ nymˇ kʼoeˇ nymˇ ya tsoˆ tehꞈ-a.’ lehˇ ehˇ nehˬ-euˬ meh.

1 Sahˬpaˬ 8:20

“Nymˬ-mˇ poˆ jawˇ, saˇ jaˇ dzaˬ taˬ-euˬ jaˆ-eu loꞈ-ehˇ Sahˬpaˬ Miˬyehˇ mˇ byah-euˬ meh. Ngaˬ da-euˬ dah zaˇ ngaˇ Iˇsaˬleˬlaˆ miˇ kʼahˬ-euˬ sahˬ paˬ pyeuꞈ laˇ-awˇ, Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ-eu gʼaˇ duˬ, Uˬ duˬ tahˬ nymˇ nymˇ ma heu ngaˇ tsoˆ gʼaˬ-euˬ ma.

1 Sahˬpaˬ 9:5

nawˬ-euˬ zaˬ nawˬ-euˬ uˆ deuˬ Iˇsaˬleˬlaˆ miˇ kʼahˬ-ahˇ aˬ myah luꞈ ya uˆ lahˇ tehꞈ-a lehˇ, nawˬ da Daˬbiˇ-ahˇ ngaˬ neh saˇ jaˇ dzaˬ taˬ-euˬ dawˬ kʼoeˇ dawˬ ngaˇ mˇ byah ma.

2 Sahˬpaˬ 8:19

Ehˇ kʼawꞈ, Yuˇdaˆ miˇ kʼahˬ-ahˇ Sahˬpaˬ Miˬyehˇ maˬ laˆ cawˆ mawꞈ-a. Aˬ jeˬ miˇ neh ehˇ naˇ, “Nawˬ-euˬ zaˬ nawˬ-euˬ uˆ deuˬ aˬ myah luꞈ dzoeˬ dzaˬ oꞈ tehꞈ-a” lehˇ, aˬ yawꞈ-euˬ zaˬ kʼaˆ Daˬbiˇ-ahˇ aˬ yawꞈ saˇ jaˇ dzaˬ taˬ-euˬ jaˆ-eu meh.

1 Laˬsaˬbaˬ 17:11

Nawˇ ziˇ dehꞈ jiˇ-awˇ, nawˬ-euˬ aˬ poeˬ aˬ bawˇ deuˬ nehˬ-ehˇ gʼaˬ naˬ ya naˬ ngeh, nawˬ-euˬ aˬ li tiˬ li-ahˇ ngaˇ sahˬ paˬ ka nehˬ-awˇ, aˬ yawꞈ-euˬ miˇ kʼahˬ baoˬ bi huiˬ laˇ ma.

2 Laˬsaˬbaˬ 1:9

Sahˬpaˬ Miˬyehˇ pyeuꞈ-eu Miˬyehˇ-oˇ, nawˬ neh ngaˬ da-ahˇ saˇ jaˇ dzaˬ taˬ-euˬ jeˬ bi byah laˇ-awˬ. Maˬ gui jiˇ coeˇ gaˇ keuˆ ni myaˬ-eu tsawˇ haˬ deuˬ kʼoeˇ taˆ, nawˇ ngaˬ-ahˇ sahˬ paˬ bi geuꞈ laꞈ-euˬ meh.

2 Laˬsaˬbaˬ 13:5

Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, Daˬbiˇ nehˬ-ehˇ maˬ poˆ maˬ paˇ laˇ nya-eu saˇ jaˇ dzaˬ taꞈ-eu laꞈ kʼoeˇ, Daˬbiˇ hawˇ-eu aˬ yawꞈ-euˬ zaˬ deuˬ uˆ deuˬ Iˇsaˬleˬlaˆ miˇ kʼahˬ kʼoeˇ taˆ aˬ myah luꞈ ya uˆ lahˇ meh lehˇ ehˇ tsehˆ taˬ-euˬ naw maꞈ maˬ siˬ nya te loˇ.

2 Laˬsaˬbaˬ 21:7

Ehˇ kʼawꞈ, Daˬbiˇ-euˬ nymˇ jiˇ-ahˇ Sahˬpaˬ Miˬyehˇ maˬ laˆ cawˆ mawꞈ-a. Aˬ jeˬ miˇ neh ehˇ naˇ, Daˬbiˇ-euˬ zaˬ deuˬ uˆ deuˬ-ahˇ aˬ myah luꞈ sahˬ paˬ geuꞈ-eu dzoeˬ dzaˬ bi oꞈ ma lehˇ Daˬbiˇ nehˬ-ehˇ dawˬ ma saˇ jaˇ dzaˬ taˬ-eu jaˆ-eu meh.

2 Laˬsaˬbaˬ 23:3

Aˬ yawꞈ maꞈ dawˬ tawˆ luꞈ Uˬ duˬ tahˬ nymˇ nymˇ ma-ahˇ uiˬ leˇ-awˇ, sahˬ paˬ-euˬ aˬ li Yawˇshaˆ nehˬ-ehˇ saˇ jaˇ dzaˬ-euˬ meh. Aˬ yawꞈ maꞈ-ahˇ Yeˬhawˇyaˬdaˬ ehˇ nehˬ-eu, “Shiˇ dzeuˇ-euˬ sahˬ paˬ-euˬ aˬ li heu gaˇ jawˇ luꞈ meh. Sahˬ paˬ Daˬbiˇ-euˬ zaˬ deuˬ uˆ deuˬ-ahˇ dzoeˬ dzaˬ bi oꞈ ma lehˇ Sahˬpaˬ Miˬyehˇ neh saˇ jaˇ dzaˬ taˬ-euˬ jaˆ-eu loꞈ-ehˇ, nymˬ-mˇ aˬ yawꞈ-ahˇ sahˬ paˬ ka nehˬ-eu aˇ yamˬ tsaˬ laˇ taˬ-euˬ meh.

2 Laˬsaˬbaˬ 6:15

Ngaˬ da Daˬbiˇ-ahˇ nawˬ neh saˇ jaˇ dzaˬ taˬ-euˬ dawˬ-ahˇ nawˇ ziꞈ-awˇ, dawˬ yawˬ dawˬ yawˬ na luꞈ, iˬ nah byah laˇ gʼaˬ-euˬ meh.

2 Laˬsaˬbaˬ 6:9

Ehˇ kʼawꞈ, uˬ duˬ tahˬ nymˇ kʼoeˇ nawˇ maˬ ya tsoˆ-a. Nawˬ-euˬ aˬ li maˇ maˇ ni gʼeh-eu gʼaˬ, ngaˬ-euˬ gʼaˇ duˬ uˬ duˬ tahˬ nymˇ kʼoeˇ nymˇ tsoˆ tehꞈ-a’ lehˇ ehˇ nehˬ-euˬ meh.

Jaceuq 89:29

Aˬ yawꞈ-euˬ dzoeˬ dzaˬ mˬ maˬ maˬ byaˆ zaˇ ziˇ ziꞈ-awˇ, aˬ yawꞈ-euˬ zaˬ deuˬ uˆ deuˬ aˬ myah luꞈ sahˬ paˬ geuꞈ tehꞈ-a.

Iˇsaˬyaˇ 11:10

Daˬbiˇ-euˬ aˇ jeuˬ aˇ ca laꞈ kʼoeˇ sahˬ paˬ yaw shuiꞈ tiˬ gʼaˬ doˆ laˇ-euˬ gaˇ kawˆ, tsawˇ jeuˬ dawˬ tawˆ luꞈ-ahˇ bi siˬ bi mawˇ-eu aˇ nah keuˆ le tehꞈ-a. Aˬ yawꞈ dzoeˬ dzaˬ-eu meuˬ-ahˇ, aˬ yawꞈ maꞈ uiˬ laˇ-awˇ, aˬ yawꞈ-ahˇ taˬ huiˬ taˬ mahˇ tehꞈ-a.

Iˇsaˬyaˇ 9:7

Aˬ yawꞈ uˆ lahˇ-eu baoˬ tiˬ jawˇ saˇ-iˬ tiˬ jawˇ huiˬ laˇ-awˇ, aˬ yawꞈ-euˬ miˇ kʼahˬ aˬ myah luꞈ nui saˇ oꞈ tehꞈ-a. Aˬ yawꞈ-euˬ dzoeˬ dzaˬ sahˬ paˬ Daˬbiˇ-ahˇ taꞈ tehꞈ-a. Yaw tsaˬ yaw dawˇ jeˬ kʼoeˇ taˆ baoˬ bi jaˆ-awˇ, mˬ maˬ maˬ byaˆ zaˇ ziˇ uˆ lahˇ tehꞈ-a. Heu deuˬ dawˬ tawˆ luꞈ bi pyeuꞈ laˇ-eu gʼaˇ duˬ , Sahˬpaˬ Miˬyehˇ noeˬ tsehˆ gʼaˬ taˬ-euˬ meh.

Yeˬlaˬmiˇ 33:17

Sahˬpaˬ Miˬyehˇ pyeuꞈ-eu ngaˇ heu loꞈ-ehˇ saˇ jaˇ dzaˬ-eu ma. Daˬbiˇ-euˬ zaˬ deuˬ uˆ deuˬ laꞈ kʼoeˇ, Iˇsaˬleˬlaˆ miˇ kʼahˬ kʼoeˇ taˆ sahˬ paˬ geuꞈ-awˇ uˆ lahˇ-eu tsawˇ haˬ maˬ tsehˆ leˇ ni doˆ laˇ tehꞈ-a.

Daˬyeˬlaˇ 12:2

Shiˇ dzeuˇ-euˬ tsawˇ haˬ gʼawˬ mya ni paˇ gʼoꞈ dehꞈ laˇ tehꞈ-a. Tiˬ paˆ na deuˬ mˬ maˬ maˬ byaˆ zaˇ ziˇ dehꞈ-eu jeˬ za-awˇ, tiˬ paˆ na deuˬ mˬ maˬ maˬ byaˆ zaˇ ziˇ daˬ ga-eu jeˬ za tehꞈ-a.

Maꞈtehˬ 1:1

Heu-aˬ, Aˬbyaˬhaˬ hawˇ-eu Daˬbiˇ-ahˇ neh gui ka leꞈ-euˬ Yeˬsuˇ Ka li-euˬ tsuiꞈ meh.

Luˇkaꞈ 1:32

Aˬ yawꞈ huiˬ dui mahˇ dui dui-awˇ, huiˬ-eu mahˇ-eu Miˬyehˇ-euˬ Zaˬmaˇ lehˇ aˬ cawˬ kuˇ tehꞈ-a. SahˬpaˬMiˬyehˇ pyeuꞈ-eu Miˬyehˇ, aˬ yawꞈ-euˬ aˬ poeˬ Daˬbiˇ-euˬ dzoeˬ dzaˬ nuiˇ mahˬ aˬ yawꞈ-ahˇ biꞈ tehꞈ-a.

Luˇkaꞈ 24:27

Kʼoeˇ naˇ, aˬ yawꞈ nyaꞈ-ahˇ Yeˬsuˇ ja shaw nehˬ-euˬ meh. Jaˇliꞈ laꞈ kʼoeˇ aˬ yawꞈ-euˬ gaˇ kawˆ kʼaˇ ehˇ taˬ-euˬ yawˬ jeˬ na luꞈ, Moˇseˬ neh boꞈ-euˬ sahˬ boꞈ deuˬ-ahˇ neh dahˬ beh-awˇ, Miˬyehˇ gʼaˇ duˬ ngeh dah-eu deuˬ neh boꞈ-euˬ sahˬ boꞈ deuˬ-ahˇ keuˆ ni, aˬ yawꞈ nyaꞈ gʼoˆ shaw nya ni Yeˬsuˇ ja mehˬ nehˬ-euˬ meh.

Gʼaˬkʼehˇ 13:36

Daˬbiˇ-aˬ, aˬ yawꞈ-euˬ tiˬ ziˇ Miˬyehˇ-euˬ nui kʼahˇ mˇ-awˇ, aˬ yawꞈ shiˇ ngeh, aˬ yawꞈ-euˬ aˬ poeˬ aˬ bawˇ deuˬ nehˬ-ehˇ bi baꞈ pahˬ-awˇ, aˬ yawꞈ-euˬ gʼawˇ mawˇ lmˬ bymˇ laꞈ kʼoeˇ buꞈ-iˇ-euˬ meh.

Gʼaˬkʼehˇ 2:30

Aˬ yawꞈ-aˬ, Miˬyehˇ gʼaˇ duˬ ngehˬ dah-eu tiˬ gʼaˬ pyeuꞈ-awˇ, Miˬyehˇ neh aˬ yawꞈ-ahˇ saˇ jaˇ dzaˬ taˬ-euˬ jeˬ-ahˇ aˬ yawꞈ siˬ nya meh. Daˬbiˇ-euˬ zaˬ deuˬ uˆ deuˬ laꞈ kʼoeˇ, Daˬbiˇ-ahˇ duˇ-eu sahˬ paˬ tiˬ gʼaˬ bi doˆ laˇ ma lehˇ, Miˬyehˇ saˇ jaˇ dzaˬ taˬ-euˬ meh.

1 Gawˇliˬtu 15:51

Naˇ haˬ-awˬ. Zaꞈ taˬ-euˬ yaw tsaˬ yaw dawˇ jeˬ ngaˇ naw maꞈ-ahˇ ehˇ nehˬ nyaˇ. Aˬ dui dawˬ tawˆ luꞈ ya shiˇ jiˇ-eu maˬ ngeuˇ-aˇ. Ehˇ kʼawꞈ, aˬ dui dawˬ tawˆ luꞈ-ahˇ yaw shuiꞈ bi paˇ laˇ jiˇ tehꞈ-a.

Dawˬmehˬ 31:16

Moˇseˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Gʼawˬ myahˇ maˬ gʼeh-ehˇ nawˇ ziˇ jiˇ le tehꞈ-a. Nawˇ shiˇ dzeuˇ ngeh, tsawˇ haˬ heu deuˬ ngaˬ-ahˇ saˇ jaˇ maˬ ziꞈ ni pyeuꞈ-iˇ-awˇ, ngaˬ neh aˬ yawꞈ maꞈ nehˬ-ehˇ dzaˬ taˬ-euˬ dawˬ ma saˇ jaˇ-ahˇ aˬ yawꞈ maꞈ puiˬ tehꞈ-a. Aˬ yawꞈ maꞈ ngaˬ-ahˇ byehˇ dzeh-awˇ, aˬ yawꞈ maꞈ jawˇ leˇ-eu lehˇ gʼeh-eu miˇ kʼahˬ laꞈ kʼoeˇ, lawˇ ciꞈ zaˬ deuˬ-euˬ miˬyehˇ deuˬ-ahˇ aˬ yawꞈ maꞈ uˬ duˬ tahˬ tehꞈ-a.

1 Teˇsaˬloˇni 4:14

Yeˬsuˇ shiˇ-awˇ paˇ gʼoꞈ dehꞈ laˇ-euˬ meh lehˇ aˬ dui jah-eu ma. Kʼoeˇ miˇ neh, Yeˬsuˇ-ahˇ jah jah-ehˇ shiˇ-euˬ tsawˇ haˬ deuˬ-ahˇ Yeˬsuˇ nehˬ-ehˇ tiˬ kawˆ loꞈ-ehˇ Miˬyehˇ sheuˬ kʼoꞈ laꞈ tehꞈ-a lehˇ aˬ dui jah-eu ma.